ankawa
منتدى الهجرة واللجوء => الهجرة و واللاجئين => الموضوع حرر بواسطة: b@rbie في 22:46 09/11/2009
-
يا جماعه عندي اسـأله
1.اني مقدمه تقديم مباشر اي او ام عمان ممكن ينطولنه مساعدات؟وشنو تكون في حال ينطون
2.جميع الاعمار ايفوتون لجميع المقابلات؟ومن يا عمر يفوتون للمقابه
3.احنا المقدم الرئيسي هي اختي ومتزوجه ووياها مقدمين احنا
قبل كم يوم خابرتها موضفه ب اي او ام وكالتلها تريدين اهلج يكونون وياج بالمعامله رابط قوي لو رابط ضعيف
شديقصدون بهل شي هي كالتلهم صله عاديه
راح تأثر علينه وشنو قصدهم بالضبط بهل حجايتين واذا انريد نرجع نسويها صله قويه شلون هي كالت صلة قرابه عاديه لان خافت لنكون كلنه بفود ستامب وحده وجميع الحقوق ميحسبوها هي عائله واحنا عائله هي رادت تكون مستقله
اضافتا ليهسه بس مقابله تعريفيه وحده مسويه هي وابنها راحو بس وانطولها موعد على شهر الجاي مقابله منعرف شلون راح تكون وكالتلها الموضفه بس راح تاثر انو همه اجرائاتهم تتاخر وراج بشهر مفتهمنه شي
ياريت اليعرف وصايره بي هالحاله يفهمني
-
عزيزتي b@rbie
راح اجاوبج على الاسئله الي اعرفها والباقي الاخوان ايفيدوج بيها وايصححولي اذا كان بيه غلط
بالنسبه للربط الضعيف والقوي
انتوا كيس واحد راح ايسووكم كيسين في نفس القضيه يعني عائلتين ايروحون لنفس الولايه
اذا خليتوا الربط ضعيف فراح ايكون الاتي
اي من هذه العائلتين تكمل معاملتهم وتجيهم الامنيه ويتحددلهم سفر ايسافرون بدون التقيد مع العائله الثانيه
وراح اتكون اقامتهم في نفس الولايه وبمكان اقامه منفصل يعني كل عائله بشقه
اما اذا كان الربط قوي
معناها متسافرون الا تخلص موافقات العائلتين كاملة ولازم اتسافرون مجتمعين والاقامه في مكان واحد اذا توفر
فالافضل اتسوون الربط ضعيف حتى ايكون اكو مساحه من الحريه لكل عائله
بالنسبه للمقابلات صاحب الكيس ايقابل مقابله وحده منفرد و باقي المقابلات الكل يحضروها
اختك ريم
-
انا اتفق معكي اختي العزيزه ريم عبد شكرا لك والله كفيتي ووفيتي الله يسر امر الجميع يارب امين
اخوك
79 النرجس