ankawa

منتدى الهجرة واللجوء => الهجرة و واللاجئين => الموضوع حرر بواسطة: مصير مجهول في 17:18 04/12/2009

العنوان: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: مصير مجهول في 17:18 04/12/2009
الأخوة الاعزاء ... مساكم الله بالخير جميعا ..

بالبدايه احب اسلم على الجميع  وادعو لبنتنا الغاليه ( انجي ) ان تقوم بالسلامه  ويمن عليها الباري بالصحه والعافيه..

طبعا انا  متابع المنتدى يوميا  بس تعذروني لعدم دخولي المستمر بس والله انتم جميعا بالقلب ..
اولادي الاعزاء .. سؤالي اليوم ..
حول المواد الغذائيه المتوفره بالاسواق الامريكيه والتي تكون بعيدة عن شبهه الحرام .. يعني مايصير تقاطع المحلات القريبه منك شقولك خاف  موحلال ... ونروح نتعنا للافغان او الاتراك ونشتري منهم شغلات مالها علاقه بالحلال والحرام ...  يعني لازم نخلي الافغان والاتراك للشغلات الضروريه فقط مثل اللحم والدجاج ...
خل اقرب الفكره ...
يعني لو قريب منا  محل شنو المانع نشتري منه اجبان او حلويات او البان او كيك او اسماك وماشابه .. بس السؤال : شلون نعرف ان هذي المواد غير داخل فيها اي منتج من منتجات الخنزير ...
القصد من الموضوع هو محاولة الاختلاط مع المجتمع من دون التفريط بالثوابت ..

ارجو ان تكون وصلت الفكره
 مصير مجهول
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: اينشتاين العراقي في 19:29 04/12/2009
بالبدايه اخي العزيز احب ارحب بيك وانشالله انت بين اهلك وناسك
وثانيا اكيد اكو بكل عبوه تشتريه بوستر يكلك شنو مكوناتها وما هي انواع الدهون المستخدمه بيه
لان اكيد اكو ناس عدها حساسيه من بعض المنتوجات مثل دهن الخنزير وغيره
فانت حاول تشتري الشغلات الي بيه بوسترات بيه مكتوب المكونات
والي ما مكتوب بيه المكونات لا تشتريه
هذا طبعا رأيي وانت حر بعد



اخوك اينشتاين
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: بت بطوطة في 21:49 04/12/2009
اخي للاحتياط وحتى تكون في امان من هذا الموضوع توجد في كل السوبرماركتات منتوجات خاصة بالاشخاص النباتيين وهذه المنتوجات تكون خالية من اي مواد او دهون حيوانية  تماما ومكتوب عليهة :
اما  حرف V أو عبارة suitable for Vegiterians

وطبعا تشمل الاجبان والمعجنات والجبس وغيرها

اتمنى اكون فدتك بشي .. تحياتي
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: بت بطوطة في 22:18 04/12/2009
"يعني لو قريب منا  محل شنو المانع نشتري منه اجبان او حلويات او البان او كيك او اسماك   وماشابه "

فقط للتذكير اخي الكريم  أكل الاسماك حلال في كل مكان .. تحياتي
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: ابو عبد الله التكساسي في 23:13 04/12/2009
عمي الغالي السلام  عليكم
اني بالفعل دا اسوي هيج مثل ما انت اتفضلت والحمد لله كل الاشياء الي اشتريهه منها السمك من الاسواق الامريكيه واللحم اشتري من الباكستانيين مو من المسلمين العرب لان لشديد الاسف العرب المسلمين الي يمنا مصالخهم كلهه كصاصيب مكسيكيين مو مسلمين ويذبحون بنفس المصلخ الي يذبحون بيه الخنازير  وهاي المعلومه عرفتهه من اخوانا العراقيين (( المسيحيين)) الي يمي

تحياتي الك
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: مصير مجهول في 16:26 05/12/2009
اولادي الغالين ....
مشكورين جدا على مشاركتكم  انشتاين واخونا العزيز شوقي وبنتي العزيزه ( بنت بطوطه )
ويمكن فعلا  الاحسن الواحد يكون نباتي خصوصا بعمري .. وانا مشيت بهالموضوع صار فتره..
بس كل ما اشوف اكل عراقي  ( كامل الدسم ) تضعف ارادتي ...
عموما الله كريم
واتحملوني ترى الكبير قنقينه شوي

عمكم
مصير نباتي أقصد مصير مجهول..
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: بت بطوطة في 17:07 05/12/2009
العفو عمي مصير مجهول ( وانشالله معلوم) اني ماقصدت من مشاركتي انه انصحك تكون شخص نباتي ابدا .. بس جان قصدي انه اذا تريد تشتري مواد من غير محلات الحلال فتكدر تدور على منتوجات النباتيين حتى ماتدوخ بشغلة الحلال والحرام واللحوم تاخذهة من محلات الحلال اعتيادي وهذا اللي اني داسويه

 وانشالله الك طولة العمر والصحة والعافية .. تحياتي

بنتك بت بطوطة - ايرلندا
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: angie-dawood في 17:10 05/12/2009
ربي ينطيك الصحة والعافية ويطول بعمرك يارب طبعا الاخوة ما قصروا بالرد ربي يبارك بيهم والف شكرا لك على السؤال والاطمئنان عني بداية موضوعك اخ وعم واب غالي وتاج فوك الراس ربي يخليك لعائلتك يارب وانشاءللة بعونه تعالى دائما الصحة والعافية وراحت البال
العنوان: رد: مواد غذائيه قد يدخل بها منتجات الخنزير؟ كيف نعرفها ؟؟؟
أرسل بواسطة: مصير مجهول في 18:13 05/12/2009
طبعا الشكر للجميع ....   و   لبنتي انجي
الف مليون الحمدلله على سلامتج نورتي قلوبنا قبل المنتدى ... ونطلب من الله بعدد حروف مشاركاتج
ان  يحفظج من كل مكروه
والشكر الجزيل ل ( بنت بطوطه ) الغاليه