ankawa

منتدى الهجرة واللجوء => الهجرة و واللاجئين => الموضوع حرر بواسطة: زيونة في 21:44 04/12/2009

العنوان: الفرق بين اللجوء وأعادة التوطين ....ارجوا المساعدة
أرسل بواسطة: زيونة في 21:44 04/12/2009

سلام عليكم

بكل اختصار اذا ممكن احد يكوللنا شنو الفرق بين اللجوء واعادة التوطين وشنو المميزات بكل واحد وشنو اللجوء عن طريق ال IOM  بالعراق  وشنو اللجوء من خارج العراق ......اذا ممكن الجواب بسرعة.

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: اينشتاين العراقي في 21:56 04/12/2009

بالبدايه السلام عليكم ومرحبا بيج بين اهلج واخوانج
وثانيا اللجوء واعاده التوطين هو شي واحد وماكو فرق بينهمانت تقدمين بالبدايه على الامم المتحده وراها اذا شافو حالتج يرادلهه اعاده توطين يودوج للدول الي طالبه حالات مثل حالتج وتتسمين لاجئه بهذيج الدوله لحين الحصول على الجنسيه راح يسموج مواطنه
وبالنسبه للمنضمه مال iom اذا من بغداد فميصير احد يقدم عليهم الا اذا جان يشتغل ويه الأمريكان اما في دول الجوار(الأردن - سوريا - لبنان - تركيا - مصر ) فهاي المنضمه مختصه بالمقابلات ويه المحلفين اذا تحولتي للسفاره الامريكيه وتختص بالحجز مال الطياره والدوره التثقيفيه فقط اذا تحولتي على غير سفاره
هذا ملخص بسيط واي استفسار اني حاضر



اخوج اينشتاين

العنوان: رد: الفرق بين اللجوء وأعادة التوطين ....ارجوا 
أرسل بواسطة: Baghdady73 في 07:14 05/12/2009

اختي العزيزة..
اضافة الى كلام الاخ اينشتاين احب ان اضيف التالي:
بالنسبة الى اللجوء واعادة التوطين فهناك اليات ومزايا محددة لكل صنف..بالنسبة للجوء فان دول اللجوء تختلف عن دول اعادة التوطين فمثلا اغلب الدول الاوروبية ان لم يكن جميعها تعتبر دول لجوء كونها اصلا وضمن قانونها ودستورها الداخلي لا تعتبر دول هجرة ولا تسمح بهجرة باقي الجنسيات اليها لهذا فان الية التعامل مع الهجرة الغير شرعية كحال العراقيين الذين يقومون بالسفر الى السويد والمانيا وباقي الدول تكن على اساس تقييم وضعهم الانساني والسياسي ودراسة طلباتهم للجوء وبيان استحقاقهم من عدمه, وفي حال تم الموافقة على طلب اللجوء فيعتبر الشخص لاجيء في تلك الدولة وتقوم اغلب السلطات بتوقيع اللاجئين على وثيقة تخول السلطات بارجاعهم ولو بالقوة الى بلدانهم الاصلية في حال تم استتباب الامن فيها واصبحت صالحة للعيش, ويظل اللاجيء محكوم بقوانين خاصة تخص اللاجئين تحد من حريته في العمل والاندماج الا بصعوبة في المجتمع حتى حصوله على الجنسية واتقانه للغة ذلك البلد..الاستثناء هنا يكون في حال تم اعادة توطين الشخص ضمن قوانين الامم المتحدة للاجئين ودخوله بصفة "اعادة توطين" وهذا الاستثناء وليس الاساس في قوانين تلك الدول..كما ان الشخص الحامل لصفة اللاجيء هنا لا يحق له التملك او شراء عقار الا بعد حصوله على الجنسية.

بالنسبة الى اعادة التوطين فان دول اعادة التوطين الرئيسية هي امريكا, كندا واستراليا والتي تكون قوانينها مبينة اساسا على استقبال المهاجرين الجدد وتشجيع الهجرة ضمن شروط معينة وفيها يتم الحصول على مجمل حقوقك حالك حال المواطن دون ادنى تفضيل ويتم اعتبارك كمهاجرة "السنة الاولى ضمن الاي او ام في امريكا يعتبر فيها الشخص كلاجيء ليتغير بعدها الى مهاجر عند حصوله على الكرين كارد"..لا تمييز في قوانين دول اعادة التوطين في العمل والدراسة وغيرها فقط في التقديم على الوظائف الحكومية والتصويت في الانتخابات..
تحياتي

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: زيونة في 17:02 05/12/2009

شكرا" لمروركم على الموضوع و للمعلومات القيمة الاخ أينششتاين و الاخت بغدادية 73 .

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: dark angel b13 في 17:43 05/12/2009

السلام عليكم
والله اختي بعد المعلومات الي كالوهة الاخ أينششتاين و الاخت بغدادية 73 والله ماكوا ورها  اي معلومات وحجي وانشاء الله استفادتي والله وما قصروا بل المعلومات الله يحفظهم والله الصراحة  اني اشكد طاب منتديات بس مثل هذا المنتدى الرائع ما شفت لان بصراحة انتة بس اذب الموضع ومتدري المساعدة من وين تجيك والله يحفضكم وانريد اكثر واكثر من هذا الابداع 
وشكرا

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: عاشق تراب العراق في 17:49 05/12/2009

معلومات حلوة مشكورين

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: Baghdady73 في 20:56 05/12/2009

بغدادي مو بغدادية  ;D  ;D وبالخدمة لاي استفسار

تحياتي

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: isweden في 09:35 06/12/2009

السلام عليكم
اني زوجتي سافرت قبل شهرين مع الاطفال وكان لديها جواز قديم قبل السقوط ولم يطلب منها ان تعمل جواز جديد.
طبعا سافرت الى امريكا عن طريق اي او م.
اتمنى لك الموفقيه.

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: isweden في 09:52 06/12/2009

حبيبي بس حبيت اتشاقى وياك.
هذا سؤالك ذكرني بمسرحيه سيف العرب من يسال سيدي شنو الفرق بين الحرب والغزو؟
 لا تاخذها استهزاء ابدا، فانا ظروفي صعبه مثلك، ومرات الواحد يعجب يتشاقى حتى ينفه شويه عن نفسه والا ينطق حشاك.
ولك مني كل الموفقيه.


طبعا صار خطاء في الكومبيوتر والجواب الاول ليس لك ولكن لشخص اخر. ارجو المعذره.

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: mandooo في 08:28 07/12/2009

الفرق بين اللجوء و اعادة التوطين
اللجوء هو ان تسافر الى البلد الي تريد تلجئ اله عن طريق فيزا او دراسة و من توصل للبلد تطلب اللجوء (اساااايلم)  عدهم
اعادة التوطين و هية تسوي نفس معاملة اللجوء بس من خارج البلد الي تريد تلجئله مثل تكون بسوريا او بالاردن او بالعراق و تروح تقدم بالامم المتحدة حتى يشوفولك غير بلد تعيش بيه و طبعا اعادة التوطين مو انت تختار البلد , البلد هيه التختارك . و ان شاء الله وصلت الفكره

العنوان: رد: الفرق بين اللجوء وأعادة التوطين ....ارجوا المساعدة
أرسل بواسطة: ok_ok755 في 09:18 07/12/2009

شكرا على المعلومات الرائعه