ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو كبوس في 10:39 21/12/2009
-
مرحبا
اخوكم طلعتلة دالاس تكساس اكو احد من المنتدى هناك يحجيلي عن الوضع عن الاهتمام عن الشغل
واني ممنون الكم واشكركم على استضافتي بهذا المنتدى الحلو الي من خلاله واحد يساعد الثاني
-
اهلا وسهلا بيك اخي ابو كبوس
واذا ممكن تذكرنا انت من اي بلد طالع وعن تواريخ معاملتك
وهذا رابط ايوضحلك كل ما كتب عن ولاية تكساس
http://www.ankawa.com/forum/index.php/topic,361332.0.html
وان شاء الله موعد سفر قريب
وياربي ايسهلها عليك
-
اخونا العزيز اهلا بيك ومبروك السفر القريب ان شاء الله اكو موضوع منزله اخونا lovelyboy_77
يكول بيه :
عضو فعال
غير متصل
رسائل: 36
رد: اللي يحتاج اي شي في ولاية تكساس اني حاضر
« رد #14 في: مارس 20, 2009, 04:14:26 pm »
--------------------------------------------------------------------------------
شكرا اخواني وخواتي عالتهاني ويارب تمشي كل المعاملات وبالنسبة لاخ تمساح محتاج 100 اكله يصير بالتقسيط لو كلها .
بالبداة اني جنت بتركيا وطبعا معاملات تركيا تمشي اسرع طولت 10 شهور وطلعت هاي عود اني اخروني علمود الترحيل شهرين وطبعا دفعت 2250 دولار ظريبة اقامة المهم ركبنا الطيارة واني ميت من الفرحه وصلنا الى دالاس المحطة النهائية احجيلكم عالمساعدات:
طبعا اول متوصل ياجرولك شقة لمدة 4 شهور فقط.
واكل بالثلاجة وكل اسبوع تتجدد
وراتب شهري كل نفر 170 دولار
وفود ستامب تحصله ورى اسبوعين
ومدكيد او ضمان الصحي يبقى وياك 6 شهور وللطفل لحد 18 سنه
طبعا دالاس مدينه كلش حلوه وجبيرة ومثل ماكال الاخ انه اتذكر افلام الكاوبوي وطبعا اول شي سويته اشتريت شفقة مال تكساس
بالنسبة للشغل اويلي عالعراقيين
طبعا اني مهندس مدني والمنضمة متكفلة تشوفلك شغل انعرضت علية 3 شغلات وكلها تشتغل عامل طبعا مجبور وهاي بالبدايةحتى تتكفل بالمصاريف اللي راح تجيك ورى انتهاء المساعدات طبعا المساعدات تكدر تجددها اذا راتبك قليل مثل الفوود ستامب والوك مال اطفال بس مع الاسف اكو هواية عراقيين يمي يجيهم الشغل لحد باب البيت ويدفروه ويريدون بس مساعدات وهم كاعدين اذا تحترم اميركا راح يكون عندك تاريخ جيد بمعنى انه اشتغل وخلي فلوسك بالبنك وقدم على كريدت كارد اللي هو اهم شي بحياتك هذا يحدد سمعتك بكل مكان يعني تاريخك باميركا حتى اذا جانت سمعتك زينه راح تحصل على قروض وتسوي مشروع او تشتري بيت الخ.
بالنسبه للمعيشه هنا رخيصة طبعا اكو سوبر ماركت مشهور باميركا اسمه وول مارت اسعارة مناسبه
وايجار الشقق مناسبة اني ماجر شقه غرفة وصالة وبنطقة تجارية 480 دولار وكهرباء وماء تطلع 130 دولار طبعا اكو برنامج تشترك بيه لذوي الدخل المتدني راح يخفضلك قائمة التلفون والكهرباء بمعدل 40 بالمية والشاطر هو اللي يفكر والرواتب هنا تبدا 7.5 دولار بالساعه وتزيد .
وحاولوا تسوون علاقات مو علاقات حب علاقات شغل لان تستفادون
والسيارات رخيصة تبدا 1500 دولار
والله يوفق الجميع
اتمنى يفيدك الموضوع واذا لكيت اي شي ثاني راح اكتبلكياه (علما انه الموضوع السابق منزل بشهر الثالث 2009) وهذا اللنك مال الموضوع الكامل
http://www.ankawa.com/forum/index.php/topic,281235.msg3721337.html#msg3721337
تحياتي
اختكمszsz