ankawa
منتدى الهجرة واللجوء => الهجرة و واللاجئين => الموضوع حرر بواسطة: اريد وطن في 09:47 13/12/2009
-
اشلونكم اخوان عبسي والفريدو
بشرنا اخونا عبسي شلون امورك ان شاء الله تكون بخير اليوم شفت جوابك على موضوع الشهادات والله عمي اصيل ودائما تخدم اخوانك
اخونا الفريدو شنوا اخباره يارب يكون زين وان شاء الله التقيت بيه وهل اجرتو بيت او شقه لو بعد وشلون الحياه في كندا
اريد منك اذا ممكن شلون الحياه هناك بكندا كاعدين وحاضنيين الصوبه لو شنو
اخويه عبسي عندي رخصه قياده عراقيه من سوك مريدي السؤال اذا جبت كتاب من السفاره العراقيه تايد ان هذه الرخصه صادره من الحكومه وحاليا دائره المرور في العراق لاتجدد الرخص هل تمشي بكندا لو لا طبعن الرخصه صادره ب 1997 وتنتهي بي 2007 والرخصه بيها اختام عادي بس على الصوره ماكو ختم يعني اذا جبت كتاب من السفاره تمشي في كندا لو لا
طبعن حاليا لغايه 13/12/2009 لايوجد اي اتصال صارلنا 3 اشهر وبعدنا صابرين ماعرف عندك خبر ممكن يتصلون بينا بشهر 12 لو خلص راحت علينا وانشحنه للسنه الجديده الله كريم صابرين وكاعد يم التلفون وانتظر مكامه بفارغ الصبر
الشي الزين الاسبوع الماضي اتصلو بينى يوان مشان نعمل كارت الازرق وننتظر واعولنا وياريت اذا تكدر انته او اخونا الفريدو الحياه بكنده اكل وشرب بالشهر واحد شكد يرادله تقريبا طبعن الاجار يختلف من منطقه لاخرى اكيد
واحد وزوجه وطفل عمره 3 سنوات شكد يحسب حسابه مصرف بالشهر اكل وشرب تقريبا
اتمنى اسمع اخباركم وتكونو دائما بخير
اريد وطن /
-
اخوان عبسي وفريدو وينكم
عاذركم اكيد ملتهين بس حابين نطمن عليكم