-
أخواني اخواتي الكرام ....عساكم بالف خير ياغوالي
مشكلتي اني وعائلتي تعرفوها كون زوجي انخطف وتعذب لكونه يعمل بالمفوضيه للانتخابات
وتعلمون جيدا دنعاني من عمل زوجي وتعرفون بهذه الايام كل حزب يريد لنفسه الفوز ويريد ان يجند لصاحه كل من يعمل بهذا المجال وان كان على حساب الشعب العراقي
المهم أحد الاصدقاء عرض على زوجي فكره وهــــــي
قال لزوجي هذا الصديق اني اوصلك الى اي مكان تريد من اوروبا ومن توصل بالسلامه تعطيني نصف المبلغ ومن الله يمكنك اعطيني النصف الاخر واذا معندك لحين أن يصير عندك
واريد ان اضيف هذا الشخص جدا ثقه
وكما اخبرتكم نحن كعائله لانستطيع السفر الى الجوار ونقدم على الامم المتحده لان هذا يتطلب وقت كثير مايقارب السنه واكثر ونحن لانمتلك هذا المبلغ للصرف لمده سنه ولو اتصير لو لا
المهم لا اريد ان اطيل عليكم اخوتي
هذا العرض القائم حاليا هو ان يسافر زوجي الى دوله اوروبيه ويطلب اللجوء
فما هو تعليقكم على هذه السفره
هل يعطوه حق اللجوء كونه خطف وعذب وعلى عمله لو لا وأي الدول افضل ؟؟؟
اتمنى ان اجد الاجابات الطيبه كما عرفتكم سابقا ومازلتم اهلا للعطاء
اختكم
بنت السيديه
[/size][/color]
-
بنت السيدية, عيوني انتي,
اولاً الله يحميكم ان شاء الله ويحرسكم ويحفظ هل العائلة من كل شر وخطر . وثانياً اعذريني ماكدر انطيج جواب شافي لأن الشغلة مو قانونية . يعني مو لجوء رسمي و معاملات رسمية . فأني كل الي بيدي انو اندعيلكم ربي العالمين يحفظكم من كل سوء .. امين .
ريفولفر
-
اختي باركك الرب
كلشي ممكن ولاكن الحذر ثم الحذر
-
اختي العزيزة الله يعينج ويعين عائلتج اذا تريدين نصيحتي ومااحب انو اهبط معنوياتج بس حاليا اللجوء لدول اوربا كلش صعب وموبسهولة للعراقيين وحتى الي ديحصلون اقامة دياخذوهه بطلعان الروح وهذا راي شخصي ويبقى القرار يمكم لان انتوا ادرى بظرفكم ربي يفرجه عليكم.
تقبلي مروري
-
عزيزتي بنت السيدية
لا تتورطون واتذبون فلوسكم ترى شغلة اوربا مو مثل قبل ما منها فايدة بالطريق الغير شرعي
تحياتي
جاك جيك جكجكه - الاردن
-
نعم اختي مثل ما كالوا الاخوة لا تورطون نفسكم وتروح فلوسكم وهناك هم رادلج محامي حتى يحصل لجوء هاي اذا حصل لجوء بس هو يريد فلوس ان كان حصل زوجك لجوء او لا لانه ياخذون فلوس الاستشارة وفلوس ملاء الاستمارة يعني ما انصحكم بهاي الطريقة اني ابن اختي صرف 12 الف دولار وصل للسويد وتالي رفضوا عددة مرات وهسى راح يرجعوا للعراق فيااختي العزيزة خلي يقدم مثل كل العالم ما مقدمة وهو اذا عنده تقارير واثباتات مال تعذيب انشاءللة ياخذ لجوء رسمي وحتى انتوا تستفادة احسن ما هو يتبهدل ويصرف كل فلوسه لاجل نسبة الجوء تكون 30% مثل هواي ناس رجعوهم وبالاول والاخير القرار يعود الكم وانشاءللة ربي يسهل امركم
-
مرحبا اختي العزيزة بنت السيدية .
اذا هو رجل مثل ماتكولين ثقة توكلو على الله .بس يمكن صعبة الحصول على اللجوء في اوربا
والله يسهلج ويوفقج.
-
تحية طيبه
أحب من خلأل حرصي لأختي بنت السييديه أكلها كلمتين
الصبر مفتاح الفرج يا أختي ودوام الحال من المحال ,
صدقني قبل أيام شفت صور لعراقيين يلتجأؤوون بالكنائس والشرطه السويديه تحاول أخراجهم وتسفيرهم للعراق
يأاختي أحنا مؤمنين بشي بالعاميه حكولها الك (ميطير الراس الى الي ركبه )
وبلدنا من أفضل دول العالم لولأ الوضع الأمني وشعبنا رغم الحروب والمصائب الجلل
بس أكثر شعب محافظ وأكثر ناس عندهم غيره فلهذا نصيحتي أصبري وهي سحابه سوداء وتصير سوالف
يا أختي المغول والتتر وغيرهم حرقوا بغداد ومزقوا الكتب بس تأبى بغداد الأ وأن تعود
عاصمه المجد والكبرياء والناس الطيبه أتقي ألله واصبري وحتفرج مطمئن أني حتفرج على بلدنا
وتحياتي وأن شاء الله كلماتي وصلتش لكونها الله يعلم من القلب الى القلب أخوش اله تسع قتلوا وخطفوا بالعراق
بس راجع للعراق لكوني مشفت أفضل منه تحياتي .
أخوكي أبو بارق
-
ولله بصراحه ما راح ننطيج الحل
لان احنه كل واحد بدوله
ونظرتنه تختلف من واحد لاخر
وفي النهايه الطريق العدل ما كو احسن منه
ولكي الخيار
ولله يسهل الامور
-
السلام عليكم
اختي الفاضله ما دام ذكرتي حالتك الصعبه فمنكدر نقف عقبه امام طريقكم حتى وان كانت الطرق ملتويه وغير قانونيه والله يوفقكم ان شاء الله ويسهل طريقكم
نجي للامور الفنيه بما انك ذكرتي ان الشخص الي راح يعمللكم الشغله شخص ثقه وهذا واضح من خلال طرحه لكم انه يتقاضى نصف المبلغ بعد الوصول والنصف الاخر حين ميسره فهذا شيء جيد ولا يدعوا للقلق ويبقى بالرغم من ذلك الحذر واجب وانصح بانه لايدفع اي مبلغ حتى وان كان بسيط الا حين الوصول الى بر الامان
بالنسبه الى الدول التي تعطي لجوء حاليا وحسب معلوماتي المتواضعه هي بلجيكا والنرويج
بالنسبه للنرويج تعطي اللجوء ولكن شويه بيها صعوبه ومو مثل الاول وخصصوصا اذا كان الشخص بدون عائله وغير مستحيله بنفس الوقت ويرحب به اذا كان عائله او عائله متكونه من نساء فقط وبالرغم من ذلك حتى وفي اسوء الضروف حتى وان لم يحصل الشخص على لجوء فلا تقوم بابعاد احد من اراضيها ابدا وحاله حال اي لاجيء له مساعدات
اما بالنسبه للجوء الى بلجيكا وحسب كلام صديق لي ان اللجوء فيها اسهل ولا تزال تستقبل العراقيين وتمنحهم حق الاقامه
ملاحظه كلا النصين منقوله من اصدقاء لي ولا تعبر عن وجه نظري واي سؤال تحبين اطرحي مستعد اساعدك واسالك بي واردلك الجواب او ازودكم بارقام تلفوناتهم بعد اخذ موافقتهم طبعا
تحياتي وتمنياتي لكم بالتوفيق
-
والله ياطيبن اقول شكرا قليله اقول ممنونه بعد اقل اقول ممتنه جائز تكون معبره نوعا ما
اخوتي نحن الحيره نغمرنا بكل معانيها
ولكن اريد ان اقول لكم الكثير وبهذه الايام الصعبه كما نعرف بخصوص اللجوء ديحصلون عليه
فكيف ذلك؟؟؟؟
ولكن احب ان اعرف لابد ان يكون هناك حالات يقبلوها
اذا كانت حالتنا لايشملها اللجوء
فأي الحالات يشملها؟؟
اتمنى اتوفيق للجميع
-
والله العراق صار مايراد لعبوبي طوبة لاقانون والدنيافوضى حاميها حراميها اا ماعندكم امكانية على الاقل بس زوجك يطلع وبعدين الله يحلها ،،،،الله يبعدنا عن العراق
-
الله يكون بعونكم في ظل هذه الحيرة
فعلا يا دوسرية ضايعة الطاسة بالعراق
-
اختنا العزيزة اسأل الرب ان تكوني بخير انتي والعائلة واسأل الرب ان تعبرون هذا القلق الي انتو بي ...امين
اختي العزيزة اني على اتصال باصداقائي بلسويد لان كنت اهناك لمدة طويلة واسالهم عن فرص الاقامة للعراقين ...ياااختي معدومة والله مجاي يحصل محت لا الي مشتغل ويا الامريكان ولا الي مشتغل ويا حكومة صدام ولا الي بلحكومة الحالية...فقط الصوماالين ديحصلون والعراقين الي دياخذون فقط في حالة؟؟؟ اسف عل هاية الكلمة اسف ثم اسف بس فقط حالة الاغتصاب واكو هواية جذبو بهاية النقطة وصاحبين عوائل وحصلو اقامات ...فيااختي اتمنى نقلتج الصورة الي بلسويد من ايامي ولحد الان نفس الوضيعية ......ياربي تتسهل امورج وتلكين الحل ...امين
اخوج
اين انا
عمان
-
والله يا طيبين حرت وحيرني زماني بهذا الحال الميؤس منه
ياربي شنو سوينه حتى هذا حالنه يكون
الحمدلله على كل شيء
يعني شنو انسوي نستسلم للقدر ونموت لو شنو يعني اوروبا تحجي بالحنيه والعطف والانسانيه فأين هي
مع احترامي وتقديري للي وصل الاراضي الاوروبيه الي معنده شي قبلوه ولي مسدوده عليه من كل جانب ومكان ميلكه مكان يأواه
والله اني مداعرف شنو اسوي
اتمنى واتوسل بكل الي عنده اقارب او اصدقاء ان يسئلي واكون ممونه لكم واني هم اختكم واناشدكم
هذه رسالتي امامكم وانتم اهل الطيبه
اختكم
بنت السيديه
[/size][/color]
-
اخواني الطيبين اني مااشك بطيبتكم وحسن نواياكم وحب الخير للاخرين لكن تشجيع الناس او تأييدهم على الطلعه القجق مسأله فيها نظر لانه للمره المليار اعيدها وما اتعاجز منها اللي يطلع تهريب يحلم ايشوف لجوء
وقصة ابن اخويه واصدقائه اللي رجعوا من السويد الكل حفظها وهم اني مستعد اعيدها
والله ايفرج عنكم يااختي بنت السيديه واني جدا حاس بيكم
أمن يجيب المضطر اذا دعاه ويكشف السوء
ماالكم غير الدعاء
اخوكم الاعظمي
-
والله اختي بالبداية السلام عليكم نصيحة مني وانت طالبة النصيحة من الاعضاء هي الاتي
فكروا كلش زين الفلوس اللي راح تعطوها للشخص والتي اتصور مو قليلة تكدرون تعيشون بها هنا بالاردن على الاقل سنة لان ما اتصور المبلغ يقل عن الدفتر اي 10000 دولار اذا مو اكثر فأختي بهاي الفلوس تجون بها للاردن وتقدمون على المفوضية وانتوا سوا و مرتاح بالكم احسن من المجازفة هاي نصيحة مني والك القرار
-
تحيه لاقتراح الاخ رافد واني وياه ميه بالميه
-
اني أيدك بلفكره بس المشكله بسوريا او الاردن متكفيك الدفتر سنه لان الفلوس أطير يمهم واني صالي اكثر من 3 سنين ومطلع سفري فنصيحه خلي يجرب ويسافر لان اوربا ميرجعون احد ونصيحه خلي يروح لسويسرا اني اختي راحت وحصلت الاقامه هناك والعيشه حلوه هناك وسهله مو مثل باقي اوربا فخلي نصيحه يتوكل ويسافر
اني هذه رأي واتمنى ما اكون غلطان بنضركم
-
اعزائي الكرام
تحية طيبة
اولا هذا منتدى لمساعدة الهجرة الشرعية.
ثانيا انه بعض النصائح دتجي من سسمعت او عندي صديق هذا مو قياس, او اني انطي للاخت حق بانه اهوايا ناس دياخذون لجوء او الباقي مهددين بالطرد او خاصةالدول الاوربية لانه الحكومة العراقية غقد وياها اتفاقيات لترجيع اللاجئيين العراقيين.
عدنا في المانيا حوالي 12 الف لاجيئ عراقيمرفوض طلبات لجوئهماو مهددين بالطرد من المانيا لكن وزراء الداخلية الالمان اجتمعو في بداية الشهر او اتفقو ان ينطوهم اقامة لمدة سنتين او بعد السنتين يعني الترجيع الى العراق مع العلم انه اغلب اطفالهم ولدو اهنا في المانيا, اي طبعا هما مرتاحين اهنا احسن من العراق لكن عايشين على اعصابهم, مع العلم انه الدول الاوربية وافقت على استضافت 10 الاف عراقي من دول الجوار. لذا انصح ابناء شعبي ان لايجازفون بالهجرة الغير الشرعية لانه عذاب او هلاك للانسان, طبعا اكو استثناء مع الاسف اذا وصلو من الاقليات العراقية الى المانيا يمكنهم ان يحصلو على اللجوء, ولكن هم مو سهلة لانه في المدة الاخيرة هم ديضقوها, ارجو المعذرة اذا اجرحت مشاعر بعض الخوان ضد رائي وسوف ارفق لكم نبئ ترجيع 50 عراقي من بريطانية الى العراق والسلام
جوسي البغدادي استشاري اللاجيئين المانيا
بريطانيا تعيد 50 لاجئا كورديا قسرا الى مطار اربيل
هاولاتي
ارسلت الحكومة البريطانية الليلة الماضية قسرا اكثر من 50 لاجئا كورديا الى كوردستان، وبالرغم من ان اللاجئين طالبوا الاقليم بعدم تسلمهم، إلا ان مطار اربيل الدولي قام باستلامهم.
قال سوران احد اللاجئين المرحلين "حطت طائرتنا في كوردستان في الساعة الواحدة والنصف بتوقيت اربيل، ويبدو ان حكومة الاقليم كان لها علم بذلك، لأنهم اعدوا لنا في المطار حافلة ركاب وقوة خاصة كبيرة". وقال سوران بأنه "كان بيننا شخص لم يرغب بالنزول، فأنزلوه ضربا".
وقال لاجئ آخر من المرحلين "كان الكوماندوز يرافقوننا وكأننا مجرمين".
وقال احد محامي اللاجئين المرحلين والذي كان على اتصال بالمحكمة الى الساعات الاخيرة قبل ارسالهم "ان ارسال اولئك اللاجئين الذين نمثل قضيتهم غير قانونية، لذلك نحن نحاول اعادتهم الى بريطانيا مرة اخرى".
__________________
-
اعزائي الكرام
تحية طيبة
اولا هذا منتدى لمساعدة الهجرة الشرعية.
ثانيا انه بعض النصائح دتجي من سسمعت او عندي صديق هذا مو قياس, او اني انطي للاخت حق بانه اهوايا ناس دياخذون لجوء او الباقي مهددين بالطرد او خاصةالدول الاوربية لانه الحكومة العراقية غقد وياها اتفاقيات لترجيع اللاجئيين العراقيين.
عدنا في المانيا حوالي 12 الف لاجيئ عراقيمرفوض طلبات لجوئهماو مهددين بالطرد من المانيا لكن وزراء الداخلية الالمان اجتمعو في بداية الشهر او اتفقو ان ينطوهم اقامة لمدة سنتين او بعد السنتين يعني الترجيع الى العراق مع العلم انه اغلب اطفالهم ولدو اهنا في المانيا, اي طبعا هما مرتاحين اهنا احسن من العراق لكن عايشين على اعصابهم, مع العلم انه الدول الاوربية وافقت على استضافت 10 الاف عراقي من دول الجوار. لذا انصح ابناء شعبي ان لايجازفون بالهجرة الغير الشرعية لانه عذاب او هلاك للانسان, طبعا اكو استثناء مع الاسف اذا وصلو من الاقليات العراقية الى المانيا يمكنهم ان يحصلو على اللجوء, ولكن هم مو سهلة لانه في المدة الاخيرة هم ديضقوها, ارجو المعذرة اذا اجرحت مشاعر بعض الخوان ضد رائي وسوف ارفق لكم نبئ ترجيع 50 عراقي من بريطانية الى العراق والسلام
جوسي البغدادي استشاري اللاجيئين المانيا
بريطانيا تعيد 50 لاجئا كورديا قسرا الى مطار اربيل
هاولاتي
ارسلت الحكومة البريطانية الليلة الماضية قسرا اكثر من 50 لاجئا كورديا الى كوردستان، وبالرغم من ان اللاجئين طالبوا الاقليم بعدم تسلمهم، إلا ان مطار اربيل الدولي قام باستلامهم.
قال سوران احد اللاجئين المرحلين "حطت طائرتنا في كوردستان في الساعة الواحدة والنصف بتوقيت اربيل، ويبدو ان حكومة الاقليم كان لها علم بذلك، لأنهم اعدوا لنا في المطار حافلة ركاب وقوة خاصة كبيرة". وقال سوران بأنه "كان بيننا شخص لم يرغب بالنزول، فأنزلوه ضربا".
وقال لاجئ آخر من المرحلين "كان الكوماندوز يرافقوننا وكأننا مجرمين".
وقال احد محامي اللاجئين المرحلين والذي كان على اتصال بالمحكمة الى الساعات الاخيرة قبل ارسالهم "ان ارسال اولئك اللاجئين الذين نمثل قضيتهم غير قانونية، لذلك نحن نحاول اعادتهم الى بريطانيا مرة اخرى".
__________________
اخي العزيز جوسي اين الحل في كلامك ؟؟؟ وكلامك كله عن المانيا مع احترامي والكل يعرف ان اللجوء بالمانيا صعب واعتقد اخي العزيز تتفق معي بان معظم الي حصلوا على لجوء في اوربا وصلوا بطرق غير شرعيه وما اعرف اذا كنت وصلت بهذه الطرق او لا ؟
اخي الكريم الاخت السائله طلبت معلومات او استشاره حول الخلاص من مصيرهم المجهول والمهدد
بالخطر وكل عضو ادلى بدلوه واعطى كل ما يعرفه من معلومات لمساعدتها في اتخاذ القرار الذي قد تستفاد منه الاخت السائله والقرار الاول والاخير يعود اليها والمعلومات المقدمه ليست للدعايه بل معلومات حقيقيه نابعه من اشخاص مقربين واملك معلومات عن حالات حصلت على اللجوء قبل شهرين في الدول التي ذكرتها وكما ذكرت مسبقا باني على استعداد بتزويد الاخت بارقام تلفوناتهم اذا طلبت للاستفسار منهم وكما ذكرت بعد اخذ الاذن منهم وشكر لك
واكرر عرضي للااخت بنت السيديه
لدي صديقين موجودين حاليا هنا قادمين في اجازه صغيره واي سؤال تودين سؤاله اني حاضر واذا احببت ان ازودك بارقام تلفوناتهم للاستفسار منهم ايضا حاضر
وتحياتي وتمنياتي للجميع بالتوفيق
-
عزيزي الاخ عكك العطوي
تحية طيبة وبعد
شكرا على سؤاك القيم على الطريقة التي وصلت فيها الى المانيا؟
الجواب اني قدمت الى المانيا منذ عدة سنوات وكنت مطارد في العراق وقد حاولت الدراسة هنا وحصلت على عدة شهادات والحمد الله توفقت منذ زمن بعيد على الحصول على الجنسية الالمانية وعملت في جميع المجالات اضافة اني اعمل مع المنظمات الانسانية والخيرية لمساعدة شعبنا العراقي. ومن جملت اعمالي استشاري للاجئيين في عدة منظمات انسانية مثل الصليب الاحمر واكاريتاس ومجلس اللاجئيين الالماني, واذا حبيت تعرف اكثر عن اعمالي يمكنك الاتصال بي على الخاص لاجل ان ازودك فيها.
بالنسبة للاخت اين الحل, لقد ذكرت اني اشجع الهجرة الشرعية وهناك امل بان تقدم الاخت على اليو ان عسى ان تتوفق بالمحاولة, واطلب المعذرة من اعضاء المنتدى اذا اسأت الى احد وتقبلو احر تحياتي
جوسي البغدادي استشاري مجلي اللاجئين الالماني
-
اخي العزيز جوسي شكرا لك على الجواب ولو اني لم اقصد بان اوجه لك سؤال عن طريقه وصولك الى المانيا بقدر ما اردت ان اعبر لك بان عدد كبير من العراقيين حصلوا على لجوء بالسابق والحاضر بواسطه هذه الطريقه وانا اتفق معك بان الهجره الشرعيه افضل بكثير من غير الشرعيه ولكن يبقى لكل شخص ضروفه الخاصه وعلى المرء احيانا ان يجازف في اتخاذ بعض القرارات وكما وضحت الاخت بان العمليه مضمونه ومن مصدر موثوق واحيانا عصفور باليد خير من الف على الشجر وكما اسلفت سابقا الاخت حره باتخاذ ما يناسبها من قرار لان هي اعلم بضروفها وظروف القضيه منا جميعا ونتمنى لها الموفقيه مع احترامي واتفاقي لجميع الاراء التي طرحت وتحياتي لك
وللجميع
-
عزيزي الاخ عكعك
تحية طيبة
شكرا على جوابك الشيق وعلى الحوارر المتبادل, وان هدفنا واحد وهو مساعدة ابناء شعبنا العراقي في الداخل والخارج.
عزيزي بما اني في الوقت الحاضر مهتم بمساعدة ابناء شعبنا, اتصلت في احدى من اقاربي واخبرتني انه سوف تخرج من العراق وقد رحبتو بالفكرة وحاولت ان اساعدها, ولقد فاجئتني انها قد تخرج بالطرق الغير شرعية, هذا وقد طلبتو منها ان تدخل المانيا لانه هناك مجال لحصولها على لجوء, ولكن مع الاسف الشديد بعدة مدة قصيرة اتصلت بي من بلد اوربي اخر واخبرتني انها فيه وقد رفض طلب لجوئها وسوف تسفر الى العراق.
عزيزي لهذا السبب اني احاول ان اقدم النصائح فقط والباقي هما يقرورونه, لذا حبيت ان اذكر لك هذي الحادثة لانه لا اشجع الهجرة الغير شرعية وتقبلو تحياتي
جوسي البغدادي استشاري مجلس اللاجيئين الالماني
-
ماقصرتم اخوتي والله اني خجلانه من تفاعلكم وغيرتكم الامتناهيا الله يحفظكم
اخوتي اي اخبار تسمعوها جديده قولولي اكون ممنونه لكم
واحب ان اشكر الاخ الطيب عكعك الوفي ماقصرت يالاخ الكريم
ولا انسى ان اشكر بكل احترام وموده كل من شارك بهذه الصفحه والموضوع البسيط امام ردودكم الكبيره بمعانيها وانتمائها العراقي الاصيل بكل اطيافه
وفقكم الله وحماكم يا اروع اخوه والله يشهد بهذا
تحياتي وامتناني لكم اجمعين
[/size][/font][/color]
-
اختي العزيزة
حسب مشاهداتي كوني مقيم بالامارات انه من السهل جدا هنا في الامارات الحصول على فيزة زيارة الى امريكا او الدول الاوربية ولكن للمقيمين هنا ويحتاج ان يقوم بتقديم كشف حساب بنكي مو اقل من 150 الف درهم يعني بحدود 40 الف دولار . ولكن النقطة المهم هل يستطيع الحصول على اقامة هناك ..لا اعلم ويمكن ان يفيدونج الاخوان المقيمين هناك.
اعتقد انه يجب النظر ليس الى الجانب المادي في تهريب الاشخاص فقط.. ولكن كثير من عمليات التهريب يتخللها الخطر الجسيم وربما الاعتقال وكثير من اخواننا تعرضوا للتعذيب جراء ذلك...والله يوفقكم للخير
-
اخواني اخواتي
الله يخليكم
لاتنسوني اذا حصلتم على معلومات جديده تفيدني اني وعائلتي
انتظركم ياطيبين
واختكم ممنونه لكم
-
اختي العزيزة بنت السيدية
تحية طيبة زبعد
اخني العزيزة ماكو داعي للشكر لانه هذا واجب او حسب ما ذكرت اليج حاولي ان اتقدمي على اليو ان او مثل ماكتلج بعد اكو مجال في المانيا او اغلب المرفوضيين حولهم على المانيا وتقبلي احر التحيات واتمني اليج او عائلتج الموفقية او كل عام وانتم بخير,
اخوج
جوسي البغدادي المانيا
او تأكيد على كلامي ارفق الى حضرتج بيان وزير الداخلية الالماني والسلام
ألمانيا إستقبلت أكثر من 2000 لاجئ عراقي خلال 2009
اعلنت وزارة الداخلية الالمانية ان المانيا استقبلت خلال العام الجاري أكثر من 2000 لاجئ من العراق.
وقالت الوزارة اليوم الثلاثاء طبقا لوكالة الانباء الالمانية انه وصل حتى الاسبوع الماضي 2069 رجلا وامرأة وطفلا من العراق لمعسكر / فريدلاند للاجئين فى ولاية سكسونيا السفلى غربي ألمانيا. وذكرت الوزارة أن عدد اللاجئين الذي وعدت ألمانيا باستقباله من العراق وهو 2500 لاجئ عراقي قد يتحقق على مدار العام المقبل.
يذكر أن وزراء داخلية الدول الاعضاء فى الاتحاد الاوروبي قرروا قبل عام استقبال ما يصل الى 10 الاف لاجئ من العراق.
وقد أعلنت ألمانيا حينئذ عزمها استقبال 2500 شخص مطارد في العراق.
PUKmedia
-
شكرا الك اخويه العزيز
والله مقصرت
اسعد الله ايامك بكل خير