منتدى الهجرة واللجوء => الهجرة و واللاجئين => الموضوع حرر بواسطة: بغداد1975 في 02:45 07/12/2009
العنوان: موضوع فينكس اريزونا مرة ثانية
أرسل بواسطة: بغداد1975 في 02:45 07/12/2009
مساءالخيروصباح الخير جميعا ارجو ان تكونو بالف خير اخواني واخواتي اليوم حبيت احجيلكم عن موضوع ما وجدته بفينكس اول شي اني على المنظمة اللوثريه وهي منظمة نوعا ما جيده نوعا ماااااااااااااااااااااا لان قارنتها باخواتي الاجئات على غير منظمة فهم كانو احسن مني المهم رح احجيلكم شنو اللي واجهته بيوم وصولنا نزلنا في شقه متكونة من غرفه وصاله ومطبخ امريكي وحمام ايجارها 536$بالشهر شامل الكهرباءوالماي فاااااااارغه بس بيها قريولات وميز طعام وادوات المطبخ المعهوده الذكر ومواد التنظيف وشراشق وخاولايات على عددنا يعني بس اثنين المجمع اللي اني بيه مجمع نوعا ما زين هادئ وهو مقسم الى اني اسميها درابين فدربونتنا كلها امريكان ماعدا عائله عراقيه بس سلامنا بينا وهم بحالهم واحنا بحالنا خلونا على برنامج الماجن كرانت اللي هو دفع ايجار 3اشهر ماعدا الشهر الاول يعني اني ضامنه 4اشهر والحمدالله سوو ويانا مقابله العمل وسالونا اذا تريدون تشتغلون اي شغله احنا قلنا اوكي مستعدين والكل يقول اصلا مرح يلقولكم عمل اعتمدو على نفسكم سوينا معامله السوشيل نمبر وبعد ايام يجينا على البريد الخاص بالمنظمة رح نبدي بالتلقيحات من تاريخ 11/12وعدونا انهم رح يكملون نقص السكن اللي اني بيه لان ماكو لا قنفه لا تلفزويون الجدورة تحرك الاكل ومسكين اخوية بس ياكل تمن محروك والله والله اعرف اطبخ بس حظي ويه الجدوره حتى الكيس منجر مالتي قالت مو بس انتي الكل يشتكي من الجدورة كمنطقه او عاصمه فجميله هاددددددئه بالاخص احنا جايين من اوسخ عاصمه وازعجها وهي القاهرة لذا شفناها جدا جميله وهادئه متسمعون صوت الهورن الا نادرا ولسبب معين الاسواق مفتوحه لحد الساعه 10واكو اسواق 24ساعه مثل الول مارت والكل سمع بيه الحمدالله لان مثل ماقلت الكم الاخت ميادة مقصرت ويايا ودتني للاسواق العربيه والاسواق للادوات المستعمله يعني مثلا لقيت قنفه من هاي الجبيره وكلها مخاديد ب25دولار وبيوم السبت تكون بنص السعر ومابيها اي شيييييييييي مثلا لققيت تلفزويونات تجننن كلها حديثه سعرها من 20الى 30 دولار يعني اشياء جدا حلوة رحت لسوق اسمه roosهو عبارة عن محل جبيييييييير جدا بيها كل انواع الملابس لكل الفئات ولكل الاجناس باسعار جيده ليش اني اقوللكم لا تثقلون لان كلشي اكو حتى دلات لقيت عند محل اسمه بيز ومحل لبناني لقيت 5دلات يمكن 25دولار بس شي واحد اللي عجبني وخبلني اللي هو الزعفران متصدكون سعره اشون غالي قوطيه زغيروووووووووووووونة ب36دولار يعني حتى البهارات ها اوكو سوق مكسيكي اسمه رانج ماركت كل اربعاء بيه تنزيلات بكل انواع الاكل ومن تدخلون بيه والله طابه لمكسيك الاغاني والناس وبيه عراقين يتسوقون وتشوف الناس مبتسمه تشوف الناس حياتها بسيطة لبسهم طبيعتهم ماكو ذاك التكلف يعني الكل يريد ييساعد حتى بمحض الصدفه طلعت اني اخوية نتمشى فالتقينا باحد الاخوان السودانين عرف بينا عراقين قال امشو خل نشتري تلفون الكم حتى لو على السوشيل مالته رحنا للاسف جانت المحلات معزله لان عطله الجمعه الحزينة المهم فرنا بفينكس وشوفنا مناطقها ودلانا على المحلات العربيه وبعدها بايام بمحض الصدفه التقينا بشخص عراقي طلع الاخ volconوهم اخذنا فره بفينكس وودانا للسوق اللي هو رانج ماركت وبقى يفرنا عل الاسواق يعني نفتر ونشوف الاسعار والله ماعرف اشون اجازي اخواني واخواتي اللي باريزونا يعني تخيلو واني بالسوق داور على شبنت ومدعرف وين ودحجي ويه اخوية جان تجي عليا مراة عراقيه قالت اللي حبيتي اذا تريدن روحي لفلان مكان وهيجي رخيص وبيه كلشي يعني بس سمعتني احجي عربي اجتي تريد تساعد ووحده ثانية بس سمعتنا نحجي عربي هم اجتي سلمت يعني حتى لو بس سلام دون اي نصيحة او كلمة تخليك تحس ان اكو ناس حواليك يصبروك علت هاي الغربه والوحشه والبعد عن اميييييييييييييييييييييي طبعا امشي بالسوق واقول لاخوية اريد امييييييييييييييييييييي يقولي اخوية لو انتي وماما تدخلون للسوق يمكن متجون لثاني يوم ههههههههههههههه لان السوق مغري وفوقها بصف بيتنا يعني مسافه ربع ساعه مشي والجو حلو ومنا تنزيلات اويلي على التنزيلات مخليه اخوية يحسب ويقسم على الجنيه كله يلطع ارخص من مصر او نفس سعر مصر يعني ابسط شي لقيت مكينه حلاقه رجالليه كلشي وكلاشي بيها وامريكية الصنع ب18دولار وهاي رح يسوون تزيلات بعد عليها اكثر يعني شفت ان ولايتنا زينة ورخيصه حتى عندي صديقه اللي بكندا قعدنا نقارن الاسعار لقيت احنا كلش كلش كلش ارخص منهم اني اعتذر لاني طولت عليكم واي شي سؤال اني حاضره على اجباته واني الصراحة تاخرت بالرد لان ردت احصل اكثر المعلومات حول مدينه فينكس ويارب اكون وفيت بوعدي واني مستعده لاي استفسار اختكم دوم عبير بغداد1975
العنوان: رد: موضوع فينكس اريزونا مرة ثانية
أرسل بواسطة: ابو خالد في 03:22 07/12/2009
نشكرك اختي عبير على ابداء المساعده ونتمنى لك التوفيق بحياتك يارب وتوصل امك اليكم باسرع وقت ويلتم شملكم انشالله
العنوان: رد: موضوع فينكس اريزونا مرة ثانية
أرسل بواسطة: ابو عبد الله التكساسي في 04:34 07/12/2009
السلم عليكم عبير الف هلا بامريكا وراح اتشوفين اشياء بعد احلى من تصير عندج سياره الامور راح تختلف جذريا ما اعرف شنو نوع المواصلات الي يمكم بس عموما كليفورنيا نيويورك وبنسلفانيا بيهه المواصلات زينه والباقي مو كلش باقين على الباصات الميترو
بالموفقيه اختي وشايفه الخير عالبيت الجديد
العنوان: رد: موضوع فينكس اريزونا مرة ثانية
أرسل بواسطة: ok_ok755 في 06:19 07/12/2009
شكرا على المعلومات الرائعه واتمنى الج الصحه والموفقيه يا رب.
العنوان: رد: موضوع فينكس اريزونا مرة ثانية
أرسل بواسطة: angie-dawood في 06:43 07/12/2009
الف حمداللة على سلامة الوصول حياتي انشاءللة تشوفون كل الخير ربي يوفقكم يارب
العنوان: رد: موضوع فينكس اريزونا مرة ثانية
أرسل بواسطة: الحياوي في 10:31 07/12/2009
اختي العزيزه شكرا للمعلومات عندي سؤال بالنسبه للانترنت هل هو اشتراك اولا يعني كيف حصلتي علئ نت من فينكس
العنوان: رد: موضوع فينكس اريزونا مرة ثانية
أرسل بواسطة: ريم عبد في 12:07 07/12/2009
حبيبتي عبير مشتاااااااااااقيلج ياريت كل مره هيجي اتطولين علينا بهيج تفصيلات حلوه نقلتينا وياج وفريتينا بفينكس وهاي التفصيلات البسيطه كلش حلوه ومهمه احيانا اكثر من باقي الامور لان اتحسس الشخص بالاطمئنان اكثر حياتي ياربي ان شاء الله اتلحقج امج باسرع وقت ويلتم شملكم وانتي استغلي هاي الفرصه حتى تتعرفين على كل شي ومن تجي امج بعد انتي ادليها وياربي ان شاء الله يجمعكم بأقرب وقت
العنوان: رد: موضوع فينكس اريزونا مرة ثانية
أرسل بواسطة: AbU.SaRa في 12:20 07/12/2009
الف الحمد الله عالسلامة وبارك الله بيج عالمعلومات الي قدمتيها عن فويبنكس-أريزونا صدك وأني هم عندي صديق هواي يكول حلوة وجووووووووووووووها حلو ويخبل والكل مرتاحة بيها......وأني أذا الله سهل يمكن أطفر لهناك............
العنوان: رد: موضوع فينكس اريزونا مرة ثانية
أرسل بواسطة: Revolver في 12:31 07/12/2009
عاشت ايديح اخت عبير وربي يسهلهة عليكم وترتاحون وتستقرون وتعيشون بخير وبركة وكل الي اتمنى الج ان يجمع شملكم وتشوفين الوالدة الغالية الله يحفظها وترتاحين طول العٌمر. ان شاء الله الموفقية والراحة .
ريفولفر
العنوان: رد: موضوع فينكس اريزونا مرة ثانية
أرسل بواسطة: proph1 في 13:57 07/12/2009
الف الحمدلله على السلامة اختي عبير وان شاءالله تشوفون كل الخير وشكرا على التفاصيل الحلوة
تحياتي
العنوان: رد: موضوع فينكس اريزونا مرة ثانية
أرسل بواسطة: راهب الحب في 14:08 07/12/2009
عزيزتي الأخت عبيــر ::: شكراً جزيلاً على هذا التقرير المُفصـّل ويا رب ينجمع شملكم بـ (مـامـا الغالية ) ... تمنياتي إلكم بالتوفيق والإستقرار ودمتم بألف الف خيـــر ..... †
أخــوكــُم / وسـام بهنـام داؤد الخابـــوري
العنوان: رد: موضوع فينكس اريزونا مرة ثانية
أرسل بواسطة: الليث الابيض11 في 10:59 08/12/2009
الف مبروك الى الاخت بغداد 1975 وندعو من الله سبحان
لي اريزونا فنيكس وانتضر موعد[/ ال سفر قريب انشاالله والموفقيه للجميع
العنوان: رد: موضوع فينكس اريزونا مرة ثانية
أرسل بواسطة: ام بكر في 18:09 08/12/2009
هلو بغداد حبي ادزلج سيت جدورة تيفال من اربيل ؟ ترة احسن قلاقيل المطبخ موجوده هنا . بس على الاسعار اللي كلتيها اعتقد اربيل اغلى من امريكا!!!!!!! . تحياتي للاهل
العنوان: رد: موضوع فينكس اريزونا مرة ثانية
أرسل بواسطة: abomagid في 19:25 08/12/2009
السلام عليكم
الحمد لله على السلامه .... بس انريد التواصل مو بشكل اخوانا الي يوصلون الى امريكا اشو بالبديه ايكتبون وبعدين ايكطعون ولو كل واحد وظروفه بس ميخالف المنتدى همين حقه عليكم ... طبعا هذا من اعتزازنا بتواصل المنتدى مع كل العراقين
اخوكم ابو ماجد تحياتي
العنوان: رد: موضوع فينكس اريزونا مرة ثانية
أرسل بواسطة: echo 9 في 22:53 08/12/2009
الحمد لله على سلامتكم اخت عبير وربي يوفقكم هيجي الحكي والا بلاش والله شوقتينا نشوف اريزونا يعنش بذمتكم اخوان الكلام اللي دا تكوله اختنا عبير موجود بسوق هرج عدنا للمستعمل لو بسوق مريدي للجديد عمي هذا اللي مخبلني ومخليني اتسودن على الطلعة لامريكا لو ادري بيها المنية شكرا اخت عبير وربي يسهل اموركم Echo 9
العنوان: رد: موضوع فينكس اريزونا مرة ثانية
أرسل بواسطة: نهاد احمد في 00:31 09/12/2009
الحمد لله على السلامه اختنا عبير (بغداد1975) وبارك الله بيج على هذا التقرير الجيد والمفيد وان شاء الله تستقرين وتجتمعين مع الاهل والموفقيه للجميع
نهاد ابو علي
العنوان: رد: موضوع فينكس اريزونا مرة ثانية
أرسل بواسطة: بغداد1975 في 07:18 09/12/2009
مرحبا جميعا طبعا المنتدى مادري ليش ديوقف عندي بحيث اسمي بعده موجود اني متصله بس يشكل معرف ليش اشكركم على الردود الحلوة اختي ام بكر شكرا على الجدورة وبالنسبة للنت انيبعدين ساحبه من عمو جورج لحد لمن يطليعلي السوشيل نمبر وراها اني اكون الكم بكل صغيره وكبيره واعتذر للاخ الاسدي لان ردي متاخر جدا بس انت تعرفون ظرف النت اخواني اني جاهزة لاي سؤال ولاي استفسار اختكم دوم عبيربغداد1975
العنوان: رد: موضوع فينكس اريزونا مرة ثانية
أرسل بواسطة: sniperpain في 19:40 08/02/2010