ankawa
منتدى الهجرة واللجوء => الهجرة و واللاجئين => الموضوع حرر بواسطة: Falcon1982 في 10:07 07/12/2009
-
أخوتي الاعزاء
نصيحتي بالنسبه لكل المقدمين من بغداد او غير دوله ان يقدمو على الاي او ام افضل من الاس اي في لان هنا بس يعرفون عندك كرين كارد او فيزه هجره بجوازك هاي هيه المساعدات تنقطع وكلشئ ما تحصل وايضا الدراسه هنا في بالجامعات الحكوميه للاجئين ببلاش لمده خمس سنوات بس لحاملين كارد من الاس اي في بس ثمان اشهر يعني حتى شهاده بيها خير ما تحصل بس اذا مستعجلين قدمو على الاس اي في بشرط مايكون عدكم عائله لان اذا عدكم عائله الشغله لايصه هنا وانا جربت بنفسي صحيح احنا نريد نعتمد على نفسنا هنا بس والله الحياه في امريكا بدون مساعده الحكومه بالبدايه كلش صعبه ومستحيله.
أخوكم فالكون1982
-
الاخ العزيز فالكون
تحية طيبة وشكرا الك على هذه النصيحة
انا بس احب اعرف شغلة . يعني مثلا بالنسبة للدراسة .. انت تدرس ع حساب المنظمة او ع حساب الحكومة يعني هم يدفعون تكاليف الدراسة مالتك اذا تريد تدرس ؟؟ يعني اقصد اذا كان الشخص من جماعة IOM ؟؟
وبالنسبة للدرسة ومدتها شكد يعني اذا ممكن عندك تفاصيل تنورنا بيها .. يعني يبقون هم يتحملون نفقات الدرساة مالتك لمدة سنة او سنتين او شكد يعني الى اي فترة ؟؟ او لحين حصولك ع الكرين كار ؟
تحياتي
اخوك
المهندس حمودي
-
أخي العزيز بالنسبه لفتره الدراسه تختلف من جامعه الى اخرى وكذالك يدفعون اجورها بحسب قانون الولايه بس حسب ما اعرف كل ولايه بيها جامعه حكوميه ( الجامعه نفسها تقدم خدمات للاجئين ) الدراسه بيها ببلاش .
أخوكم فالكون1982
-
ممكن اتوضحلي اخي شنو علاقه الكرين كارد بالمساعدات مره ثانيه لان مدا افهم قصدك
يعني الي يصير عنده كرين كارد يكطعون عنه المساعدات لو شنو بالضبط بس علكيفك ويايه وفهمني الله يستر عليك
اخوك ابو عبد الله التكساسي
-
مشكور رفيقنا المؤسس عالنصيحة
بس تعال اكلك
هاية الدراسة اللي ببلاش بالستيت يونيفيرستي اللي للاجئين يحني بيهه طب وهندسة وقانون ومن هالسوالف؟؟؟
الله وكيلك كلهه شهايد تعليم مهنه عالسريع اما الدراسة اللي منصدك (سواء الاولية او العليا) فيرادلهه سكولارشيب او واحد كلش متفوق بامتحانات القبول او موهوب بفد شي يلله يساعدوه باقصاطهه
ولو يوزعون للاجئين سبائك ذهب هم ما اسافر كلاجئ
SIV وبس (طبعا ورى ما احصل الكوم ابروفال ;D ;D)
-
اشكرك اخويه العزيز فالكون على هالدرب الجديد هاي لان درو بيه جاي اسوي اوراقي حتى اقدم ;D
-
مشكور رفيقنا المؤسس عالنصيحة
بس تعال اكلك
هاية الدراسة اللي ببلاش بالستيت يونيفيرستي اللي للاجئين يحني بيهه طب وهندسة وقانون ومن هالسوالف؟؟؟
الله وكيلك كلهه شهايد تعليم مهنه عالسريع اما الدراسة اللي منصدك (سواء الاولية او العليا) فيرادلهه سكولارشيب او واحد كلش متفوق بامتحانات القبول او موهوب بفد شي يلله يساعدوه باقصاطهه
ولو يوزعون للاجئين سبائك ذهب هم ما اسافر كلاجئ[/b][/size]
SIV وبس (طبعا ورى ما احصل الكوم ابروفال ;D ;D)
الاخ العزيز vincenzo المحترم ....
أرجو أن يكون ردك الغاية منه الفائدة للاخوان و الاخوات أعضاء منتدانا الراقي و ليس الغاية تجريح أي شخص أخر و كما تعلم أن هناك الكثير من أعضاء المنتدى مقدمين على اللجوء بسبب ظزف ما كأن يكون لدية أولاد بعمر أكثر من 21 سنة أو لظروف أخرى ... و تقبل فائق التقدير .
-
شكرا اخ فالكون وجزيت خيرا وبارك الله بيك ....
كافي عرك شباب لان هالايام صايرين بارود .... شنو اشبيكم انحسدنا ؟؟؟
شوكت ما تفتح موضوع اذا ما تلكي فد 2 او 3 واحد يتعاركون .. ههههههه
شوية هدءوا لعب شباب و خلوا الامور طيبة
وتقبلوا مروري
-
اخي العزيز (او اختي) زيونة
اني جدا اسف اذا حضرتك افتهمتهه بهالشكل بس اني كل قصدي انه اني الله راحمني وما اضطريت اتهجر واصير لاجئ والحمد لله ما عندي احد وياية بالتقديم فضرفي احسن نسبيا والله يكون بعونك وزملائنة الباقين اللي ما عدهم شروط التقديم عالاس اي في او ضروفهم تجبرهم على البرنامج الاخر
واللاجئ تره مو فد شي عيب لو بيه تقليل من قيمة احد وانما هو واقع حال ممكن اي واحد يتعرضله (طالما قضية التهجير والاضطهاد مابيهه تمثيل وادعاء)
ومثل ما تعرف او ما تعرف حضرتك انه ابسط شي معضم مشرفين المنتديات عدنا بعين كاوا همه سافروا على برامج اللجوء وهذا ما يسئ الهم
اصلا بالعكس اذا دتلاحظ انه الرفيق المناضل فالكون وقبله ماجلان (اخونة الجبير...قبل فترة) وضحوا انه اللاجئ ديوكفون وياه اكثر من المهاجر بس الفرق اللي دائما نتجادل بيه هنا انه على اساس انه المهاجر الخاص يكدر بس يستلم الكرين كارد يسافر وين ميريد او حتى يرجع للعراق (طبعا هذا الراي مو اكيد بالنسبة لهواي اعضاء بس اني متاكد منه لان صار وية اصدقاء الية) بينما اللاجئ اموره هواي اصعب من هالناحية
that's all
-
شكرا" أخي العزيز
أخوك زيونة .
-
شكراً جزيلاً عالتوضيح
وبالفعل آني سويت نفس الشي لأن اني من المشمولين بالتقديم على SIV بس قدمت عالIOM لأن عائلتي وياية يعني اهلي كلهم ... وهم شفت هواي ناس تشكي من الSIV خصوصاً بعد الوصول ...
النـــــــــــــــــــــــــاسك