ankawa
منتدى الهجرة واللجوء => الهجرة و واللاجئين => الموضوع حرر بواسطة: wamidh77 في 00:35 26/11/2009
-
حبايب اعظاء المنتدى الجميل لاتظحكون من السوال ;D لان المظهر مهم خاصه بهيجي مقابلات مصيريه
وداعيكم عنده مقابله بعمان الشهر القادم اول مقابله الي . براييكم واحد يروح قاط لو سبورت لو جنز لو شنو
مشكور لنصائحكم
-
اخي العزيز اعتقد شكد ما تكون الملابس بسيطة يكون احسن الكم يعني لا كاشخ ولا متبهدل ملابس عادية وانشاءللة ربي يوفقك بكل المقابلات
-
السلام عليكم
اخي مثل ما كالت الاخت AnGie واهم شي جاوب على كد السؤال
وان شاء الله يسهل مقابلتك
والموفقيه للجميع
نهاد ابو علي
-
اخي وميض هيه هاي مو مقابلة تقديم على عمل
وهذوله ميهمهم المضهر ولا اياثر على سير المعامله
ايهمهم الاوراق والمنطق والاقناع هذا اله التاثير الاكبر وهسه اتشوفهم همه لابسين لبس كلش عادي
انت حقك اتريد اتكون صوره كامله ومهتم بالموضوع ودتسال على كل التفصيلات
وهاي افكارك راودت كل الي قابلوا قبلك
ومو مشكله اسال اي شي ايراودك والاخوان ميقصرون كلنا اجينا غشمه واتعلمنا من هذا المنتدى
وياربي ايسهل عليك
-
عمي بلا زعل يعني انت هسه اتخطيت كل العقبات وكل الاشياء راح تكون عليك سهله بس اللبس؟؟
عمي كول يالله وتوكل على الله واندعي يجيك واحد يسهل امرك
بالتوفيق
-
تخيلوا حالنا كلاجئين بلا منتديات عنكاوا
الله حي وموجود ويسهل امور الجميع
† الله ♥فعلا♥ محبة †
-
ملابس عادية لاكشخة ولا امبهذل وهمه أبد مايهتمون لهاي الامور يهتمون شنو راح تتكلم بالمقابلة و المصداقية في كلامك والاوراق الثبوتية مالتك
اخوك رافد
-
كالعاده دوما متالقين يارواد عنكوا الغالين شكري لكم
يا رافد وشوقي وريم ونهاد وانجي وادامكم الله لكل معروف
-
ألبس ملابسك العادية وتوكل على الله ..
الجماعة لا يؤمنون بالمظاهر الخداعة
تحياتي للجميع
أبن خير
-
حبيبي الغالي وميض :::
إحنـا قابلنا الوفد بدمشق بنهاية الشهر الخامس وجان اكو ويانـا عائلة أحد أبنائها وعمره فوك 21 سنة لابس تيشرت وشورت أبيض ( برمودا او بنتكور ) وعيونك بس هو وأخته الكُبرى قبلوهم ... وهسة سافر قبل عشر أيام لكن اخته رفضت تسافر وگالت ما أسافر من يوم إستلامها المُغـّلف لأنهُ متزوجة للسويد وتنتظر موافقتها للسفر إهنـاك ...
مخلص الحجي المظاهر لا تهُم كثيراً بالمقابلات إلبس مثل ما تلبس كل يوم والله يوفقك إن شاء الله .... †
أخــوكــُم / وسـام بهنـام داؤد الخابــوري
-
مرحبا اخوية العزيز
مثل ما قالوا الاخوان ولا زود عليهم الجماعة مل يهتمون للمضهر بالملابس الرسمية خلال المقابلة بس لازم يكون لبسك عادي وعقلاني يظهر تواجدك واحترامك الهم واحترامهم الك اهم شي بالمقابلة كلامك وتصرفاتك والاسئلة والاجوبة الي تخص موضوعك واهم شي تحكم بعقلك بالامور وندعيلك بالموفقية وتسهيل الامر الك يارب
اخوك صلاح
-
اخوية العزيز كلش عادي ...يعني نصحية مني راح انطيك شي بسيط ومرتب ...
جينز مرتب ويا بلوز ياخة سبعة وجواها قميص اكيد الياخة طالعة وتكرم شوز مرتب واهم شي لحيتك دكها صفر لان راح ياخذولك صور وعادي ريكلس لان الكادر كلش حبابين ...ومعلومة هي مقابلتين بيوم واحد ...
بلتوفيق يارب
اخوك اين اناا
عمان
-
ديروا بالكم اليلبس شورت بالشتا لو بلوز بالصيف ينرفض ;D ;D ;D
-
ألبس شوي بيه ياخة دائما ..
-
اني انصحك تلبس الزي السوداني لو الزي اللي ايلبسهة الرئيس الليبي القذافي ............واذا مادبرت وياك البس الزي الرسمي للمنتخب العراقي !!!!!!!!!!!!!!!! اخوية البس اللي اتشوفهة معقول وحلو بعيدا عن التكلف والبهرجة وابوك الله يرحمهة
-
انصحك ان تلبس كجول ومرتاح بي حتئ لاتتضايق منل اسئله
-
اخوي العزيز
البس لبس طرزان او شورت سباحه بس واخذ طوافه او مزلاك ما تزحلق على الماء
ههههههههههههههههههه ;D ;D ;D
اخوي العزيز فكر شراح تنسال وشراح تجاوب لاتفكر باللبس مثل ماكالو الاخوان
والله يسهلها عليك
-
البس ما يعجبك واحجي بما يعجب المحلف ;D