ankawa
منتدى الهجرة واللجوء => الهجرة و واللاجئين => الموضوع حرر بواسطة: ggkmalk في 11:53 18/11/2009
-
بسم الله الرحمن الرحيم
السلام عليكم ......
ارجو من اصحاب الخبرة يفيدوني بخبرتهم لان سفرنا قريب انشاء الله
1- اني عندي اطفال واحد الاطفال حالياً مصاب بتحسس بالقصبات يعني تشكل الكحة عندة السؤال هو اكدر اجيب وياية ادوية هواية بهذا الحالة او على كد الطريق وهناك ينطونة العلاج الاحسن هو عمرة 4 سنوات .
2- بنتي عمرهه10 سنوات تحتاج الى تقويم للاسنان بس الطبيب كال بعد مو هسة الى ان تكتمل اسنانهه ياله السؤال اكو تأمين صحي للاسنان لعمرهه ويسولهه تقويم على حسابهم .
3- شنو المستمسكات المطلوبة حتى تسجل في المدرسة (بنتي ) .
4-اكدر اجيب ادوية للطوارىء لي وللاطفال مسموح 0( اكدر الفلفة بالجنط).
5- مرة قريت بالمنتدى انهه الي يكدر يجيب الاولمبي مال الدش مو الدوش وياه لان هوه غالي بأمريكا فهل هذا صحيح ؟
5- ادري اني ظوجتكم بس بعد عندي اسألة هواية بعد بس بالحلقة القادمة واشكر الجميع الي راح يجاوبوني ولله التوفيق .
اماية خايفة
-
اخي بالنسبه للادويه اخذ كميه اتفيدك للفتره الاولى
واخذ انتي بايتك كم نوع ومسكنات هم كميه وادوية معده وادوية حساسيه واي ادويه تحتاجوها
ماكو تدقيق هوايه عليها خصوصا اذا كان عندك وصفات خليها وياها
الاطفال مشمولين بالتامين الصحي والحاله ايقرره الطبيب اذا مشموله بالتامين او لا
بالنسبه للتسجيل بالمدارس حسب مذكروا الاخوان الي قبلك انه ايخلون الاطفال حسب العمر ميحتاجون لا شهادات ولا شي
هذا الي اعرفه واذا الاخوان عدهم ايتصليح او تعقيب راح ايضيفولكياه
وهذا رابط للقلاقيل الي تاخذها وياك بالسفر اطلع عليه لان بيه هوايه شغلات اتفيدكم
http://www.ankawa.com/forum/index.php/topic,308359.0.html
شارك بيه كل الاخوان الي وصلوا لامريكا والي بعدهم موصلوا وذكروا كل تجاربهم وهذا موسوعه كامله شامله
حتى اذا ناسين شي نرجعله دائما
والله ايوفقكم وايسهل سفركم
اختكم ريم