ankawa
منتدى الهجرة واللجوء => الهجرة و واللاجئين => الموضوع حرر بواسطة: عبدالوهاب الدوري في 17:40 21/12/2009
-
شونكم يا احلى منتدى واحلى اعضاء عندي سؤال بسيط ياريت اتجاوبوني عليه
اني قابلت اول مقابلتين ب iom وطبعا بدون ما اكلكم اول مطبيت تفتيش دقيق بس اول شي سوينا هو دخلنه بغرفه واخذولنه طول ووزن وصور ولون عيون ولون شعر وهاي السوالف وبعدين قابلت مقابلة اخذ معلومات كلش دقيقه والمقابله الثانيه احجي القصه وكالولي عندك بس بعد مقابلة محلفين وخلص
زين اريد اسالكم اكو بعد غير هذا الشي لان اني سمعت كلولي اخذولكم بصمات والبصمات ما اخذوهن اكو هيجي شي لو شنو بعد اكو ياريت اتجاوبوني لان على نار اني واشكركم مقدما على اجوبتكم والخطيه بركبتكم جاوبو
-
اخونا الدوري
تحياتي
الحمدلله انك خلصت اول مقابلتين والي اريد اعلمك به هو الاتي
اولا عندك بعد امامك مقابله المحلفين وهم محامين امريكان اختصاص ابالقضايا عند مقابله المحامين ياخذون بصمات الاصابع حتى يبدي التجييك الامني في امريكاااااااا
هما يخابروك وينطوك موعد وعاده ما يكون الموعد طويل مثلا عشرين يوم او اشهرليكدام بس خلي يكون عندك صبر والمحلفين مو دائما يكونون في عمان او ما اعرف وين انت فهم ياتون لاستكمال القضايا الي تعرض عليهم
ثانيااااااااااااا الان لازم اتسجل كلما ذكرتا ابهاي المقابلات لان راح اتعيد القصص والروايات والتواريخ كلها امامهم ومو زين اذا صار عندك تضارب بالكلام وما كو داعي اكلك الجذب المصفط احسن من الصدك المخربط
بعد هاي المقابله مال محلفين ينطوك موعد لاستلام النتيجه وهاي اتكون وحده من ثلاث احتمالات اما موافقه على الكيس او قيد الدراسه لان المحلف لم يستطيعوا اتخاذ قرار فتعرض على لجنه اخرى واما لا سامح الله الرفض وهذا نتكلم عليه بعدين لان ما انريد نتفاولك بيه
من يدزون عليك للفحص الطبي كول يعني المحلف وافق على قضيتك
وكول يا الله
واذا عندك اي سؤال احنا ابرسم الخدمه
ام فائز
عمان
-
اخي العزيز
حضرتك مقابل من بغداد؟؟؟؟
بعدلك مقابله وحده هيه المحلفين وبيها ياخذولك البصمات وهم طول او وزن وصور نفس الي صار بالمقابله الاولى
بس الفرق مقابلة لمحلفين ايكون المحلف امريكي وايخلولك مترجم وهيه نفس الاسئله الي وجهوه اول مره بس باختصار جدا بس التركيز على الخدمه في الدوله والخدمه العسكريه والسفر خارج القطر
والافضل اذا عندك سفرات خارج القطر وممثبتها بالمقابله الاولى ومموجوده بالجواز لتذكرها احسن(انساها)
اما بهاي الفتره راح ايدزون عليك لغرض الفحص الطبي الي ايصير بابن البيطار
والله ايسهل عليك
-
اختي العزيزة ام فائز واختي ريم عبد
اشكركم على ردودكم الي ومن صدك ريحتوني لان جنت عبالي اكو خربطه بلموضوع وانشاله خير لان انتو بردتو كلبي بس ردت اكلكم اني بعمان وقابلت منا من عمان بس الي قابلتني اردنيه بس يعني ماكو امريكيه وياهه هو هيجي يعني بس المحلفين اميركان واشكركم
عبدالوهاب الدوري - عـمان
-
اخونا الدوري
نعم المحلف او المحلفه بس يكونون امريكان ومثل ما كالت الاخت ريم راح يكون وياهم مترجم او مترجمه واول ما تبدي يكلولك توعد ان تتكلم بكل صدق وامانه طبعا انت صادق بكل كلامك وبقيه القصه مثل ما سولفتلكياها بس تحتاج وقت وصبر وان شاء الله بلكي بعد اعياد الكرسمس وراس السنه يقدمون المحلفين الى عمان لان الضاهر هما يجون الى عمان اكثر من البلدان الاخر
موفق
ام فائز
عمان
-
كلام الاخوات اللي قبلي كله مضبوط واتمنى لك من كل قلبي بالتوفيق
....السومري
-
السلام عليكم ...علخير اخونا عبد الوهاب الدوري عل اتمام المقابلتين وانشالله يوم المحلفين يارب...
بلنسبة لسؤالك عل اخذ طبع الاصابع بلنسبة الي اني اخذولي ياها بنفس يوم المقابليتن بل اخير ,,,واكو جماعة اصداقاء دوز وراهم ورا 3 ايام من المقابليتن الاولى بس علمود اخذ طبع الاصابع يعني بل حالتين قبل المحفلين ..
اعنقد الكادر الاردني يحظر الفايل كامل ورا منقابل المحلفين وينطي المحلف اوكي عل فايل يبدي يفعل الجيك سكيورتي عل الشخص.....
والتوفيق للجميع يارب
اين انا
عمان
-
خيي ديغي ... أشلونوك؟؟
شنو شو مقبابلاتك سكتاوية كلهة ؟؟ شتغلت الديغيات؟؟؟
طبعآ بعد تمنياتي لك بالتوفيق والقبول من المحلف أدعوك للأنظمام الى جمعيتنا وهي جمعية انتظار المحلفين في الأردن والتي أسسها الأخ كريستوفر العراقي مشكورآ ... لذا حتى نعرف موعد وصول الوفد الأمريكي تعال وكل الهلة بيك
علمآ أن المحلفين سيصلون عمان بعد كرسمس ان شاء الله وأتوقع ان تكون مقابلتك معنا ان شاء الله
تقبل مروري
أخوك
Baguncero
-
بالتوفيق اخي العزيز
بس سؤال الله يخليك
المقابلتين الاثنين كانوا بنفس اليوم ؟
لو كل وحدة بتاريخ
تحياتي
-
اهلا اخي العزيز عبد الوهاب الدوري ومبارك المقابلات،
لا تقلق انا ايضا اتممت مقابلتان في يوم واحد والحمد لله ولكن للاسف لم يأخذوا بصماتنا بسبب ان موظف البصمات كان غير موجود في حينها (في اجازة) وقالت لي الموظفة سنأخذ بصماتكم في يوم مقابلة المحلفين ان شاء الله
المحلفين سيأتون الى عمان في منتصف الشهر الواحد ان شاء الله (على حد قول موظفين عمان)
لذا (شدو حيلكم) بـــ التواصــــــــــــــــــ ثم ــــــــــــ التواصل ــــــ ثم ــــــ شنووو التواااااااصل ــــل
يا رب يسهل لنا وللجميع
اخوكم
كريستوفر العراقي