ankawa
منتدى الهجرة واللجوء => الهجرة و واللاجئين => الموضوع حرر بواسطة: George W. Bush في 21:13 16/12/2009
-
السلام على اعضاء المنتدى الأحباء
اخواني اهلي اتصلوا بيهم على مود الفحص الطبي في IOM بغداد هذا الشهر علما انهم منتظرين مقابلة المحلفين
السؤال هو ما هي اماكن الفحص ببغداد و كيفية الدخول لها وما هي المستمسكات المطلوبة للفحص الطبي في IOM بغداد
رجاء الجواب من اأخوة اصحاب الخبرة بالتفصيل اذا امكن؟
و شكرا لكم مقدما
اخوكم George
-
اخي جورج
الفحص الطبي في بغداد ايكون في مستشفى ابن البيطار وبالوقت المحدد لهم
يحضرون معاهم الجواز او الهويه فقط
وهذا الفحص يشمل فحص بصر واخذ عينه للايدز وطول مع وزن وقياس ضغط
في نفس اليوم ايحولوهم العصر لعيادة ابن البيطار في الحارثيه لاخذ الاشعه
وبعد يومين ايروحون مره ثانيه لابن البيطار لاجراء اخر الفحوصات السريريه وهيه مراجعه للفحوصات الي اخذت قبلها ومجرد اسئله عن تاريخهم الصحي واذا عدهم اي تقارير قديمه او ادويه او تقارير عمليات قديمه ياخذوها معاهم
-
اخي العزيز
ان شاء الله خير
بس اني سامع هسة اكو اكثر من مكان لعمل الفحوصات ومنها داخل المنطقة الخضراء
اني بوكتهة مشيت بنفس البروسيجر مال ابن البيطار ومثل موضحت الاخت ريم
بس انت اتصل بالمنظمة وهمة ايكولولك وين اتروح واخذ منهم الخبر اليقين واذا بابن البيطار بعدهة فكلش سهلة ومكانهة ما ايضيع
تحياتي
-
اخي George
كلام الاخت مريم صحيح ميه بالميه وعند الوصول للمستشفى خلي يستفسرون من الاستعلامات لان اكو شخص موجود وبيده قوائم اسماء الي عدهم فحص طبي وهوه الي راح يدخلهم جوه المستشفى.
بالتوفيق
-
اخواني الأعزاء شكرا جزيلا على ردودكم الوافية و اسأل الله ان يوفقكم جميعا
سؤال اخر يعني لازم يتأخرون يومين يله يسوون فحوصات بالحارثية لو ممكن بنفس اليوم او يأجلوها مثلا؟
شكرا مرة اخرى اخوكم جورج
-
اخي جورج
اليوم الاول فحص صباحي بالمستشفى وفحص مسائي بالحارثيه للاشعه
وبعد يومين تطلع نتائج الفحوصات والاشعه وترجع لمستشفى ابن البيطار حتى ايشوفها الطبيب وعلى اساسها يكتب التقرير
يعني لازم تنتضر يومين ميجوز اتصير بنفس اليوم
-
مو كالوا علساس اكو بمستشفى الشفاء ؟؟؟؟؟؟؟؟؟؟؟؟؟؟؟؟؟؟؟؟؟؟؟
لو مو مو ؟؟؟؟؟؟؟؟؟؟؟؟؟؟؟؟؟؟
-
الأخت ريم عبد شكرا للأجابة وفقك الله
الأخ الناسك انا في وقتهه سوت الفحص بمركز الشفاء لأنه اني siv بس بالنسبة للأي او ام ما اعرف ممكن بمركز الشفاء او لا ؟
متكنى من الأخوان الي عدهم معلومات يرفدونا بيها
-
اخي جورج
الفحص الطبي في بغداد ايكون في مستشفى ابن البيطار وبالوقت المحدد لهم
يحضرون معاهم الجواز او الهويه فقط
وهذا الفحص يشمل فحص بصر واخذ عينه للايدز وطول مع وزن وقياس ضغط
في نفس اليوم ايحولوهم العصر لعيادة ابن البيطار في الحارثيه لاخذ الاشعه
وبعد يومين ايروحون مره ثانيه لابن البيطار لاجراء اخر الفحوصات السريريه وهيه مراجعه للفحوصات الي اخذت قبلها ومجرد اسئله عن تاريخهم الصحي واذا عدهم اي تقارير قديمه او ادويه او تقارير عمليات قديمه ياخذوها معاهم
السلام عليك اخي جورج كلام الاخت ريم كله مضبوط .. وانا البارحة الخميس رحت اكملت الفحص الثاني ...والفحص ينقسم الى يومين اليوم الاول فحص الطول والوزن والدم والضغط وحاول تفحص ضغط دمك قبل ان تذهب بأيام واذا كان مرتفع حاول ان تخفضه بالدواء والحمية من الاملاح فهذا جدا مهم لانهم يؤكدون على الذي لديه ارتفاع بالضغط وممكن يؤثر على السفر .. هذا في الصباح وبعد ان تكمل يعطوك استمارات وعليها عنوان مختبر ابن البيطار في الحارثية وموعد في نفس اليوم في الساعة 2:30 ظهراً تذهب وتأخذ أشعة للصدر طبعا كل الفحوص مجاناً وثم يعطوك موعد بعد يومين ترجع لمستشفى ابن البيطار في نفس المكان الاول ويكون فحص سريري فقط وهو بأختصار فقط فحص الصدر بالسماعة وبعض الاسئلة عن هل اجريت عمليات سابقة وهل لديك امراض مزمنة ..وهاهي هيه .وطبعا تحتاج بس الجناسي لك وللعائلة ولايسألون على الجواز ولايريدوه.واتمنى لك الموفقية .....اخوك السومري
-
اخي السومري
شكرا جزيلا على الاجابة الوافية و يا رب التوفيق لك و لكمن ساهم في الأجابة على سؤالي
اخوكم جورج
-
السلام عليكم اخواني عندي سؤال؟ اني قدمت على الــــiomوكملت اوراقي ور ساعتين انطوني كيس نمبر لكن لهسه مااتصلو صارلي شهرين هل ممكن ناسيني اوشنو ??? :-\
-
الاخت ريم والله مبدعة كالعادة بردودك الرائعة والمفصلة
الاخ جورج
اني افتهم من ردودك انك اتريد الفحص كله يخلص بنفس اليوم ؟مو
ما ايصير اليوم الاول بيه فحصين صباحي والاخر العصر
والفحص الثاني بعد يومين
يعني لابو المحافظات ( بهذلة) هههههههههههه
تحياتي وبالتوفيق لك وللاهل
-
الاخوة الاعزاء يوجد فحص ثالث ماكو احد ذكره وهو الفحص الطبي الذي يسبق السفر بيوم او يومين يتم الاتصال من خلال شخصين هما اما حسين او ماهر ويعطيك موعد ووقت الحضور الى مستشفى ابن البيطار ثم يزودون الكيس بنتائج الفحوصات التي ترافقهم اثناء السفر وفي نفس الفحص يعطون حبه لكل مسافر والاطفال شراب ومن توصلون هذه المرحلة يكون موعد السفر قريب جدا ومن ثم توصلون بالسلامه الى الولاية المحددة لكم وفي امريكا يوجد فحص رابع وثم فحص خامس بس هذه التفاصيل كافية لحد الان وانشاء الله سلامه الوصول
-
تحيه معطره من سماء بغداد الغاليه
طبعااني يوم 13 بالشهر سوين فحوصات بالخضراء اني من جماعه siv وجانت الفحوصات كلس سريعه وسهله الى درجه طبعا السفاره دزولي اسماء الاطباء وارقام الهواتف
واني ثانتي يوم اتصلت بالطبيب الي اسمه احمد وحجيت وياه وحددلي موعد ودزلي رقم الاسكورت الي هوه صفاء العبيدي دخلنه للخضراء وسوينه الفحوصات والاشعه وملينا الفورمات
واخذو عينه من الدم وضربولنه ابره مال كبد ما اعرف شنو ودفعنه وصل اني 185 دولار
والمعامله صوره من الجواز وصوره من الجنسيه اتودي وصورتين والورقه مال مقابله
حته تملي الفورم
وراح اخلي رقم الطبيب ورقم الاسكورت
دكتور احمد ..07707969368
الاسكورت اسمه صفاء العبيدي .. 07901577323
تحياتي الكم