ankawa
منتدى الهجرة واللجوء => الهجرة و واللاجئين => الموضوع حرر بواسطة: الناسك في 12:02 06/11/2009
-
الينسون افضل من التاميفلو للوقاية من انفلونزا الخنازير
الى الاخوة المهاجرين
اكدت مجلة " ميديكال ريسيرش " الصينية ان شرب كوب من الينسون الدافئ وليس المغلي له فاعليه اكبر من عقار التاميفلو السويسري في الوقاية من مرض انفلونزا الخنازير المتفشي في العالم.
كما تنصح المجلة كل العاملين بمجال متعلق بالخنازير او في الدول الاجنبية التي تتغذى من لحوم الخنازير من شرب كوب من الينسون الدافئ صباحا على الريق قبل شرب او اكل اي شئ، فذلك حتى الان افضل طريقة مواجهة للمرض.
وفي نفس الاطار ازدادت اسعار الينسون في الصين خاصة بنسبة 50% بعد هذا الخبر.
وعلى جانب اخر اكد بعض الباحثون البريطانيون انهم توصلوا لفك الخريطة الجينية لفايرس H1N1 ، مما يعطي املا في صدور مصل مضاد للفايرس الذي تم اكتشاف خريطته تحديدا ( ليس من الشرط ان يكون فعال ضد كل انواع الفايرس).
ايضا البرتقال والليمون والموالح الغنية بفيتامين سي مفيدة للوقاية من المرض
الاخوة في منتديات عنكاوة عافاكم الله من كل مكروه ومن كل مرض ...
اخوكم الناسك
-
شكرا الك على المعلومات بس بصراحة اني مااعرف شنو هو الينسون؟؟؟
يعني اله أسم ثاني لو شنو ممكن توضيح
-
بارك اللله بيك اخونا على هذه المعلومات القيمة وبالنسبةوبالنسبة للاخ رافد الينسون اعشاب وموجودة في كل الدول العربية بنفس الاسم .....................اختك ايات / مصر
-
عمي الله يستر عليك
والله حيره هاي مال اللقاح وحتى للمتعلم ويقرا ويكتب انكليزي زين . وراح اتكلي ليش ؟
اكلك لان دخنه من الحجي مال المستشفيات والعيادات ومن جماعتنه العرب الي ديكولونه لا تاخذون اللقاح
والله دوخه
بس هسه انت جبت المختصر المفيد . ورحمالله والديك وتسلم عالخبر
والك مني كلاص ينسون من المكسيك الشقيقه. لان اني بميكسيكو مو بتكساس ;D ;D ;D
اخوك ابو عبد الله التكساسي
-
شكرا اخ ناسك على المعلومة الرائعه الله يبارك بيك
ابو فهمي
-
تسلم تسلم اخي العزيز .. معلوماتك جدا صحيحة وبارك الله بيك .ز
تحياتي
أبن خير
-
بس هسه انت جبت المختصر المفيد . ورحمالله والديك وتسلم عالخبر
والك مني كلاص ينسون من المكسيك الشقيقه. لان اني بميكسيكو مو بتكساس ;D ;D ;D
اخوك ابو عبد الله التكساسي
شكراً الك على كلماتك الطيبة اخ ابو عبد الله ورحملة والديك انته هم
واعتبر الكلاص مال ينسون وصل همات وان شاء الله سالمين الكل من كل مكروه بس هم بالاعلام الطبي يكولون ازمتهة بس هاي السنة وبعدين يخف لحد ما يتلاشى المرض وما خلق الله داء الا وخلق له دواء .
-
شكرا الك على المعلومات بس بصراحة اني مااعرف شنو هو الينسون؟؟؟
يعني اله أسم ثاني لو شنو ممكن توضيح
شكراً لمرورك اخ رافد واليك الرابط التالي في وكبيديا يطلعك على كافة المعلومات التي تخصض اليانسون وعافاك الله من كل مكروه
http://ar.wikipedia.org/wiki/%D9%8A%D8%A7%D9%86%D8%B3%D9%88%D9%86
-
شكراً للجميعواسعدتني ردودكم وبالخدمة
-
تسلم وتعيش اخي على نقل المعلومات بارك اللة بك ربي يوفقك
-
شكراً لكي انجي الرائعة وابارك الله بك ايضاً وانتي ايضاً سباقة في الفائدة دائماً
الناسك
-
اعزائي الكرام
ازلا شكرا للاخ ناسك علة المعلومة بالنسبة للينسون لانه افضل من كل اللقاحات او ارفق الكم هذا الخبر من وزيرة فيلندية تحذر من اللقاح او اهنا اب المانيا هم يحذرون من اللقاح لانه لي حد الان ما طلعت نتائج مضلر اللقاح السلبية على جسسم الانسان وتقبلو تحياتي
اخيكك
جوسي البغدادي المانيا
كلام خطير FYI
مما قالته وزيرة الصحة الفنلنديه بكل جرأة وصراحة متناهيه:
أن أمريكا تهدف لتقلص سكان العالم بنسبة الثلثين دون أن يتكبدوا بل يجنون المليارات وأجبروا منظمة الصحة العالميه على تصنيف أنفلونزا الخنازير بدرجة وباء مهلك كي يجعلوا التلقيح أجباريا لاخياريا وخاصة للشرائح المستهدفة أولا من الجيل القادم وهم الحوامل والأطفال...
حكومتنا الفنلنديه رفضت ذلك التصنيف وجعلت درجه المرض عاديه كي لايجبر أحد على التلقيح..
لايعرف مطلقا ما هي تأثبرات اللقاح بعد سنه أو 5 سنين أو 20 عام!؟.. أهو عقم مطلق أم سرطان أم غيره من الأمراض والأورام المهلكه!!؟
الأهم أن أمريكا أعفت الشركات المنتجه من تحمل أية مسؤوليه وذلك مؤشر خطير على النوايا المبيته....
من واجب الجميع التعميم لكل من تحبون وتعزون..
شاهدوا وأستمعوا للشريط ولكم القرار الأخير
Talks with the ex-minister of health of Finland
about swine flu
V. Important !!
La Dra Rauni Kilde habla sobre la Conspiración de la Gripe Porcina
http://www.youtube.com/watch?v=nTgyakGAddM
-
الف شكر اخوية وبارك الله بيك
-
شكرا للاخ ناسك والاخوه الذين يرفدوننا باي معلومه تفيد من الوقايه
من هذا الفيروس علما انه غير خطر وان شركات الادويه تروج لعمل
لقاحات يبدو من مصادر طبيه عالميه انها اي اللقاحات خطره على الصحه
البشريه على مدى الاعوام القادمه وقد ارسل بعض الاخوان بالمنتدى روابط
تبين خطوره اخذ هذا اللقاح
اخوكم سامي 949 من مصر
-
شكراً لكم
وصدكوني يا اخوان صدك هذا اللقاح مشبوه لأن اعفيت الشركة المصنعة من اي محاسبة قانونية في المستقبل اذا كان هنالك سايد افكت على الانسان .
ولكن يظل هذا الوباء خطيراً على الطفل وكبار السن ذوي الامراض المزمنة .
على فكرة اكو صديق اشترة من احد المذاخر ببغداد ابر اللقاح الواحدة بـ20$ بس هو هسة خايف ما استعملهن .
النــــــــــــــــــــــــــــــــــــــــــــــــاسك
-
عاشت ايدك ابني الناسك على هل الموضوع ...
بس بله زحمه يعني شنو منقوع الينسون مو مغلي؟؟؟ يعني اشلون ايسووه؟؟؟
ياريت ابنائي تسعفونه بالرد لانه اهنانه بدأ موسم الانفلاونزا ويوميه واحد منصاب ... والله يسترها ويه الكل
عمكم ابو محمود
-
عاشت ايدك ابني الناسك على هل الموضوع ...
بس بله زحمه يعني شنو منقوع الينسون مو مغلي؟؟؟ يعني اشلون ايسووه؟؟؟
ياريت ابنائي تسعفونه بالرد لانه اهنانه بدأ موسم الانفلاونزا ويوميه واحد منصاب ... والله يسترها ويه الكل
عمكم ابو محمود
اخي العزيز ابو محمود شكراً لك ويشرفني اكون ابنك
المنقوع هو غلي الماء مسبقاً ووضعة في اناء نظيف من ثم اضافة بذور اليانسون وتحرك مع الماء الدافي ... يعني تتلافة عملية اضافة اليانسون الى الماء وهو على النار يغلي ... لأنها تفقد من مكوناتها الطبية بسبب الحرارة الزائدة ... وبالمناسبة عندي صديق عشاب كان ينصحني بأن لا اغلي الاعشاب لأنها تغير من مكوناتها الطبية والفائدة اللي بيها تروح ... وهي الاعشاب ما تحتاج بس نقع بماء دافي حالها حال اكياس شاي لبتون !!!!!!!!
شكراً لسؤالك ... النــــــــــــــــــــــــــــــاسك [/size]
-
هو احنا اتصيرلنا جارة ؟؟؟؟؟؟؟؟؟؟
دماغنا حييييييل مغسول لا وفوكاهة اكو ناس دتشكر على نقل الخبر
وعبالكم بس احنا حتة بعض الامريكان ديفكرون هيج بحيث هذاك اليوم كلت وين عايش اني يا ربي بالعراق لو بامريكا
عمي ميعجبكم اللقاح لا تاخذو بدون متفتون فتواي واتكولون هذا رجس من عمل الشيطان
على هالحجي انبطل ناخذ لقاحات الابو اصفار A و B ولقاح السل ولقاج الجدري والحصبة وووووو
يعني اللي اخترع غير لقاحات منو جان مو نفسهم اللي اخترعوا لقاح الانفلاونزا الخنازير (الكفرة الامريكان) ؟؟؟؟ لو اني غلطان لو ابن حيان او ابن سينا لو ما اعرف من اخترعوا هاي القاحات ؟؟
امبدال منحمد الله وانشكرة اكو ناس دتشغل دماغهة وتخترع لقاحات انكول هذا رجسُ ومن عمل الشيطان
عرب وين طنبورة وين
واني متاكد لو مو شركة امريكية مسوية اللقاح جان الكل فتة فتوة تحليل اللقاح
اخوان حتة الدول الاسلامية بدت تعطي اللقاح بعد شنو يانسون شنو بطيخ
عمي هذا فيروس اذا الواحد لكفة لا ايفيد يانسون ولا ايفيد شربت حجي زبالة
بالمناسبة اني انطيت اول جرعة الابني قبل يومين وكالو وية متعطي اللقاح تظهر اعراض جانبية وحتة هاي مصارت لان اللقاح مصمم لاشخاص سليمين وذوي صحة جيدة وليس للشخص اللي عندة مشاكل او حساسية من البيض او ربو
والجرعة الثانية بعد شهر
وكولو يالله واحمدوا الله وشكروا على هالناس اللي دتسهر ليل ونهار وتخترع هيج اختراعات
كل مرة جايبينة خبر ايضحك امريكا اتريد تقتل البشرية امريكا ما اعرف شنو
يبوووووووووووووووووووووووووووووووو عفية ادمغتنا احنا العرب شكد جامدة متشوفون شكد دولنا العربية مطورة من ورة هيج ادمغة
مع احترامي للكل وصاحب الموضوع هذا رايي الشخص ولو اني مجنت حاب اعلق على الموضوع لان قبل معلق هواااية من اكو عضو قبلك نزل هاي الاخبار بس تعذرني متحملت
حبي ناسك واتكلي ليش اتصير عصبي
عمي اذا تجي امريكا شلون راح اتعيش اذا حتة اللقاح اليي ايسوو مو زين متكلي شلون راح اتعيش بهيج بلد ؟؟؟
تحياتي
-
فقط للمعلومات
حب الينسون يسمى Anise seeds باللغة الانكليزيه وقد يفيد الاخوة هنا في اميركا عند السؤال عن هذه الماده
وعافاكم الله و وقاكم من كل مرض
شكرا للاخ صاحب الموضوع
-
اخي العزيز ابو اندرو الوردة
شكراً لردك على الموضوع ومرورك اهلاً وسهلاً
اولاً : اولاً احنة تصيرلنة جارة ......................
ثانياً : طبعاً الناس تتشكر لأن الموضوع قيم ومفيد...................
ثالثاً : دماغنا ما مغسول ... لأن اكو هواي دول لحد هسة تستعمل الاعشاب والفواكة والخضر وحتى اعضاء الحيوانات للعلاج ... وهو اصلاً العلاج والادوية مأخوذ كلة من النباتات .......
رابعاً : وبخصوص الخوف من اللقاح ترة مو بس احنة خايفين كل العالم خايفين منة لأن الشركة الي صنعته اعفيت من المسائلة القانونية اذ ما ضر او سبب اضرار او سايد افكت ...... وانقر الرابط التالي http://www.aawsat.com/details.asp?section=4&article=530993&issueno=11211
خامساً : اللقاحات الي ذكرتهة الجدري والسل وغيرها . صنعوها بسنوات يعني مو ايام من ظهور المرض وشوكت جربوها مختبرياً وشوكت جربوها على الحيوان او على الانسان ولنفرض جربوها ترة التجارب يعني مو بيوم وليلة يكوم الانسان يدك دوانص .......
سادساً : أني ما جايب طاري الامريكان حفظهم الله ورعاهم !!!!!!!!!!!!!!!!!!
سابعاً :اللقاح مو تصنيع امريكي وانما هو من اختراع شركة ادوية سويسرية (نوفارتس) وانقر الرابط التالي http://www.alquds.com/node/200809
ثامناً : وتحوم الشكوك حول مركب « as03» الموجود في اللقاح ويُستعمل عادة لتقوية مفعوله، لان آثاره الجانبية لازالت مجهولة لحد الآن ............................
تاسعاً : واختم واكلك كل البلدان الي استوردت اللقاح اتورطت هسة بحيث انهم عرضوا على المواطنين التلقيح ليس اجباري وانما اختياري يعني اذا صار بيه شي لا سامح الله على مسؤوليته ....
عاشراً : يا اخي العزيز ابو اندرو شكراً لك ولمناقشتك الموضوع واحب مداخلاتك الرائعة وحتى توني رديت عليك بموضوعي الآخر ارجو منك ان تقراه وشكراً للجميع .
النـــــــــــــــــــــــــــــــــــــــاسك
-
حادي عشر : كل المواقع الي ذكرتهة مواقع عربية
اثنا عشر: اي شركة ممكن اتصنع اللقاح وفي اي بلد كان لان هية مكونات وايخبطوهة
ثلاثة عشر: ما اعتقد امريكا تحتاج شركة اتصنعهة اللقاح وادزهة الهم ( خطية امريكا ما عدها طب مطور بحيث تستورد اللقاح من سويسرا) وعلى الاكثر همة مكتشفي
رابع عشر: جانت قبل شركت باكستر الصهيونية صانعة اللقاح هسة اشو شركة سويسرية ؟؟!!
خامس عشر : وداعتك متصيرلنا جارة اذا انظل انفكر هيج
تحياتي
-
شكرا اخي الناسك كلامك صحيح 100% ...
وبالنهاية اخوان كل واحد براحته اللي مرتاح للقاح ياخذة ... واللي شاك بيه يتجنبه وكان الله يحب المحسنين
تحياتي
-
شكراً لكي اخت بنت بطوطة
شكراً على مرورك وردك على الموضوع بس مثل ما كلتي هو كل واحد وقناعته ...
التــــــــــــــــــــــــــــــــــــــــاسك
-
حادي عشر : كل المواقع الي ذكرتهة مواقع عربية
اثنا عشر: اي شركة ممكن اتصنع اللقاح وفي اي بلد كان لان هية مكونات وايخبطوهة
ثلاثة عشر: ما اعتقد امريكا تحتاج شركة اتصنعهة اللقاح وادزهة الهم ( خطية امريكا ما عدها طب مطور بحيث تستورد اللقاح من سويسرا) وعلى الاكثر همة مكتشفي
رابع عشر: جانت قبل شركت باكستر الصهيونية صانعة اللقاح هسة اشو شركة سويسرية ؟؟!!
خامس عشر : وداعتك متصيرلنا جارة اذا انظل انفكر هيج
تحياتي
ابو اندرو !!!!!!!!!!!!!! هاي انتة قافل قفلة اخت الجذب ....ههههههههههه[/size]
-
شكرا الناسك على الموضوع الحلو بس حبيت اضيف ان الينسون المقصود هو ان تعمله بنفس طريقة الشاي يعني يفور ويكلب جم كلبه مثل الجاي وبعدين تشربه دافي مثل ما تفضلت ومعلومه اخرى ارجو ان تفيدكم ان نسبه الوفيات من الافلاونزا العاديه عالميا لاتزلال اعلى من افلاونزا الخنازير وتكدرون تجيكون المعلومه من الانترنت تتميز افلاونزا الخنازير فقط انها اسرع انتشارا من العاديه يعني تعدي بسرعه وهي كاي افلاونزا اخرى يسببها فايروس يعني يخلص مدة الدوره مال ويولي الفايروس يموت وكل انواع الادويه الي ناخذها بكل انواع الافلاونزا مو ذات تاثير انشالله الصحه التامه للجميع
-
شكرا للمعلومه
ولكل الاراء
ابو اندرو حبيبي _الموضو للفائده_
وليانسون اذا شربته ما راح ايضرك
حتئ اتصير عصبي بهذا الشكل وانت تعرف اكثر الادويه من اعشاب
كما وتعرف سياسات الشريكات المصنعه للادويه
وفتهم من كلامك __مره اتكول خطير و__مره لا_فايروس ويعدي
ولهذا اطلب منك من باب الاخوه ان تتريث في الرد علئ اخونا الناسك
ومعاملته علئ انه فاعل خير
لا اذا هوه عطار وعنده كميه من اليانسون ايريد ايبيعه علينه ::)
وشكرا للجميع
-
شكرا اخي على الموضوع
-
شكرً لك حياوي
وشكراً لجميع الاخوة اصحاب الردود الحلوة ...
ونتمنى من الجميع المشاركة والاستفادة العامة ...
اخوكم الناســــــــــــــــــــــــــك