ankawa
منتدى الهجرة واللجوء => الهجرة و واللاجئين => الموضوع حرر بواسطة: angie-dawood في 22:06 19/11/2009
-
سؤال ضروري
1- ممكن معرفة الفرق بين الـCase number الـBGD والـIZ
ممكن معرفة ما الفرق بين الرقمين
رجاء اخواني هذا السؤال ساله احد الاخوة بموضوعي اسال وانا اجاوب واني بصراحة ما اعرف شنو
هو الفرق رجاء الي يعرف شنو يجاوب حتى انقل الرد الى موضوعي او هو يرد على الاخ بموضوعي واكون جدا شاكره فضلكم
-
مساء الورد اخت انجي
ربي يحفظج ويرعاج
والله يا اخت انجي بصراحة ما اعرف الرد بس حبيت امر على موضوعج لان انتي لج افضال كلش هواية علينا بهالمنتدى وايضا حبيت القي تحية المساء عليج .
والاخوة الباقين بيهم البركة يجاوبوج
Echo 9
-
انجي
ال IZ نمبر هو رقم الملف الخاص باعاده التوطين بعد حصول المتقدم على الفيزا
ال BGD هو مثل ما اتفضلتي رقم القضيه قبل الحصول واثناء الحصول على الفيزا
الاول مال بنفتس
والثاني مال القضيه الاصليه iom or siv تقريبا نفس الشي
اخوج ابو عبد الله التكساسي
-
حبيبتي انجي
بالنسبه لل IOM اول تقديم للمستمسكات ينطوهم رقم تسلسل هوه ال BGD الي هوه مجرد رقم تسلسل للملف
من تكمل دراسه القضيه ويتاهل للمقابلات راح ينطوه IZ يعني دخل بالبرنامج وهذا الرقم الي راح يبقى مرتبط وياهم الى حين وصولهم لامريكا
-
اخوان الله يخليكم ويحفظكم
حبيبي واخوية العزيز ابو عبدالله التكساسي
اختي العزيزة ريم
انا اللي حصل وياي من قدمت على ال IOM انطني IZ نمبر راسا من غير ما ينطوني ال BGD وانا لهسه اصلا ما مقابل ولا مقابلة يعني لا موضوع بعد الفيزا ولا شي واعتقد اصلا ماكو فرق بيناتهم
وهذا الحصل وياي ورقمي IZ 111XXX
Echo 9
-
اخي ايكو من الضروري ان نفصل بين الاس اي في و الاي او ام
اني جوابي فقط على الاس اي في
معناها الاول والثاني
برنامج الجنرال مرحله ثانيه بعد ان انشملوا باعاده التوطين و البرنامج الجديد ابو الكوم ابروفل
تحياتي الك
ما اعرف شي عن الي او ام
-
حبي ابو عبودي
لا تزعل مني اخوية انا الظاهر ما افتهمت ردك او سالفة نذري مال الديك الاحمر بدت تاخذ مفعولها وشور بيه
بس انا مقدم على الشغلتين IOM AND SIV ال IOM ارسلوا لي رقم IZ كبل وال SIV قم شطوله مثل سوالفهم يسووها طويلة ابيه لا IZ ولا بيه BGD والله حتى نسيته رقمهم بس اذكر بيه SVICSIV 2009XX XXXX
ECHO9
-
تسلم وتعيش اخي الغالي ابو عبد اللة على المساعدة ربي يبارك بك يارب والف شكر اختي الغالية ريم على المساعدة بالمعلومة والف شكر للاخ الغالي ايكو ربي يبارك بكم جميعا وينطيكم الصحة والعافية
-
عزيزتي AnGie بمعرفتي البسيطة من خلال عملي مع منظمة دولية ان BGD يعطى للتسلسل الزمني للملف و يسمى ال chronological order و لايهم أن الملف قد أكتمل و ثائقيا ام لا و هذا ما حصل معي حيث حصلت على case number و ملفي بدن اثبات وظيفة مع جهة امريكية الا ادعاء اني كنت مع وحدة الخيالة الامريكية في التاجي أما ال IZ فهو رقم الملف المكتمل و ثائقيا و قد تم تصنيفه للمصادقة عليه بعد اكمال الاجراءات العملية الخاصة بالهجرة و هذا ما يفسر حصول الاخوان على ال IZ بدون BGD لان قاعدة البيانات لهما منفصلة فلا عجب انه من قدم وثائق كاملة يدخل القاعدة IZ مباشرة بدون المرور ب IZ
I hope that I fully described the difference between the two classification
مع اطيب التحيات
-
خوش اجوبة عاشت ايدكم
س--------------------------------------------رى
-
نعم مثل ماقال الا خ megalove اذا اوراقك كامله وعندك ركمنديشن يتصلون بمديرك المباشر واذا اكد شغلك وياهم وكال اي شتغل ويانه ورا اسبوع تقريبا بنطوك IZ بدون BGD وهاذا الي حصل مع الكثير من اصدقائي تقبلو مروري ابو علاء
-
الى الاخت انجي والاخت ريم ارجو المساعده اشتريت جهاز الاب توب مع الاشتراك من جاره كانت تسكن قبلي وشوقتني ان اشترك في المنتدى المبدع والاشتراك باسمها باسم شقراء بغدادحاولت الاشتراك باسمي لانتيجه هل السبب الجهاز ام ماذااعذروني اجهل هذه الامور مع جزيل الشكر
-
عيني شقراء بغداد
اكو ليفوك ويه الابشنات مال منتدى شكل عدسه مكتوب يمه خروج سوي خروج ...راح تطلعين
وادخلي سوي تسجيل جديد
جورجيا