ankawa
منتدى الهجرة واللجوء => الهجرة و واللاجئين => الموضوع حرر بواسطة: لورنس العراق في 13:57 29/11/2009
-
السلام عليكم شباب اني عضو قديم بس اظطريت اغير الاسم القديم لانه نمسح الباسوورد واني محافظة المهم اشلونكم شباب ان شاء الله كلكم بخير ...
شباب اني بعمان واتوطنت واتحولت عل اي او ام وقابلت مقابلتين المهم وصلت للمحلفين ومقابلت بعد اي مقابلة المهم اني رفضت وراها اكثر من موعد للمحلفين واتصلت بالاي او ام بلغتهم اني ما اريد اسافر امريكا وانطيتهم الاسباب يكولون روح لليو ان كوللهم ملفي انغلق بالاي او ام واليو ان يكلون لازم يرجع ملفك والى الان اني انتظر هذا الحجي صارلة اكثر من اربع شهور الامم المتحدة يكلون مرة سقط حقك بالتوطين ومرة يكلون رح نتصل بيك ونقابلك مرة ثانية ونشوف موضوعك بس الى الان ماكو نتيجة اني طبعا عندي كارت ازرق وعندي ورقة وكل هاي الامور موجودة زين هسة شلون ابقى هيج انتظر لو ممكن اسوي شي يساعد بالتوطين في بلد غير امريكا الرجاء المساعدة باي معلومة او نصيحة ولكم فائق الشكر والتقدير وشكرا ........
-
السلام عليكم اخي الغالي انته المفروض في مقابله التوطين اتعارض توطينك في امريكا واتوضح الاسباب لمحامي التوطين الي قابلك وبقت يمه هو اذا اقنع ايساعدك واذا لا راح ايكلك الاسباب التي تمنع توطينك في بلد اخر انته بس لو امقابل المحلفين وامغير بالحجي هم كان رفضوك وكان صار الحق وياك المهم ممكن انه يتم اعادة توطينك في بلد اخر بس تره الشغله اتطول اهواي في بعض الحالات يعني اني عندي صديقي انرفض قبل سنه وتسعة اشهر ولي هسه ما عادوله التوطين في بلد غير الولايات المتحده الله ايسهل امرك
-
حبيبي اخي
اذهب الئ اليو ان
اطلب قسم الحمايه_و___انتظر ولا تجزع___
وكلم المحامي هو راح ايساعدك بس انطيه رقم الملف
وبهذا الشكل راح اتحرك الملف مره ثانيه
والله ايكون ابعونك ويسهل امرك
-
ممنون منكم شباب بس المشكلة انه اني كلمت اليو ان اكثر من مرة وكل مرة يكلون نتصل بيك ونشوف الموضوع ومرة يكلون سقط حقك بالتوطين ومرة يكلون يقابلوك التوطين مرة ثانية ويشوفون ليش رفضت امريكا لو يوطونوك بلد ثالث لو يوطنوك مرة ثانية امريكا لو يسقطون حقك بالتوطين واني ما اعرف وين رح يصفة الدهر وشوكت ؟؟؟؟؟؟
-
السلام عليكم اخي الغالي بالنسبه الى موضوع انه يسقط حقكك بالتوطين مره اخرى هذا الشيء ما موجود مدام انته متوطن وعندك الكرت الازرق يعني لازم يعاد توطينك مره اخرى بس الشغله تاخذ وقت وان شاء الله ايسهل امرك باسرع وقت وانته هسه عليك ان تكتب الاسباب الي رفضت التوطين في اميريكا وتشرحها جيد واتحطها اب ظرف وتكتب رقم ملفك وتلفوك على الظرف واتروح اتحطها بالبريد مال المفوضيه وان شاء الله يتصلون فيك والله ولي التوفيق