ankawa
منتدى الهجرة واللجوء => الهجرة و واللاجئين => الموضوع حرر بواسطة: مصير مجهول في 18:26 05/12/2009
-
ياجماعه اليوم وانا اقلب ارشيف المنتدى لقيت ان بيه ثروه للأخوة المشتركين الجدد للمنتدى ...
فيه معلومات عن كل شي كل شارده ووراده موجوده بالمنتدى ... انا اعجبتني جدا مشاركات الاخوة ( نازكول) والاخ ( زاك ) واخرون طبعا كل الاخوة متفضلين وعلى العين والراس وهاي المشاركات تواكب وتوثق كل مراحلهم لغاية الوصول وتجاربهم الشخصيه بعد الوصول ... وياريت اقدر اعيد هاي المواضيع لساحة المنتدى بس ما اقدر ... صدقوني توفر الكثير من التساؤلات وخصوصا ان مثل ما تعرفون ان يوجد كثير من المشاركاتبالصفحه الاولى قليلة الفائده اما الارشيف فأني ( وهذا رأيي الشخصي ) لقيت بيه ماده دسمه للجميع تجيب على كل شخص محتار ..
طبعا حلو ان الواحد يرجع للارشيف بس والله مرات التحميل صعب ويطول .. وكل الناس بالغربه تفتح من مقاهي نت .. يعني الوقت محسوب
ياريت اكو احد من الاخوة يقدر يسوي فلتره لمواضيع حيويه وينزلها بملف حتى يقراها الجميع ..
اخواني اعذروني تره انا اللي بقلبي على لساني كل ما اتذكر شي اكتبه .. سامحوني
مصير مجهول
-
خوش ملاحظة اخوية العزيز واحنه دائما نعيد بيهه
وبالمناسبة
اذا عجبك موضوع وحسيت انه يفيد هالايام بالرغم من انه اخر رد بيه يجوز قبل سنين فانت بس ترد بيه راسا يصعد ويصير اول موضوع
وهذا الشي كلنه دنسويه من نحس انه اكو موضوع قديم يغطي تساؤلات حديثة
-
مشكور عمي vincenzo
الله يحفظك ان شاءالله ... والارشيف بحر وهناك الكثير من المواضيع مهمه جدا..
وأنا من خلال ردك ادعو كل الاخوة ان يحذو حذوك وكل واحد يشوف شي مفيد يرفعه
لفائدة الجميع ..
مشكور مره اخرى والله يحفظ الجميع
-
هلو عمو شلونك ان شاء الله بخير ...
تصدك كلامك صحيح 100% ...بس انا راح اقول شي ..ادري راح تضحك ...انا احس انه كلكم موجودين بالصفحة الاولى فأحس الصفحة كلها نشاط وحيوية..يس اذا اروح ادور بالارشيف احس روحي وحدي محد جاي يقرأ وياي المواضيع ..اشعر بالغربة ;D...
بس انا قررت ابحث بالارشيف بلكي اشوف حل للموافقة الامنية اللي ماراضية تجي ..
بنتك نخلة عراقية
عمان
-
عمو نخولة
هي القراية مو للونسة ولا ينرادلهه ونس و واهس وجماعة
وانما هي للي واكع بورطة ويريد يحل مشكلته ومشاكل زملائه الاعضاء
وانشاء الله امنيتكم تكون طالعة قبل ما تدوخين نفسج بارشيفنا العملاق من المواضيع
فد فكرة ثانية تسهل عملية تصفح الارشيف هي خاصية البحث بالارشيف
يعني بكل الصفحات اكو فوك بالقمة صفحة مكتوب عليهه "بحث"
اذا واحد يدوسهه تنطيه فد مكان يكتب بيه الكلمة او العبارة اللي يريد يدور عليهه
وهيه تطلعله كل المواضيع اللي الهه علاقة بهالشي اللي ديدور عليه بدون ما يحتاج يكلب بالاف المواضيع اللي يمكن ما الهه علاقة بالمسالة اللي جاي يدور عليهه