ankawa
منتدى الهجرة واللجوء => الهجرة و واللاجئين => الموضوع حرر بواسطة: مازولا في 09:44 18/11/2009
-
السلام عليكم اخواني الاعزاء ... احنه استلمنه الفيزا و دنخطط للسفر ان شاء الله ... الوجهه الى اريزونا ... و اذا الله سهلهه ويانه راح نروح الى بيت احد اقرباءنا هناك و نسكن معاهم في بيتهم ... اخواني سؤالي هوه اذا رحنا و سكنا في بيت اقرباءنا هل نستحق منحه اللجوء و هل اقاربنه يستحق ان يحصل مبلغ الايجار من المنظمه ... مع الشكر للجميع ... اخوكم مازولا
-
اخي العزيز
اذا انته مقدم ع البنفت و محدديلك منظمه اتروح للمنضمه وتكلهم الايجار مال اول شهر الي هيه اتوقع ايسموه الويلكم الي هيه 425$ للشخص البالغ وراح اتكلهم اني كاعد ويه كرايبي فاكيد راح ينطوك ياهه الك
تحياتي
اخوك علي اريزونا فينكس
-
اخي مازولا اذا اقربائك كان الكفيل من الدرجة الولى ( لا ) ما ينطوهم اي شي واذا لا يجوز ينطوهم اذا هو طالب بدفع الايجار منك وتكون من المبلغ الي يستحق كل لاجئ عند قدومه الى الولايات المتحدة وبنسبة سؤالك هل تستحق الاجئ المساعدات والمنحه الي هي 425 نعم يستحق وماالها علاقة وي منو ما تسكن هذا حقك كلاجئ اذا كنت ساكن مع الاقرباء او الاهل او عند غريب
-
عمي مازولا
السفر القريب ورحله موفقه باذن واحد احد
الله يسهل امرك
وبالنسبه اخي لسوالك
نعم ممكن ينطون ايجار لاقاربك ولكن بعد الترتيب لموضوع اقامتك معه من قبل المنظمه
وحاول تشرحلهم الموضوع بصوره واظحه وسلسه حتى ما يعصلكون وياك
م\ اذا اتدخن جيب وياك فد عشرين تكه جكاير وبس
لان كلشي بلاش عدا الجكاير غاليه
بالتوفيق
-
شكرا جزيلا للاجابات السريعة و الحلوه من احلى ناس ... ان شاء الله نوصل و نشوف شلون تصير ... ابو عبد الله ما تكلي شنو كاتل نفسك على الجكاير تره و الله مو زينه ... هم صرف فلوس و هم صرف صحه ... اني الحمد لله ما ادخن ... و انت هم بطل منهه ... مع تحياتي ... اخوكم مازولا