ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 17:54 07/11/2009
-
السلام عليكم اخواني وخواتي
انشاء الله بخير ومشتاقلكم كلش كلش وبنفس الوقت خجلان منكم كلش بس والله العضيم ربي شاهد
انو مناسيكم ودائما ابالي
طبعا مثل متعرفون اخذتني المنضمة حتى انسوي اوراقي
اول البارحة استلمت الفود ستامب وخصصولي 200 دولار كل شهر
وكلولي اختار 4 ارقام سرية خاصة بية
وبعد ذالك كالولي كلشي رح يجيك بالبريد السوشيل سكيورتي والايدي وترخيص العمل
وكل الاوراق واخذتني المنضمة البارحة حتى اسويلي اشتراك بالمكتبة
اما بالنسبة للتعليم اللغة كالولي رح انودييك للكالج رود ايلاند تتعلم احسن وبالفعل ثاني يوم يعني اليوم ودتني المنضمة للكالج ( جامعة رود ايلاند ) طبعا الجامعة شي خيالي وكلش حلوة ومرتبة
دخلنى للموضفة اخذت اسمي ومعلومات عني وكالتي رح انسويلك اختبار او امتحان حتى انحددلك باي مرحلة اتكون
سويت الامتحان واخذت 70بالمية
بس الموضفة كالتلي نصيحة الك انو تبقى بالمرحلة الاولى لان انت اتريد شهادة egd يعني شهادة الاعدادية
كلتهة اوكي طبعا كالتي رح تبقى خمس سنين فري مجانا وقبل هذة المدة اذا صرت 100 بالمية باللغة الانكليزية تكدر تبطل بس انتة منحتك 5 اسنين
ودلتني الصف مالتي وعرفتني على المدرسة وطبعا شفت ناس من كل الجنسيات مصريين وايرانيين وعراقيين وسوريين وكلشي
وكالولي تبدي من ويم الاثنين من ساعة 9 الى ساعة 1 الضهر
وانطوني المنضمة الخط رحلة الباص وانطوني كارت شهري فري خاص بالباص
حتى اروح واجي وانطوني كلشي خاص بالدراسة مثل ملازم واقلام وكلشي
وكالولي احنى رح انودييك اول يوم وثاني يوم وبعديين انت اتروح وتجي وحدك حتى تندل وتعرف
طبعا نصحوني انو ما اختلط كثير وية العرب او ما احجي عربي وية العرب علمود الانكليزية
وانشاء الله اليوم اخذلكم صور من داخل رود ايلاند ومن اداوم بالكالج رح اخذلكم صور
طبعا المنضمة كانت مو زينة ويايية بس سوينة عيطة واشتكينة عند حاكم الولاية وراها جارو عدل وياية
بدلولي كل الغراض
اخذوني للويل مارت سوبر ماركت
اخذولي 2 بطانية جديدة لان هنا البرد قارص
و2 مخدات جديدة
وميز + مراية وسرير و2 دوشك لان هنا النضام دوشكيين الدوشك الاول ايكون عبارة عن اطار خشب وداخلة سبرنك وفوكا الدوشك اسفنج ضغط عالي
وملابس جديدة
وكل شوية ايجبولي شي
ميجون الة بالعين الحمرة :D :D
وهذا كل اللي صار وياية
اخوكم جوزيف
-
اخبارك حلوة وياربي الموفقية والحياة السعيدة
وعاشت ايدك الظاهر خوش حاركهم يم الحاكم مال الولاية
-
جوزيف حبيبي,
والله العظيم هلكد ما فرحانلك عبالك اني الي دخلت الكلية, الف الف الف الف الف الف الف مبروك اخوية العزيز على هل البشارة الحلوة, وانصحك اخوية اهم شي الكلية لأن تقوية لغة + شهادة , وهذا باب المستقبل الي انفتحلك على مصراعيه مثل ميكلون ... شايف كل الخير اخوية واتمنالك الموفقية والنجاح والحياة السعيدة وان شاء الله دائما اتجيبلنة الاخبار الحلوة ...
ريفولفر
-
الف الف الف مبروك وان شاء الله الموفقية والنجاح في الحياة
-
موفق انشاءالله وشد حيلك
-
اولا اهلا وسهلا بك اخي العزيز جوزيف واهلا ومليون سهلا بك في الولايات المتحدة والف مبروك لتسجيلك بالمدرسة لتعليم اللغة ربي يوفقك بكل مراحل حياتك موفق
-
اخويه الطيب ..جوزيف
والل حييييييل فرحت بهالاخبار الحلوة ياربي دائما في توفيق ونجاح ..تستاهل كل الخير....ونشاله دائما نسمع منك الاخبار الحلوه ..الي تطمن وتريح الكل اكيد..بارك الله بيك..ويكثر من امثالك يارب ...ويحفظك لشبابك واهلك ومحبيك ..امين يارب
وقريت تبريكاتك واسفك ..واكولك انت اخويه العزيز لتتاسف ابد ويكفي فرحتك النا وتبريكاتك الحلوة..وهذا اكيد من كرم اخلاقك وطيب اصلك..
اختك مريمانه
-
شايف كل الخير وانت بالاتجاه الصحيح
اتمنالك كل الموفقية
-
اخويه جوزيف
الف مبروك والموفقيه ان شاء الله
نهاد
-
بالتوفيق انشالله اخوي العزيز جوزيف وشايف كل الخير بسكنك وبدراستك انشالله
-
بالخير اخونة الطيب جوزيف وشد حيلك بالدراسة ترة الامتحانات على الابواب .
أخوك
ابو علي
-
الف الف الف مبروك وان شاء الله الموفقية والنجاح في الحياة الى الفضل
عماد الشمري
-
اللف حمد الله على سلامتك ودائما من نجاح الى نجاح بأذن الله
-
اخوية العزيز جوزيف,
بلا امراً عليك من يصيرلك مجال ياريت تنطينة نبذة عن الاسئلة الي امتحنت بيها والمواد الي واجهتك .. ياريت ياريت من يصيرلك مجال تحجيلنة بيها تفاصيل لأن اخوتك كلها دتنتظر هاي المواضيع بفارغ الصبر ..
اخوك ريفولفر
-
الف الف مبروك اخي العزيز انشاء الله التوفيق في كل مراحل حياتك بأذن الله
اخوك
79 النرجس
-
السلام عليكم اخواني الاعزاء
الف الف شكر على هذة التبريكات الحلوة وبارك الله بيكم وصدكوني كلش فرحت من قريت ردودكم ياطيبيب
ويارب اسمع عنكم كل اخبار حلوة
ويفتح رب العالميين جميع ابوابة بوجهكم
اخوكم جوزيف
واخوية العزيز ريفوليفر غالي والطلب رخيص تدلل
اخوكم جوزيف
-
بالتوفيق صديقي العزيز.........نتمنالك التقدم والنجاح الدائم
-
اخويه العزيز جوزيف
الحمدلله على سلامتك
شلون اتسافر واني مااودعك
بس والله طلعت بلوه سوده.. يعني خليتنا نبجي من طلع سفر اهلك وانت مو وياهم وضليت ادعيلك
تالي سويتها وسافرت انت وبقيتهم وراك على كولة المثل اجا خلاف وركب على الجتااااف
ان شاء الله ياربي كلهم يجون وراك
وشنو هاالبداعه شنو هالتقدم الحلو ياربي ان شاء الله احضر حفلة تخرجك واهلهل هناااك وافضحك بنص الامريكاان
ياربي نسمع احلى الاخبار وخليك على اتصال مو من تلتهي بالدراسه بعد منشوفك
اختك ريم وراااك وراااك
-
الفمبروك جوزيف ويارب اتكون فاتحه خير بالموفقيه وعجبتني كلش اهواي مال ميجون اله بالعين الحمره ههههههههههههه
-
السلام عليكم اخواني وخواتي
مشكوريين جميعا على هذة الردود
اختي العزيزة ريم والله العضيم والله شاهد وتكدريين اسئليين الاخوى جميعا انو اني كتبت موعد سفري تقريبا قبل اسبوع من سفري بس انتي مموجودة
ومشكورة جدا جدا على هذة المشاعر الطيبة وبارك الله بيج ياوردة
اخوية العزيز والله الصراحة اول 3 ايام بس مشاكل وية المنضمة وطلعت هية منضمة او الستاف مال المنضمة جديد وميعرف شي وماعدهة اتصالات كثيرة
بس مو معناهة توكع براسنة فة كبيت عليهم مفاد اشتكيت لحاكم الولاية وبعدين مشو عدل والحمدالله والشكر على كل شي
اخوكم جوزيف
-
الف مبروووووووووك استلام الفود ستامب ودورة اللغه وتبديل الغراض ومبرررروك لان جرو عدل ;D
علي الوكح