ankawa

منتدى الهجرة واللجوء => الهجرة و واللاجئين => الموضوع حرر بواسطة: drlexa في 22:50 22/11/2009

العنوان: الغرامات وموعد سفررر
أرسل بواسطة: drlexa في 22:50 22/11/2009

مرحبه للجميع...

اول شي اريد افرحكم ويايه بموعد سفري تحدد من عمان يوم 17-12 يوم الفرج لكل المنتظرين يا رب

وعندي استفسار بلنسبه للغرامات...اني UN مو تقديم مباشر يعني اليو ان هي المسؤله عن عن دفع غرامة التجاوزات....سؤالي هو اذا دفعولي اليو ان الغرامات وسافرت.. اكدر بعد ان احصل الكريين كارد افوت لعمان بدون مشاكل او منع او ابعاد او او؟؟؟؟؟ لو ادفع الغرامات اني احسن؟؟؟ هي الغرامات شهر واحد تقريبا عندي

يا ريت الي يعرف بهاي الشغله يجاوبني واكون ممنونه

اختكم من عمــّـــان drlexa

العنوان: رد: الغرامات وموعد سفررر
أرسل بواسطة: Revolver في 22:53 22/11/2009

أختي العزيزة شايفة كل الخير ان شاء الله وتوصلين بلسلامة والله يوفقج, واعذرني بلنسبة للغرامات ماعندي اي فكرة ..

ريفولفر

العنوان: رد: الغرامات وموعد سفررر
أرسل بواسطة: rafid82 في 23:10 22/11/2009

الغرامات يتم دفعها من قبل الامم المتحدة ولايترتب عليك اي شئ  وماكو لا منع ولا اي شئ
اخوك رافد

العنوان: رد: الغرامات وموعد سفررر
أرسل بواسطة: bee bee في 23:24 22/11/2009

الف مبرووك drlex
وتوصلين بالسلامة

وحبيت أبشرج انه آني هم انطوني موعد سفر يوم 17/21
يعني ح نكون بنفس الطيارة !!!

الله يسهلها عالجميع يارب

تحياتي
ب ب

العنوان: رد: الغرامات وموعد سفررر
أرسل بواسطة: drlexa في 23:46 22/11/2009

الاخ revolver الف شكر اتمنالك كل الموفقيه
الاخ رافد شكرا على مشاركتك ومعلوماتك الحلوه...ان شاء الله السفر القريب

الاخ بي بي الف الف مبروك....ولو بعدني مدا استوعب الوضع اني ههههه....يله لعد نتشاوف بيومهه.

اختكم من عمــّــان drlexa

العنوان: رد: الغرامات وموعد سفررر
أرسل بواسطة: bee bee في 23:53 22/11/2009

والله يا اخت drlexa احنا هم ممستوعبين الموقف
وممصدكين ليهسه ... لأن وصلنا مرحلة كمنا نخاف من رنة التلفون
ليكون اعادة تحليف لو فد خبر تأجيل أو اي شي تعبان من سوالف الآي أو أم
 
بس الحمد لله الله فرجها علينا  وعليكم
ويوم اللي  تفرج الجميع يارب

نشوفك يوم السفر ان شاء الله

اخوكِ
ب ب

العنوان: رد: الغرامات وموعد سفررر
أرسل بواسطة: Revolver في 00:03 23/11/2009

drlexa , bee bee

اتمنالكم كل الموفقية ان شاء الله وراحة البال ياربي, والله يبشركم بكل الخير على هل البشارة الحلوة, الحمدلله والشكر تعبتوا كل هاي الفترة ورب العالمين ميضيع تعب احد .. لتنسون اتبشرونة من توصلون بلسلامة ياربي .

ريفولفر

العنوان: رد: الغرامات وموعد سفررر
أرسل بواسطة: bee bee في 00:19 23/11/2009

الف شكر الك اخوية العزيز ريفولفر مرة ثانيه
و تمنياتي بالموفقية لك وللجميع يارب

وسنبقى على اتصال ان شاء الله وياكم

اخوك
ب ب

العنوان: رد: الغرامات وموعد سفررر
أرسل بواسطة: سوسن كليانه في 00:22 23/11/2009

الف مبروك وانشاءالله توصلين بالسلامه وربي يحميج وينور طريقج وبالموفقيه والاستقرار الدائم

العنوان: رد: الغرامات وموعد سفررر
أرسل بواسطة: ★AbN✰BaGhDaD★ في 06:54 23/11/2009

 بالبداية احب ابارك  للاخت الدكتورة  السفر والاخ بي بي  وادعيلكم بسلامة الوصول  والموفقية في  الحياة الجديدة....
اختي  العزيزة  انا ايضا  كنت في  عمان ولكن تقديم  مباشر ...

واخر شي  من طلعت دكولي  منع  ..وكلولي  شوكت  متريد ترجع مجرد تشوف  كفيل اردني  وتتدفع الغرامات اللي  عليك  تتطلع يمكن 45  دينار

اما بالنسبة  للتقديم  اليو ان  ..فنصيحتي الج   انتي ادفعهية  بنفسة  لان متسوة  ..احسن  وحتى تضمنين  دخول عمان

تحياتي  الك

العنوان: رد: الغرامات وموعد سفررر
أرسل بواسطة: اريد وطن في 08:12 23/11/2009

اختي العزيزه
الف مبروك للسفر ويارب الوصول بالسلامه وبدايه حياه جديده بعيد عن القلق وطول انتضار

اختي والى كل المسافرين من عمان نصيحه اذا انتي عن طريق يوان اتصلي بيهم من المفروض همه يدفعون الغرامات طبعن يسولج كارت ازرق صادر من الداخليه الاردنيه وفتره اكباير بيه 6 شهور

اسوء الضروف فرض مسولجيه والجواز عندج روحي يوم 13/12 الى الاقامه والحدود في تلاع العلي ودفعي هناك الغرامات مثل متكولين شهر واحد يعني 45 دينار وهذا مبلغ مو عالي وممستاهل
حطي بالج انتي سفرج الفجر يعني مثل رتي سوين ابعاد في المطار ممكن الموضف يكولج معندي الختم ابعاد وياخر طيارتج وطبعن تعرفين شنو معنى تاخير لو لاسامح الله تروح عليج الطياره بس اكيد دفع الغرامات في المطار موجود وماكو مشكله بس الافضل سويه بعمان قبل سفرج واخذي وياج بطاقه السفر

اختنى العزيزه متعرفين وره 1 او 2 سنه حبيتي زورين اهلج او يجون لعمان وتلتقون بيهم وبعدين تصير صعبه وميدخلوج ترى حتى لو جوازج امريكي لانه عدهم اسمج وبصمه يعرفون انتي اخر مره دخلتي وخرجتي شوكت وباي جواز كان دفعيها احسن من تجارب هواي اخوان وتعرفين عمان هو ملتقى للعراقيين مع اهلهم والله يسر امرج  ويكون السعاده والراحه ان شاء الله

اريد وطن - عمان - انتضار اتصال اخ من الاتصال من السفاره الكنديه بسوريا وادعولنا ويارب للجميع

العنوان: رد: الغرامات وموعد سفررر
أرسل بواسطة: صابرين في 08:23 23/11/2009

عزيزتي الف مبروك موعد سفرك وان شاء الله تكون سفرة مريحة وسهلة وتوصلون بالسلامة وامنياتي لك بالموفقية والنجاح

بس ادعولنا ان تنفتح بوجهنا... نحن لحد الان لم يتصلوا بنا على توطين
صابرين

العنوان: رد: الغرامات وموعد سفررر
أرسل بواسطة: ام فائز في 09:31 23/11/2009

حبيبتي الدكتوره
الف مبروك على موعد السفر وتوصلين بالسلامه والرب يفتحها ابوجهج وبوجه كل الطيبين

العنوان: رد: الغرامات وموعد سفررر
أرسل بواسطة: drlexa في 10:01 23/11/2009

ريفولفر العزيز....اشكرك هوايه واكيد ما رح نكطع ويه اصدقانه بلمنتدى ونحاول نفيد الاعضاء بلي نكدر عليه مناك مثل ما احنه استفادينه هوايه...

سوسن كليانه تسلمين حبيبي على الكلمات الحلوه.. موفقة يا رب.


الاخ ابن بغداد تسلم على الدعوات وشكرا على النصيحه.

اريد وطن شكرا جزيلا على مشاركتك وان شاء الله تتسهل اموركم وتجي المكالمه المنتظره من الحبايب  :)

شكرا صابرين تسلمين وان شاء الله يارب كلهه مسأله وقت وتتحولون عل توطين..

ام فائز الورده شكرا جزيلا وان شاء الله امنيتكم تجي باقرب وكت...

اني هم ان شاء الله راح اتصل بليو ان واشوف شيكولون لانه مثل ما تعرفون لازم اسلم الجواز قبل فتره.

اختكم من عمــّــان بانتظار السفررررررر  ::)

العنوان: رد: الغرامات وموعد سفررر
أرسل بواسطة: عراقي صابر في 10:17 23/11/2009

الاخت العزيزه  drlexa  تحيه طيبه

بالنسبه لموضوع  الغرامات  هو بشهر  الخامس من هاي السنه  صدر قرار من وزارة الداخليه الاردنيه  انه كل شخص يطلع  عن  طريق مفوضية الامم المتحده يعني مثلنه  يسوله  ابعاد  او  يدفع غراماته  والمفوضيه متدفع الغرامات  ونلغه  هذا القرار يشهر  الخامس يعني ضل ساري المفعول لمدة خمس شهور  فلي وكع بيه  الي سافرو  بهاي الفتره فقط  وهذا  ماحصل لاحد  اصدقائي المقربين الذي سيأتي لعمان بعد العيد انشاءالله وسيدفع غراماته  بحدود  550 دينار  علماا  ان صديقي لم يحصل على الكرين كارد بعد  لانه سافر  بشهر 7  وقدم على وثيقة سفر  امريكيه وطلعتله  وايضاا  اقاربه بعمان  قدموله على فيزه وطلعتله  لئن  وكما  تعلمون فقط  الي عنده  كرين كارد  لايحتاج فيزه مسبقه  بالمطار يفيزوله  وتدللين

امنياتي للجميع بالتوفيق

العنوان: رد: الغرامات وموعد سفررر
أرسل بواسطة: شجرة الدر في 10:42 23/11/2009

مبروك حبيبتي على موعد السفر والله يسهلج يارب ولجميع الاعضاء المنتظرين اختكم شجرة الدر

العنوان: رد: الغرامات وموعد سفررر
أرسل بواسطة: ريم عبد في 11:00 23/11/2009

الف الف الف الف الف مبرووووووووووووووووووووووووووك
لا   لا   لا ممعقوله مداصدك
حتى تعرفون اني شلون سري باتع  يعني فد شلعه شلعت اثنين مخضرمييييييييييييييين
من اقطاب جمعية المخضرمين
بعدني استوني طبيت جمعيتك  فلشت اثنين من العاصين
 ياربي ان شاء الله اقضي على هاي الجمعيه واشلعها من العرك
والله فرحتلكم عبالك الي طالعه السفره وياربي ايوفقكم كلكم ويجعلها سفره سهله ومريحه وتتوفقون بولايه حلوه

همزين فرغتولي مكان حتى اكعد واتربع على عرش المخضرمين
ريم ام رجل الخضره طووووووخ

العنوان: رد: الغرامات وموعد سفررر
أرسل بواسطة: بغداد بقلبي في 14:24 23/11/2009

الف الف مبروك drlexa الله يحفظك وايسهل امرك صدك مكانك راح ايكون خالي ياطيبه ان شاء من توصلين بالسلامه سمعينا اخبارك بالمنتدى اتمنالك الموفقيه والسعاده وان شاء الله يارب يوم سفر العراقيين الطيبين الاعضاء ابلمنتدى وغير الاعضاء ان شاء الله يارب

العنوان: رد: الغرامات وموعد سفررر
أرسل بواسطة: drlexa في 15:15 23/11/2009

اخي العزيز عراقي صابر تسلم على نصائحك والمعلومات الحلوه ...يا رب يا رب تفرج عليكم باسرع وقت.


شجرة الدر الغاليه....تسلمين والف شكر على دعواتج وان شاء الله ماتطول شغلتكم كذلك وتصير سوالف وتتوفقون ويرتاح بالكم.

ريم عبد يلي سرك بااااااااااتع حيل....الف شكر على مشاعرج وعلى مرورج وتوزيع بركاتج علينه هههه.....
ان شاء الله اسمع اخبار حلوه من عندج قريبا جدا.....كل التوفيق حبيبتي

بغداد بقلبي الطيب....تسلم والف شكر على مشاعرك وكلماتك الحلوه...ماااااااا راح يكون مكاني مبين غير بعمان....بلمنتدى رح ابقى دائما متواصله وياكم باذن الله.....الله يوفقك ويريح بالك يا رب.

العنوان: رد: الغرامات وموعد سفررر
أرسل بواسطة: angie-dawood في 16:50 23/11/2009

الف الف مبروك حبي ربي يوفقكم انشاءللة توصلون بالسلامة وتشوفون كل الخير

العنوان: رد: الغرامات وموعد سفررر
أرسل بواسطة: الناسك في 21:42 23/11/2009

الف مبروك ... وما يهم الغرامات بكد الخبر ...
تقبلوامروري الناسك  

العنوان: رد: الغرامات وموعد سفررر
أرسل بواسطة: drlexa في 22:33 23/11/2009

تسلمين حبيبتي انجي على مرورج وكلامج الحلو....

والاخ الناسك مشكور جدا على مرورك ....

العنوان: رد: الغرامات وموعد سفررر
أرسل بواسطة: غريب اني في 22:49 23/11/2009

الف مبروك اختي العزيزة موعد سفرك ويارب اتشوفين كل الخير

امنياتنا اليك سلامة الوصول انشاء الله

وانشاء الله احنة وياكم بنفس الطائرة سفرنة نفس موعد سفركم اكيد راح نلتقي بالمطار


تقيلي مروري اخوكي غريب اني

العنوان: رد: الغرامات وموعد سفررر
أرسل بواسطة: drlexa في 23:00 23/11/2009

الف مبروك اخي العزيز....

زين طلعت الطياره كلهه عرف....اي ولايه رايحين بلخير؟؟؟ اني ان شاء الله على فيرجينيا.

نشوفكم بلمطار.

بلتوفيق يا رب

العنوان: رد: الغرامات وموعد سفررر
أرسل بواسطة: tanea iraq في 01:05 24/11/2009

مساء الخير
الاسبوع الماضي كانا بدورة تثقيفية وتكلمت  المدرسة بالنسبة الى هذة الموضوع ، موضوع الغرامات ، بالنسبة للغرامات للي امسجلين على ال يو ان ومتحول ملفهم اي او ام فالمفوضية ليس لها اي علاقة بالغرامات وعند تسليمنا للجوازات الى المفوضية قبل السفر سوف تاخذ جوازاتنا الى الداخلية الاردنية وتعمل لنا ابعاد ، اما اذا اراد اللاجيء دفع الغرامات فهذة موضوع خاص به ، المفوضية سوف تقوم بدفع اجور الطائرة كقرض بيقسط عليك لمدة 3 سنوات ، اي تقريبا كل شهر 35دولار ، وقبل السفر توقع على هذة القرض وتلتزم بتسديده ، هذة ماقالته لنا المدرسة في ال اي او ام ، اما بالنسبة للقانون الذي صدر في الشهر الخامس هذة العام كما ذكر احد الاخوة ليس لي اي علم به ، وتحياتي لك بالسفر والوصول بالسلامة والتوفيق والنجاح ، وانشاء اللة انتم السابقون ونحن اللاحقون ودعواتكم لنا بتحديد موعد السفر ، شكرا

العنوان: رد: الغرامات وموعد سفررر
أرسل بواسطة: bee bee في 01:27 24/11/2009

الأخت العزيزة drlex
اذا الغرامات اللي عليج هي شهر واحد ( حسب مافتهمت منكم )
فه ادفعيها وتوكلي بلله
آني غراماتي 1650 دينار ( اني وزوجتي ) وناوي أدفعها حتى أخلي خط رجعه

ادفعي ال45 وراسك بارد

وبالموفقية


اخوكِ   ب ب

العنوان: رد: الغرامات وموعد سفررر
أرسل بواسطة: nana1972 في 10:37 24/11/2009

الف مبروك لاختنا drlexa ولاخونا bee bee  ورحله موفقه
بالنسبه لي انا كنت بعمان وسألت المنظمه بالنسبه لرجوعنا الى عمان بعد الكرين كارت لاي فرد مسافر وعنده غرامات ومن يرجع ما يحاسب ابدا على غراماته لان عنده كرين كارت ومن رجعوا بعض الاشخاص وعدهم غرامات فاتو عالاردن ورجعوا بدون اي حساب على غراماتهم لان من تاريخ تحديد سفرهم الى اميركا المنظمه دفعت كل غراماتهم الى الحكومه الاردنيه .فاذا الحكومه الاردنيه مااللها دخل . والمنظمه هي اللي متحملتها . وفي حال الرجوع الى الاردن دون رجعه ودون اخذ الجواز بعد الخمس سنوات هنا ستطالب المسافر بدفع غراماته المترتبه عليه سابقا هذا ما حصل هناك وما شاهدناه
نانا / سان دييكو

العنوان: رد: الغرامات وموعد سفررر
أرسل بواسطة: drlexa في 11:14 24/11/2009

الاعزاء تانيا , ب ب ونانا الف شكر على اهتمامكم بموضوعي....

تحياتي وتمنياتي بلتوفيق ان شاء الله قريبا يتحدد موعد سفرك تانيا حبيبتي.

العنوان: رد: الغرامات وموعد سفررر
أرسل بواسطة: اينشتاين العراقي في 12:19 24/11/2009

الف مبروك اختنا العزيزه
وبالنسبه لموضوع الغرامات اني الي اعرفه انو اليو ان ميتحمل الغرامات والي ميدفع يندكله منع
فنصيحه انتي ماعندج غرامات هوايه كله تطلع 45دينار مال مال الشهر
ادفعيه وجفي الشر احسلج
احسن ما يدكولج منع
فروحي على الاقامه والحدود بتلاع العلي قبل يوم من سفرج وادفعي الغرامات ماتج وتوكلي على الله
وانشالله شايفه كل الخير بحياتج الجديده




اخوج اينشتاين

العنوان: رد: الغرامات وموعد سفررر
أرسل بواسطة: drlexa في 22:42 24/11/2009

تسلم اخي العزيز اينشتاين....شكرا عل نصيحه وعل تهاني...

كل التوفيق الك كذلك...