ankawa
منتدى الهجرة واللجوء => الهجرة و واللاجئين => الموضوع حرر بواسطة: MAGGIC في 19:20 13/11/2009
-
السلام عليكم
لي صديق وصل يوم امس الى نيويورك منطقه الباني قادما من سوريا وحسب الاتصال السريع الذي اجراة سالته عن المنظمه التي تتكفل به فقال لم تتكفل بي منظمه وانما قامت كنيسه بتكفلي ودفع ايجار سنه مع الماء والكهرباء
علما ان عائلته متكونه من اثنين فقط هو وزوجته
هل يوجد احد تكفلته كنيسه وليست منظمه
تحياتي
-
نعم اخي اكو هواي ناس الكنيسة هي الي تكفلتهم مو المنظمة بس هم كل ولاية تختلف نظامها عن ولاية اخرى
-
الاخت العزيزة AnGie
شكرا جزيلا لمرورك
تحياتي
-
اخي العزيز
اكو قسم الكنائس تتكفلهم بالمناسبه اني صديقي اتكفلته كنيسه هوه و عائلته
جابوله سياره هم ودافعيله التامين مالته المده ست اشهر
تحياتي
-
اخي العزيز volca
شكرا جزيلا لهذة المعلومات وشكرا لمرورك
تحياتي
-
لدي صديق ولكن هو وصل لامريكا سنه 1996
كانت الكنيسه متكفلته و عائلته لمده طويله و قدموا له سياره في حينها و هو من سكنه كلوروادو
حسبت ان الكنائس تحولت الى منظمات و لم تعد تتكفل عوائل و لكن خبر الاخ ماجك ينفي الحساب القديم
شكرا للخبر الجيد
بالتوفيق للجميع
-
حبي هسه كنيسة جامع كاتدرائية مندي كلشي الجان بس خلي يطلع من الوطن العربي ههههههه هسه لو يتكفلني بوذي هم اقبل .... وشنو الغريب بالموضوع اصلا المسيح ناس اوادم وهذي مو غريبة منهم
وتقبل مروري اخوك زيوس
-
الاخ العزيز show
شكرا جزيلا للمداخله الرائعه بما فيها من معلومات وتسلم ياورد
الاخ العزيز زيوس
حبي تسلم ياورد على كلامك الحلو بس القصد من كتابتي للموضوع هو لم اسمع سابقا بتكفل كنيسه لان كل الذين يكتبون بهذا المنتدى على المنظمات ولايوجد احد كتب عن كنيسه
ثانيا كل الاديان في العالم اديان الله ويتعاملون بكل انسانيه بغض النضر عن الدين نفسه باستثناء الوطن العربي وما فيه .............
لذا لم اقصد المسيح او اي دين اخر وانما نوعيه الكفاله
تحياتي للجميع
-
عمي بارك الله بيهم .........هاي هم شغلة جاي يفيدون الناس بيها وهم شوية أحسن من المنظمات ألي متعرف شوكت يكطعون المساعدات عنك ...............
-
عاشت ايدك خوية ماجك على الخبر و الله شفايتلنة تتكفلنة كنيسة اقلها احسن من المنظمات اللي صايرة حدرة بدرة كلمن و حظة و ياهم
-
الاخ العزيز AbU.SaRa
كلامك صحيح وان شاء الله يفيدون الناس الي شافت ضيم وسرقه من المنظمات
تسلم على المرور
تحياتي
-
عزيزي الغالي عاشق تراب العراق
ان شاء الله تسهل امورك او امورنا وامور الكل ومن يوصلون يلكون ناس اوادم تقوم بواجبهم الى ان يستطيع الشخص الوقوف على رجليه والاعتماد على نفسه
اتمنالك الموفقيه والسفر العاجل يالله عن قريب
شكرا لمرورك
تحياتي الك
-
اخوية العزيز الكنائس بولاية نيويورك تأمينها لحسن هواية من المنظمه
وهاذة المحظوظ ايودوه الها
وانشاء الله خير
تحياتي
-
الاخ العزيز jujiaro
شكرا جزيلا لهذة المعلومات وبارك الله بيك
تحياتي
-
السلام عليكم اخوان ,
حسب معلوماتي ولأن لدي صديق ايضاً خرج عن طريق كفالة الكنيسة , هو يجب ان تقدم وان تكون مسجل عن طريق الكنيسة في بلد الجوء الاول ويجب ايضاً ان تكون من الديانة المسيحية وكل طائفة ولها نوع من الكفالات الكنسية بعدها وعن طريقهم ينقلوك الى بلد التوطين الأخير مثل امريكا على سبيل المثال وعندها يكون الراتب والتأمين والسكن والسيارة كله مكفول عن طريق الكفالة الكنسية .
أخوكم
ابو علي
-
اخواني الاعزاء
الدين لله والوطن للجميع -هذه هي امريكا التي نسمع عنها هناك مواطنين من ملل ومذاهب شتى فلتترك الجدال حول الدين لحساسية هذا الكلام فلانسان انسان بانسانيته لا بدينه
ابو رامي
-
اخي كل المنظمات الكنائس هي الي تساعدها بكل شي بالاموال والاثاث يظا
-
السلام عليكم اخواني
اني اخوكم احمد من سوريا طلعتلي الموافقه و حددولي السفر الى نيويورك مقاطعه الباني و كلش خايف لانو ما اعرف احد هناك منو من الخيرين هناك اخواني بلكي المساعدة و معرف المنظمات هناك شنو اسمها بلكي تساعودني و تنطوني اسماء المنظمات بالباني او اي احد هناك عراقي .
اخوكم احمد من سوريا
-
اهلا وسهلا اخ احمد وانشاءلله اذا اكو احد من الاعضاء بالباني راح يساعدوك ومايقصرون وانشاءالله السفر القريب وبالموفقيه
-
الاخ العزيز المنظما الي راح تستلمك عند دخولك الولايات المتحده مالها علاقه باي منظمه وصلتك يعني دخلتك الولايات المتحده اذا كنت جاي عن طريق الامم المتحده او عن طريق السفاره الامريكيه من بغداد او من اي سفاره امريكيه باي دوله ليكن معلوما انه دورهم يخلص لحظة دخولك الاراضي الامريكيه تستلمك المنظمه في الولايه الي عينوها الك وهي تهتم بالامور الاخرى وطبعا هاي المنظمات او الكنائس او مهما تكن مسمياتها هي منظمات مرتبطه ببرنامج وخطه مع دائرة الهجره الامريكيه الي هي من تصبح مسؤؤله عنك كلاجئ لحظة دخولك وكل منظمه او كنيسه تستلمك ابلغت مسبقا دائرة الهجره واللاجئين المريكيه بخطة عملها تجاه اللاجئين عدها وطبعا هي فقط مسميات على سبيل المثال اني مسلم ومظمتي الراعيه اسمها الكنيسة الكاثوليكيه واكثر المستفيديين من هاي المنظمه من الطائفه المسلمه من كل البلدان ليس فقط من العراق وهم اكثر حرصا على معتقداتنا من انفسنا حيث تم تبليغي اكثر من مره ان ابلغ عن اي حاله اشعر بيها انه تم تمييزي بسبب معتقدي وفي حالة حصولي على عمل وشعرت اني مظطهد بسبب ديني في العمل فان المنظمه ستتخذ اجراءات صارمه بحق رب العمل وتنعل والد والديه وهذا شي يخليك تعرف انه رغم صعوبة الحياة هنا بس مثل ما كالو الك الخوان الدين لله والوطن للجميع من مميزات العيش هنا بالرغم من كل الصعاب انه تحس ان مذهبك ودينك مصان وان الكل يتعامل معك كانسان وليس شيئ اخر وهذه مو مبالغه كل شخص يعيش اهنا يكدر يكلك هذا الشي سالت شخص هو اهنا منذ 7 سنوات عن اخر مره ساله شخص سواء جيران او صديق او عندما يراجع دائره عن دينه فاقسم لي انه ولا مره سمع هل السوال وشكرا ضوجتكم باجابتي الطويله
-
الاخوان الاعزاء
شكرا جزيلا على ردودكم الطيبه والمعلومات القيمه الي تفيد اخوانا في المنتدى
تحياتي الكم جميعا