ankawa
منتدى الهجرة واللجوء => الهجرة و واللاجئين => الموضوع حرر بواسطة: Boney M في 09:07 08/11/2009
-
إخواني وأخواتي: تحية محبة
لقد أكملنا الدورة التثقيفية قبل 40 يوماً وتم تقسيمنا على مجموعتين. المجموعة الأولى سافروا قبل عشرة أيام ومجموعتنا إلى هذه اللحظة لم نستلم أي اتصال أو معلومة عن موعد السفر وكلما اتصلنا بالـ IOM للإستفسار يقولون (((ليس هناك جديد ونحن سنتصل بكم عندما يستجد شئ))). علماً أنني أتصل بهم مرتين كل اسبوع.
سؤالي هو أنني لاحظت من بعض الأخوة خصوصاً من الموجودين بالإمارات أنهم يقومون بالإتصال بمكتب الـ ICMC الموجود في تركيا ويتعرفون منهم على حالة ملفهم حتى أن قسم منهم أخذوا مواعيد سفرهم من هذا المكتب. فهل تنصحوننا بالإتصال بهذا المكتب؟؟؟ أم أنهم سيقومون بإخبار الـ IOM وبالتالي قد ينزعجون و (((يدكوها خباثة وينيمون طابوكة على ملفنا))). علماً أننا لا نعرف لحد الآن الولاية المفترض توطيننا يكون بها.
أرجو إبداء النصيحة ولكم جزيل الشكر والإحترام.
-
تره النصيحة ببلاش والله
-
اخونه اولا انت باي دوله لان حسب الدوله تكون المنظمه المس}وله عنها يعني مصر الاردن سوريا مسؤوله عليهم I.O.M اما دول الخليج ولبنان مسؤوله عليهم منظمة ICMC مع تحيات اختكم شجرة الدر
-
أختي العزيزة شجرة الدر:
آني جداً ممنون على الرد. إحنة بالكويت وكلامج صحيح ICMC مسؤولة عن موضوعنا.
-
وأحب أضيف شي ثاني أنه لما سوولنا الدورة التثقيفية كانت اللي تلقي الدورة أمريكية من ICMC تركيا لكن مع هذا فإن مكتب IOM اللي انفتح هالسنة بالكويت هو اللي ينظم الأمور وملفنا تحول من UNHCR إلهم.
-
اخي العزيز
الملفات الي بال ICMC من تكمل ايحولوه لل IOM لان المكتب الاخير ايكون مسؤل بس ع طريقه السفر من تكتات و حجز وهاي الامور بس غير امور ايكون مكتب ال ICMC مسؤل عليه
الصراحه مال سالفه ايسووه خباثه هاي ماكو لان هاي اذا ايجاوبون ع التلفون مالتك
انته تقصد ال icmc الي باسطنبول
اذا هيه عادي تكدر اتخابرهم واذا اتحب اكدر اجيبلك تلفوناتهم بس الي يطلعلك ع التلفون يحجي بس تركي لازم اتكله حولني ع واحد عربي
تحياتي
-
أخي العزيز volca:
آني كلش أشكرك على ردك وكرمك الجميل.
نعم آني أقصد ICMC مال تركيا. زين انت شتنصح أتصل بيهم لو لا؟ وإذا ردوا على التلفون ما ممكن يتكلمون إنكليزي؟
بالمناسبة أكو أخ سوداني من أعضاء المنتدى ذكر قبل يومين أنه خابرهم وكالوله الولاية وموعد السفر وما أعتقد هو يتكلم تركي. إضافة إلى ذلك فالإخوة الموجودين بالإمارات هم كاعد يتصلون بتركيا (شوف مواضيع الأخ ملك الحيرة).
أشكرك مرة ثانية أخي العزيز
-
اخي العزيز
اذا اتريد تتصل بيهم الي راح يطلعلك بس كله (عربجه ترجمان ) يعني مترجم عربي و هوه راح ايحولك عليهم وتكدر اتسئله ع الولايه و كله ان ملفك كامل اتحول ع ال IOM اذا كلك اي وانشاء الله ايكلك اي يعني ملفك كامل و اتخابر ال IOM وينطوك موعد طيران باقرب وكت
اخي نصيحي خابرهم عادي قابل شيريدون ايسوون مثلا
واي شي تحتاج اني حاظر
اخوك علي
تحياتي
-
آني هوايو ممنون منك أخوية علاوي الشهم وما يحرمنا منك.
باجر أتصل بيهم وأشوف شيصير.
-
اخويه الغالي
اني ما سويت شي ولله وانشاء الله الله ايسهل عليك وتسمعنه اخبار حلوه
اتمنالك الموفقيه
تحياتي
-
اي ماكو اي مشكلة اخوي بوني ام
تقدر تتصل بيهم كل يوم اذا تريد هما كلش ودودين وطيبين ويتفهمون وضعك وشلون عايش
اتصل بيهم واسألهم عن ولايتك وعن المنظمة اللي راح تكون مسئولة عنك هناك وهم اسألهم عن ملفك وليش التاخير
وتمنياتي لك بالتوفيق
اخوك
alwismy