ankawa
منتدى الهجرة واللجوء => الهجرة و واللاجئين => الموضوع حرر بواسطة: ethan texas في 03:23 08/11/2009
-
السلام عليكم اخواني وخواتي
بناءا على طلب اخوية العزيز ريفوليفر يمكن اذا لفضت اسمة صحيح اني اسف
حبيت اليوم انطيكم نبذة او شرح عن الاسئلة الي انطوهة الي بالجامعة لتحديد مستوى اللغة الخاصة بية
طبعا بالبداية الكيس وركر الخاص بيك رح ايوديك للمنضمة مالتك بيهة فرع خاص بالتعليم اللغة الانكليزية بس طبعا حسب ماكالولي الناس هنا المنضمة متعلم زين ومتفهم زين فة نصحوني اطلب من عدهم ايوديوني للجامعة اتعلم بيهة وصحيح هية مدة اطول بس احسن وتعليمهم احسن
وطبعا طلبت من الكيس ووركر كتلة اني اريد اروح للجامعة اتعلم انكليزي طبعا بلا اول رفض بس كتلة هذا الي اريدة وغيرة ما اريد
ثاني يوم وداني للرسبشن الخاص بالجامعة وقدم اوراقي وقدم بطاقة الاي 94 الخاصة بية على انو اني ريفيوجي ( لاجئ)
مليت استمارة اسمي وعمري وكل الاشياء الي طلبوهة مني
وطبعا الامتحان ايكون على نوعيين
اما عن طريق الكمبيوتر
او عن طريق ورقة وقلم
امتحنوني اني عن طريق الكمبيوتر مرحلة اولى يعني ( لفل وان )
انطوني دفتر ورقة
الورقة بيهة من سئوال الى 100 سئوال
ال 100 سئوال كلهة المرحلة الثالثة يعني لفل 3
اما 35 سئوال مرحلة اولى
ول70 سئوال مرحلة ثانية
طبعا كل مرحلة تختلف الاسئلة عن المرحلة الي قبلهة او بعدها
-انطوني ورقة بيهة 35 اجابة عبارة عن a _ b _c_d
والدفتر كل صفحة بيهة رسم ليفوك مثلا اشارة مرور او جملة بيهة وقت
مثلا ذهب احمد الى المدرسة ساعة 4:45 فجرا
جواها اكو سئوال
متى ذهب احمد الى المدرسة
a_ 5:45
b_10:34
c_3:33
d_4:45
بعديين انتة تختار بالورقة مو بالدفتر
الاختيار وتحوط علية وكذالك
وتخلص الاسئلة
بعديين اتوديهة للمعلمة او الشخص الي سلمك الورقة رح تطلع النتيجة بالشاشة الكمبيوتر
اذا جاوبت على كل الاسئلة او على 30 سئوال كلهة صح ايخلوك بالمرحلة الثانية
وهذا الي صار وياية اس اني بقوني بالمرحلة الاولى لان سبق وان قلت الكم انو اني اريد شهادة الاعدادية الي اسمها e_g_d حتى اكدر اكمل جامعة وطبعا الجامعة كلش غالية بس كالولي تكدر تاخذ قرض فدرالي وبعديين اسددة على شكل اقساط
وانشاء الله يوم الاثنين من اباشر بالدراسة رح اخذلكم صور
اخوكم جوزيف واني اسف جدا على التقصير
:-* :-*
-
عمي جو
الف حمد الله على سلامتك
ويا تقصير انت اصلا بدعت بالشرح عاشت ايدك
وموفق باذن الله تعالى
اخوك الجبير ابو عبد الله التكساسي
-
اخوية العزيز ابو عبدالله الف شكر على تبريكاتك ياوردة
وبارك الله بيك
والله العضيم اشكد ما اقول واكتب مواضييع احس نفسي مقصر لان الي استفاديتة من الاخوة والاخوات هنا شي اكبر من الي دا اشرحلة
طبعا اني اسف غلطت بالطبع وكتبت اني امتحنت على الكمبيوتر
بس اني انطوني ورقة وقلم مثل ماشرحت وليس على الكمبيوتر
اخوكم جوزيف
-
ال الف مبروك
-
الف شكر لك اخي جوزيف على المعلومات مشكور
-
مبروك اخ جزيف وانشآ الله تاخذ شهادة الجي اي دي اذا ستمرية على الدراسه واتمنى لك التوفيق ... اخي انصحك بآن تشتري من مكتبة الجامعه كتاب الجي اي دي وهو كتاب جدآ مفيد ويتكون من 400 صفحة واكثر كتاب مفيد وشامل لكل ما تحتاجه لي دراسة الجي اي دي وسعره مناسب الجديد سعره 17 دولار وكسور والمستخدم يكون ارخص بقليل وحسب نوع الدامج .. تقبل تحياتي
-
الف الف مبروك انشاء الله تخلص وتقدم عالجامعة بأسرع وقت
-
أخوية جوزيف حبيبي انت,
الف رحمة على والديك اخوية العزيز الغالي ربي يحفظك ان شاء الله ويوفقك وعاشت ايديك حبي, ابديها من البداية صح واتوكل على رب العالمين وهوة المُعين وان شاء الله اتخلص الاعدادية والكلية وتحصل شهادة من احسن الكليات بلعالم ياربي. تسلملي على الشرح والله يبارك بيك . مبروك مرة لخ اخوية العزيز ربي ميحرمنة منك .
ريفولفر
-
بالتوفيق ان شاءالله اخوي الغالي جوزيف
-
الاخ جوزيف شكرا على المعلومات الحلوة ... وان شاء الله تتوفق وتحصل على الشهادة اللي تريدها
من فضلك شنو شهادة EGD ؟؟
وشنو تفيد اذا الواحد اخذها؟؟؟ وما المدة حتى يحصل عليها؟؟ وحتى الواحد لو كان متخرج من كلية ممكن يأخذها؟
صابرين
-
منون منك يا جوزين الجزء الثاني على هذه المعلومات القيمة و ان شاء الله ترفدنا بكل ما هم جديد يصير وياك بس هسة انت مادام بامريكا لازم اتغير اسمع الى جوزيف الثالث و من تاخذ الجنسية الأمريكية اتصير جوزيف الثالث عشر هههههههههههههههههههه
-
تسلم ايدك اخويه جوزيف على هاي المعلومات لان بصراحه هاي تنفعنه لان على طريق السفر احنا
وانشالله تدرس وربي يوفقك تنجح الف مبروك اخويه
اخوك : الفريدو
-
السلام عليكم
اشلونك اخويه بمكانك الجديد يارب اتكون باتم الراحه
بالنسبه للدوره يعني اشكد اطول اي الكورس مالتها ؟ وهاي بكل ولايه نكدر نطلب من الكيس وركر هذا الشئ لو كل ولايه شكل ؟
ومن خلال المرور منك اسلم على اخويه شوقي ابو عبد الله الكرخي الاصيل
اخوكم
ابو ماجد
تحياتي
-
اخي العزيز جوزيف
عاشت ايدك ع الموضوع بس حبيت اتاكد من شغله انته تقصد شهاده
ال GED =General Education Degree
طبعا هاي الشهاده بمثابه الشهاده الاعداديه وهيه تاهلك للدخول للجامعه
بس سؤالي الك انته بالنكليزي زين لان اذا زين ميحتاج تدخل ال ESL حته تاخذ هاي الشهاده لان اذا تمتحنه وتنجح بيه متحتاج ال ESL وبالمناسبه هيه هاي موجوده باي هاي اسكول و تكدر تسئل عليه بالكنائس لان اتكون مجانيه الدورات بيه
واي سؤال بخصوص الدراسه او اي شي تحتاجه اني حاظر
تحياتي
-
السلام عليكم اخواني خواتي
مشكوريين جميعا على هذة التبريكات الحلوة وبارك الله بيكم ويارب اسمع عنكم كل اخبار حلوة
اختي العزيزة صابريين بالنسبة لسئوالج هية شهادة اتخليج او اتهئلج انو ادخليين جامعة طبعا هية مجانية بس اذا انتي اتعرفيين انكليزي ماكو داعي ادخليين دورة بلا انكليزي مجرد تمحنيين وتاخذيين الشهادة
بس اني متاقن الانكليزية جيد جدا حتى اكدر امتحن فة لهذا اني دخلت دورة انكليزية حتى اقوي انكليزيتي وامتحن واخذ الشهادة
والدورة الانكليزية حسب اللفل او المرحلة الي رد ادخليين بيهة لان اكو 3 مراحل
وكل مرحلة تفرق عن الخ
اما بالنسبة اذا عندج شهادة كلية تكدريين فة ما اعرف بيهة بس هذة الشهادةة اتخلييج اتخلييج ادخليين جامعة لان من غير هذة الشهادة مو ممكن ادخليين جامعة هذا حسب ما العالم فهموني هنا
وتدليين
اخوية العزيز volca بالنسبة للشهادة اقصد شهادة الاعدادية مثل مشرحت للاخت صابريين لان اني اريد اكمل جامعة
واني مو كلش جيد جدا بلاانكليزي وصدكني اعرف هنا با امريكا مترجميين من وصلو امريكا هم دخلو دورات
فة اني ردت اتقن الانكليزي جيد لان اريد ادخل جامعة
ومشكور جدا على المساعدة وبارك الله بيك اخوية العزيز
اخوية
abomagid
بالنسبة لسئوالك اكيد تكدر اتكول للكيس وركر اني ما اريد ادخل دورة بالمنضة مالتي او يجيني متطوع للبيت ايعلمني
لان المتطوع يجيك بالاسبوع مرتيين بس بالجامعة يوميا من يوم الاثنين ليوم الجمعة واوقات الدوام من ساعة بال 9 الى ساعة 12 وطبعا المنضمة رح ازودك بكارت باص شهري ورح تنطييك خطة رحلة الباص من البيت للجامعة
اخوكم جوزيف
-
اخي العزيز جوزيف
اتمنالك الموفقيه
بس اني حبيت اختصرلك الزمن
تحياتي
-
مشكور اخي جوزيف عى المعلومات الجميلة والتوفيق لك
-
[
/font]
مبروووووك اخ جوزيف وأتمنى لك الموفقيه بحياتك الجديده
تقبل مرور اخيك فصولي
-
مبروك عيني ابو الزوز نجاحك باول اختبار
وهشكل يوميه راح ندرس وياك درس درس بس احنا نمتحن خارجي
ياربي ايوفقك واينجحك بامتياز ان شاء الله
مادام انت هيجي شاطر ومثابر تستاهل كل خير
اختك ريم
-
مشكوريين اخواني الاعزاء وبارك الله بيكم
بس نصيحة مني الكم يعني من توصولن حاولو ادخلون بالجامعة تعليم اللغة الانكليزية صح الكلمات شوية معقدة اكثر ويعلموك مصطلحات علمية
بس تتعلم اكثر مما رح تتعلمة بالمنظمة
لان اني المنظمة شهريين فقط انما الجامعة خمس سنوات
وهذا الي صار وياية
اخوكم جوزيف
-
اتمنالك التوفيق والنجاح جوزيف وشكرا على المعلومات
تحياتي
-
لاشكر على واجب اخوية العزيز عكعك
هذا واجب علية
اخوكم جوزيف
-
شكرا اخوية جوزيف و ان شاءالله تتوفق و يوم تبشرنة بدخولك الجامعة
-
شكرااخويه على هاي المعلومات وان شاء الله الموفقيه الك وللجميع
شكررااا
-
تسلم اخوية جوزيف على الشرح الجميل واتمنى لك التوفيق والنجاح
-
اخي جوزيف قد اكفيت واوفيت بما وضعت من شرح
لأفادتنا
ان شا ء الله يتحقق ماتتمناه
وتتوفق في حياتك
ودمت بكل الخير
لكَ تحياتي..~