ankawa
منتدى الهجرة واللجوء => الهجرة و واللاجئين => الموضوع حرر بواسطة: show في 12:27 20/11/2009
-
اخوتي الاعزاء
اردت الاستفسار منكم عن موضوع صوره القيد 57
قبل يومين حصلت على صوره القيد و لاكن غير مقتنع بها و اردت التاكد
ساكتب لكم ما واجهته و انتم احكموا
ذهبت الي دائره الجنسيه في الناحيه التي كنت اسكن فيها , في البدايه لم يقبل الضابط اعطائي صوره القيد و قال يجب ان يكون لديك كتاب رسمي من الدائره التي تطالبك بها و في النهايه اقتنع و الحمد لله
لم يطلب من اي مستمسكات غير جنسيتي انا
فقط قراء رقم السجل و ارجعها لي و قال تعال بعد نصف ساعه
بعد نصف ساعه ذهبت اليه و كان قد اكملها و لم اصدق انه كان يقصد بعد نصف ساعه سيقوم باكمالها فاعتقدت انه سيطلب مني الصور و المستمسكات و لكنه لم يفعل
المهم
صوره القيد التي استلمتها لا تحتوي على صور و قال ان الصوره ممنوعه بقرار من المديريه
قام الضابط بعنونه صوره القيد الى شعبه الترجمه في مديريه الجنسيه العامه ( اي في بغداد )
سؤالي هو
هل الذي حصلت عليه هي صور قيد اصوليه ؟
هل انهم سيسالوني عن المستمسكات و الصور في مديريه الجنسيه العامه ؟ وهل توجد حاجه للذهاب للمديريه العامه للجنسيه ؟
هل من الممكن ان اترجم صوره القيد التي لدي عند اي مكتب رسمي و اقوم بارسالها ام تنصحوني بالذهاب الى مديريه الجنسيه في بغداد لشعبه الترجمه ؟
اسف على طول و الاساله الكثيره
يا ريت يوجد بعض الاعضاء الذين مروا بنفس الحاله ( نفوسهم مو بغداد ) ينوروني بالذي حدث معهم
ملاحظه: صوره القيد التي حصلت عليها زرقاء اللون و مخططه بجداول عده
بالتوفيق للجميع
-
حبيبي سويهة مثلي اني الي سويتة مثل خطواتك بالظبط مية بالمية ووديتهة لمكتب ترجمة اباب المعظم وبخمس اللاف دينار ترجمهة وقبلوهة مركز الفيزا القومي وراح اسافر عكب باجر الاحد
تحياتي
-
حبيبي ross
شكرا على سرعه الاجابه
هل تقصد ان صوره القيد التي حصلت عليها لا تحتوي على صور, نفس التي لدي ؟
مجرد ورقه بجداول ؟
اذا كان هذا الذي تقصده فانا بالف خير و رحم الله والديك على الرد الذي افرحني
ان شاء الله توصل بالف سلامه في سفرك القريب
بالتوفيق للجميع
-
اخوية العزيز
سوي مثل ما كلك اخونا ross بالتوفيق
اني سويت نفس الشي وترجمت صورة القيد بمكتب ترجمة نادر ودزيتها وقبلوها مركز الفيزا الوطني
ترجمها ودزها ولاتخاف .
اختك صوفيا
-
اخي شو
هيه هاي صورة القيد مثل مااخذتها قانونيه وحسب الاصول
بس ترجمها وانتهى الموضوع
لان صورة القيد مابيها صوره بس جدول بيه أسمك وتكمله المعلومات
وياربي ايسهلها عليك
-
اخوية العزيز
سوي مثل ما كلك اخونا ross بالتوفيق
اني سويت نفس الشي وترجمت صورة القيد بمكتب ترجمة نادر ودزيتها وقبلوها مركز الفيزا الوطني
ترجمها ودزها ولاتخاف .
اختك صوفيا
شكرا لكي اخت صوفيا على المرور وتاكيد ما قاله الاخ ross
الله يسهل امرج ان شاء الله و بالتوفيق
اخي شو
هيه هاي صورة القيد مثل مااخذتها قانونيه وحسب الاصول
بس ترجمها وانتهى الموضوع
لان صورة القيد مابيها صوره بس جدول بيه أسمك وتكمله المعلومات
وياربي ايسهلها عليك
شكرا الج اخت ريم على التاكيد و الله يطمنج ان شاء الله و يسهل امرج
بالتوفيق للجميع
-
السلام عليكم
مع احترامي للاخوان اعلاه لكن التي لديكم ليست صورة قيد لانه غير مصدقة من الخارجية
خلي نسولف شلون تسوي صورة القيد
اولا تروح الى مكتب المعلومات مال 57 في شارع السعدون يم السنك كبال مشمشة تقدم طلب علمود صوره القيد , راح يكولوك جيب كتاب من مديرية الاحوال مالتك
ثانيا تروح الى مديرية الاحوال مالتك وتطلع الورفة اللي انته موجودة عندك هسة
ثالثا تروح قاط لاخ الى السعدون وتنطيهم الكتاب (المخطط بالازرق) والجوازات والجناسي وشهادات الجناسي والصور وتطلع صورة القيد
رابعا تروح الى شارع فلسطين يم مديرية الهجرة والمهجرين حتى يصدقون عليها
خامسا تروح للخارجية حتى تصدقها
سادسا مع السلامة
-
عيني اخي Washaq
احنا الي سوينا
رحنا على دائرة الاحوال المدنيه كل واحد وين موجود صحيفة اهله كنالهم انريد 57 طلعونياها وانطونياها بدون تصديق ولا شي
وديناها للترجمه ودزيناها وخلص قبلوها وانتهى الموضوع
ميحتاج كل هاي الفره
-
سلام عليكم .....
اما بعد ;D اكول شباب اني مقدم ع ال siv بس شنو معنى صورة قيد 57 يعني شنو هو هذا ومنين نحصله ولازم تكون مترجمة لو ....? وشكرا اخوكم max582
-
اخي ماكس
ال SIVراح ايطلبون منك صورة قيد 57 وهذا اتحصله من دائرة الاحوال المدنيه الخاصه بيكم
اتروح على الدائره الي بيها قيد عائلتك اكو بالمنصور وبالرصافه الاولى والثانيه والكراده الشرقيه والاعظميه
شوف انتوا باي وحده منهم
اتروح ادكلهم اريد قيد 57 اتسوي طلب من كاتب العرايض وينطوك القيد
هوه عباره عن ورقه بيها بس اسمك ومعلومات عنك
اتوديها اترجمها واتدزها
وان شاء الله ايقبلوها
-
اشكرج هواية اختي العزيزة ريم.....ومشكورة ع جوابج الشافي والكافي.....