ankawa

منتدى الهجرة واللجوء => الهجرة و واللاجئين => الموضوع حرر بواسطة: ammarbattal في 17:19 04/12/2009

العنوان: المقابلات والفحص الطبي (السفارة الكندية)
أرسل بواسطة: ammarbattal في 17:19 04/12/2009
السلاااام عليكم .... اخوكم عمار اتمنى من الاخوان ال عنده معلومه حول الخطوات المنتظره بعد الفحص الطبي والفتره الزمنية للسفر ...  20/11 عملت المقابلة في السفارة وبعدها بيوم عملت الفحص الطبي....


 تحياتي للجميع
العنوان: رد: الاجراءات بعد الفحص الطبي في سوريا(السفارة الكندية)
أرسل بواسطة: اينشتاين العراقي في 19:05 04/12/2009
اول شي مبروك اخويه العزيز لان الفحص الطبي معنا انو انت مقبول للسفر على كندا
وبعد بس عندك نتائج الفحص الطبي اذا طلعت مقبوله واذا ما عندك منع من الدخول لكندا انشالله راح تسافر بدون تعقيدات
هاي اولا وقثانيا اني هم مثلك مقبول بس بعمان وطبعا اني فحصت بشهر 9-2009 ودا انتضر تسليمالجوازات والدوره التثقيفيه والسفر وطبعا الي قابلتني بالسفاره كلتلي انو تقريبا 4 اشهر وتسافر بس اني حسب خبرتي واتصالي ببعض الاخوان الي مثل حالتي شفت السفر في اغلب الأحوال يطول 6 اشهر بعد الفحص الطبي واكو حالات اقل بشويه واكو حالات اكثر
بس هو المعروف انو 6 اشهر وتبقى بعد كل كيس اله حالته الخاصه
وبالنهايه اخويه العزيز احب اباركلك وانشالله نتشاوف اني وانت بكندا
وكل عام ونات بخير



اخوك اينشتاين
العنوان: رد: الاجراءات بعد الفحص الطبي في سوريا(السفارة الكندية)
أرسل بواسطة: ammarbattal في 18:47 06/12/2009
مشكووور اخويا اينشتاين   ..... انشالله تكون ما تتاخر السفر ... ويسهل امر العراقيين كلهم ..... نسبتا الى الولاية ما حددولك اياها لان اانا بلمقابله اختاريت مونتريال رغم اهلي ساكنين بمدينه ثانيه ........ تحياتي .... اخوك ammar
العنوان: رد: الاجراءات بعد الفحص الطبي في سوريا(السفارة الكندية)
أرسل بواسطة: اينشتاين العراقي في 16:47 07/12/2009
اخويه العزيز اذا اهلك كافليك فراح يذبوكم يمهم
علما انو كندا مابيه ولايات وعدهم مقاطعات
واني اختاريت مقاطعه برتش كولمبيا
بس كلي اخويه سؤال انت يعني قابلت بالسفاره لو بعدك
يعني اجرائاتك نفس اجرائات عمان!!
وشغله ثانيه يا ريت تذكرنه التواريخ مالتك بسرعه يعني شوكت انقبلت وشوكت مليت الفورمات وشوكت قابلت وشوكت فحصت
وتقبل تحياتي


اخةك اينشتاين
العنوان: رد: المقابلات والفحص الطبي (السفارة الكندية)
أرسل بواسطة: اريد وطن في 11:48 09/12/2009
ammarbattaاخونا

اني من عمان مثل اخونا انشتاين سويت الفحص ب شهر 9/2009 وكاعدين ننتظر الفرج من رب العباد

اخويه حسب علمي الفحص الطبي خلال 20-30 يوم ينتهي ويروح الجواب جماعه اعرفها سو الفحص بعدنا ب 20 يوم وبعد 40 يوم اتصلو بيه وعادو الفحص للشخص واحد من الكيس وردو عادو وينتظرون

السؤال احنى مر علينا 3 اشهر بالظبط اليوم لانه عند عمل الفحوصات ابلغني الدكتور خلال 3 ايام تكون الفحوصات واصله الى فرنسا هل عدم اتصالم بينا لغايه اليوم هو الفحوصات نتائج اوكي وباقي موافقه امنيه او شنو ممكن يتصلون هسه بينا وعيدو فحص لو اوراق ناقصه هذا الواحد يخاف منه يعني من الحاله اعلاه بعد 20 يوم بالظبط شايفين فحوصات وطلبوا اعاده فحص شخص واحد من الكيس يعني 20 يوم وبينت النتائج

ياخوانا اتوقع بنصف شهر 1/2010 يعنب بعد دوامهم اطوهم اسبوع يمن الموضف يرجع ويرجع لجوا عمله وبعد ميعيد على جماعته وياكل شويه كليجه وبسكت العيد يكون هناك اكثر من مجموعه للسف ندعي الله يكون احنى منهم ويحن علينا هذا لو هذه الازمه ملفنى وتكول خطي هذول شلعنى قلبهم وتحن وتسل شغلتنه هسى لو اعرف منو لازم شغلتنا واحد يكلي شسمه واسم امه وادعي واكول ياتوني ابن ام توني يهدي ربنا ويعجل بشغلتنا

اريد وطن وتعبنى من ندور على الوطن وينك             ياوطن ...........................................................
العنوان: رد: المقابلات والفحص الطبي (السفارة الكندية)
أرسل بواسطة: ابن بلاد الرافدين في 13:35 09/12/2009
مرحبا اخواني شكرا لكم على طرح هذا الموضوع المهم والمفيد
بالنسبة لكندا اني هم حولوني للسفارة الكندية وبشهر 9 يعني 5/9/2009
سوينة الفحص الطبي واني هم بالانتظار وية اهلي فشنو شغلتنا انشاءالله مضبوطة
حننقبل واني كلش متفائل واختاريت مقاطعة اونتاريو
بتاريخ 5/3/2009عبينة الفورمات
بتاريخ 3/9/2009سوينة مقابلة بالسفارة الكندية وبعدها بيومين اي بتاريخ 5/9/2009سوينة الفحص الطبي
ودننتظر وانشاءالله خير وفترة الانتظار توصل من شهرين الى 6 اشهر لا أكثر لأن ينتهي مدة الفحص الطبي ولازم يعيدون الفحص فتصيرلهم دوخة فراح وانشاءالله نسافر قبل 6 اشهر والتوفيق للجميع
العنوان: رد: المقابلات والفحص الطبي (السفارة الكندية)
أرسل بواسطة: اريد وطن في 13:59 09/12/2009
ابن بلاد الرافدين

اخويه اني مثلك وكت تعبئه الفورمات ومقابلتي جانت ب 2/9/2009  وانشاء الله هم مقاطعه اونتاريو في تورنتوا بس اني ناوي اروح الى ميسساكا بعد الوصل وهي نفس المقاطعه


اخويه احب اصححللك معلوماتك بالنسبه الفحص الطبي ليس نافذ فقط الى 6 اشهر وانمى الى سنه وهذا اكيد والدليل اكو اخونا ابو الحظ سافر بشهر 11/2009 وهو من شهر 1 او 2 جان فاحص

والسفر للموعد ماكو شي اكيد ممكن خلال 2 شهر اقل شي اني تابعت في المنتدى ورجعت للسنه 2008 جان اكو ناس سافرو بعد الفحص 2 شهر
وحسب موقع السفاره كاتبين وقت المعامله ويحسب من تاريخ فتح ملفك في السفاره الكنديه حسب الاتي

30% من المعاملات تخلص ب 5 اشهر احجي بالاردن او سوريا
50% من المعاملات خلال 6 اشهر
80% من المعاملات خلال 8 اشهر

واخي اختلاف بالمواعيد وهمه كاتبيه حسب الشخص ماسك معاملتك ونشاطه وطبعن اكيد تسهيل من رب العالمين والحظ والنصيب

اني شخصيا حاط الاسبوع القادم ممكن يتصلون وهو اخر امل الي خلال هذا العام وبعدها بعد 10/1/2010 يبدي الاتصال اتوقع
يعني حتو لو اتصلو بينا الاسبوع القادم يكون سفرنا نهايه الاول ويارب نكون جمعيا من هاي الوجبه
بس حسب كلام اخوانا همه هسا اسرع من الاول ويشهر 12 اكو 3 رحلات واحده من الرحلات جانت ب 8/12/2009 وبصراحه اني جنت بالمطار وشفت خمس كيسات بس ملحكت عليهم جانو داخلين جو وباقين جماعه امريكا وطبعن جانو اكثر عدد بس واحد من جماعه امريكا سئالته وكالي الموضف IOM اعطى بالاول اكياس جماعة كندا وهم حسب ماعدهم 5 كيسات واكو سفر بي 1212/ واخر رحله خلال هذا العام 15/12/2009
وحسب علمي خلال شهر 12 سافرت تقريبا 20 كيس هاي الاخبار جانت من اخونا الفريدو الله يسهل عليه هو هسه بكندا ويارب النا جميعا ونكون بطياره وحده ونطير ونروح وتصير ذكريات بس اني بالطياره اصيح اعلى صوتي وينك انشتاين عمي طاع لراسك وينك عمي ابن بلاد الرافدين تطلع لو اخطف الطياره ويصير اليصير

ترى حظنى واعرفه تروح الطياره للعراق وتنزل مطار بغداد ويكلك مبروك وصلتوا لبلدكم خفنه عليكن من الغربه ورجعناك للعراق هههههههههههه

اخوك اريد وطن يشاقه وياك من روحه طلعت وقلبي خلص من الانتظار .
 
العنوان: رد: المقابلات والفحص الطبي (السفارة الكندية)
أرسل بواسطة: ابن بلاد الرافدين في 16:53 09/12/2009
هههههههه اخوية اني هم جانت مقابلتي 2/9/2009
من الساعة 7 الصبح واكفين ودخلنا السفارة وطبعا وانتظرنا وجان بوكتها رمضان للساعة 5 واخر شي اجلونة كلولنا أتأخر الوقت واجلونة لليوم الثاني يعني احنا انشاءالله دفعة وحدة وطيارة وحدة بس اني بالفورمات اللي انطونياها كتبت اونتاريو ماحددت تورنتو
اونتاريو تحتوي على تورنتو ومونتريال واوتاوا شيجي ينعم الله
العنوان: رد: المقابلات والفحص الطبي (السفارة الكندية)
أرسل بواسطة: ammarbattal في 20:28 09/12/2009
السلام عليكم اخي  انيشتاين .... اناتحولت للسفاره في شهر 1/10/2009 مليت الفورمات وعملت المقابله الثاني في السفاره الكنديه بسوريا 20/11 وعلى غرارها  عملت الفحص الطبي .... يعني نقول بسوريا اكو تسهيلات بلوقت المقابلات تكون اسرع .... تحياتي
العنوان: رد: المقابلات والفحص الطبي (السفارة الكندية)
أرسل بواسطة: اريد وطن في 08:22 10/12/2009
اخويه ابن الرافدين

اني جانت مقابلتي ب 2/9/2009 المفروض نقابل الساعه 2 ظهر دخلنا اتذكر 2.30 ظهر واكيد جان شهر رمضان وقابلتنىواحده شعرها اصفر ليست كبيره بالعمر وكانت متعاونه جدا

وطولنا بالمقابله تقريبا ساعه وبعدها اطتنه اوراق للتوقيع و فحوصات الطبيه وبيعدها بيومين رحنه للدكتور في
تقاطع الحرميين مركز طبي عمل لنا الفحوصات والسبت ارسلنا الى مسشفى الشميساني لعمل اشعه
علما في المركز العربي للورقه انوقعه شامله جميع الفحوصات من اجور بس هذا الدكتور ماعنده اشعه يرسل الى مستشفى وطبعن اني دفعت اجور الاشعه
مرحنه للتدكتوره ايمي لانها كانت ايامها والده وماخذه اجازه مو مشكله طبعن الاحد السبت يعني ثاني يوم سلمنى الاشعه وكالت السكرتيره مال الدكتور الاحد تكتمل الفحوصات والاثنين صباحا ترسل جميع الفحوصات الى فرنسا يعني ارسلت ب 7/9/2009 وخلال 3 ايام تصل الى فرنسا

طبعن لغايه اليوم 10/12/2009 لايوجد اي اتصال يعني اليوم قبطنى 3 اشهر وبعدنا بالانتظار

خويه  اليقابلنتا بالسفاره ناس تكلهم خلال 2 وناس تكلهم خلال 3 اشهر او 4 اشهر واتصور ماعدهم حجي صحيح ونايمه الطابوكه علينا وكاعدين ومع ااسف ننهي هاي السنه هم بعمان جان عندي امل نبدي سنه جديده بكندا
يعني واحد يبدي من الصفر بسنه نكول ان شاء الله بيها خير ويارب يكون ويخابرون لانها مليت من الانتضار
يارب افرجها علينى وعلى الجميع

اريد وطن