ankawa
منتدى الهجرة واللجوء => الهجرة و واللاجئين => الموضوع حرر بواسطة: queen777 في 02:51 09/12/2009
-
تحية للاخوة جميعا و اسف لتاخري بالكتابة لانو نت ما كان عندي و تحية للاخ العزيز shawqi Shumran الورد الي اشتاقيت لكتابتة
يوم 18 طرت اني و زوجتي و اطفالي الاثنين من دبي و الحمد لله و صلنة بالسلامة الى فينكس اريزونا بعد رحلة متعبة حيث ست ساعات حتى وصلنا فرانكفورت ثم بقينة هناك اربع ساعات و بعدين طرنا تسع ساعات الى شيكاغو و بقينة اربع ساعات بالمطار ثم طرنا اربع ساعات الى فينكس عاصمة اريزونا في كل مطار يجد موظف اي او ام ينتظرنا و يسهل امر السفر و من وصلنة لكيت الكيس منجر و هية عراقية تنتظرنا بالمطار هية خوش بنية بس ما ساعدنة بالمعنى الصحيح المنظمة و بس ودونة للفحص الطبي و سولنة البطاقة مال التامين و الباقي تركونة حتى بلا سؤال لو ما عندي صديقي و هو كفيلي بنفس الوقت الله يعطيه العافية دلاني و خلاني اتسوق و طبعا على حسابي و هسة اخبركم شنو انطتني المنظمة بس اني سعيد بوجودي هنا لانو الكل جهة يضحك و يريد يساعدك رغم اني اجيت من دبي مو من دول زبالة مثل الاردن او مصر الي ياذون العراقيين بس ايضا لكيت فرق بالاحترام و مدرسة بنتي الرائعة و همة ايضا انطوها حتى الكتب الدفاتر و الاقلام المنوعة و جنطة الكتب مجانا لان احنة مهاجرين جدد و عراقيين
المنظمة خبرتنا انها راح تنطينة 1700 دولار ايجار اول شهر و اثاث و ما عليهم باي شي بعد اجيت اني اجرت شقة مكان راقي هنا في فينكس على مزاجي و بعيد عن مناطق التعبانة و الشقة كاع بس طباخ ثلاجة بيهة فارغة حتى ما اتسوكولي اي شي و اني مليتهة و اجرت اغلى من باقي المناطق الي خلو بيهو باقي اخواني العراقيين حيث اجاري 900 دولار مع الكهرباء الماء و اثثت الشقة ب 3000 دولار يعني همة انطوني 1700 و اني صرفت 3900 بس خلاص كلشي عندي صار عدا السيارة لاني الى الان منتظر السشيل سيكيورتي نمبر حتى اخذ الدرايفنك لايسن و الاثاث هنا كلش غالي مو مثل الي عدنة رخيص اني دا احجي على المستعمل لان الجديد نار
بالسفر لانو احنة عائلة سامحونة بالوزن و ما حج ويانة رغم انو الاي او ام خبرونا كل واحد حقة 46 كيلو بالجنط و خمس كيلوات جنطة صغيرة محمولة و احنة حملنة كل شخص 60 كيلو و اربع جنط صغار كل وحدة خمسة كيلو و ماحجو ابدا و استلمناهة في اخر الرحلة
و اي سؤال عدكم اني حاضر و رغم عشرين يوم بس الي هنا عرفت هواية اشياء و امريكا بلد رائع و اهلة رائعين
اخوكم مصطفى
-
اريد اكون اول المهنئين بسلامه الوصول
-
الف الحمد لله على السلامه اخونا ابو مصطفى واني ما ممكن انساك ومن اول مره كتل بيهه (( اختي كوين))
اذا تتذكر ولحد الان انت عزيز على قلبي ;D
اخي الغالي الف الحمد لله على سلامتك واشكر الله انه امورك زينه والحياه راح اتصير هوايه اسهل ويا السياره
بس الاثاث مالتك حيل ماخذه غالي !!
عموما اهلا بك في الولايات المتحده ;D ;D ;D
اخوك ابو عبد الله التكساسي
هسه ادزلك تلفوني عالخاص ورجااااااءا تخابرني
-
الحمدلله اخي العزيز على سلامة الوصول وانشاءالله شايف كل الخير في اريزونا
تحياتي
بغدادي
-
مساءالخير اخوي العزيز
الحمدالله على سلامتكم اني هم وصلت لاريزونا من قبل 15يوم
اتمنى ان تتوفق بحياتكم يارب ويارب تكون حياتكم تكون افضل
اختك عبير بغداد1975
-
بالتوفيق انشالله اخوي والف الحمدلله على سلامتك والله يفتحها بوجهك يارب
-
الف الحمدلله عالسلامة بس العفو حضرتك مهاجر ومقدم عالمساعدات؟ لولاجئ؟
ومرة ثانية الحمدلله عالسلامة
-
الف الحمد الله على السلامة
اخي العزيز انا اسمي علي الاسدي من البصرة عمري 25 سنة وراح اسافر يوم 6\1\2010 واتمنى اتعرف عليك لان مبين عليك خوش انسان والله يوفقك وانا كلش متحمس لان كلامك يدخل القلب وانا كنت متردد بس كلامك شجعني. اتمنى اخوية تراسلني على الخاص وتنطيني رقم تليفونكم وعنوانكم حتى نلتقي من اجي بالسلامة
اخوك الصفير على الاسدي
مع العلم انا سفري الى اريزونا فينكس
-
أخونا العزيز مصطفى حمد الله على سلامتك وسلامة الأهل موفق أنشاء الله.....
-
اخي ابو مصطفى الف مبروك سلامة الوصول وانشاء الله الراحة والاستقرار وسلامة الاهل
اخوك ابو رامي
-
الحمد لله على سلامتكم
انتم السابقون ونحن اللاحقون ان شاء الله
-
الحمد لله على السلامه وان شاء التوفيق للجميع والاستقرار
-
الف الف الف مبروك اخي مصطفى queen777 شايف كل الخير وربي يوفقك وعجبني كلش رايك بالاردن لان انا مجربها ايام صدام اخوك من المدمنين سفر وما كان مسموح لنا بس الاردن بذاك الوكت ومجربهم كلش زين
ان شاء الله ربي يسعدك ويوفقك ويوفق عائلتك يا رب
اخوك
Echo 9
-
حمدلله على سلامة الوصول واستقراركم بالولايه الجديده
والحمد لله كلامك الي يبعث على التفائل وان شاء الله التقدم الى احسن حال
وياربي ايوفقكم
-
اخويه العزيز الف الحمدلله على السلامه
وانشالله بالتوفيق والنجاح
والحياة المحترمه واني اذا كملت معاملتي انشاء الله هم قريب عليك بس ب توسان ساعه وربع عنك
الله يفتحهه بوجهك انشالله
اخوك عمار
-
الحمد لله على سلامتكم
انتم السابقون ونحن اللاحقون ان شاء الله
الف الف مبروك اخوية
حلوة هاي مال السابقون و الاحقون
-
الف مبروك والف الحمدلله على السلامة, ربي يفتحها بوجهكم ويوفقكُم ومتشوفون غير الخير والعافية, الف مبروك مرة لُخ وان شاء الله منسمع منكم غير الاخبار الحلوة.
ابو عبدالله الطيب, الله يوفقك ويجعلها خير امنين ماتندار ياذهب .
ريفولفر
-
شكرا الى كل الاخوة و الاخوات و انشاء الله التوفيق للجميع و حاضر اني لاي شي ممكن اساعد بيه و اقدمة و الله يسهل امر الجميع
الاخت szsz اني اجيت على برنامج ال siv
اخوكم مصطفى
-
اخويه العزيز مصطفى
الحمد لله على سلامه الوصول
وموفق ان شاء الله
نهاد ابو علي
من مصر
-
الف مبروك ... والحمد لله على السلامة ...
اخي شكراً لك على الشرح والتفاصيل الحلوة حتى نستفاد ويستفاد منها الاخوان في المنتدى ونتمنى كل واحد يسافر يسردلنا تفاصيل رحلته لحين وصولة لتعم الفائدة الى الجميع .
تقبل تحياتي
اخوك النــــــــــــاسك
-
الحمد لله ع السلامة اخوية العزيز...
نتمنالك حياة سعيدة ومستقرة ودوام التوفيق انشالله.
تحياتي وتقبل مروري
-
شكرا لجميع الاخوة و يارب يفتحها في وجوهكم
اخوكم مصطفى
-
حمد لله على السلامة ان شاء الله الموفقية
-
مبروك الوصول وان شاء الله التوفيق .
-
اخي الكريم حمد لله على السلامة اول شي والف مبروك بس ياريت تخبرنا انت هسة شكد صارلك بفونكس وشنو هي المساعدات المقدمة الك كعائلة اقصد المستمرة وياك للان يعني ؟
-
حمداللة على السلامة اخي انشاءللة تشوف بيها كل الخير ربي يوفقك ويرزقك بهاي الولاية بالتوفيق
-
الحمدلله اخي العزيز على سلامة الوصول
-
الف الحمد الله على السلامه وانشاء الله حياه جديده مليئه بالسعاده والصحه والرزق وراحه البال
-
انجي حياتي هذا اخونا مصطفى واصل من شهر التاسع وانتي هسه نزلتي الرابط من الارشيف ;D ;D ;D ;D
اللاخت الارمنيه
خخخخخخخخخخخخخخخ
مو اني اكول مصطفى صارله كومه بامريكا شنو هذا الموضوع :o :o :o :o
وانتي هم نزلتي تهاني ;D ;D ;D
-
اختي الارمنيه هذا الموضوع قديم واذا اتحبين اتنزلين سؤالج على العام حتى كل جماعة اريزونا ايدخلون ايجاويوج
واختنا مياده هم دائما متواصله ويانه بالمنتدى
ان شاء الله اتجاوبج
-
بالتوفيق لك اخي في حياتك الجديدة اتمنى ان تحقق كل ما تصبو اليه
انجنيرميك
-
بالتوفيق ان شاء الله حمد لله ع السلامة
-
يا جماعه اخونا مصطفى صارله 3اشهر بامريكا
وهذا موضوع قديم رفع للسؤال
-
يا جماعه اخونا مصطفى صارله 3اشهر بامريكا
وهذا موضوع قديم رفع للسؤال
خخخخخخخخخخخخخخ
ريم اني مباركت بوكتها يصير ابارك هسه لو الموضوع صار اكسباير ؟؟
-
ههههههههههههههههههههه
اي عيني باركوله شكو بيها زيادة الخير خيرين
ويستاهل اخونا مصطفى الورده مو بس تبريكه وحده