ankawa
منتدى الهجرة واللجوء => الهجرة و واللاجئين => الموضوع حرر بواسطة: الدوسرية في 19:50 16/12/2009
-
الأعضاء الكرام أريد استفسر عن سعر البيت في أمريكا غرفتين أو ثلاث مع صالة كم يكون سعره بالظبط وخصوصا في ولاية نيوهامشر أو فورمنت اوماساشوستس وبسهولة يسجل بإسمنا؟؟؟ إلي عنده علم بهالموضوع من أخوانا المقيمين بأمريكا وخصوصا الاخت انجي ،،،
والسؤال الثاني يصير ناخذ ويانا من عمان تنكة زيت زيتون لوممنوع ،،، وشكرا لكم
-
حبيبتي البيوت مو كلها نفس الاسعار اولا حسب المنطقة وثانية حسب الولاية واسعار البيوت بيها مثلا نفس مواصفات هذا البيت بمشكن بسعر 70 لو 80 الف دولار والمنطقة وسط يعني لا مال الاغنياء ولا مال كلش فقراء ومنظقة امينة وبنسبة لدهن زيت الزيتون هنا متوفر بكل المحلات العربية بس بولايتك ما اعرف اكو محلات عربية او لا ومثل ما كتلج حسب المنطقة وحسب الولاية
-
وبعد ملاحظة اختي
اتعرفين شكد راح ادفعين انشورنس وظريبة ملكية (اسف جنت كاتب دخل) وايسموهة Property Tax سنوية وماي وكهرباء وووووووو
ترة هاي فلوس كلش حلوة ومتشعبة الى درجة للي ايريد يشتري بيت
تعالي وكولي يا الله هسة البيوت كلش رخيصة وبكل امريكا بسبب الازمة الاقتصادية وهذا احسن وكت لشراء البيوت وبكل الولايات
update
مستحيل يتسجل باسمكم الا اذا دفعتوا كل الفلوس مال بيت وهذا الشي ما محبذ اتسو بامريكا لازم اقساط والبنك مينطي قروض لاشخاص جدد جاين الا اذا اكو كفيل مشترك يسجل البيت باسمة
مو اكلج متشعبة ولو اظل للصبح احجي متخلص
تحياتي
-
اختي متصورة امريكا ما بيهة دهن زيت لو زيتون ؟؟
ادري خوما رايحة للصومال؟؟؟؟؟؟؟؟؟؟؟؟؟
اختي شنو اللي يجي ابالج بامريكا موجود فكري بشي مستحيل وراح اكلج موجود
-
والسؤال الثاني يصير ناخذ ويانا من عمان تنكة زيت زيتون لوممنوع ،،، وشكرا لكم
اختي لو تعرفين شكد حاولت بهذا الموضوع واشتريت تنكه من عمان وعلى اساس اجيبها بالطياره لمصر بس سالت كالو ياخذوها منك مبيها مجال وراحت التنكه عليه فلا تحاولين هذه المحاوله لان الزيوت متسمح بيها خطوط الطيران لانها تعتبر من المواد الخطره والتي تستخدم في المتفجرات
-
شنو سر تنكة الزيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-
صح كلام اخي ابو اندرو
وهم اذا تدفعين كل فلوس البيت هم يبقى ملك الحكومة لانه راح تدفعين ضريبة علية كل 6 اشهر او كل سنة حسب ما تسويها انتي من تشترين البيت يعني البيت هواية رادله مصاريف مو مثل ايجار شقة
-
شنو سر تنكة الزيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو اندرو زيت الزيتون مال عمان ينظرب بي المثل بس اخوك انضرب بوري بي ;D
-
اختي العزيزة
تحية طيبة
ازلا اني اتمني ان تشترين بيت, بس نصيحتي اليج كلشي اتسوين او لاتشترين بيت بالخرب مثل ما اتفضلو الاحباء كبلي او وضحولج بانه الضرائب او التأمين اوووووو الى ماشابه ذلك, بس اذا حابة ان اتكونين صاحبة بيت فبمروك اليج بس اخوج كلبا عليج لانه اشترى بيت او عشر اسنين اتعذب او بعد ضاع الخيط والعصفور او اعندي اقارب اهوايا اب امريكي هم اتعذبو بمسألة البيت وتقبلي احر التحيات
اخوج
جوسي
-
اختي العزيزة
تحية طيبة
ازلا اني اتمني ان تشترين بيت, بس نصيحتي اليج كلشي اتسوين او لاتشترين بيت بالخرب مثل ما اتفضلو الاحباء كبلي او وضحولج بانه الضرائب او التأمين اوووووو الى ماشابه ذلك, بس اذا حابة ان اتكونين صاحبة بيت فبمروك اليج بس اخوج كلبا عليج لانه اشترى بيت او عشر اسنين اتعذب او بعد ضاع الخيط والعصفور او اعندي اقارب اهوايا اب امريكي هم اتعذبو بمسألة البيت وتقبلي احر التحيات
اخوج
جوسي
اخي العزيز ليش العذاب
يعني اني اعرف ناس كل خمس سنين اتغير بيوتهة
بس الشي المهم الواحد ايخطط زين ويعرف شلون يستثمر بيتة حتة لو يدفع كل هاي الامور واني اول مرة اسمع هيج حجي
لعد هذولة العراقيين اللي بسان دييكو والي اشتروا بيوت من جانت 500 الف دولار وفوك اشو كاعدين ومرتاحين محد كال متندم ؟؟؟
يا ريت اذا اتفظلت اتوضحنا شنو العذابات اللي مرت عليك وعلى اقاربك لان بصراحة اتوقع كلش راح اتفيدنا
تحياتي
-
اختي الغالية خلي اشرحلك شنو هي مصاريف البيت وشنو الفرق بين تاجرين شقة كبداية الى ان اللة يفتحه بوجهكم وتشوفون شغل وتتعلمون على الولاية
اولا بالنسبة اذا تريدين تشترين بيت اول ما توصلين للولاية اولا ما يصير لانه انت راح تحتاجين بالبداية الى مساعدات الحكومة كاي لاجي وخصوصا التامين الصحي لانه هو الاهم هنا حتى للاغنياء مو بس للاجي او الدخل المحدود لان اذا اشتريت بيت وخليتية باسمك طبعا دائرة المساعدات راح يكولون انتي عندج فلوس وما محتاجة للمساعدات صح هو مسموح شراء بيت للي دخلهم محدود بس مو للاجئ الي هسى جاي
المهم البيت ومصاريفة والفرق بينه وبين ايجار شقة
مصاريف البيت اذا كان مدفوع فلوسه كلها بس راح يكون عندج دفع مال ضريبة اكو ناس من يكونون ماخذين فلوس من البنك ويكون الدفع كل شهر يسون الضريبة مال بيت وي الدفع الشهرية مال بيت او البنك الي انطاهم القرض واكو قسم يسوها كل 6 اشهر يدفعوها مرات تطلع 1500 ومرات 3000 حسب قيمة البيت وحسب الولاية وتكساتها وحسب المنطقة والضريبة مال كل منطقة
نرجع الى مصاريف البيت كلنا الدفع مال ضريبة في حالة البيت مدفوع كله كاش وعندج مصاريف الكهرباء والتدفئة والتلفون والكيبل وقائمة الماء ووووو ما لا نهاية احسبي حسابج كل شهر رادلج اقل شي الف الف وشويه وانما لو تسكنين شقة كبداية الى ان تشوفين شون تكون الولاية بيها شغل ما بيها الجو زين مو زين يعني كل هاي الامور لازم واحد يعرفها قبل ما يخطوة اي خطوة اني هسى انطيج موقع مال ايجار شقق وبيوت رخيصة للدخل المحدود جربي بلكن تشوفين بيه اسعار زينة وربي يوفقكم بالولاية الي راح باذن الرب توصلوها واي استفسار اخر اني بالخدمة
-
السكن لذوي الدخل المحدود
يوفر مكتب الإسكان التابع للحكومة الأمريكية تخفيضات في الايجار في مناطق محددة في كل مدينة لذوي الدخل المحدود وينبغي على كل شخص يود الاستفادة من هذه الخدمة التأكد من موقع المجمعات السكنية ذات الايجار المخفض من حيث ملائمتها للسكن فهناك بعض المجمعات التي توجد في مناطق جيدة جدا ولكن توجد مجمعات تقع احيانا في مناطق ليست آمنة.
ويمكن التعرف على اهداف هذا المشروع من خلال الرابط
http://www.hud.gov/library/bookshelf12/hudmission.cfm
ويمكن البحث عن المواقع السكنية في ولايتك من خلال الرابط التالي
http://www.hud.gov/apps/section8/
__________________
( طبعاً منقول من أحد المنتديات )
أبـــو دجـــــلة
الرابط ممكن ان تبيع وتشتري من خلاله كل شي مثل (أثاث،شقق،سيارات،.........الخ) حتى من خلال هذا الموقع تكدرون تلكون شقق للايجار او البحث عن عمل بالولايه الي انتو بيه او الدوله الموجودين بيه وهو مو بس بالنسبه للولايات المتحده يضم تقريبا جميع الدول.
http://www.craigslist.org/about/sites
-
والله أعجز عن شكركم ،، انجي ، ابو اندرو ، عكعك ، جوسي ، الله يحفظكم ويسهل أموركم. وضحت عندي الصورة على هاي الدوخة ايجار ابركلنا، بس احنا كلنا ناجر من عشرسنوات وشيل ايدك وبعدين نطلع ايد ورا وايد كدام بدل مندفع ايجارهالسنوات نشتري بيت وملكنا بس طلعت طويلة عريضة حسبالنا مثل العراق بسهولة ،، طبعا هاي عاشر رسالة انا مشتركة نت علموبايل وكل شوي ونقفل الموبايل وراحت الكتابة واعيدها من جديد،،
اخي ابواندرو زيت جبناه من معصرة جرش كدامك يعصروه يسوى ابو زيت امريكا هذا هو سر تنكة الزيت ;D
-
والله أعجز عن شكركم ،، انجي ، ابو اندرو ، عكعك ، جوسي ، الله يحفظكم ويسهل أموركم. وضحت عندي الصورة على هاي الدوخة ايجار ابركلنا، بس احنا كلنا ناجر من عشرسنوات وشيل ايدك وبعدين نطلع ايد ورا وايد كدام بدل مندفع ايجارهالسنوات نشتري بيت وملكنا بس طلعت طويلة عريضة حسبالنا مثل العراق بسهولة ،، طبعا هاي عاشر رسالة انا مشتركة نت علموبايل وكل شوي ونقفل الموبايل وراحت الكتابة واعيدها من جديد،،
هسة افتهمت
الف عافية
اخي ابواندرو زيت جبناه من معصرة جرش كدامك يعصروه يسوى ابو زيت امريكا هذا هو سر تنكة الزيت ;D