ankawa
منتدى الهجرة واللجوء => الهجرة و واللاجئين => الموضوع حرر بواسطة: ام عبداللة العراقية في 11:30 01/12/2009
-
مرحبا يا شباب وشابات
كل عاااااااااااااام وانتوا بالف خير
اسفه جدا لعدم مشاركتي بالمواضيع المطروحه (لاسباب عديده)
اعزائي سؤالي هو
اليوم اتصل موضف من un (طبعا هذا الاتصال كان لاهلي)
وقال اريد السيد .........الي هو بابا والي رد على التلفون اخي وموافق يحكي مع اخي
راد بابا وحكى مع بابا
وقال ل بابا يوم الخميس عندك مقابله بل un الساعه العاشره صباحا
وطلب يجلب معا كل المستمسكات الي تخص اهلي كلهم
وقال الموضف ل بابا تجي لوحدك من دون العائله
وطبعا اهلي مثل ما ذكرت قبل حاصلين على توطين لاميركا بتاريخ 15-9-2008
ومن ذاك الوقت لحد هذا الوقت ماكو شي غير بس هذا الاتصال الي اجى اليوم
فسؤالي هو
اكو احد مر بهيج شي يعني يستدعون الاب من غير العائله
وبخصوص شنو تتوقعون
واحب اقول انو بابا عسكري برتبة نقيب وقريت انو اوباما انطى قرار بخصوص العسكرين
(الي نايمه معاملاتهم)لانه بوش كان ميريد العسكرين
وكان قرار اوباما سماح للعسكرين بلجوء لامريكا
او جائز مرفوضه ودزوا على بابا لو شنو القصه
فالله يخليكم ضروري تردون عليه لانه والله العظيم اهلي باقين على نار
لانه كثير كثير محتاجين اللجوء بسبب ظروف كثيره
واتوقع الكل محتاج اللجوء
علعموم اسفه جداجدا على الاطاله
ارجو الرد
-
السلام عليكم كولي يالله وبلكت هاي بشارة خير تكتبية انشالله ورة ميقابل والدك ويبشر كل العسكريين الظباط وانشالله تفرج علة اهلج باقرب وقت بس والله اني اول مرة اسمع بهذا القرار انو وافقوا بالاجوء للظباط ورجاء اطلب من حظرتج وين قريتي القرار وكتبي بل منتدى شحيصير وية اهلك بعد المقابلة والله يسهلة علينة وعليكم وعلة جميع اعضاء المنتدى
-
الاخت العزيزة ام عبدالله انا ليست لدي خبرة في هذا الموضوع ولا استطيع ان افيدك وان شاءالله يرد عليك احد الاعضاء بس حبيت ان اقول لك لا تقلقي ان شاء الله تسير الامور بشكل جيد ويارب تكون مقابلة خير لبابا وفاتحة خير لكل افراد العائلة ويارب تتسهل الامور عليكم وعلى الجميع
صابرين
-
اختي ام عبدلله المحترمه
الله يعوض صبركم خير
الي عنده توطين ماله علاقه باليو ان
احتمال الرفض وارد
وطلب المستمسكات
احتمال انو ايخيروبالتوطين علئ الاتحاد الاوربي
بااقرب وقت
ولا تخافي وسلميلي علئ الوالد والعائله وبشيريهم بالخير
وكان انتظارهم طويل
والله عوضه
ابتسموا رجاء
-
السلام عليكم اختي ام عبدالله
خلي انقول انشالله خير لاني اعرف مجموعة اصدقاء مرو بهيج وضع يعني قابلوا مقابلة توطين وبعد فترة اتصلوا بيهم مرة ثانية ومرة ثالثة ورة فترة لتاكيد بعض المعلومات الي تكون غير واضحة او مرات مروا بيهة بعض الاخوة قالولهم حول تاكيد الدولة الي راح يرسلون ملفه الهم بس اكثر الاحيان بما انه كان عسكري سابق راح يتاكدون من بعض الامور الي تخص عسكريته وتعرفين انه الي خدم مكلف بالجيش وتشوفي اشلون يركزون على تاريخ خدمته وانتي تكولين الوالد كان ضابط فاكيد التركيز على هذا الجانب حتى يضمنون اله ترتيب ملفه ويرفعوه دون فراغات وب un كلشي مطروح
بس الغريب انه متوطن لاكثر من سنة وبعد لهسة ما رافعين ملفه للدولة الي راح يتوطن بيها فخل نقول انشالله ملفه اجا دوره حتى ينرفع للدولة الي راح يتوطن بيها ومن الله التوفيق
اخوك صلاح
-
الف شكر للاخوه والاخت صابرين على ردودكم والله ان شاءالله يوفقكم ويسهل امركم
بلنسبه لموضوع السماح للعسكرين بلتوطين لاميركا
قراته بهذا المنتدى الي هو منتدى عنكاوا قبل شهر كان موضوع مطروح
من جريدة واشنطن بوست وكان احد الاخوه الي باميركا طارح الموضوع
وذاكر بي انو يتم التنفيذ 1-12 يعني هو هذا الشهر
لهذا السبب اتوقعت انو دزوا على بابا بخصوص هذا الشي لانه مكتوب يتم التنفيذ
بتاريخ 1-12
وارجع على المواضيع القديمه اكيد راح تشوفه بس ما اعرف باي صفحه
لانه مثل ما ذكرت قبل شهر قريت الموضوع
وان شاءالله شيصير مع بابا احكي بلكي الاخوه والخوات يستفادون
-
انشاء اللة خير اختي ام عبد اللة لاتقلقين لان زوجي ضابط ورتبة نقيب وقابلنا محلفين يوم 15 وحلفوا مرتين ودزو ا عليه 3 مرات مع انه الملف باسمي لان اخويه سوالي توطين مباشر وراح لامريكا بس ظلوو يحققون وياه هوايه واللة كريم كله بيد رب العالمين فلا تقلقين مثل ما كال الاخ صلاح همه يدققون ويه العسكريين هوايه انشاء اللة خير الكم هو انتي وياه ملفج لو شنو انت مخلصة فحص على ما عتقد انشاء اللة تسمعين اخبار حلوة وتكولينا
اختك
ام محمد
عمان
-
الاخت العزيزه
تره الشغله حسب اعتقادي شغله عاديه...يريدون يعرفون كل المعلومات عن شغل الوالد الله ينطيه الصحه...والدتي صار وياهه نفس الشي...كان ملفهم مرفوع للتوطين لاميركا ولانه هي كانت بمركز بلدوله-بس ماكانت حزبيه او عسكريه- فطلبوهه لمقابله بليو ان والمقابله طولت 3 ساعات رادو يعرفون كلشي عن شغلها...بس الحمدلله الان ملفهم كامل بس بانتظار الموافقة الامنيه بس الخبر المش ولا بد انه صارلهم 9 اشهر بانتظار الامنيه وواقفه على موافقتهه فقط!....بس الله كريم ان شاء الله خير ... واكيد اليو ان ما الهم علاقه بلقبول او الرفض وان شاء الله ماطول طلبوه على هاي المقابله معناهه ماشيه الامور ما مركونه عل رف.
تمنياتي بلموفقيه
اختكم من عمــّـــان drlexa
-
السلام عليكم
اختي العزيزة ام عبدالله
لقد مررت بهذه الحالة هنا في عمان ، فبعد احالة ملفي الى التوطين وانهاء المقابلات ، تم استدعائي منفردا مع طلبهم بجلب كافة المستمسكات ، وعند المقابلة تركزت الأسئلة حول محورين أساسين ، الأول عن الخدمة العسكرية بكافة تفاصيلها الصغيرة والكبيرة منتهية بالأستفسار عن اسماء امراء الوحدات التي خدمت بها ، والمحور الثاني تركز حول كيف اكون عسكريا ً ولم انتمي الى حزب البعث ، وتكررت الحالة مرة اخرى ، والمفاجئة انه بعد الأستدعاء الثاني بأيام قلائل تم الأ تصال بي من قبل IOM وابلغوني بأنه لدي مقابلة عندهم لترشيحي الى امريكا .
المسألة روتينية وعادية ولا تقلقي بسببها وانشاء الله خير وتمنياتي لكم بالتوفيق
ابو النعمان
-
الاخت العزيز ام عبداللة العراقية
اولا الف مبروك وان شاء الله التوفيق للعائله ( الامور مشت )
ثانيا كل عام وانتي بالف خير وان شاء الله على جبل عرفات
ثالثا عندي اصدقاء نفس الخاله يدزون عليهم لوحدهم بدون العائله اولا لمعرفه ماذا كان يعمل في اي وحدة وتفاصيل كامله ودقيقه عن العسكريه وبعدها يطلبون مقابله العائله في موعد جديد اي لن يكون مثل المدنيين مقابله اولى فقط بل لثنان ومرات ثلاثه
لاتقلقين ان شاء الله الامور ماشيه
هذا مااعرفه عن طريق بعض الاصدقاء وحسب اقوالهم والله اعلم
تحياتي
-
الف الف الف شكر للاخوه والخوات الي ردولي
الموفقيه للجميع