ankawa
منتدى الهجرة واللجوء => الهجرة و واللاجئين => الموضوع حرر بواسطة: مازولا في 11:38 22/11/2009
-
اخواني الاعزاء ... اخواني الغالين ... و اخواتي طبعا ... عندي سؤال ... بعد استلام الفيزا ارسلت نسخه منهه الى الرابس نت لغرض الحصول على مساعدات السفر و ما الى ذلك ... كان هذا في الاسبوع الماضي يوم 19 /10 ... شوكت تتوقعون يجاوبوني على موعد السفر ... و شكد ينطوني مجال بين جوابهم و بين موعد السفر حتى اكدر احضر اموري و اصفي شغلاتي ... اكو موضوع مرة قريته بيه كل التواريخ للاخوة اللي واصلين ... و طلع موجود بقسم اهم المواضيع بس ما لكيت بيه فترة الانتظار هاي مذكورة ... يا ريت اللي عنده علم بالموضوع يجاوبنه على هذا الاستفسار ... مع الشكر ... اخوكم مازولا
-
اخويه العزيز مازولا
فترة الانتظار هذه غير معلومة تعتمد على الولاية اللي انت رايحلها وعلى الزخم على هذه المنظمات التي تتعامل مع برنامج الهجرة واللاجئين وهيه هوايه منظمات فالمفروض الربسنت يلكون منظمة تقبل قضيتك بس اكو شغلة لازم تعرفها انه شكد مايتاخرون بالرد بس لازم يوفرولك سفر قبل انتهاء مدة الفيزا مالتك لان ماكو تجديد للفيزا المهم اخوية اكو ناس سافروا بعد استلامهم للفيزا بمدة قصيرة جدا واكو ناس سافروا قبل انتهاء مدة الفيزا بايام قليلة وانشاء الله يكون حظك حلو وتحصل على منظمة تقبل قضيتك بسرعة
بس اكلك فدشي انت تكدر تدزلهم ايميل وتذكرهم بموعد انتهاء الفيزا مالتك حتى يثبتون عندهم انه موضوعك مستعجل اذا مدة فيزتك رح تخلص قؤيبا
اختك صوفيا
-
شكرا اخت صوفيا على الجواب ... اني بعدني جديد على استلام الفيزا ... استلمتهه يوم 10 / 11 و الاكسباير مالتهه لحد 9 / 5 / 2010 يعني بعد اكثر من خمس تشهر ... و هاي اني ذكرتهه للرابسنت بالايميل من دزيته الهم ... بس ردت اعرف يعني ابدي اصفي لو بعد ... المشكله اني بالخليج ... و اذا اريد استقيل لازم انطي اشعار بالاستقاله قبل شهر للشركه ... هاي وحده ... و الثانيه اذا استقلت راسا يسوولي ترحيل و اسقاط اقامه ... يعني ما اكدر ابقه هنا وراهه ... لهذا دا اسال شكد ينطون مده للاستعداد للسفر ... و بلكي احد ثاني يجاوب ... مع شكري و تحياتي ... اخوكم مازولا
-
رُفع للأطلاع ..
ريفولفر
-
اخوية مازولا دورتلك بعض ردود الاخوة حول الموضوع الي طالبة حضرتك .
وكان احد الاخوة سائل :
السلام عليكم
شباب اني حصلت على الفيزة ودزيتهة لجماعة البنفتس
ودزوا على كفيلي بامريكا ووقع اوراقي قبل 10 ايام ولحد الان كلشي ماكو؟؟
شكد تطول الشغلة ؟؟ وشنو الخطوة المقبلة؟
تحياتي
ورادين عليه :
عزيزي حمودي اصبر هاي تاخذلها شكم يوم ويجيلك ايميل من الرابسنت مرفق معه ملف اسمه اشورنس فورم يحتوي على المدينة والولاية ومعلومات الكفيل واسم اخر مطار تصله
بعدها بكم يوم ومرات بنفس اليوم تتصل بك خلود حماوي المسؤولة عن الاس اي في من اي او ام عمان وتسالك مجموعة اسئلة وتطلب منك تحديد موعد السفر طبعا انته مراح تحصل اليوم اللي حددته بس اقرب شي ممكن
-----------------------------------------------------------------------------
وهمينة قريت بعض ردود الاخوة, وحسبتلك الفترة بين ارسال الايميل والرد هية من يومين الى 5 ايام بلزايد .
فماعرف اذا مردولك اخوية العزيز , لازم ترسللهم مرة لخ ايميل وتتفتهم منهم .
ومن اشوف شي رأساً ابلغك بي ..
اخوك ريفولفر
-
ها عمي اخيرا قررت انه ادز للرابس نت ؟؟
يالله بالتوفيق
عمي مازولا هذولي المفروض ايدزولك جواب وره اسبوع الى عشره ايام كاقصى حد وهذا الي صار ويايه
بالتوفيق
ريفولفر شنو انت ؟؟ والله ما ادري شاكول بس انت اسد وبطل واقوى واحد بالعالم واذا تضربه لارنولد بوكس الا اتطيره من العرك
لك وردددددددددد انت ورد جوري هم مو عادي
-
اخواني الاعزاء ... و خصوصا الاخ ريفولفر اللي راح اغير اسمه الى ارشيف المنتدى او بحاثه المنتدى ... و الاخ الطيب ابو عبد الله ... رحم الله والديكم ... و رحم الله والديكم ... انتو من تجاوبون على اي سؤال باسلوبكم الحلو تخلون الواحد عنده ثقه بالناس ... و تنطيه دفعه معنويه و صبر ... و لو تدرون هاي شكد تاثر بالواحد ... و مرة ثانيه رحم الله والديكم و ان شاء الله الله ينطيكم على كد نيتكم و اكثر و موفقين ان شاء الله ... مع تحياتي ... اخوكم مازولا
-
اخي العزيز مازولا...
اول شي مبروك عليك الفيزا وانشالله الاستقرار الدائم.
اني بصراحة اللي اعرفه وصار ويايه و ويه اكثر من شخص انه الرابسنت يجاوبوك وينطوك الاشورنس فورم بفترة ما تقل عن 25 يوم للي اخذوا الفيزا من بغداد.
اما تصفية امورك ويه الشركة فما تعتمد على الرابسنت، وانما الحجي يكون ويه خلود الحموي. من تسألك شوكت انت مستعد للسفر، وكتهه انت تحدد بكيفك، وبالمناسبة اني وكتهه سويت هذا الشي، طلبت منهه يكون سفري منتصف الشهر السابع ووره يومين صار عندي ارتباط ويه الشركة، فاضطريت ان اؤجل السفر الى نهاية السابع وبالفعل حجزتلي يوم 27-7.
القصد انه ويه خلود تكدر تتحكم بموعد سفرك وانت عندك 6 اشهر بالفيزا، يعني على كيفك ورتبه زين.
الرابسنت ما راح يسون شي غير يلكولك منظمة ويدزولك الاشورنس ويكولولك بالايميل اي تفاهم حول تفاصيل السفر سولف بيهه ويه الـ IOM يعني "خلود الحموي".
تحياتي واتمنى تفيدك المعلومة
-
الاخ العزيز ان تايتلد مان ... جزيل الشكر لك يا طيب على المعلومات الحلوة و المفيده و اشكر كل واحد مهتم بمساعده اخوانه و عنده هاي الروح الطيبه ... اليوم فتحت الايميل مالتي لكيت رساله من الرابسنت ... هيه جواب على اول رساله دزيتهه الهم و اللي كان بيهه نقص الفيزا مالت ابني الصغير ... كايليلي بيهه انو همه استلمو الاوراق و باقي جواز ابني ... اني دزيتلهمياه وره ما دزيت اوراقنه بيومين بعد ان استلمته ... هسه يفتحون ايميلاتهم بالسرة و يشوفوه ... المهم ... الشي اللي دا اريد اكوله هوه بخصوص المده ... حتى اللي بهاي المرحله يعرف ... اني دزيت الايميل بتاريخ 18 / 11 و استلمت الرد بتاريخ 24 / 11 يعني ست ايام فتحو الايميل و دزولي جواب ... يمكن لو المعامله كامله كان اخذت وقت شويه اطول ... بس العبرة من هاي انو الواحد لازم شويه يصبر ... مو يظل يحوص لان ما استلم شي خلال كم يوم او كم اسبوع ... اخواني الاعزاء ... ان شاء الله المعاملات كلهه ماشيه ... و احنه صبرنه هوايه و نوبات لازم نصبر بعد اكثر ... و مثل ما يكولون الصبر مفتاح الفرج ... الله يسهل للكل ان شاء الله و تحقيق الامامي و بالتوفيق لكل الطيبين ... اخوكم مازولا