ankawa
منتدى الهجرة واللجوء => الهجرة و واللاجئين => الموضوع حرر بواسطة: مصير مجهول في 17:46 26/11/2009
-
ابنائي الاعزاء ...
اول شي كل عام وانتم بخير والله يجعل كل ايامكم اعياد وافراح
طبعا انا راح اسمح لنفسي اقلكم ( ابنائي ) لأني بلغت من العمر عتيا
بس احس اني شباب لما اشارك
بهذا المنتدى الشبابي الجميل اللي بيه ناس احسن اهلهم تربيتهم وكانو نعم الاخوة ويرفعون الراس ..
انا عمكم متابع شبه يومي لهذا المنتدى من مايقارب السنتين وكل ما ارغب بالمشاركه اجد تساؤلي مطروحا .. يعني ماخليتولي شي اشارك بيه .. اليوم عندي موضوع ارجو ان لايزعجكم ولكنه وارد ..
الموضوع مثل ماتعرفون ونؤمن كلنا (( ان كل نفس ذائقة الموت )) سؤالي شنو هي الاجراءات في حالة
وفاة اللاجئ بامريكا .. شلون راح يصير الوضع من المنظمه وهل من معين لأهله وماهي الكلفه وكذلك شنو هي الية نقل الجثمان الى العراق ...
ارجو ان ما اكون ازعجتكم بس هذا امر الله ولازم يصير مثل مافي ولاده في موت .. خصوصا هذي ايام عيد الاضحى وكلنا نذكر امواتنا بالخير انشاءالله ..
ارجو منكم تتحملوني وتجاوبوني والله يحفظكم جميعا من كل سوء
عمكم .. مصير مجهول
-
عزيزي الاستاذ بيرج ,
من خبرتي في تصفح المنتدى كنت واثق انك اول شخص راح يرد على موضوعي
وانت المعروف بمواقفك الانسانيه اللي هي فخر النا كعراقيين قبل ان تكون فخر لشخصك الكريم
مع كل الاحترام والتقدير لجميع الاعضاء
مره اخرى بارك الله فيكم جميعا ... وجنبكم كل مكروه
مصير مجهول
-
الله ينطيك طول العمر وينطيك الصحه والعافيه والامان وكل عام وانت بخير
و يارب اتشوف اولاد اولاد اولاد اولاد اولاد اولاد اولاد اولاد
ابنائك وبناتك عمي الغالي
وليدك ابو عبد الله التاكساسي
-
شكرا عمي ابو عبدالله .... الله يوفقك يارب
ويوفق الجميع بهذا اليوم الفضيل
-
مرحبا عمو شلونك ...
حبيت اقولك كل عام وانت بألف الف الف خير ويارب ينعاد عليك بالصحة والعافية وغفران الذنوب ورحمة من الله واسعة تسهلك كل صعب وتهون عليك كل شدة ولايحرمك من اهلك ولا يحرمهم منك
عمو قلبي ظل يأذيني من كلامك لان هاي الفكرة دائما في بالي بس اخاف افكر بيها ...اريد ابقى دائما صغيرة ومااكبر واريد ماما وبابا دائما موجودين بالدنيا ..ادري راح تعتقد انو حالتي متاخره :)..
شوف عمو راح اقلك شي طالع من قلبي واكيد راح يوصل قلبك ... كلنا متمسكين برحمة الله ...والله يدري شنو بقلوبنا "ونحن اقرب اليه من حبل الوريد" اطلب من الله شنو تتمنى ان يعطيك في نهاية العمر وادعوا بصدق وثق بالله سيكون ماتريد...
ولا تحرمنا ابد من مشاركاتك ...فقد تعتقد انك لن تضيف شيئا ...ولكن ربما العكس سيكون هو الصحيح
بنتك نخلة عراقية
عمان
-
عمي صاحب الموضوع مصير مجهول
كل عام وانت بخير والله ينطيك العمر المديد و دوام الصحة والعافية وبصراحة لو كنت بامريكا كان ممكن اعطيتك معلومات بس اتصور انه السفارة العراقية هناك هي تتكفل بنقل الجثمان ياسامح الله حسب اخر تصريحات سمعت بيها
أبنك رافد
-
الله ينطيك طوله العمر ويحفظ الجميع
للاخت نخله ارجو التصحيح لان الله هو الذي اقرب الينا من حبل الوريد وليس العكس
مع اعتزازي
اخوك ابو تريكة
-
اخونا المصير المجهول
كل عام وانت واهلك ابنائك وبناتك بالف خير وصحه
يا ربي ينطيك طوله العمر والصحه بس طبعا لازم الواحد يفكر باخرته مثل ما يفكر بحياته ويعمل لها كانه سيموت غدا
-
ابنائي الاعزاء ...
انا اسف اني ضوجتكم بالموضوع .. تجاوزوه وعيشوا ساعاتكم الحلوه وانشاء الله عيد مبارك وكل عام وانتم بخير ...
القول المأثور يقول : (( اعمل لدنياك كانك تعيش ابدا واعمل لآخرتك كانك تموت غدا )) .. لازم كلنا نمشي على هذه القاعده ..
بنتي العزيزه ( نخلة عراقيه ) .. أختيارك لهذا الاسم لأنك شامخه بأخلاقك وتربيتك شموخ النخله العراقيه .. الله يحفظك ويحفظلك الوالده والوالد ..
ابنائي الاعزاء ... رافد .. ام فائز .. وابو تريكه
شكرا لمداخلاتكم الكريمه...
مصير مجهول
-
كل عام وانت بالف خير عمنا العزيز اتمنالك الصحة والسلامة وطولت العمر انشالله
بالنسبة لسؤالك هوة شي وارد والاعمار بيد الله تعالى بس اللي اعرفه انه مراسيم الدفن تكون عالدولة ولكن تكاليف نقل الجثمان بالطائرة للبلد الاصلي مكلفة جدا وخيالية لذلك نشوف باغلب الاحيان لاينقل المتوفى لبلده وهذا امر حصل لاحد اقربائنا توفى بحادث سير بالامارات (جنبكم الله كل مكروه) وحاول الاهل نقله للعراق ليدفن فيه ولكن كانت تكلفة النقل بالطائرة عشرة الاف دولار !!
حفظك الله ويحفظنا من كل سوء انشالله
تقبل تحياتي
-
مساء الخير
كل عام وأنتم بألف خير
شلونك عمو الله ينطيك طول العمر انشاء الله
ووووووووووووووووووأهلا وووووووووووسهلا فيك
في منتدانا الرائع والجميل
ابنك الصبر طيب
-
ربي ينطيك طولت العمر وربي يبعد عنكم كل ما هو شر كل الهلا بك اخي العزيز بين اهلك وناسك ربي يحميك لعائلتك وكل عام وانت بالف الف خير الاخوة ما قصروا بالرد على سؤالك وانشاءللة العمر المديد بالصحة والعافية يارب
-
شكرا من القلب اللى كل المشاركين والمرحبين
الله يحفظكم جميعا ويطيل باعماركم واعمار من تحبون
عمكم ... مصير مجهول
-
والدي العزيز الله ينطيك طولة العمر يارب وصحيح الموت حق على كل انسان
ولاكن اتوسل بيك لتفكر بهذة الشي الله ينطيك طولة العمر يارب والصحة الدائمة يارب
ابنك جوزيف