ankawa
منتدى الهجرة واللجوء => الهجرة و واللاجئين => الموضوع حرر بواسطة: moon1984 في 14:54 12/11/2009
-
السلام عليك اخواني الاعزاء الخبر صحيح لا حول ولا قوة الا بالله
هذا ما حصل لها بعد 10 أيام من أخذها التطعيم ضد انفلونزا الخنازير
واتمنه ايضا
اضغط على الرابط للمشاهده
الفيديو الاول
http://www.youtube.com/watch?v=cEN5KGwNGeo
الفيديو الثاني
http://www.youtube.com/watch?v=S-G5Uunhblw
واتمنى بعده مشاهده هاي البينه الخطيه الي تورطت باللقاح نريد نعرف راي اخوانه وخواتنا بامريكا وحقيقه الموضوع هاي الفتاه و شنو الشغله يكولون اجباريه واذا ماتاخذه لو تنحبس شهر وغرامه الف دولار واتمنه من اخواني وخواتنا يوضحون النا اكثر
اليوم اني دورت باليوتيوب ولكيت انه التلحقيح اجباري وحتى منظمه الصحه رفعت المرض وخلته وباء حتى يصير اجباري مو اختياري واكبر مثال هذا الفيديو الي يحجي بيه عن ولايه مساسوتش-بوسطن الي يثبت انه فيه حبس وغرامه بس الي اريد اعرفه وحسب قول الاخوان يمكن كل ولايه شكل قانونه الرجاء التوضيح من اخواني ومن اختى دره واخي بيب انتوا بيا ولايات ساكنين حتى نعرف شنو كل ولايه قانون شكل
http://www.youtube.com/watch?v=2_oD55WvDmM
هذا اول فيديو
http://www.youtube.com/watch?v=PVkX6-7RY0Y
وهذا الثاني
اتمنه ان يوضحون النا اخوانا في امريكا لان هم احنا اني وعائليتي شغلتنا مابقى شي اله فلازم واحد يفهم الامور قبل مايسافر ويشوف شنو الصحيح شنو الغلط
تحياتي للجميع
اخوكم moon1984
-
حسب مافهمت انه هاي حالة تحدث واحد بالمليون سبحان الله
الله يشفي الجميع
شكرا الك على الموضوع
-
رغم اني وحدة من الناس اللي رافضة بشكل نهائي اخذ اللقاح لكن مع ذلك حسيت اكو مبالغة بالفديو وهذه الفتاة دتمثل ماعرف ليش اشو مكياجها وشعرها مو مال وحدة عدها هيج مرض عصبي ..
وتبقى هواية علامات استفهام ورة هذا اللقاح والله اعلم ... الله يحفظنا ويحفظكم من الامراض والاوبئة
تحياتي لصاحب الموضوع
-
اخي العزيز
احب اكلك شغله تره القاح مو اجباري اتريد تاخذه اخذه اتريد متاخذه محد راح يكطع عليك الحصه التموينيه ويكلك انته ماخذته ويدزون عليك ويسووه هوسه
وبعدين الصراحه اشوف الموضوع اخذ حيز اكبر من حجمه وصارت عليه هاله بس عد الله خبره والي ايكلك الامريكان ايريدون ايقللون عدد السكان بالعالم والي ايطلعلك فديو مثل الي عرضته حظرتك اشو احنه بامريكا وماشفنه هيج سالفه
وبالمناسبه تره امريكا اهم شي عده مواطنيها واحنه شفنه الي سوته بالعالم كله بعد احداث سبتمر وهسه ايكولون امريكا اتريد اتقلل السكان بالعالم وتبدي بمواطنيه ليش شكو قابل هيه بلدان العالم الثالث الي اتجيب لقاحات ملوثه وتنطيه للعالم
ومع ذالك اكلك الي ايريد ياخذ القاح ياخذه والي ميريده لياخذه يبقه بكيفه مو اجباري
اسف ع الاطاله
تحياتي
-
اخويه العزيز والله ماباوعت على الفديو
لان اني عايش بكوريا والكل بالدارس اخذو اللقاح وقبل هذا الشي الدكاتره طعموا بيه المهم اريد اكول شي بطلو هاي السوالف مال شوف وباوع ترى عيب
-
ههههههههههههههههههههههه
اخي كاتب الموضع
راح احجي وياك ولا تزعل مني
لان لا انت ولا الاخوة الاعضاء اللي شافو هاي البنية بالفيديو اللي انت حاطة لكفو شنو الفلم ؟؟
اخوان رجعوا شوفو الرابط مال بنية اللي دة تحجي بصورة متقطعة بسبب تاثير اللقاح
واذا متعرفون انكليزي كعدوا واحد يمكم يفتهم انكليزي حتة اتعرفون على شنو ديحجون
راح اتشوفون انه ديحجون مو علة لقاح انفلونزا الخنازير
اول شي المعلق من بدة الفيديو ايكول
A shocking side effect to a routine side effect for vaccination
بعدين من بدت المذيعة والمذيع ديحجون كالو
A very rear reaction to a seasonal Flu shot
ديحجون على لقاح الانفلونزا الموسمية والل ايسيموهة Seasonal Flu وتاثير هذ اللقاح هو تاثير لقاح seasonal flu vaccine
والشي اللي دتعاني من عندة هو صحيح لان الاعراض الجانبية مال لقاحات الانفلاونزا كلهة هية اعرض مختلطة مثل اللي شفتوا
والسبب لان هذا اللقاح مصمم لاشخاص لا يعانون من مشاكل صحية مثل الربو او حساسية من البيض ووووو هواية اشياء
وقبل 3 ايام رحت وديت ابني عمرة سنتين وشهرين لقحتة مال انفلونزا الخنازير وكالونا راح تظهر علية اعراض مثل الانفلونزا بعد اللقاح بس كلشي مصار
وقبل مينطون لقاح انفلونزا الخنازير سئلونا هواية اسئلة عن الشي اللي يعاني من عندة الشخص اذا شافو وحدة من الاشياء اللي ذاكريهة واللي تمنع اخذ اللقاح فمينطون اللقاح
عمي كاتب الموضوع كول يا الله وروح لقح عالسريع بدون هالخرافات اللي كل مرة طالعة يابة شنو امريكا اتريد تكتل البشرية بهل لقاح
بالمناسبة لقاح انفلونزا الخنازير مصنوع من بيض الدجاج اذا عندك حساسية من البيض فمراح ينطون القاح لاي شخص يعني من هذه الحساسية
تحياتي
-
ههههههههههههههههههههههه
اخي كاتب الموضع
راح احجي وياك ولا تزعل مني
لان لا انت ولا الاخوة الاعضاء اللي شافو هاي البنية بالفيديو اللي انت حاطة لكفو شنو الفلم ؟؟
اخوان رجعوا شوفو الرابط مال بنية اللي دة تحجي بصورة متقطعة بسبب تاثير اللقاح
واذا متعرفون انكليزي كعدوا واحد يمكم يفتهم انكليزي حتة اتعرفون على شنو ديحجون
راح اتشوفون انه ديحجون مو علة لقاح انفلونزا الخنازير
اول شي المعلق من بدة الفيديو ايكول
A shocking side effect to a routine side effect for vaccination
بعدين من بدت المذيعة والمذيع ديحجون كالو
A very rear reaction to a seasonal Flu shot
ديحجون على لقاح الانفلونزا الموسمية والل ايسيموهة Seasonal Flu وتاثير هذ اللقاح هو تاثير لقاح seasonal flu vaccine
والشي اللي دتعاني من عندة هو صحيح لان الاعراض الجانبية مال لقاحات الانفلاونزا كلهة هية اعرض مختلطة مثل اللي شفتوا
والسبب لان هذا اللقاح مصمم لاشخاص لا يعانون من مشاكل صحية مثل الربو او حساسية من البيض ووووو هواية اشياء
وقبل 3 ايام رحت وديت ابني عمرة سنتين وشهرين لقحتة مال انفلونزا الخنازير وكالونا راح تظهر علية اعراض مثل الانفلونزا بعد اللقاح بس كلشي مصار
وقبل مينطون لقاح انفلونزا الخنازير سئلونا هواية اسئلة عن الشي اللي يعاني من عندة الشخص اذا شافو وحدة من الاشياء اللي ذاكريهة واللي تمنع اخذ اللقاح فمينطون اللقاح
عمي كاتب الموضوع كول يا الله وروح لقح عالسريع بدون هالخرافات اللي كل مرة طالعة يابة شنو امريكا اتريد تكتل البشرية بهل لقاح
بالمناسبة لقاح انفلونزا الخنازير مصنوع من بيض الدجاج اذا عندك حساسية من البيض فمراح ينطون القاح لاي شخص يعني من هذه الحساسية
تحياتي
اخي العزيز ابو اندرو
مشكور ع الايضاح والله الصراحه اني بس شفته لان مسوي ميووت للصوت لان حاليا اني بالشغل مو مال اشغل الصوت ويسمعوني ;D
انشاء الله من ارجع للبيت اشوفه
تحياتي
-
السلام عليكم
بالنسبة الي ما اصدك شي من هذا الفديو لان مبين تمثيل بتمثيل شنو دتركض وراها من توكف الستوب مالتهة ايشطح عبالك الستيرن عوج بصراحة يعني بدون زعل
انما اللقاح نفسة فة هنا اكثر الناس معارضيين اللقاح نفسة لان بية عوارض جانبية بس مو مثل الي شفتة بالفديو
اخوكم جوزيف
-
عمي التقرير مو على لقاح انفلونزا الخناااااااااااااااازير
الفيديو ما الة علاقة باسم بالموضوع :o :o
هاي شبيييييييييييييييييييكم
البنية ماخذة لقاح seasonal Flu shot
وهاي معلومات عن اللقاح
http://www.cdc.gov/Flu/protect/keyfacts.htm
-
ابو اندرو احلف يالله اصدك بيك
يجوز انت متعاقد ويه شركه الادويه ؟؟
اني ما اعرف انكليزي فانت شتكول ؟؟
ليش بعدين تتهم حضك وبختك واروح بالزلك مال الفاكسين
ههههههههههههههههههههههههههههههههههه
;D ;D ;D ;D ;D ;D ;D ;D ;D ;D ;D ;D ;D ;D ;D ;D
-
ابو اندرو احلف يالله اصدك بيك
يجوز انت متعاقد ويه شركه الادويه ؟؟
اني ما اعرف انكليزي فانت شتكول ؟؟
ليش بعدين تتهم حضك وبختك واروح بالزلك مال الفاكسين
ههههههههههههههههههههههههههههههههههه
;D ;D ;D ;D ;D ;D ;D ;D ;D ;D ;D ;D ;D ;D ;D ;D
عمي شمتقاعد يا شركة
اللي ايسمعك ايكول دا احط فلوس بجيبي وعندي حصة من الشركة اللي دة تنتج اللقاح
عمي السالفة وبما فيها الاخوان ديحطون مواضيع ما الهة علاقة مثل مشفت حضرتك يعني البنية اتعاني من تاثير غير لقاح ولزكوها باللقاح مال خنازير
جلبوا بدين هذا اللقاح ليش ايفكون ياخة عنة
ناس تسهر لياي اتسوي اختراعات والبشر كاعد يتبطرن
عمي قبل اني حجيت وكلت اللي ميريد لا ياخذ بدون فتاوي
هسة هو منتدى هجرة ولاجئين صار منتدى امراض ولقاحات ويا ريت بس على هيج راح ايصير منتدى الفتاوي الفستوقية
كل فترة اكو فد بلتيقة بالمنتدى
تجي فترات تتطلعلك مواضيع على الوضع بامريكا والناس دتموت جوع ودترجع للعراق
وهسة امريكا دتقتل البشرية بانتاج هذا اللقاح
وبعد فترة الله يدري شيطلعونة ???
تحياتي الك يا وردة
-
اخواني الاعزاء كلنة اخذنة من هذا اللقاح وهو اصلا مفقود حاليا بالمنطقة ال اني بيهة بامريكا
ماكو هيجي حجي....اخذوا والهوا بضهركم
-
هذي الفديوات الي معروضة
http://www.youtube.com/watch?v=nTgyakGAddM
http://www.youtube.com/watch?v=cEN5KGwNGeo
اخواني الاعزاء هذه وجهة نظري عالموضوع الي كان مكتوب قبل هذا الموضوع وايضا بخصوص انفلونزة الخنازير ومباشرة اتهمني احد الاخوة بانني ادافع عن امريكا ؟؟علما باني دكتور وكنت د اشرح للناس الامر من وجهة نظري البسيطة
اخي العزيز شكرا عالموضوع
لكن احب اعقب بالتالي
انه الشركة المصنعة للعقار هي شركة انكليزية وليست امريكية وهي تعتبر الشركة رقم 2 بالعالم من اصل 10 افضل شركات دوائية بالعالم واسمها Glaxo smith
لكل دواء هناك اعراض جانبية وحتى اامنها الي هو الباراسيتامول عند تناول جرعة اكثر من 4 كرام باليوم سيكون سام للكبد
وهناك ادوية ممكن ان تظهر تاثيراتها بعد ذلك بكثير
الشركة الدوائية تكتب بالنشرات اذا حبيت الاطلاع الكثير الكثير من الاعراض الجانبية التي قد تظهر وهي نتيجة تجارب على متطوعين مثلا لكل 1000 شخص اخذو الدواء الفلاني وجدت حالتين من الاسهال مثلا وهذا لا يعني ان كل من سياخذ هذا الدواء ستظهر عليه هذه الاعراض
اقر هذا الدواء من قبل الهيئة الاوربية والهيئة الامريكية FDA وهذه لا تقر الدواء اعتباطا ومثال صغير هناك الكثير من الادوية في دول العالم ومنها اوربا ودول متطورة كاليابان وتباع فيها العديد من الادوية منذ الثمانينات غير ان ال FDA ترفض ان تقر هذه الادوية في امريكا لعدم استيفائها للشروط والمواصفات
كل الشركات المصنعة للادوية تكتب المضاعفات والاعراض الجانبية وتطلب من الاطباء ان يزودوها بادق التفاصيل عن الاعراض الجديدة لكي تقوم اما بسحب الدواء في حال ثبت بانه اصاب الكثير بمضاعفات وقد حصل هذا مع كثير من الادوية اما مع هذا اللقاح Pandemrix فهي لم تحدث وان حالة واحدة لكل 100 الف تعتبر حاله مستحيلة ان تقوم الشركة بسحب هذا اللقاح بسببها علما بان هذه الحاله مذكورة في النشرة المرفقة مع اللقاح ومعروفة بانه ممكن يعمل حالة Gullian barry لكل 100 الف يحقنون باللقاح
اما الشيئ الي هو كلش غريب انه هذه الوزيرة تقول بان امريكا تريد ان تقتل ثلث سكان العالم؟؟ ولو فرضنا بان هذا صحيح هل تقتلهم بالعلن وبهذه الطريقة فهي ان ارادت ان تقتلهم فستقتلهم اصلا بصنع فايروس لا علاج له ولن تكون المسالة بالعلن حتى لايثور الناس عليها وخصوصا انها ابتدئت بحقن شعبها ؟؟ واذا اردنا ان نؤمن بما تقوله هذه المراة فالاولى لنا ان نصدق فرضية انه امريكا نشرت الفايروس وسيتحول الى وباء قاتل وستشح اللقاحات ويموت ثلثي العالم باستثناء الذين اخذو اللقاح (واولهم الشعب الامريكي الي اخذ اللقاح)
عدد الاصابات وصل في تركيا وحدها الى 600 اصابة وعدد الوفيات في امريكا وحدها 5000 ؟؟فما بالك بالمكسيك البؤرة الاصليه للمرض ومنظمة الصحة العالمية تتوقع ان لم يسيطر على المرض ان يصاب 2 مليار انسان
واضرب لك مثال بان سويسرا اوقفت اعطاء هذا اللقاح للاطفال دون السنتين وللحوامل باعتبار انه لا توجد ادلة متوفرة على نسبة امانه لهم وقررت استبداله باعطاء لقاح تم تصنيعه من قبل شركة سويسرية هي Novartis
واسمه Focetria لكي تروج لدوائها المحلي والغريب انها استمرت باعطاء اللقاح الانكليزي Pandemrix لمن هم فوق السنتين لغاية 65 عاما؟فهناك الكثير الكثير من اللغط في الموضوع والله هو الاعلم بالمسائلة بس حبيت اوضح وجهة نظري بالموضوع مع الشكر الجزيل
رد احد الاخوة
الأخوان اللي يدافعون عن الأمريكان وانهم مهمين للحكومه خلي ياخذون اللقاح لأن امريكا تعرف مصلحتهم واخو اخيته اللي يرد النه خبر بعد سنه من اخذه للمطعوم ،واحنه بالأنتضار ...... يله ياسباع امريكا .
فاترك التعليق الكم اخواني بالمنتدى
-
ابو تريكة
انت دكتور وفاهم
الفيديو الاول ما الة علاقة بالفيديو الثاني
يا ريت تقرا تعليقاتي اللي فوك يرحم ذاك الاب
ويا ريت اتشوف الفيديو اللي ديحجي عن البنية اللي مصابة والي اسمهة Dystonia Disorder
لان الفيديو الثاني وهاي البنية الي شوية لخ راح تنفلق وحسب مدا ايكولون دتعاني من اعراض لقاح الانفلونزا الموسمية
تحياتي
-
اخوية الغالي ابو اندريو
اني متفق وياك تماما
بس اني اوردت الموضوع هذا اقتباس من موضوع سابق انكتب وعلقت اني باللتعليق الي اوردته فوق بس الي غثني احد الاخوة كتب واتهجم انه اني دادافع عن امريكا؟؟
واني كنت دانطي رئي موضوعي عن المسئلة
مع الشكر
-
اخوية الغالي ابو اندريو
اني متفق وياك تماما
بس اني اوردت الموضوع هذا اقتباس من موضوع سابق انكتب وعلقت اني باللتعليق الي اوردته فوق بس الي غثني احد الاخوة كتب واتهجم انه اني دادافع عن امريكا؟؟
واني كنت دانطي رئي موضوعي عن المسئلة
مع الشكر
عادي حبيبي
اني شقت الموضوع السابق
اكو ناس ادمغتهة مغسولة شيقرون براسهم عبالك صحيح متشوف خرب بلدنا من ورة هالعقليات
تحياتي
-
السلام عليكم اخواني الاعزاء
طبعا اشكر جميع الاخوه احنا هنا نريد واحد ينصح الثاني ونريد الخير للكل وحتى الكل يعرف شنو لازم يتصرف واني من سمعت بهذا الشي حبيت اتاكد من الاخوه بامريكا وحجي ابو اندور حلو وعاشت ايديك والاخ ابو تريكه عاشت ايديك ايضا على هذا الكلام وبس الشغله الثانيه الي مال تلقيح اجباري والفديو هم موجود هذ صحيح لو بس ولايه بوسطن اتمنه من الاخوه تعلمنا بهذا الشي واكو لقاء صار على قناه الجزيره بخصوص اللقاح والي يوضح شنو مشاكل اللقاح والي يحجي مو بهذا الفيديو مو انسان عادي انما شخص من امريكا بالصحه خبير الصحه ليونارد هورويتز هذا اول فيديو
http://www.youtube.com/watch?v=rNFBsfU13k0
وهذا لقاء ثاني مع ممثل دائره الصحه العالميه حول الموضوع ناقش كلش قوي
http://www.youtube.com/watch?v=rdBKRar5FbM
تحياتي للجميع
-
قناة الجزيرة ؟؟!!
اخي اني ما اشوف هاي القناة من قبل 3 سنوات من جانو ايحللون سفك الدم العراقي
شنو جديدة عليك القناة ؟؟
يعني هيج قحط قنوات بقت بس الجزيرة
ليش انت مسامع عن موقفهم المعادي الى امريكا ؟؟؟
متعرف همة عبيد منو ؟؟
طبعا مقطع الاتجاه المعاكس ايخرب ضحك بحيث يوصلون مرحلة ايعوفون اللقاح ويبدون يتعاركون على الخنزير
عمي انت شمجبور تلوث افكارك بقناة الجزيرة
امبدال مكاعد اتجيب هاي الفيدويات من اليو تيوب لحك سوي اللقاح احسن من هذا الشي صدكني
تحياتي اللك والله يحمي الجميع من كل مرض
-
رحمة الوالديكم اخوان
ترة المنتدى اسمة منتدى هجرة ولاجئيين مو منتدى اليوتيوب ولا منتدى قناة الجزيرة ولا منتدى الصحة والطب
ترة هاي المنتديات اكو انواع منهة ومكانهة مو هنانا
يعني خلصت المواضيع بالمنتدى بقت بس مال اللقاحات ؟؟؟
-
اي صح ابو اندور اني هم نفس الشي ماحب قناه الجزيره بس بالصدفه مو جنت داور عن الفيديوات مال القاح طلع هذا الموضوع بس اني على هسه الفيديو الاول هو الشخص الاميريكي يعني هذا يكذب بعد اني ماعرف وخبير بالصحه يعني شخص مو عادي كاعد يشرح شنو مشاكله والله اعلم بكل شي
ونعرف هذا منتدى هجره ولاجئين بس اني طرحت هيجي موضوع لان هنا كله اخواتنا ونريد النصيحه منهم وهم ننصح وهم نريد نعرف شنو الصح شنو الغلط
تحياتي للجميع
-
هذا الرابط او الفيديو قبل اسبوع انعرض على جنل 4 و اعتقد برنامج اوبرا او برنامج اخر وذكر التقرير انها مصابه من جراء لقاح ضد الانفلونزا العادي وهو يحصل واحد من كذا رقم لا اذكر وبالفعل ليس له علاقه بافلونزا الخنازير
تحياتي
-
مشكور اخوي عكعك على التوضيح وان شاء الله كل الخير والصحه لكل اهلنا وانت اخبارك عكعك وين وصلت سالفتك اشو صارت عندك خمسه نجمات وبعدك ممسافر هنا ههههه اني الي اعرفه اي واحد خمسه نجمات راسا يسافر اخاف صارت سته وماعرف وان شاء الله تنفتح بوجه الجميع يارب
تحياتي الكم
اخوكم Moon1984
-
حبيبي الغالي
شفت البرنامج مال الجزيرة
وحدة من الشغلات او اللزمات انه كال من الخطر اعطاء جينات الى الناس
اولا الجينات هيه من نفس الفايروس ماخوذة فما الخطورة منها لانه الفايروسات والبكتريا نفسها تدخل الى جسم الانسان وهي عبارة عن جينات وتدخل الى الانسان وتعمل الامراض المعينة
اللقاح عبارة عن فايروس مسلطة عليه اشعة تجعل الفايروس شبه ميت او مضعف وبالتالي عند اعطائه للانسان فان الجهاز المناعي لديه الوقت الكافي لصنع اجسام مضادة لهذا الفايروس اما بالحالة العادية عندما يصاب الشخص بالفايروس فانه الجسم ليس لديه الوقت الكافي لصنع الاجسام المضادة ةبالتالي ينتصر الفايروس على مناعة الجسم الاضعف قياسا لهذا الفايروس المتطور
مسئلة ثانية الملاريا ليست مرض منتشر في كل العالم كما هو الحال بالفايروس ولا تنتقل بالهواء بل تتطلب الى الناموس لنقلها او عن طريق الدم فهو محدد او مستوطن في بعض الدول وليس كل الدول والملاريا هي طفيلي بروتزوا وليس فايروس وكل جرثومة لها خطورتها وطبيعتها
اما بالنسبة لحرب الخليج الاولى فمضحك جدا وان السبب معروف بان السبب هو اليورانيوم وليس اللقاح ولا يمكن لدولة بالعالم ان تعلن بانها استخدمت اليورانيوم لقتل جنود او دولة اخرى حيث ستتخذ كمستمسك ضدها واذكركم بعالم الماني جاء وعمل ابحاث بالجنوب وهو بدرجة بروفسور فضح مستوى اليورانيوم بالجنوب وهو مستوى يفوق اي مستوى مسرطن وقامت المانيا على الفور بفصله وتجريده من درجته وحبسه وهو السبب بالاعراض التي ظهرت على الجنود وعلى حتى العراقيين
شيئ مضحك ان يقوم شخص كهذا الرجل وبدرجته العلمية كل دقيقة عندما يساله المحاور بالقول ابحث في كوكل؟؟؟؟؟؟؟؟؟؟ ولا يوجد شخص علمي يعتمد على المواد المنشورة بالكوكل كاساس وهناك مراجع وكتب يستند عليها
ثم ما ادرانا بان هذا الشخص ليس مدفوع من جهة معينة وخصوصا الحرب الباردة الدائرة بين الجمهوريين والديمقراطيين وكل واحد من الثاني ينجز اي عمل يبدئ الطرف الاخر بالطعن بنواياه واعماله
من الاشياء المعروفة بان هذه الدول الرئسماليه يسيطر على معاملها ومؤسساتها بعض الاشخاص الاغنياء ولكن هذا لا يعني بان الدول تسمح لهؤلاء بالربح على حساب مواطنيها على الاقل وخصوصا مسالة عامة وليست خاصة بعدد قليل من الناس
الموضوع لا يخلو من مزيج بين السياسة البحتة والجدل العلمي
والله تعبت وراح اروح
في امان الله
-
شكرا لكل الاعضاء المشاركين
سيتم قفل الموضوع
ثم يتم مسحه
تحياتي لجميع ولكاتب الموضوع
تايكر