ankawa
منتدى الهجرة واللجوء => الهجرة و واللاجئين => الموضوع حرر بواسطة: hameer في 00:09 10/12/2009
-
السلام عليكم اخوان . ارجو المساعدة من الجميع وبالاخص اخوية ريفولفر لان هو دائما سباق بالاجابات ومن ميعرف اي شي ايكول ما اعرف او ما مناكد .
سؤالي هو . اني شفت كل حديثكم عن ايميل السفارة الى المسؤول المباشر في برنامج الا اس اي في . بس محد ذكر شنو دور ال HR او هل راح يتصلون بيهم لو لا . لو راح ايراسلوهم وره المسؤول المباشر. لان اني بصراحة شفلتي مليوصة بس وية ال HR اولا الموضفة الجديدة متعرفني . او ثانيا المسؤول مالي بطل من الشركة بالشهر الثالث 2009 والي علاقته بهاي الموضفة مو زينة ولهذا كلي معليك اني اكلهم اني المسؤول المباشر او اني ال HR لانه انته وياية من بداية تعيينك الى النهاية . مع العلم هو درجته جانت كلش عالية وجان في نفس الوقت مسؤول على مديرة قسم ال HR بالاضافة الى كونه نائب مدير الشركة .
سؤوال اخر . هل يحاولون الاتصال بالمسؤول على هاتفه المذكور في التزكية في حال عدم رده على الايميل . وهل يجوز للمسؤول الرد بالايميل الشخصي اذا كان قد ترك العمل مع الشركة حاليا لان اني شفت ايميل صديقي دازين الى المسؤول المباشر مالته ايميل او خالين الايميل الرسمي الرئيسي بالاضافة الى الشخصي بال CC + ايميل صديقي .
السؤوال الثاني هو بالبداية جانو ايراسلوني كل 12 يوم بالضبط لاكمال الاوراق . اخر شي هسة صار 17 يوم او ماكو رد . معقولة كملت الاوراق . او دزو ايميل الى المسؤول مالي دون ما ايخلوني بال CC . لان صديقي دزو ايميل للمسؤول مالة قيل ثلاث ايام او خلو ايميلة بال CC حته ايكون عندة علم .
سؤوالي الاخر هو . اني قدمت عله ال IOM من بداية الشهر الثالث 2009 او حصلت علة ال BGD في الشهر الثامن والIZ NUMBER في الشهر التاسع من خلال احد اجوبتهم الي . فما اعرف مو طالت الشفلة . ارجو المساعدة وشكرا
-
عزيزي انت تُأمر امر,
بس خلي تجي الكهرباء لأن طُفت :'( ..
ريفولفر
-
أخوية العزيز انت,
تدلل وبلخدمة وأتشرف اكون اول من يجاوبك .....
سؤالك الاول يكول :
سؤالي هو . اني شفت كل حديثكم عن ايميل السفارة الى المسؤول المباشر في برنامج الا اس اي في . بس محد ذكر شنو دور ال HR او هل راح يتصلون بيهم لو لا . لو راح ايراسلوهم وره المسؤول المباشر.
الجواب هوة : يتصلون بمكتب الـ HR وميتصلون بلـ Supervisor الة اذا احتاجوا معلومات عليك ..
وأذا حبيت تُعرف السبب اقرة الشرح مالتي ....
طبعأ الـ Human Resources Office الهُم دور كُلش فعال بلقضية مالتك, كونهُم يملكون الباكراوند الخاص بيك كـموظف في الشركة الي تشتغل بيها .
طبعاً راح يتصلون بيهُم اكثر شي عن طريق الايميل وليس الهاتف, لأن مثل مدتشوف برنامج الـ SIV عندهُم وسيلة اتصال وحيدة وهية الايميل, وهاية عن تجربة شخصية داحجيلك بعد كعدة طويلة وية Joe ألي هوة الـ SIV Program Team Leader وكال هاي الايميلات شلون يعني مثل الـ كُتب رسمية تتطلع عليها الـ National Visa Center أول بأول, وميصير نقل او تبادل معلومات خارج هذا الوسيلة الي هية الايميل .
ومكتب الـ HR قسم مستقل عن المسؤول المباشر مالتك الي هوة الـ Supervisor لأن ثنيناتكم قد يكون مركزكُم وقتي وليس دائمي مثل مكتب الـ HR . مثلاً المٌدير مالتك اجاا نقل, او مثلاً بطل من الشُغل .او الموظف نفس الشي. يعني حسب الحالة .
سؤوال اخر . هل يحاولون الاتصال بالمسؤول على هاتفه المذكور في التزكية في حال عدم رده على الايميل . وهل يجوز للمسؤول الرد بالايميل الشخصي اذا كان قد ترك العمل مع الشركة حاليا لان اني شفت ايميل صديقي دازين الى المسؤول المباشر مالته ايميل او خالين الايميل الرسمي الرئيسي بالاضافة الى الشخصي بال CC + ايميل صديقي .
الجواب هوة : الاسبقية للأتصال بلمسؤول مالتك هوة الايميل الرسمي مال الشركة ..
وطبعاً عزيزي يكدر المسؤول يرد بأيميلة الشخصي او وراهاا راح يتصلون بلمكتب الـ HR مال المسؤول مالتك حتى يتأكدون من انه المسؤول مالتك موظف رسمي لو لا .
أذا دجت الأمور وية السوبر فايزر مالتك وطلع من الشُغل, راح الـ NVC يتصلون بي ويفتهمون منة .. وهاية من النوادر اتصير ..
السؤوال الثاني هو بالبداية جانو ايراسلوني كل 12 يوم بالضبط لاكمال الاوراق . اخر شي هسة صار 17 يوم او ماكو رد . معقولة كملت الاوراق . او دزو ايميل الى المسؤول مالي دون ما ايخلوني بال CC . لان صديقي دزو ايميل للمسؤول مالة قيل ثلاث ايام او خلو ايميلة بال CC حته ايكون عندة علم .
عادي اخوية العزيز, مرات شهر ومرات شهرين يلة يجاوبون, فأنت من اتشوف السالفة اتأخرت, دزلهم ايميل وكللهم شنو اخر ابديت للقضية مالتي . وراح يجيك الجواب ورة اسبوع على الاكثر .. اني هيجي اسوي .
ولازم يدزون ايميل للمسؤول مالتك ويخلوك بـ CC لأن كتلك كُتب رسمية هاية ميصير يغضون النظر عن احد . كُلشي بعلم الكُل .
سؤوالي الاخر هو . اني قدمت عله ال IOM من بداية الشهر الثالث 2009 او حصلت علة ال BGD في الشهر الثامن والIZ NUMBER في الشهر التاسع من خلال احد اجوبتهم الي . فما اعرف مو طالت الشفلة . ارجو المساعدة وشكرا
والله العظيم ماعندي علم بلـ IOM لأن ممقدم عليه, وهسة اني بحيرة :-\ اقدم لو لا, لأن اشو بعض الاعضاء الاعزاء مقدمين على الـ IOM ويكولون احسن بلمُساعدات . ???
بس اني انصحك ادزلهُم ايميلات بين كل فترة وفترة . كل اسبوع ايميل على الاكثر ... وان شاء الله يجاوبوك .
وشتحتاج عن الـ SIV اني بلخدمة, واذا سؤال عن المراحل المتقدمة, هم اجيبلك الاجوة من الارشيف, وهمينة الاعضاء الاعزاء موجودين وراح يجاوبوك .
ريفولفر
-
اخويه العزيز...
بصراحة اخويه العزيز ريفو جواب وانطاك الزبدة، بس ولو اني عندي تحفظ على سالفة يتصلون بالـ HR لانه اني ما اتصلوا، فقط اتصلوا بالسوبرفايزر ودزولي نسخة من الرسالة.
اني بتصوري الشخصي ومع اعتزازي برأي اخوية ريفو، انه حجر الاساس للـ SIV هي رسالة التزكية من المسؤول المباشر وجوابه على اسئلة السفارة، لانه الـ HR تتحصل، اذا متكدر تحصلهه فبس تنطي علم للسفارة انه الشركة مادتنطيك الرسالة، يدزولهم رسالة للشركة غسل ولبس، ويسولكياها، وهذا صار ويه عدد من الاخوة الاعضاء.
بس تزكية المسؤول هي الطامة الكبرى، محد ميكدر يجبره يسوي رسالة تزكية الا اخلاق الشخص الطالب، يعني اذا الواحد ما عنده علاقة قوية ويه مسؤوله، فهذا انسه انه ياخذ فيزا، ومو بس هنا، احتمال يكتب مسؤوله التزكية بس من يسئلوه السفارة يغلس، زين وكتهه شلون؟؟؟ لا HR يفيد ولا هم يحزنون، لانه تره حجي بيناتنه، من ديسئلون السوبرفايزر هل تعتقد انه يمثل خطر على الامن القومي الامريكي؟ تره جوابه مو سهل لواحد امريكي الا اذا يكون متأكد من الشخص اللي ديزكي... مو؟؟؟ لو انتو شتكولون؟؟
سالفة الـ IOM طبيعية ولا تشيللهه هم لانه اني هم قدمت بشهر الواحد ووصلت لامريكا على الـ SIV وبشهر التاسع يله دزولي الـ IZ فعادي التأخير مالتهم...
تحياتي..
-
السلام عليكم
بصراحة اخوية العزيز انا ما املك اجابة على تساؤلاتك لان لسه جديد مثل ما يكولون بس حبيت احييك واحيي اخوية ريفولفر على جوابه لك وهاي مو غريبة على ريفو
بارك الله بيكم جميعا وربي يسهل امرك وامرنا
Echo 9
-
عزيزي واخوية الغالي, انتايتلد مان.
جزيل الشُكر على تعليق واني جداً ممنون منك,
بس بلحقيقة اني مريت بتجربة شخصية وردت اغلس على الـ HR وتدري اقل واحد بينة عندة فد 5 ركمنديشنات, ولهذا دزيتلهُميا كلها .. واتخيل اجاني هذا الرد منهُم
This HR Letter is separate to that of the Letter of Recommendation and must be issued by your employer’s HR office and show your start and finish dates
(or confirm that you are still employed) .
هنا بهل الحالة راح افهمك ليش بلذات الـ HR Letter مُهمة.
هواية من الناس اشتغلوا وية الامريكان لمُدة طويلة كولش, واكو قسم لحد الان مستمر وياهُم, بس ذولة بصورة غير مُباشرة .. وهسة افهمك شلون .
مثلاً الي جان مُجهز للمواد الغذائية (سبلاير) والي مثلاً ساكنين بلقواعد وعدهُم محلات.... الخ .
هذولة الناس مامشتغلين بصورة رسمية مع الجيش الامريكي او الشركات الامريكية . يعني بدون ( عقد ) رسمي .
واكيد راح اتصير عُدهُم ركمنديشنات وكولش بسيطة عدُهم هاي السالفة وخاصتاً الجيش ينطي رُكمنديشن الاي واحد محتاج, لأن هية وحداتهُم دائماً متنقلة فعادي يكتب ركمنديشن الاي واحد محتاجلها لسبب واحد وهوة (حُب المُساعدة ورد الجميل ) .
ولهذا الرُكمنديشنات مو مُهمة بكد الـ HR Letter الي اولاً تثبت
1 - موظف رسمي بلشركة والعقد مالتة موجود بلـ list of numerous GAO reports on reconstruction
2 - الـ HR Letter تثبت بدء تاريخ التوظيف وانتهاء تاريخ التوظيف .
3 - عمل الموظف الرسمي بلشركة الـ ( Job Title ) .
4 - تُثبت ان الموظف مُستمر بلعمل وياهم ام لا .
ولهذا السبب الـ HR Letter هية المُهمة جداً :'( ;D , وهمينة ذكرتلك اسباب التقليل من اهمية الرُكمنديشن لأن مثل ماذكرتلك, اي واحد ساكن وياهم او يجهزهُم, يكون عندة باج مال القاعدة لتسهيل امرة في الدخول والخروج, وركمنديشنات كمُكافئة, بس بلحقيقة هوة ممشتغل وياهم بصورة رسمية .
ودتشوف اكثرنة الي عدهُم ركمنديشنات مامذكور بيها ( لا يشُكل خطر على الامن القومي ) ديطلب من السوبر فايزر مالتة انو يعيد صياغة الركمنديشن لأضافة المتطلبات مال برنامج الـ SIV .
واكو ناس ديدورون على السوبر فايزر مالتهُم خاصتاً الي هوة برتبة بلجيش, لأن مثل مكتلك يتنقلون بأستمرار.
أذن الركمنديشنات مُهمة بس مو مثل الـ HR Letter .
أسف على الاطالة, بس اني شرحتها للمصلحة العامة .
اخوك الصغير
ريفولفر
-
يعني ما اعرف شلون اجازيكم والله الكلمات متكفي
بس اني اضل اتمنه ان تمشي معاملتي من خلال تزكيتين من شخص واحد وكل واحدة تحمل نفس الايميل بس المضمون يختلف حسب الموضوع . واني مثل ما كلتلكم صديقي اول ايميل من السفارة للاستفسار عنه كان قبل ثلاث ايام الى المسؤول المباشر مالته . يعني لو الHR اهم جان دزولهم اول . بعدين اني اجاني اليوم ايميل من عدهم ايكولي وين جنت من 2007 لحد الان . لان بالتزكية مكتوب انه اني تركت العمل بهذا التاريخ و اني كتبتلهم المطلوب بس الغريب انه لحد الان ما كالولي ليش ورقة ال HR عليها عنوان نفس الشخص اي المسؤول المباشر . على العموم اني رغم كل مساعداتكم الحلوة والي متتقدر باي ثمن بس اني بصراحة داشوف المسالة هم بيهة شوية شغلة حظ والله كريم . واني جدا سعيد باجاباتكم الي وسعيد بيكم اكثر واحب اشكر كل من شارك ويشارك بتطوير هذا الموقع البديع . مع خالص الاحترام والتقدير .
-
السلام عليكم جميعا
طبعا ردود كللللللللللللللش حلوه بس محد افتهم السالفه مال الاخ Hameer
هو ديكول بانه ابو الاج ار والسوبر فايزر نفس الشخص
هسه اريد اوضح للجميع شنو السالفه
من المتطلبات هي ورقه الاج ار ورساله تزكيه من المسؤل المباشر
يعني رسالتين مو وحده والاخ ابو الموضوع ياريت تشرحلنه اشكم رساله بعثتلهم وتكولنه هل نفس الشخص سوى هاي الرسالتين لو لا اذا داز 2 مو وحده
ريفولفر كلامك صح ميم ميه
رجل بلا عنوان كلامك صح ميه ميه
انتو متفقين على الاكلام بس مختلفين بالمضمون
ننتضر رد اخونا Hameer , وبعدين انجاوب
-
عيوني انت,
واحد من المُدراء مالتي هوة السوبر فايزر وبنفس الوقت هوة الـ HR مالتي صار, وكتبلي رُكمنديشن صفحتين ومخلة شي مكالة, وبنص الصفحتين الـ HR Letter . فعادي ميحجون .
ريفولفر
-
اخوية صاحب الموضوع
انت جنت تشتغل بشركة مو عند شخص واحد
فلذلك معلوماتك الكاملة موجودة بارشيف ال human resources
اما مسؤولك اللي ينطيك ال recommendation اللي ما راح يكون مجلب بهالشركة ويجوز انتقل لاكثر من مرة لغير اعمال فهو يعتبروه مثل الشاهد بالمحكمة عليك
ورقة الهيومان ريسورسز مو شرط يجيكون الشركة بايميل لان هي معظم الشركات المشمولة من تنطي اثبات توضيف لفد عراقي لغرض التقديم عالهجرة يدزون اوتوماتيكيا نسخة منه ومن معلومات الشخص للسفارة بنفس الوقت
اما الاتصال الاخر اللي يسوونه اكيد فهو وية اللي كتبلك التزكية لان هذا همه يعرفون شلون يصيدونه ويسالونه لان ال contact info مالته المفروض بالتزكية
بس اكو شغلة الكل ديسولفون عليهه واني ما صارت وياية وهسه كالولي اوراقك كاملة وتنتضر بالسفارة (المعنى ضمني انه اتصلوا بصاحبي ابو التزكية وجاوبهم)
بس اللي ما صار وياية انه محد دزلي CC ولا شفت الاسالة مالتهم اله ولا اجوبته!!!
-
اشكركم اخوان على تعاونكم
اولا اريد اكول الى اخوية شوقي . نعم هو سوالي ورقتين وحدة ك HR والثانية ك DIRECT SUPERVISOR والاثنين تحمل نفس الايميل .واني دزيت الاثنين لان اني متاكد لو داز وحدة جان كالولي وين الثانية . فهل هذا ممكن اخوية . بشرني الله ايبشرك بالخير
واحب اشكر اخوية ريفولفر لان رفع معنوياتي بهاي المعلومة .
بعدين اكو شغلة ثانية . مو كالو راح ايسرعون بالمعاملات . لعد شو اني دا احس بالعكس وكانما واحد متعمد ايريد تاخير المعاملات . يعني اخر ايميل اجاني البارحة ايكلي وين جنت من ال 2006 لحد الان مع العلم اني كاتب بالتزكيات او بالقصة انه اني تركت الشغل في سنة 2007 . بس اني شرحتلهم الخطا ثم وظحتلهم وين كنت في الفترة المتبقية من ال 2007 لحد الان .
او اشكركم جزيل الشكر اخوتي
-
اخي الله يساعدك خلي نجي وحده وحده ماشي
اولا انت سالت
اني شفت كل حديثكم عن ايميل السفارة الى المسؤول المباشر في برنامج الا اس اي في . بس محد ذكر شنو دور ال HR او هل راح يتصلون بيهم لو لا . لو راح ايراسلوهم وره المسؤول المباشر. لان اني بصراحة شفلتي مليوصة بس وية ال HR اولا الموضفة الجديدة متعرفني
الجواب مال اخونا فنجنزو صحيح ماكو داعي انعيد نفس الكلام
هل يحاولون الاتصال بالمسؤول على هاتفه المذكور في التزكية في حال عدم رده على الايميل . وهل يجوز للمسؤول الرد بالايميل الشخصي اذا كان قد ترك العمل مع الشركة حاليا
نعم اذا انت مخلي رقم التلفون الخاص بالمسؤول مالك (( مالك علاقه بصاحبك كلمن قضيته شكل))
ولهذا كلي معليك اني اكلهم اني المسؤول المباشر او اني ال HR لانه انته وياية من بداية تعيينك الى النهاية
حاول تتصل بهذا الشخص وتفهمه الموضوع لان كلللللللللللشي بايده هسه وصدكني كلام انتايتلد مان مضبوطططططط اتصل بيه وفهمه وحاول اتوضحله انه يتصل بالجماعه عن طريق نفس الايميل ويفهمهم انه اللبس منهم مو منك ولا منه لان هو نفس الشخص مدير الهيومن ريسورس والمسؤل المباشر مالتك
السؤوال الثاني هو بالبداية جانو ايراسلوني كل 12 يوم بالضبط لاكمال الاوراق . اخر شي هسة صار 17 يوم او ماكو رد . معقولة كملت الاوراق . او دزو ايميل الى المسؤول مالي دون ما ايخلوني بال CC . لان صديقي دزو ايميل للمسؤول مالة قيل ثلاث ايام او خلو ايميلة بال CC حته ايكون عندة علم .
المراسلات بينك وبينهم ما عليهه ضوابط ولا شي هم بكيفهم اشوكت ما يكملون يدزولك ومو شرط اتكون 12 او 13 اوحتى 30 يوم بس المهم الصبر
وبالنسبه لل سيسي مره ثانيه مالك علاقه بصاحبك لان من تقارن شغلتك بشغلته راح تتعب نفسيا صدكني (0 كلمن والكيس مالته)) وكل موضف اله اجتهاداته الخاصه
سؤوالي الاخر هو . اني قدمت عله ال IOM من بداية الشهر الثالث 2009 او حصلت علة ال BGD في الشهر الثامن والIZ NUMBER في الشهر التاسع من خلال احد اجوبتهم الي . فما اعرف مو طالت الشفلة
لا حبي ما طولت شغلتك اصبر سنه يالله ايجاوبوك ولا دير بال لل اي او ام ركز على الاس اي في
تحياتي الك
اخوك ابو عبد الله التكساسي
مهاجر اس اي في
واسكن حاليا في هيوستن
-
اشكركم اخوان على تعاونكم
اولا اريد اكول الى اخوية شوقي . نعم هو سوالي ورقتين وحدة ك HR والثانية ك DIRECT SUPERVISOR والاثنين تحمل نفس الايميل .واني دزيت الاثنين لان اني متاكد لو داز وحدة جان كالولي وين الثانية . فهل هذا ممكن اخوية . بشرني الله ايبشرك بالخير
بخصوص هذا السؤال
نعم ماكو مشكله وان شاء الله تمشي الاوراق بخير وسلامه
تحياتي مره ثانيه
-
جدا ممنون منك ومن كل الي جاوبو او راح ايحاوبون وما اعرف شكول بعد بس الله ايوفق الجميع يا رب .
-
بالخدمه عيوني وبيك خير وتدلل