ankawa
منتدى الهجرة واللجوء => الهجرة و واللاجئين => الموضوع حرر بواسطة: like moon في 22:51 22/11/2009
-
مرحبا
شلون الصحه؟؟
يارب الكل بخير وصحه وسلامه
ماعرف اكدر اسالكم هالسؤال ولا لاء
لو لازم يكون عندي مشارككات بمنتداكم يله يحقلي استفسر
بس بكل الاحوال ناخيتكم اني وطالبه مساعدتكم اذا متصير زحمه
احنه تقريبا كل عائلتي مشتغله ويه الامريكان
وقدمنا على برنامج iom قبل سنه و3 اشهر
يمكن متصدكون لو كتلكم صارلنا سنه جايلنا بس الكيس نمبر
واحنه كلش متضررين يعني هسه مثل متعرفون الامريكان خلص الشغل يمهم
وماما دتشتغل براتب 200 الف تعيش 4 نفرات
واحنه كلنا بنات
حايره وماعرف شسوي
مع العلم من قدمت المعامله قدمتهه كامله ويه الجناسي والباجات ورسائل التوصيه
يعني كامله
وحاولت اخابر اكثر من مره لعمان ومصر وبغداد يعني مكاتب البرنامج وكل واحد يشمرهه براس اللاخ
الي بمصر يكولي انتي المفروض مكملين مقابلا وفحوصات همين راجعي مكتب بغداد
اخابر على مكتب بغداد يكولولي احنه ملنا علاقه غير تحديد مواعيد السفر راسليهم عالانفو سنتر
واراسلهم ميجيلي نهم غير الاوتو ريبلاي لو رساله الكوبي والبيست الي يدزوهه للكل الي يكولون صبرو ومن هالحجي
ممكن تنصحوني شسوي لان ضاقت الدنيا بعيني وماعندي اي حل بعد
مع العلم الي قدم ورانا ب 5 اشهر هسه كاعدين باميركا
تحياتي
-
أختي العزيزة,
بين قوسين ( اهريهُم ) ايميلات, كلبيها للدنية على راسهُم, واذا تحتاجين الهواتف تدلللين انحاول اندبرلجياها, بس ديربالج تنتظرين, يومية زركيهم ايميل وشرحليهُم الحالة .. كلليهم احنة متهديين واحنة بنات ومن هل الحجي . والله يحفظكم اجمعين ان شاء الله ويستر عليكم .
ريفولفر
-
اهلا ومليون سهلا بين اهلك وناسك ونرحب بك دائما وانشاءللة الاخوة ما يقصرون بالجواب ربي يوفقكم
-
اختي الكريمة راسليهم على هذا العناون مع رقم ملفك وأسمك ورقم تلفونك وشرحيلهم الحالة
وهذا العنوان
ic@iom.int
-
هلا بيج انجي وشكرا حبي عالترحيب
مشكور اخويه عالعنوان وحجرب هذا همين
الف شكر الك ومقصرت
-
نسيت اكللكم انو اجالي ال IZ وره مهريتهم ايميلات وتلفونات
طبعا اني استلم كل اتصالتهم من يستفسرون على خالتي فاستغل الفرصه واسال على معاملتنا
وباخر مره سالتهم قبل يمكن 6 اشهر بنفس اليوم اجالي الIZ وره دقايق من ما سديت التلفون وجيكت الايميل
شفته الرقم
يعني يمكن لو مسائله ومستفسره مجان دزو اصلا
واكو خبر ان الاي او ام الي ابغداد راح تنسد بحلول عام 2013 بس حبيت اتأكد اذا هالخبر صحيح لو لا
لان سمعت من هيج ديستعجلون بالمقابلات وبالردود عالمقدمين همين
لان بضرف سنتين المفروض الي مقدمين كلهم يكونون باميركا
فياريت الي عنده خبر بالموضوع او اي معلومه يساعد بيهه واكون ممنونه منكم
-
اختي العزيزة
اولا انت اتراسلين البلد اللي انت مقدمة بي على ال IOM
اذا بغداد فالوسيلة الوحيدة هية عبر الايميل مال بغداد انفو سنتر
اذا الاردن بالاردن مصر بمصر وهكذا
لان القوانين الجديدة اتكول هيج واكو احد الاخوة انطاج عنوان ايميل هذا انسي لان مو الكل ايجاوبوهم علية
التاخير هذا كلش عادي صايرة بهواية ناس بس انت كل اسبوعين دزي ايميل وكليلهم اريد ابديت على الوضع مالتي
كلش عادي واذا انت مقدمة من بغداد فهسة ترة ايجاوبون على الايميلات بسرعة البرق
انت اتكولين اخر مرة سائلة قبل 6 اشهر ؟؟
اختة هذولي كل اسبوعين دزيلهم ايميل
لان هواية مرات ايكونون ناسين واني من قدمت الاهلي هم هيج سوو بحيث هريتهم ايميلات وراها حدووا مقابلة اولى واخيرة باسبوع واحد فقط
ال IOM ميعزلون ولا يتوقفون هاي منظمة دولية تشتغل دائما
يعتمد على امريكا وخططهه السنوية لاستقبال اللاجئين
تحياتي
-
اخي العزيز
اني من كلت سائله قبل 6 اشهر كان قصدي عالIZ وشوكت اجالنا
اخر مره سالت بيهه كان قبل 5 ايام بس
وديجيلي نفس الايميل المغذي كل مره
والسبب انو ماسال هوايه لان اكو هوايه كلولنه همه ميحبون الملحه فميصير انتي ادزين ايميلات هوايه
بس اني هم دادز عادي شسوي يعني
واي احنه مقدمين من بغداد وصح خابرت على مصر وعمان وكلولي ملنا علاقه مدام مقدمه من بغداد
بس مصر انطتني الIZ شفهيا قبل لا يجيلي بالايميل يعني بس انطيتهم الاسم الي مقدمين عليه وطلعت الIZ
ووراهه بهوايه ضليت اراسلهم ومن يخابرون علمود مقابله لاحد استفسر على معاملتنا يله اجالي عالايميل(IZ)
ووراهه كل الايميلات الي جايتلي من عدهم هو نفسه والي هو هذا:
Dear Sir/Ma’am,
Thank you for your email. Please be advised that your case is still in processing. We will contact you as soon as we are able to schedule you for an interview.
Please understand that due to our limited capabilities in Baghdad at this time, the USRAP process can take months to complete.
Kind Regards,
Baghdad Info Center
وغير هذا بكل مره اراسلهم ميجيلي غيره طبعا عدا الاوتو ريبلاي
واعتقد هذا هم نفسه هههه
-
أختي العزيزة,
بين قوسين ( اهريهُم ) ايميلات, كلبيها للدنية على راسهُم, واذا تحتاجين الهواتف تدلللين انحاول اندبرلجياها, بس ديربالج تنتظرين, يومية زركيهم ايميل وشرحليهُم الحالة .. كلليهم احنة متهديين واحنة بنات ومن هل الحجي . والله يحفظكم اجمعين ان شاء الله ويستر عليكم .
ريفولفر
مشكور اخي الرد وهذا الي راح اسوي بس شنو هي ارقام التلفونات
قصدك مكاتب بغداد؟؟
لان جربت اخابرهم وكالو احنه معلينه !!!
-
اختي عيوني انتي,
براحتج انتي شتحتاجين يااأرقام , وأن شاء الله اندبرلجياهن .
ريفولفر
-
شكرا ورده لردك واهتمامك
اوك دزلي الارقام الي يمك واجيكهه ويه الي يمي يجوز هي نفسهه
قصدي ارقام بغداد اذا اكيد اكدر اتصل بيهم
لان الي افتهمته انو الاتصال الوحيد بيهم هو عن طريق الانفو سنتر وماكو غير طريقه!!
-
اختي العزيزة, ابطن عيني تأمرين, جبتلج هاي الردود من الاخوة الي بمنتدانا :
هذا التلفون جبتة من الاخ قرش بغداد : 009647901306311
وهذا رد الاخت ريم الي اتكول بي :
اخواني iom بغداد ماعدهم رقم تلفون
جان عدهم وذبوا من كثرة الاتصالات وهسه ماكو طريقه بس الايميل
وحتى من عمان سالتهم على رقم بغداد كالوا ماعدهم غير بس الايميل والنا الله
اختكم ريم
يعني هذا الهاتف ماعرف اذا يشتغل او لا . بس انتي براحتج اتريدين اتجربين او لا .
وبلمناسبة اذا احتاجيتي هواتف عمان او مصر ابطن عيني بس كولي .
ريفولفر
-
مرحبا بيك اختي العزيزة بالمنتدى واهلا وسهلا بيك
بالنسبة الى شغلتك الله يساعدك عليها .
بالنسبة IOM بغداد هسه شوية بدو يتحركون بالمعاملات لان كانو كلش بطيئين .
عندي الك مقترح انا سويتها من مريت بهاي الحالة سابقا .
اول شي لا تدزين ايملات هواي . خير الكلام ما قل ودل .
دزي الهم ايميل واحد ( مكتب معلومات بغداد ) وبيني بيه ( عنوان الرسالة يكون بيه IZ مالتك واسم صاحب القضية مو غير عنوان .
1.تاريخ التقديم
2.تاريخ استلام ال BGD
3. تاريخ استلام IZ
4. ولحد الان ( كتبي كم شهر صارلك من اخر شي مستلمة منهم ) ولحد الان
5. كليلهم انه انتم عائلة بس بنات وظروفكم الامنية كلش صعبة حاليا . هم اكيد يعرفون كلشي . بس مجرد تذكير .
6. والسلام
وانتضري ردهم وانشاء الله هم يجاوبونك . لان اكو بشهر 12 مقابلات مال محلفين مثل ما سمعت من بعض الاعضاء بالمنتدى . هاي في حال انت مقابلة المقابلة الاولى .
وربي يوفقك انشاء الله ويسهل امورك .
تحياتي
اخوك
المهندس حمودي
-
اختي الله يسهل امركم يارب
بس سؤال زغير
انت تكولين انه انتم مشتغلين ويا الامريكان
اشعجب ما مقدمين على الاس اس في
لان اسرع واسهل واحسن الكم من كل النواحي ؟؟
هذت سؤالي
-
اخ ريفولفر
شكرا اخي عالرقم بس هذا الرقم عندي من زمان وكلما ادك عليه يطلعلي مقفول
ومكاتب عمان ومصر خابرت عليهم قبل هسه وماكو فايده لان يكولولي انتي مقدمه من بغداد واحنه ملنا علاقه بلي مقدمين مناك
وشكرا اخي عالتوضيح وسوري تعبتك ويايه
-
اخ المهندس حمودي
هلا بيك اخي الغالي وشكرا عالترحيب
بالنسبه لاقتراحك بصراحه مسويته قبل يمكن 4 اشهر وهيج كتبته:
Dear Sirs,
Would you please help us to understand the reason of our case delaying to complete IOM procedures?!. I have submitted my application in September 28th 2008, then we have received our case number which is 33____ in September 30th 2008. Asking about supervisor contacts in January 26th 2009 was the last email, since this date we received nothing. We tried many times to e-mail Baghdadinfocenter but we have got only the auto reply, therefore, we had to contact Egyptinfocenter, they told us that we suppose completed all our interviews, they also told us that our IZ number is 105___. Egypt info center advised to contact Baghdad info to get the right instruction.
هذا دزيته قبل لايجي ال IZ لان جنت ماخذته شفهي من خابرت لمكتب مصر فجنت داسالهم ومن دزيته طبعا دزيت كل المعامله من جديد وياه يعني سويت اتجمنت بكل الجناسي والباجات وكلشي من جديد
وطبعا نفس الايميل اجالي مال كل مره ووره ما استفسرت اكثر من مره يله اجاليIZ بتاريخ:27\8\2009 ,واحنه مقدمين من 28\9\2008
يعني كلشي مدا استفاد من اراسلهم
زين انتو قسم يكولون اهريهم ايميلات وقسم بيكم يكول لادزين هوايه والله حيرتوني ازيد ههههههه
.
-
اخ shawqi shumran
مشكور اخي لاهتمامك ويسهلهه عالجميع انشاء الله
بالنسبه لسؤالك اخي احنه استفسرنا عالبرنامج وكل واحد كللنا شكل
اكو قسم كالو على حسابكم اطلعون يعني الفيز تشتروهه
واحنه بصراحه حالتنا الماديه متسمح بهالشي
ووراهه هم كالو انو البرنامج يتكفل بيك بس شهرين هناك من ناحيه الاعانات وانت اقل من 6 الى 7 اشهر يله تستقر اصلا
ومنهيج اكثر الي مقدمين على هالبرنامج ديرجعون هسه بيت خالي طلعو عن طريق الاي او ام وطبعا تقريبا 3 اشهر يله شافولهم بيت وهسه يله اتحولو ففشلون تريد بشهرين تستقر ويهدون ايدهم منك؟؟
ماعرف اذا معلوماتي صحيحه لو لاء بس هذا الي سمعنا
-
السلام عليكم
اختي العزيزة
اعتقد لو تقدمين من سوريا او لبنان او الاردن هواي احسن واسرع..حاولي تروحين لهناك وتشوفين ترة ما تجيج وانتي كاعده بمكانج الا ما ندر..والله اعلم
مرحبا
شلون الصحه؟؟
يارب الكل بخير وصحه وسلامه
ماعرف اكدر اسالكم هالسؤال ولا لاء
لو لازم يكون عندي مشارككات بمنتداكم يله يحقلي استفسر
بس بكل الاحوال ناخيتكم اني وطالبه مساعدتكم اذا متصير زحمه
احنه تقريبا كل عائلتي مشتغله ويه الامريكان
وقدمنا على برنامج iom قبل سنه و3 اشهر
يمكن متصدكون لو كتلكم صارلنا سنه جايلنا بس الكيس نمبر
واحنه كلش متضررين يعني هسه مثل متعرفون الامريكان خلص الشغل يمهم
وماما دتشتغل براتب 200 الف تعيش 4 نفرات
واحنه كلنا بنات
حايره وماعرف شسوي
مع العلم من قدمت المعامله قدمتهه كامله ويه الجناسي والباجات ورسائل التوصيه
يعني كامله
وحاولت اخابر اكثر من مره لعمان ومصر وبغداد يعني مكاتب البرنامج وكل واحد يشمرهه براس اللاخ
الي بمصر يكولي انتي المفروض مكملين مقابلا وفحوصات همين راجعي مكتب بغداد
اخابر على مكتب بغداد يكولولي احنه ملنا علاقه غير تحديد مواعيد السفر راسليهم عالانفو سنتر
واراسلهم ميجيلي نهم غير الاوتو ريبلاي لو رساله الكوبي والبيست الي يدزوهه للكل الي يكولون صبرو ومن هالحجي
ممكن تنصحوني شسوي لان ضاقت الدنيا بعيني وماعندي اي حل بعد
مع العلم الي قدم ورانا ب 5 اشهر هسه كاعدين باميركا
تحياتي
-
والله اني اتفق وية الاخ ابوعبدالله انه تقدمون عالsiv وتشوفون وين توصل الشغلة لأن من حقكم تقدمون عالبرنامجين بنفس الوقت وانتو براحتكم تحياتي
-
اوك اخوان مشكورين عالرد وننتظر وامرنا لله
مشكورين هوايه عالمساعده