ankawa
منتدى الهجرة واللجوء => الهجرة و واللاجئين => الموضوع حرر بواسطة: silver_d في 00:51 10/12/2009
-
قبل ساعتين اجالي من NVC رساله انو رادو مني صوره القيد 57 مترجمه لان اني ترجمتها يم مكتب قانوني ومختوم حسب الاصوول بس اضاهر الربع معاجبتهوم الشغله لان مبيها الصوره المترجمه ختم من دائره حكوميه لو طوابع بديله عن الاختام زين بهاي الحاله اني شنو اسوي وين اكو مترجم قانوني براسه خير حته هاي الاموور تصير بيها واتمنه دليل على اي مترجم قانوني حته اكملها واخلص لان هاي ثاني مره يرجعوها الي شوكت اخلص ما اعرف زين بس اريد اعرف من يكولي الملف مالتك خلص دكيومنتلي كومبليت شنو يجي وراها ؟؟؟ مقابله لو شنو ... تمنياتي الموفقيه للجميع
سلفر
-
سـلفر حبيبي,
ادخل على هذا الرابط مؤقتاً, بين ما ادورلك على شغلات الهة علاقة بموضوعك .
http://www.ankawa.com/forum/index.php?topic=366481.0
ريفولفر
-
سـلفر قلبي,
جبتلك تفاصيل عن صورة القيد 57 من موضوع الاخ العزيز " سبع صنايع " والي كال بي :
اولا:صورة قيد مترجمة(ايضا تسمى 57 او Family book )
1- الذهاب الى دائرة جنسيتك وتطلب صورة قيد لغرض التصديق والترجمة و(شكلهه مستطيل مخطط خطوط حمر او زرق).
ملاحظة مهمة (يجب ان تؤكد على موظفة الجنسية ان تكتب لك رقم اخر بطاقة جنسية قبل جنسيتك الحالية يعني انت اذا جنسيتك الحالية رقمهه 50000 وقبل الزواج او الضايعة كان رقمهه 10000 فيجب كتابة الحالية بالوجه والقديمة بالخلف طبعا هذا يشمل جميع افراد العائلة.
2-الخطوة الثانية هي الذهاب الى دائرة جنسية السنك الواقعة في شارع الرشيد بين شارع الخيام وجسر السنك على الشط
ملاحظة مهمة: يجب احضار العائلة بالكامل لغرض البصم وتستطيع بعد ذلك ان ترجعهم بعد ان يراهم الضابط ويجب جلب المستمسكات الاصلية (سكن تموينية هوية احوال شهادة جنسية وجواز السفر لكل افراد العائلة وستة صور ملونة ويفضل بخلفية بيضاء واخذوا فلوس وياكم)
بعد اصعد وانزل واكثر من ضابط يدقق يدزوكم للترجمة الموجودة في نفس البناية الطابق الارضي
سوف يدقق الشخص معك ويطبع الكتاب وانتبهوا مطابقة الاسماء وحسب جواز الجي.
3-الخطوة الثالثة هي الذهاب الى دائرة تصديقات الداخلية الواقعة في ملجأ في زيونة شارع الربيعي قرب جامع اليقين ومن الافضل ان تروحون من وكت وتاخذون الجوازات والجناسي وبعد شتلة ساعتين ينطوكم الكتاب اللي يكون نسختين لكل شخص.
4- الخطوة الاخيرة هي الذهاب الى تصديقات الخارجية في العلاوي تاخذلهه فد 3 ساعات
هنا احنة كملنة صورة القيد وتكون نسختين لكل شخص
الوقت التقديري (4-5) ايام
المصدر : http://www.ankawa.com/forum/index.php/topic,242777.0.html
واي شي اشوفة مُهم اجيبلكيا ...
ريفولفر
-
تسلم حبيبي انته واخويه الغالي على هاي المعلومات الدقيقه بس اني الي راح اسويه اخذ صوره القيد الاصليه لان اني مطلعلي وحده اني من الشمال النفوس مالتي مو من بغداد فراح ارووح اربيل وهناك اكو مكاتب قانونيه تابعه على وزاره الخارجيه الكردستانيه الي موقعها اربيل فراح اترجمها والشغله رسميه وقانونيه ومعترف بيها وبيها طوابع واختام وحسب الاصوول لان شغلت بغداد اتعب صراحه واني بالشغل ومينطولي اجازه طويله حته ارووح لان مصارلي سبوع من جاي من اجازه وشكرا على تعبك ويايه اخويه الغالي لان لو ادز هاي صوره القيد راح يحددولي موعد مقابله واني من جماعه اس اي في والحبل عالجرار
تحياتي اخووك سلفر دي
-
اتروح بلسلامة ان شاء الله, واتكملها حسب الاصول, ومتتعب ان شاء الله , وترجعلنة بلسلامة .
اتمنالك كُل الموفقية وراحة البال .
ريفولفر
-
اخويه سلفر...
الرد مال اخويه ريفو هو بالضبط اللي لازم تسوي، هسه انت مو ماخذ صورة القيد وياك، عدل وكبل على هاي دائرة الجنسية اللي بالسنك، هناك من تفوت تاخذ فايل وتستنسخ الحبربشيات وتاخذ وياك 3 صور وتكمل فايلك وتروح كبل على نقيب عمار (اذا بعده نفسه)، وهو كلش خوش ادمي، بس بما انه صورة القيد مالتك مو من بغداد فاكيد راح يكولك لازم اخابر الدائرة واتأكد من صورة القيد، انت هنا شنو دورك، تقراله اليتيمة ;D.
اخاف يطلعلك سالفة انه ماذاكرين شي بالورقة، او فد شي لازم يكون هيجي وما يصير هيجي، انت شتسوي؟؟؟ تبجيله ;).
لانه اذا كل شغلة يطلعهه لازم ترجع للشمال علمود تعدلهه...
باقي الخطوات اتبعهه مثل ما مذكوره برد اخوية ريفو...
واسأل مجرب... :D
تحياتي
-
صديقي فضة_د
الدائرة مثل ما كال اخوية الزلمة البدون اسم بالسنك عالشط ومن تنتضر سراك على نقيب عمار (ههههههه صار صديقي!!!) انتضارك يصير بالبالكونة عالشط والهوة يرد الروح والمنضر يخبل (يعني اي انفجار لو مفخفخة تصير بذاك الصوب تشوفهه وحتى نص المنطقة الخضراء تبين)وكلهه تفض بين الساعة والساعتين مو اكثر ومتسوه دوخة فاذا انت بغداد اقربلك فماكو داعي تدوخ نفسك بالروحة لاربيل