ankawa

المنوعات => التعارف والترحيب بالاعضاء الجدد => نادي اسرة الترحيب والتعارف => الموضوع حرر بواسطة: ابو خالد في 02:12 23/11/2009

العنوان: باجر معزومين يم بيت ((؟؟؟؟))
أرسل بواسطة: ابو خالد في 02:12 23/11/2009
مرحبا اخواني واخواتي
اليوم حبيت انزل موضوع حتى نسوي شوية تغير وهذا الموضوع اسمه المعزومين

(http://www.albdoo.info/imgcache2008/b6b971053a43a595f4fd5e573999f1c8.jpg)

خلي اوضحلكم طبيعة الموضوع يعني بالبدايه انا راح اختار عضو معين وآخذ وياي عضوين  انا اختارهم مو اكثر
ونعزم نفسنا يم عضو من الاعضاء على العشا او الغدا  او ريوك المهم ابو البيت هو الي يختار سواء عشا او غدا وابو البيت الي راح نروح يمه راح يسوي الوجبه ويصورها النا وينزلها بالموضوع ويكتب قصاصه بأسماء الاعضاء المعزومين يم الوجبه حتى لايقشمرنا ويجيب اكله من النت ويكول سويتها الكم  ومن بعد ماناكل عند العضو الي نختاره بالبدايه من نطلع من عنده هو يختار العضو الي راح يزوره وياكل عنده وهكذا ...ومايصير ياخذ وياه اكثر من عضوين لان عيب من الناس اذا صارت على فنار مو مشكله لان الرجال عنده مطعم هههههه
هذا الموضوع راح يخلي بينا زاد وملح وبنفس الوقت اهل البيت راح ياكلون ويندعولنا لان احنا راح ناكل بس بالصوره بس هما راح ياكلون صوره وصوت

وانا هسا اختار العضوه الي راح نزورها وناكل عدها هيه اختنا الغاليه

          (( مارتيــــــــــــــــــــــــــــنا))

وراح آخذ وياي الضيوف العراقي الغيور والجوهره

اختي  مارتينا مانريدج تكلفين نفسج ترى احنا مو خطار ;D ;Dوحاظر العرب على كولتهم واهم شي اذا اجينا يمج مو تكلبين خلقتج لوووول لان اهم شي الملكُا...يعني المثل يكول لاكُيني ولاتعشيني... والج حق تجيبين من المطعم أكل سفري
وانشالله يعجبكم الموضوع


ملاحظه

تم تعديل الموضوع ..اي شخص منكم يحب ان يشارك ويعزم جميع الاعضاء على الغدا ..اهلا وسهلا بيه ..ويالله عزمو اخوانكم واخواتكم على الغدا لاتصيرون بخلاء
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 03:26 23/11/2009
واو موضوع حلو وعاشت ايدك على الافكار الحلوة والمميزة في منتدى والذي تجمعنا في كل موضوع مع بعض
ابو خالد اهلا وسهلا انت وكل الاعضاء وشماتريدون ريوك لو  غدا لو عشا تدللون انت وعراقي والجوهرة

يعني لازم اسحب صورة الى اكل الي نسويه احنا بلبيت لو اخلي فد شي من كوكل هههههه ;D

زين الصورة الاولى هاي مالتكم لو انت ساحبها من نيت


واتمنى نقضي وقت حلو ويا بعض

تحياتي للجميع
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 03:47 23/11/2009
اهلا بيك ام العزايم اختي الغاليه مارتينا

اولاً هذه الصوره الي انا مخليها مو صورتنا من النيت
ثانياً انتي لازم تسوين أكله من بيتكم يعني مو تسحبينها من الكوكل وانا طلبت تكتبين ورقه وبيها اسمائنا يم الصحونه مالت الاكل حتى بهذه الحاله راح نعرف انك ماساحبه الصوره من الكوكل وتقشمرينا واحنا راح ننتظرك انشالله ترى راح نجيكم جوعانين 
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 03:51 23/11/2009
حيل يعني هم اسماءكم اكتبها هسة يكولون اهلي شعندج عبالهم من صدك راح تجون هههههههههههههههه
تدلل ابو خالد شتريدون تتغدون
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 03:56 23/11/2009
ههههههههه لا ؟؟ بالنسبه الى اهلج ماراح يكولون شي لان هما الي راح ياكلونه بعدين بس انا اكولج انتي راح تنخبصين لان عندج خطار  ;D ;D  مارتينا اي شي سوي احنا مانتشرط انا كتلج بالبدايه احنا بالنسبه النا انا والعراقي والجوهره عدنا اهم شي الوجوه الطيبه اهم من الاكل
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 03:58 23/11/2009
اوكي تدللون بس عبالي اكو فد اكلى معينة بس مو الا شرط باجر غير يوم ميصير
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:46 23/11/2009
مو مشكله مارتينا بس لاتتأخرين علينا هواااي
العنوان: رد: باجر معزومين يم بيت ((؟؟؟؟))
أرسل بواسطة: زهرة القرنفل في 21:14 23/11/2009
موضوع حلو عاشت الايادي
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 01:22 24/11/2009
(http://5aial.net/tr7eb/69.gif)

البداية احب اشكر ابو خالدمرة ثانية على الموضوع الي راح يجمعنا بحبايبنا  واشكره على استضافتي لابد بفتح الموضوع



وارحب بلورود الي زاروني للغدا (العراقي الغيور   *  ابو خالد  * الجوهرة ) والغدا كان رز ومرق مال سبيناخ واتمنى ان تكون عجبتكم الاكلة ورا الاكل فواكه بعد شتريدون  ;D

والف عافية وصحة وهنا على قلوبكم


(http://www.l22l.com/upload-l22l/fa98bff5bc.jpg) (http://www.l22l.com)

(http://www.l22l.com/upload-l22l/0c88f2d26d.jpg) (http://www.l22l.com)


ونشالله قضيتو وقت حلو واعذروني على التقصير لان بصراحة جنت مريضة ومحد كلي الحمدلله على السلامة :'( بس همزين موكعت على الجديرة جانت اتروح العزومة هههه  

تحياتي للجميع ونشالله الكل معزوم مرة ثانية  
العنوان: رد: باجر معزومين يم بيت ((؟؟؟؟))
أرسل بواسطة: الجوهره في 01:42 24/11/2009
الله حبيبتي مارتينا تسلمين على العزومه والغدا اكيد طيب لان احب مركة السبيناخ وانتم اطيب بكرمكم وملكاكم الحلو وانشالله حبيبتي ماتشوفين شر وماعندك الا العافيه والصحه يارب  
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 01:58 24/11/2009
الله الله تسلمين مارتينا على الغدوى الحلوه ولو ان العراقي الغيور مانطانا مجال ناكل مايكول عيب من الناس واحنا خطار كام ياكل بأيديه الاثنين على ابو الاكل طيب  وانتي يامارتينا مايصير احنا ناكل وانتي تباوعين علينا هم زين ماغصيت بعدين شمدريج احنا نحب السبيناخ  والله عاشت ايدج على هاي الطبخه احنا نسميها بالبصره مرك شبزي بس تصدكين يامارتينا والله والله من خلال هاي الصوره كأني كعدت في بيتكم واكلت من زادكم والله يعمر البيت واهله انشالله واحنا هسا لازم نطلع من يمكم ولو ان كعدتكم ماتنمل وودنا هم نتعشا ;D ;D  يمكم لكن عدنا شغل ونكولج مع الف سلامه وسلمينا على اهلج باااااااي
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 02:05 24/11/2009
اهلا وسهلا ياورود الجوهرة الف عافية لبي اهم شي اتونستي وعجبتج الاكلة

ابو خالد الله يعافيك واكيد احنا اهل واصحاب واني هم تعجبني اكلة السبيناخ لان كلش طيبة وبيها فيتامينات
واني هم اكلت وياكم مو دا اتشوف كومة مواعيين ههههههه
بس شنو نسيت احطلكم البيبسي حطيتها بثلاجة يبرد ونسيته مع الاسف اعذروني على الجايات

الف عافية على قلب عراقي ياكل وللصبح هم يخلص اسوي اكل الخ وهم عيوني احطها

 حرامات فات الوقت بلعجل وهسة وين راح تروحون يم منو
العنوان: رد: باجر معزومين يم بيت ((؟؟؟؟))
أرسل بواسطة: رهام القوشيه في 02:35 24/11/2009
والله مارتينا طباخه ماهره
مارتينا اريدج اتعلمين الطبخ ;)

وبالعافيه على كلوب الحلوين  ;)
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 02:48 24/11/2009
مشكورة للرد رهام تدللين يا اكلة تريدين واني حاضرة
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 03:00 24/11/2009
مارتينا هسا انتي تختارين عند منو تتغدين وتختارين اثنين من الاعضاء وتاخذيهم وياك
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 03:03 24/11/2009
اوكي هسة نروح يم ابو خالد وام خالد نتغدى

والي راح يرافقوني (( احم اني +  عراقي الغيور + ديراني))

ها شكلت ابو خالد
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 03:54 24/11/2009
هلا بيكم وانشالله تنورونا وباجر انتظركم بس حاولو لاتجون كلش جواعه هههههه والله ربك العراقي الغيور اليوم كنت معزوم على الغدا وباجر هم معزوم صدك لو كال المثل الي امه بالبيت ياكل دهن زيت  ;D ;D
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 03:58 24/11/2009
هههههه وين منروح ناخذه ويانا

الله يخليك ونشوف شنو راح تطبخلنة لازم من طبخك مو دكول لام خالد سوي غدا انت تسويه من ايدك

ولا تعب نفسك هواية لان مراح نجي جوعانيين من هسة  كلتها  ترى اهم شي شوفتكم
العنوان: رد: باجر معزومين يم بيت ((؟؟؟؟))
أرسل بواسطة: رهام القوشيه في 03:59 24/11/2009
تسلمين حبيبي مارتينا

الله شنو هل المره للبصره بيت ابو خالد
شنو رح يطبخ ابو خالد النه  ;D
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:11 24/11/2009
تدللين رهام والله يمكن راح اشويلهم سمج صبور وهما اكيد مايعرفون للصبور وبيه شوك هوااي وراح يغصون بيه  ;D ;D

طبعا ام خالد رادتها من الله كالت والله عيب منهم وخطار لو نروح نجيب من مطعم قاسم ابو الكص  
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 04:12 24/11/2009
لا منريد من مطعم خوب كل واحد يروح ياكل بلمطعم احسن احنا جايين يمكم ناكل من  ايديكم
اذا اكلنا من المطعم يعني ماكو خبر وملح بينا
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:20 24/11/2009
اي عفيه مارتينا مانريد مطاعم...و باجر نكرب ام خالد
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 21:07 24/11/2009
اي ابو خالد شوكت نجي
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 23:56 24/11/2009
اهلا بيكم ونورتونا وزارتنا البركه هلا بمارتينا الورده وهلا بالعراقي وهلا بديراني وهم زين اجيتو لو متأخرين 10 دقايق كان اكلنا الاكل عنكم  ;D ;D وسوينالكم مطبك دجاج وهاي العنبه هم موجوده وهذا التمر بالراشي ولبن وحياكم الله وسامحونا على التقصير وسامحونا الكعده ارضيه مو على طاوله وعلى الهوسه لان مامستقرين بكعدتنا حتى تاكلون وتشربون شاي وكهوه وتروحون الى اهلكم :D :D وباجر معزومين انا وروزماري وساندي عند رهام القوشيه انشالله وحاولي  رهام ترتبين النا غدا لان عيب وياي اداريات
العنوان: رد: باجر معزومين يم بيت ((؟؟؟؟))
أرسل بواسطة: hannah montana في 00:35 25/11/2009
عاشت الايادي على الموضوع الحلو
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 03:14 25/11/2009
نشكر مرورك اختي هانا مونتانا وانشالله نجي نتغدا يمج لو تجين تتغدين يمنا
العنوان: رد: باجر معزومين يم بيت ((؟؟؟؟))
أرسل بواسطة: روزماري في 03:55 25/11/2009
مبروك ابو خالد موضوع شيق ومنوع سلمت يمناك  وشكرا على العزومة ولاقوني ولااطعموني وانشالله يصير زاد وملح

اشكركم على العزومة
 
العنوان: رد: باجر معزومين يم بيت ((؟؟؟؟))
أرسل بواسطة: sandy 88 في 04:10 25/11/2009
فكرة حلوة عاشت ايدك ابو خالد فعلا لم الاحبة كلهم وشكد حلو
يكون بينا زيارات واكل بالرغم من كل المسافات نشكر محبتكم والله
لا يحرمنا منكم الكل منور بوجودها  
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:15 25/11/2009
اشكركم على المرور في صفحتي اخواتي العزيزات
روزه وساندي وانشالله ننجمع على الخير والمحبه يارب
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 04:49 25/11/2009
الله الله ابو خالد على الطبق الحلو واحلى شي كعدة بل ارض من زمان مكاعدة ماكلة بل ارض وهسة صدك اشتهيت الاكلة وياكم  والله يبارك البيت والاكل كلش طيب جان  منو سواه انت لو ام خالد

ومرة ثانية اشكرك على الترتيب والاشياء الحلوة

تحياتي
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:59 25/11/2009
بالعافيه مارتينا وهذا طبخ ام خالد انا ماعرف اسوي شي بس البيض شاطر بيه  ;D ;D والمشويات هم شاطر بيها

بس تصدكين يامارتينا اليوم انا وام خالد صدك اندمجنا مع الدور ومن كانت ام خالد تاكل انا كلت الها اكلي مارتينا لاتستحين البيت بيتج هههههه وبعدين انا من كمت اريد اغسل ايدي كالت ام خالد اكعد العراقي الغيور ماأكلت شي وخربنا من الضحك وانشالله ننجمع بالحقيقه يارب
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 05:02 25/11/2009
اوه واااااااااااو بصراحة شي حلو اني اكلت من شفت واحد كاعد مقابيلي اشتهيت  وما استحيت

بس الاكل كلش طيب عاشت ايدها والرب يبارك البيت واصحاب البيت واحلى شي شنينة احبها لش

العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 01:44 26/11/2009
سامحينا رهام لان ماراح نجيك على الغدا لان الاداريه روزماري عزمت جميع الاعضاء على الغدا بعد بكره وراح نروح كولتنا هجوم على بيت روزماري حظرو نفسكم يااعضاء  ;D ;D
العنوان: رد: باجر معزومين يم بيت ((؟؟؟؟))
أرسل بواسطة: ديراني في 07:56 26/11/2009


الله الله ابو خالد على العزومة

كفيت ووفيت ومكصرت

وخصوصا الكهوة العربية

عاشت ايد ام خالد على الاكل الطيب
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 07:59 26/11/2009
الف عافية ديراني لو مو اني انت مجنت جاي ويانا وشارب الكهوة لوووووووووووووول
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 08:11 26/11/2009
بالعافيه اخوي ديراني وحظر نفسك ترى معزومين في بيت اختنا روزماري لاتاكل مدة يومين اريد تجووووع نفسك حتى هناك ناكل عدل
العنوان: رد: باجر معزومين يم بيت ((؟؟؟؟))
أرسل بواسطة: روزماري في 22:14 26/11/2009
شكرآ أخي العزيز أبو خالد على أتاحة الفرصة بموضوعك الرقيق لمشاركة جميع أخوتنا العضوات والأعضاء لنكون على مائدة واحدة حتى لوكانت المشاركة من خلال الصور فحتما سيكون هناك زادآ وملحآ

واليوم العزومة في بيتنا المتواضع أتمنى أن تسعدوا بتواجدكم ويطيب لكم الطعام وسعيدة بوجودكم في هذا الوقت من السنة  بسبب عيد الشكر وعيد الأضحى وكل عام وأنتم بألف خير يارب

وألف عافية لاتخجلوا من الطعام أبدا أخذوا راحتكم وصحة وعافية أترككم تاخذوا راحتكم بالتلذذ بالطعام

 :D ;) :D


والعزومة القادمة بمنزل الكرم والطيبة همسة حب أستعدي همسة

وبعد تناول الطعام هناك بانتضاركم الشاي  بطعم الهيل  والقهوة التركية  

Very happy with your presence in my house rosemary
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 22:17 26/11/2009
واو اكل طيب عاشت ايدج روز ماقصرتي كفيتي وفيتي لبي

والله يزيد ويبارك البيت واهله

تحياتي الج
العنوان: رد: باجر معزومين يم بيت ((؟؟؟؟))
أرسل بواسطة: روزماري في 22:48 26/11/2009
صحة وعافية مارتينا نورتينا كرري الزيارة  
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 22:51 26/11/2009
نشالله اجي مرة ثانية تدللين وانتي هم رورينا 
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:57 27/11/2009
تسلمين اختي روزه على المائده الطيبه وعلى السلطات الحلوووه وعاشت ايدج والله ...بس اكيد هذا الطبخ من ايدج الحلوه اذا من ايدج والله عفيه عليج ام بيت وانا كلش شبعت والله يعمر البيت واهله انشالله
واحنا عاذرينك لان ماخليتي اسمائنا على السفره لان انتي عازمه الجميع ...ولكن المفروض من نخلص من بيتك انتي تحولين العزيمه على بيت شخص من الاعضاء انتي تختارينه واشكرج
العنوان: رد: باجر معزومين يم بيت ((؟؟؟؟))
أرسل بواسطة: الجوهره في 06:07 27/11/2009
الله حبيبتي روزماري على الاكل الطيب والسفره الي تفتح النفس والله كفيتي ووفيتي تسلم الايادي على الطبخ حبيبتي وكعدتج ماينمل منها لانكم اهل كرم وجود وتونسنا ويكم
العنوان: رد: باجر معزومين يم بيت ((؟؟؟؟))
أرسل بواسطة: روزماري في 06:11 27/11/2009
ألف صحة وعافية أبو خالد واني مقصرة وياكم بس بصراحة محضرت حالي يعني عالسريع كانت الصفرة سامحوني أنشالله الأيام القادمة أسويلكم صفرة فايف ستار  :D :D :D

وأضفت صورة ثانية أبو خالد أنشالله تكون مبينة الكتابة  ودعوت الأخت العزيزة همسة حب لتقوم بضيافتنا يعني الدور عليها


وأشكرك
العنوان: رد: باجر معزومين يم بيت ((؟؟؟؟))
أرسل بواسطة: sandy 88 في 06:29 27/11/2009
عاشت ايدج لباتي روز والله يديم العافية والبركة الج وللاهل
وتحياتي الخاصة الهم
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 06:39 27/11/2009
اوكي تمام المهم الورقه موجوده والدجاج موجود  ;D ;D وانتي والله ابد ماقصرتي واحنا كلنالج ياروز لاتكلفين نفسج بس ماكو فايده كريمه واحنا نستاهل  :D :D وانشالله نروح لبيت همسة حب
العنوان: رد: باجر معزومين يم بيت ((؟؟؟؟))
أرسل بواسطة: روزماري في 08:24 27/11/2009
نورتي حبيبة قلبي الجوهرة وأنتو أصل الطيبة والكرم وسامحوني كنت مستعجلة يعني انشالله المرة القادمة أسوي أكثر من طبق ولو أني زعلانة منج لأانو ماأكلتي زين ههههههه بس دجاجة وحدة

حياتي المرة الجاية راح يكون طبق حلو يعجبج
 
العنوان: رد: باجر معزومين يم بيت ((؟؟؟؟))
أرسل بواسطة: روزماري في 08:28 27/11/2009
صحة وعافية أبو خالد وجيتكم ومقامكم  يرادلها خروف محشي مو دجاج ألأيام الجاية أنشالله

تحياتي
العنوان: رد: باجر معزومين يم بيت ((؟؟؟؟))
أرسل بواسطة: روزماري في 08:30 27/11/2009
غاليتي العزيزة ساندي وأنشالله يكون الأكل عجبج وأشكرج ويديم الصحة والعافية لأهلك الكرام سويتي كلك ذوق أختي الغالية دائما  
العنوان: رد: باجر معزومين يم بيت ((؟؟؟؟))
أرسل بواسطة: وردة حب في 15:58 27/11/2009
عاشت الايادي موضوع رائع
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 06:52 28/11/2009
تسلمين اختنا روزه وماقصرتي واحنا مانريد الخروف لان بصراحه اذا خروف راح نجبرك انك تسوين الباجه النا خو مانذب راس الخروف وانتي في غنى عن هاي السوالف لذلك دعينا من الخروف زطلايب الخرفان وملكاج النا كلش كافي وماقصرتي ياحبيبتنا روزه

اشكر مرورك اختنا الغاليه وردة حب وماطول الموضوع عجبك حضري نفسج بالايام الجايه راح نجي نتغدى يمج ;D ;D ;D
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 06:57 28/11/2009
انا في رأيي لو نعمل تعديل بالموضوع وناخذ على ماعملته اختنا روزه ...يعني الشخص الي راح تكون في بيته الاعزومه يعزم جميع الاعضاء وماكو داعي فقط نفرين لان الخير هواااي والحمدلله وليش ناس تاكل وناس تباوع  :'( :'( وهشكل افضل والشخص ابو العزيمه يكتب ورقه يم الاكل اهلا باعضاء نادي اسرة الترحيب وارجوكم ماريد احد يكلف نفسه بالطبخ وماريد احد يكول ماعندي مكان اعزم جميع الاعضاء حتى لو يفرشنا بالشارع يم بيتهم ونكعد ناكل ماكو مشكله ;D ;D
العنوان: رد: باجر معزومين يم بيت ((؟؟؟؟))
أرسل بواسطة: روزماري في 08:39 28/11/2009
أشكرك أبوخالد حقا أنت من الاجاويد وصاحب كرم اي صح لقمة هنية تكفي مية والبساطة ماكو أحلى منها أني برأي المرة القادمة تكون العزومة في الهواء الطلق أو على البحر يعني أفضل مشاوي ههههههههههه ;D :D
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 09:13 28/11/2009
والله بيني وبينج ياروزه انا احب المشاوي وانا متعتي الشوي وكان عزمتكم على الهواء الطلق ولكن مع الاسف هذه الايام بارده واخاف عليكم تتمرضون بس خلي اشوف يوم يكون الجو لطيف واعزمكم بره بس جيبو وياكم طوبه كره  نلعب قبل لاناكل حتى تجوعون عدل ;D ;D
العنوان: رد: باجر معزومين يم بيت ((؟؟؟؟))
أرسل بواسطة: الجوهره في 01:24 29/11/2009
الله حبيبتي روزماري شكد طيب الشاي الي مسويته وكعدتكم ابد ماتنمل دجاجه ومااكلت شي بعد شترديني اكال على مود اصير بطه هههههههههههه

تسلمين حبيبتي روزيتا على الضيافه
 
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 16:57 30/11/2009
تعالو يااعضاءنا الحلوين اليوم عازمكم على الريوك ..كيمر وكاهي ودبس وصمون ومن نخلص حتى نروح نتغدا يم بيت اخونا (( ديـــــــــــراني))

جهز نفسك اخوي ديراني ولاتكلف نفسك حاظر العرب
العنوان: رد: باجر معزومين يم بيت ((؟؟؟؟))
أرسل بواسطة: روزماري في 22:12 30/11/2009
صحة وعافية جوهرتنا وغالية واهلا وسهلا بيكم بكل وقت ..........

الله الله عاشت أيدك أبو خالد ذكرتني بكاهي زيونة بس على هل ريوك معناها ماكو غدى لانو ريوك ماشالله دسم  وفات100%100 شتكولين جوهرة
 
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 00:32 01/12/2009
واو ريوك حلو  كاهي وكيمر والله يزيد ويبارك ابو خالد  شكد حلو ما راح اطبخ بعد اني كله اقضيها يمكم هههههه
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 01:11 01/12/2009
ههههههه تعالي يمنا مارتينا هلا بيج ..لان انتظرنا اختنا همسه تسويلنا أكل وماكو ...متنا من الجوع كلت خلي اجيب كيمر وكاهي احسن ....بس اتوقع ديراني ماراح يقصر ويانا بالعزيمه هههههه
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 01:17 01/12/2009
الله يخليك ابو خالد نشالله محد يقصر نشالله
العنوان: رد: باجر معزومين يم بيت ((؟؟؟؟))
أرسل بواسطة: الجوهره في 17:51 02/12/2009
اهلا بأصدقائي الاعضاء الحلوين اليوم كلت خلي اعزمكم على سمج مسكوف لان كلت ماتفوت اللكمه وانتم مو وياي تعالو قبل لايبرد الاكل وهلا بيكم
العنوان: رد: باجر معزومين يم بيت ((؟؟؟؟))
أرسل بواسطة: زهرة القرنفل في 19:52 02/12/2009
اووووووووووووووووف تسلمين وعاشت ايدج واني اول وحدة راح اكعد اكل
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 01:41 03/12/2009
الله الله ياجوهرتنا على الاكلة الطيبة واني اموت على السمك المزكوف

الله يبارك بيج ويزيد ويخليكم يارب كلش طيبة السمك عاشت ايدج

تعبناكم ويانا
العنوان: رد: باجر معزومين يم بيت ((؟؟؟؟))
أرسل بواسطة: روزماري في 01:53 03/12/2009
عاشت أيدك جوهرتنا الطيبة حقا عاشت ايدج وتسلمين على نفسج الحلوة والطيبة وأحلى شي اللقمة متطلع طيبة الا باللمة الطيبة

ودامت مائدتكم بكل خير وعامرة دائما 

تحياتي ومودتي
 
العنوان: رد: باجر معزومين يم بيت ((؟؟؟؟))
أرسل بواسطة: الجوهره في 01:08 05/12/2009
ياهلا وكل الهلا بيكم زهره ومارتينا ورزماري والف عافيه حبيباتي اكيد حبيبتي روزماري اللمه ماكو احلى منها ربي يخليكم ويحفظكم  
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 01:57 05/12/2009
اصدقائي الاعضاء اي واحد منكم يحب يعزم اصدقائه الاعضاء خلي يشارك ويالله ننتظر مشاركتكم ولاتصيرون بخلاء وتخافون على الاكل ههههه
العنوان: رد: باجر معزومين يم بيت ((؟؟؟؟))
أرسل بواسطة: ★M a r t i n a★ في 04:34 05/12/2009
اشكرج الجوهرة لبي
ونشالله ابو خالد  الي يكدر يعزم الاعضاء علمود نجمع بيت واحد علمود اكل جعت اني
العنوان: رد: باجر معزومين يم بيت ((؟؟؟؟))
أرسل بواسطة: ابو خالد في 04:45 05/12/2009
ههههه والله حتى انا جعت يامارتينا وانا بصراحه خايف هذا الموضوع ينقل الى المطبخ لان بيه هواي طبخات ;D ;D والله يستر