ankawa
منتدى الهجرة واللجوء => الهجرة و واللاجئين => الموضوع حرر بواسطة: Shehrazade في 16:15 12/12/2009
-
مرحبا اعزائي بالمنتدى الكريم...اني عندي سؤال بسيط ورايده مساعدتكم بليس ولو ان اكثر المنتدى عن امريكا بس يالله للي يعرف الرجاء الجواب والاستفاده تعم الجميع..
انا هنا ببريطانيا وصارلي ست اشهور وقدمت معامله للترافل داكيومنت..رجعولي رساله من الهوم اوفس وهي وزاره الداخليه رايدين مني ادزلهم جوازي العراقي وانا دزيته الهم لان اذا ما ارجعه خلال شهر راح ترفض المعامله والطلب بس المحيرني اني اكو جماعه هواي استلموا الجواز بدون ما يطلبون عليه تسليم الجواز العراقي ...المهم سؤالي انه اذا سافرت لسوريا اكدر مناك ادخل العراق بالترافل دكيومنت وادري انه اذا دروا بيه رحت للعراق او لكوا ختم عراقي بالجواز يمكن يرفض اللجوء مالتي وبعد ما اكدر ادخل بريطانيا...بس انا سامعه انه بالحدود جماعتنا العراقيين تنطيهم فلوس ويكبسون قصاصه ورق ببيضاء على الترافل دكيومنت ويختمون عليها وبالخروج كذلك ومن تدخل سوريا تشلع الورقه ولا رايح للعراق ولا ختم عراقي واكدر ارجع وانا بالي مرتاح..اكو هيجي حجي وهل اكدر ادخل واذا ما كدرت شنو الحل يعني اكدر اطلع جواز عراقي من سوريا خصوصا انه عندي الجنسيه والشهاده..؟
والشي الثاني بالنسبه اذا صايره وي اي احد من الاخوه بامريكا او مكان ثاني انه السفاره العراقيه اكدر اطلع منها جواز عراقي وانا لاجى وعندي ترافل دكيومنت؟
ولكم جزيل الشكر والتقدير....
-
السلام عليكم
شهرزاد
اول شي الترفل دكيومنت ميدخلج للعراق والمسأله مو شغلت فلوس ماكو هيج حجي وطبعا وبالتأكيد واني متأكد منه انه اذا دخلتي للعراق وهذا الشي مستحيل طبعا اذا لكو على الجواز ختم العراق بالتأكيد يرفض لجوئج بس اريد اعرف انه انتي شلون تطلبين جواز مؤقت بريطاني وانتي ماعندج اقامه دائمة ؟؟؟؟؟؟؟؟ بس قبل هذا كله اتأكدي من الجواز البريطاني الترفل دكيومنت يدخلج لسوريا لو لا ؟؟؟؟؟ احسن شي تدخلين الى العراق بجواز عراقي صادر من السفاره العراقيه بسوريا وتطلعين من سوريا بالبرطاني وتطلعين من العراق بالجواز العراقي وتدخلين السوريا بالبريطاني . يعني الجواز اللي طبين بيه للدوله لازم تطلعين منه بنفس الجواز .
اخوكم
زيد
-
شكرا عيوني زيد بس انا عندي اقامه دائمه هنا ببريطانيا ومثل ما كلت انه طلبوا مني الجواز العراقي يعني انا سلمته رغما عني ...وبالنسبه للترافل دكيومنت متأكده انه اكدر ادخل بيه لسوريا بس سمعت انه بسوريا ما يصدرون جواز عراقي بس للي عنده اقامه بسوريا...يا ريت الاخوان يسعفونا بأجاباتهم ...
وشكرا جزيلا..
-
أختي الجواز الي سلمتي شنو جان ؟ S ? H ? G ? هنة ماشاء الله هواية انتي ياهو منهُم ؟ اذا القديمات, فيامسهلهة للسالفة, عادي واحد من كرايبج يروح يطلعلج جواز بفلوس بدون ماتوصلين للجوازات, اني هيجي سويت دفعت فلوس وطلعت جواز الـ G بدون ماشوفهة للجوازات .
وعادي من ترحين بأذن الله الـ سوريا, يكدرون يسلموج الجواز وادُخلين بي للعراق .
ريفولفر
-
الاخ العزيز Shehrazade
اولا راح ارد عليك بشقين للسؤال
اذا فرضنا الامور كلها مشت طبيعي ودخلتي لسوريا بالجواز او الترفلدوكيومنت وماعندك جواز عراقي لازم تحصل على فيزا للعراق تدخل بيها
اذا غادرت الحدود السوريه راح يكون الختم للمعادرة على الجواز واذا فرضنا كدرت تدخل للعراق بورقه (( هذا مستحيل )) من ترجع تدخل لسوريا هم راح ينختم الجواز ختم دخول طبعا مايختمون دخول اذا مايشوفون ختم مغادرة العراق
اذا تريد تحصل على جواز عراقي من السفارة فممكن بس نوع دخول العراق فقط اي يستعمل مرة واحدة واذا تريد جواز عراقي جديد من السفارة من نوع g او a فلازم تنتضر اقل شي سنه او 9 اشهر لتحصل عليه من السفارة
اذا عندك شغل بالعراق روح لسوريا وخلي احد من اهلك يجيلك لسوريا اسه الك من هذة الدوخه
دوختك مو هههه
تقبل تحياتي
-
الاخت Shehrazade
اهلا وسهلا بك بين اخوتك وخواتك
ما تفضلتي به من طلب الهوم اوفس هو لضمان عدم رجعتك الى العراق وذلك بعد ان يتم كشف هذه الطريقة من العراقيين نفسهم حيث يقدم على الترافل داكيومنت ويغادر الى سوريا ومن هنا يدخل العراق بجوازه العراقي ومن ثم يعود الى سوريا ويغادر الى بريطانية بالترافل داكيومنت وبهذه الحالة لا يوثر عليهم اما الان في حالة طلب جوازك العراقي ليبقى عندهم فلن تستطيعي الدخول الى العراق ولا اظن مدة شهر كافية لاصدار الجواز العراقي بسوريا اذا وافقت السفارة العراقية اصدارك جواز وانت اصلا لك جواز وبريطانية حالها حال الكثير من الدول الاوربية التي تراقب العراقي بذات بسفره الى دول الجوار وهو يحمل اللجوء على ارضيهم وينتظرون خطاء واحده ليسحبوا اللجوء لانه لا يعتبر لاجئ بعد اختراقه قانون اللجوء والذي يكون مكتوب بالترافل داكيومنت (يحق لك دخول جميع البلدان عدا بلدك ) ليتم سحب اقامته وارجاعه الى العراق
تحياتي
-
اختي افضل طريقه تحاولين تستخرجين جواز A او G ثاني من العراق وبالفلوس طبعا كلشي يصير وكثير ناس اعرفهم مسوين هذه العمليه ودخلين بواسطته للعراق
-
السلام عليكم
الخت شهرزاد
اني عندي فكره بالنسبه الى سوريا لازم تتاكدين انه لازم اقامه اني في الاردن مو شرط اقامه هوية احوال مدنية وشهادة جنسيه بس اتوقع اتوقع لازم الجواز القديم يكون موجود او نسخه منه واني راح اسألج وانطيج الخبر المضبوط.
اخوكم
زيد
-
شكرا الكم اخوان ولردودكم
انا اليوم اتصلت بالشفاره العراقية وكالولي بانه ما يكدرون يصدرولي جواز لان جوازي اللي سحبوه الهوم اوفس نافذ والجوازات الموجوده بس جواز A يطول ست الى سبع شهور ...المهم سألت الموظفه على دخول العراق وانا مستغربة من ردها كالت يمكن ادخلين بيه العراق اذا مذكور بيه انه ولادتك العراق مع ابراز الجنسيه والشهاده بس كالت ينختم الترافل دكيومنت ويجوز يؤثر على اللجوء...
عيوني زيد ولو اتعبك واشكرك هوايه بلكي تسأل انه يطلبون فيزا على حامل الترافل دكيومنت البريطاني لدخول الاردن واكدر مناك ادخل العراق بيه حتى لو ختموا عليه...علما اني طلبت لجوء مناك من الاردن.
وشكرا لكل الاخوه وبالتوفيق
-
اختي شهرزاد بالنسبه لترفل ديكومنت عادي تكدرين دخلين بي العراق ما دام مكتوب بي عراقيه واخذي هويه الاحوال ايضا ومتحتاجين اي فيزه ولكن تبقه شغله الختم هي المشكله بالموضوع
-
اشكرك عيوني عكعك على هذا الرد المفرح...بالنسبه للختم هو المشكله وهاي هم تدبر احاول الكيلها حل من اروح لسوريا او الاردن وجماله اثنيناتنا انا واخويه نريد نرجع بس مو علمود نبقى...احنا من نوصل هناك هم نسأل...
ولو اتعبكم انا اليوم قريت بالمنتدى خبر عن عدم امكانية دخول الاردن بعد اللجوء في حال انك اخذت اللجوء من الامم في الاردن...بالنسبه الي لمن وصلت بريطانيا واستلمت رساله القبول والاعتراف بي كلاجئه مذكور هذا الشي بأن ما اكدر اروح لبلدي والبلد الثالث اي البلد اللي قدمت بيه لجوء...بس اعرف جماعه هنا نفس الشي وسافروا للاردن وماكو مشكله بس احنا يمكن جماعتنا يذكرون انهم عراقيين او يطلعون الجوازين الترافل دكيومنت او الكرين كارد مع الجواز العراقي..يمكن وبعدين تصير المشكله...
وشكرا لكل الاخوان على ردودهم والجميع بهذا المنتدى الروعه
-
سؤال متعلق بالموضوع...اخوان اذا سافرت بالترافل دكيومنت لسوريا او الاردن واريد اسافر مناك بالطياره اكدر اسافر خصوصا ومثل ما تعلافون بانه مكتوب بالجواز ممنوع ادخل العراق...يعني اولا يسمحولي بالاردن او سوريا اسافر للعراق وثانيا عادي من اوصل العراق اكدر ادخل بدون فيزا بالمطار.؟
انتظر ردودكم اخوان وشكرا جزيلا
-
مرحبا اختي الغالية شهرزاد ..
بالنسبة لسوريا ماعدهم مشكلة ترة اذا تروحين للعراق بس اسمعي كلام الاخ تايكر ولاتجازفين لان اذا ماعندج جواز عراقي ماتكدرين تدخلين للعراق والا كلشي يضيع عليج بعدين .. فأختي ديري بالج ترة حصوصا بريطانيا كللللللش متشددين بهاي الامور ولهذا سحبو جوازج العراقي لان الشغلة صارت واضحة وبعد ماتمشي عليهم فيكات العراقيين فلاتتسرعين وبعدين الندم مايفيد
تقبلي مروري ونصيحتي وبالمناسبة احنا جوارين لان داعيتج لاجئة بايرلندا وكل العراقيين رايحين للعراق بجوازاتهم العراقية لاتصدكين اكو احد راح بالترفل مستحييييييييييييل .. اتمنالج التوفيق
-
موضوع حساس ومهم جدا
الله يطمن الاخت صاحبة الموضوع ويقويها على اتخاذ القرار الخطير
اني جان كلت اضم صوتي لصوت عكعك الورد او لصوت اختنا بت بطوطة وتايكر بس بعدين تذكرت انه احنا هنا نجهل السبب او اهمية زيارتكم للعراق فهيجي مجازفة (وبأي طريقة مما ذكره الاخوان الافاضل) ميقدر اهميتهه اللا صاحب الشأن
اما اذا قررتوا ذكر سبب محاولتكم زيارة العراق فاعتقد هم راح تتلقون المزيد من الخبرات والنصائح
وكان الله بعون الجميع
-
الاخت العزيزة shehrasade انا ايضا والدتي في بريطانيا منذ سنتين ولديها الترفل دوكيومينت وجاءت هذه السنة الى الاردن عن طريق الفيزا من السفارة الاردنية وكذلك دخلت مسقط اي الخليج بفيزا وهذا الكلام اكيد اما دخولك الى العراق فهذه صدقيني لااعرف اجراءاتها لان والدتي لم تفكر بالذهاب الى العراق بعد .