ankawa

منتدى الهجرة واللجوء => الهجرة و واللاجئين => الموضوع حرر بواسطة: echo 9 في 20:07 23/12/2009

العنوان: بطل الابطال ( لقب جديد اضيف للاخ ريفولفر )
أرسل بواسطة: echo 9 في 20:07 23/12/2009

السلام عليكم اخواتي واخواني الاعزاء
بكل مكان بالعالم وبكل مجال من مجالات الحياة اكو تكريم للاشخاص المتميزين
وعلى سبيل المثال اعطاء الالقاب
مثلا الاخت انجي بالاضافة لاسمها اعطيت لقب ملاك المنتدى والليلة اخونا ابوعبدالله التكساسي اطلق لقب جميل جدا على الاخ ريفولفر وهو ( بطل الابطال ) وذلك لمشاركاته الفاعلة وردوده على اسئلة السائلين وهو كعادته سباق بالرد على كل سؤال ولاحظت شيئ اخر بردوده حتى السؤال الما يعرف له جواب ما يتركه بل يقوم بالاجابة عليه بالسلام على السائل ويتمنى له الموفقية ويعتذر منه لعدم معرفته بالاجابة ويوصى الاخرين بالقيام باجابة السائل لذلك استحق فعلا لقب ( بطل الابطال ) الذي منحه اياه اخونا ابو عبدالله التكساسي بموضوعي ( الام العراقية )
مبروك للاخ ريفو ها اللقب الذي استحقه عن جدارة وللامام ان شاء الله وبالموفقية
Echo 9

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ابو الحسن في 20:14 23/12/2009

عمي السلام عليكم ورحمة الله وبركاته
اي هاي خوش القاب عمي قول وفعل
اي والله عمي صدك بطل الابطال
خوش زلمة عمي ولا اخيره عليكم
اي والله عمي انجي ملاك المنتدى
 
اني اقترح اسم لابو عبودي التكساسي وهو ( ابو الغيره )
عكعك مثلا اقترح ( مفتي الديار العنكاوية )
ابو اندرو مثلا اقترح ( قائد صحوة عنكاو)
فنجوزي مثلا اقترح اسم قائد عمليات عنكاوا
والله كريم عمي
ابو الحسن -ماليزيا

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: echo 9 في 20:17 23/12/2009

هلا والله عمي ابو الحسن
تدري اشلون عاد انته هم لك لقب من ابو عبودي التكساسي لان سال عنك
روح لموضوعي ( الام العراقية ) وشوفه اشلون ابو عبودي مفتقدك
يستاهل ابو عبودي لقب ( ابو الغيرة ) وعن جدارة
تعيش وتسلم عمو ابو الحسن

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: angie-dawood في 20:20 23/12/2009

وانت اخي العزيز القبك لقب الاب والاخ الروحي والحنون  لموقعنا وعائلة عنكاوه

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ابو عبد الله التكساسي في 20:21 23/12/2009

والله انتم الخير والبركه واني خلوني ابو عبد الله التكساسي
خاف عبودي يزعل عليه \
وتدرون عبد الله من صار تكساسي لحد الان صار ما ينجرع انوب ابدل اسمه ؟؟

والله ضحكتني عمي ابو الحسن على هاي السالفه مال ابو اندرو
شلون رهمتهه

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: salah-eng في 20:55 23/12/2009

والله تستاهلون هاذي الالقاب الحلوة لانكم ماقصرتوا بكل شي
وربنا يوفقكم لكل خير ويفتحها بمساعيكم


اخوكم صلاح

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ام فائز في 21:08 23/12/2009

اخواتي واخواني الاعزاء
الحقيقه لقب الاخ ريفولفر يستاهله بكل جداره لان صدك هو شخص يكدر الواحد يعتمد عليه بالاجابات طبعا اكيد اكو عدد غير قليل من الابطال في منتدانا العزيز
نطلب من الرب ان يوفقهم ويحفظهم
تحياتي
ام فائز
عمان

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: الامبراطورة في 23:55 23/12/2009

اخي الفاضل

ماطرحت  نحن نعلمه دون طرح

لأن الأخ ريفولفر

سباق بالخير

ويكفينا دعواته لنا

وأن كان بيده شيء لم يقصر

مع أي شخص

 انسان بحق  يستحق لقب  بطل الأبطال لروعته

حفظه ربي  لأحبابه

وأدام  الأخوه والمحبه بيننا

ولكَ وله تقديري

اختك الأمبراطورة _مصر

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: الله...محبة في 01:34 24/12/2009

مقتبس من: ابو الحسن في 20:14 23/12/2009

انجي ملاك المنتدى
اني اقترح اسم لابو عبودي التكساسي وهو ( ابو الغيره )
عكعك مثلا اقترح ( مفتي الديار العنكاوية )
ابو اندرو مثلا اقترح ( قائد صحوة عنكاو)
فنجوزي مثلا اقترح اسم قائد عمليات عنكاوا
والله كريم عمي
ابو الحسن -ماليزيا

عمنا ابو الحسن جبتها عدلة
صدكوني يستاهلون هالالقاب واكثر
ويستاهلون الوقوف والاحترام والصلاة انه الله يوفقهم

وريفولفر اكيد بطل الابطال

الله محبة

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: MONSTER في 05:46 24/12/2009

عمي خوش موضوع عمي يستاهلون الالقاب عمي

الله يفرجهة عالجميع عمي

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ســـرى في 07:30 24/12/2009

والله هاي خوش فقرة مالت الالقاب والنعم الكل يستاهلون هاي الالقاب الحلوة الله يديمهم للمنتدى ويقدرنا نكون مفيدين مثلهم

تقبلوا مروري
اختكمszsz

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: جورجيا في 07:57 24/12/2009

كلش حلوه هاي الالقاب وصدك ابمكانها لان فعلا اعضائنا الحلوين يستحقوها لا واكثر ;D ;D ;D ;D

جورجيا
ام فاديه

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: القرش في 08:03 24/12/2009

                                    السلام عليكم

الله يديم المحبه بين اعضاء منتدانا الموقر.... وكل من يساعد اخوه في الغربه يعتبر بطل الابطال ...الموفقيه للجميع وكل الحب والتقدير لكل اعضاء منتدانا الكرام لانهم ومن خلال مشاركاتهم يعتبرون ابطال ونشامى والله يوفق الجميع وتحيه معطره بالحب اهديها لكم يااخواني الاعزاء .

ابو انس

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: دنفش في 13:23 24/12/2009

الاخ ريفولفر
تستااااااااااااااااااااااااااااهل يا وردة

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: راهب الحب في 13:51 24/12/2009

أني أحب أضيف لقب للعـّم أبو الحسن وهو :::


إمبراطور كوالا لامبــور   ;D ;D ;D



   وعيونك ما تلگى احلى من هذا اللقب تمنياتي للجميع بالتوفيق والإستقرار ودمتم بألف الف خيــر .... †




                             أخــوكــُم / وسـام بهنـام داؤد الخابـــوري

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: السومري في 14:04 24/12/2009

والله عمي يستاهل ريفولفر هذا اللقب واكثر

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: y.a.r.a في 14:22 24/12/2009

فعلا الاخ ريفولفر جدير بمثل هذا اللقب وكل الاخوان الباقين
واخونا الغالي ايكو9 دائما سباق بمثل هاي المبادرات
نشكركم جميعا على تفانيكم بالمساعده

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ريم عبد في 19:23 24/12/2009

والله يااخونا الغالي ايكو9
فعلا اخ ريفولفر يستحق مو بس اللقب وانما كل الحب والتقدير
وهوه مو بس بطل الابطال وانما رجل الاناقه والكياسه من خلال اجاباته  ومساعدته وترتيبه
وكل الاخوان المذكورين تقديرنا الهم هوه اكثر من الالقاب
 فحتى اذا زالت الالقاب يبقه فعلهم في قلوبنا وضمائرنا
وياربي ايكثر من امثالهم

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: angie-dawood في 20:05 24/12/2009

اهلا وسهلا اخونا ابو اندرو
كل عام وانت بالف الف خير يارب تكون السنة الجديدة سنة الخير والبركة

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: العامري2 في 20:41 24/12/2009

السلام عليكم ورحمه الله وبركاته
والله يابه يستحق اني من أوائل الي راسلوني هوه بطل الابطال
فمبروك يا بطل الابطال

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: نهاد احمد في 23:31 24/12/2009

فعلا اخ ريفولفر يستحق مو بس اللقب وانما كل الحب والتقدير
واقول لعمي ابو الحسن عاشت ايدك على هذه اللاقاب جبته في مكانها
وان شاء الله ازيد المحبه والسلام
والموفقيه للجميع



نهاد احمد    ابو علي
من مصر

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: عراقي وافتخر 4 في 05:41 26/12/2009

مبروك اخي ريفولفر وانت كد هذا اللقب ونص وتحية لكل ابطال اعضاء منتدى عينكاوا ومشرفين بمايقدموه من خير ومساعدة وعطاء لاخواننا العراقيين تحياتي ياطيبين
اخوكم محمد

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: Revolver في 12:38 26/12/2009

echo 9

اخوية العزيز والغالي, اني اشكرك من اعماق قلبي على هاي الاخوة والمحبة والاخلاق العالية واني اشكرك جزيل الشُكر على هذا الموضوع وصدكني ترة اني مداسوي غير الواجب لأن مداصدك انو اكو ناس طيبة واخلاقها عالية مثل الي هسة داشوفة بعيني بهل المُنتدى الغالي, واني اعيدهة واكولهة مرة لُخ, والله انتوا الاستاذة بعمل الخير واني تلميذكُم, واذا سويت شي عجبكم فهذا هوة ثمرة تعبكم انتوا والي اني استفاديت منها وحاولت افيد غيري بيها واشكرك جزيل الشكر ربي يوفقك ويحميك انت والعائلة الكريمة ان شاء الله , وتسافر ونفرح بيك ياربي, وسنة سعيدة عليك ان شاء الله وربي تتسهل امورك ونسمع منك كل الاخبار الحلوة .

ابو الحسن

عمي ابو الحسن, الله بلخير عليك والصحة والعافية ان شاء الله واني اشكرك ياطيب على هل المشاعر والله يبارك بيك ويحفظلك الاهل ان شاء الله, امين يارب العالمين .

أنجي

اختنة الجبيرة والعزيزة والغالية الف شُكر الج واتمنالج كل الخير وربي يحميج وينطيج الصحة والعافية .

 العامري2

حبيبي انت اني بلخدمة اخوية العزيزة كلكم على راسي لأن كلكم اخلاقكم اتخجل وربي يبارك بيكم وبعوائلكم وبأولادكم ان شاء الله, اشكرك تاج راسي وحبيبي العامري والله يكثر من امثالك . ولتنسى حبيبي اني سويت الواجب واسف اذا قصرت بي ..

shawqi shumran

أستاذي وحبيبي الغالي واخوية الجبير, ربي يحفظك العائلة الكريمة ويخليلك عبدالله حبيب قلبي ويحرسة ويحمي ويبارك بي, واتشوفة يكبر كبالك ان شاء الله واتزوجة واتشوف اولاد اولادة, اشكرك جزيل الشكر ياطيب وانت مثلي الاعلى والله ... ربي يبارك بيك ..

salah-eng

اخ صلاح احنة الي نشكُرك وتسلملنة ياغالي, واحنة اسفين على التقصير وجزاك الله الف خير على هل المشاركة الغالية .. تحياتي الك واتمنالك الموفقية ...

ام فائز

الغالية العزيزة, يحفظج ربي ويحفظ الاهل والاولاد ان شاء الله, وربي يسهل امركم وترتاحون طول عُمركم, وأني بلخدمة, واسف على التقصير اذا قصرت بشي وياكم , جزيل الشكر اشكرج يالـ غالية ام فائز ربي يبارك بيج ويمن عليج بلصحة والعافية ان شاء الله ....


الامبراطورة

اختنة العزيزة على قلبنة والغالية علينة الامبراطورة, وصدوك امبراطورة بأخلاقج وبتربيتج, وربي يسهلهة عليكم ونفرح بيكم, وربي يسهل اموركم وترتاحون طول العُمر, وان شاء الله اكون ماقصرت وياكم واعذرني واسف جداً اذا قصرت بحقكم اني, تحياتي الج اختي العزيزة والله العظيم خجلتيني بردج هذا واني ممنون منج و ماعرف شلون اجازيج ... اشكرج من كل قلبي ..

 الله...محبة

وصدوك الله محبة, واتمنالك كل الموفقية اخوية العزيز, جزيل الشُكر اشكرك اني عزيزي واتمنى من ربي ان يمن عليك بلخير والسعادة والصحة والعافية واشكرك جداً على هاية المشاعر الصادقة وربي يحفظكم ويحفظ الاهل اجمعين, يوفقك ربي ان شاء الله ..


السومري

من اخلاقك الطيبة ياطيب, اخ عزيز وغالي علينة انت السومري, اشكرك جزيل الشكر على مرورك ياطيب, وجزاك الله الف خير وبركة وعافية, ويحفظك ربي الاهل ان شاء الله والاولاد, ويمن عليك بلخير والسعادة وراحة البال ...

 y.a.r.a

اختي العزيزة والغالية علينة ياراا تسلمين وبارك الله بيج واشكرج وممنون منج اني على هل الرد الجميل, واتمنالج كل الموفقية ان شاء الله ونسمع منج كل الاخبار الطيبة ...

ريم عبد

ريم عبد الغالية المُتميزة , اختنة الي ماتنسانة طول العُمر, اني اشكرُج جزيل الشُكر اختي, صدكيني كلشي كلتي عليه هوة ثمرة عطائكم وتعبكم انتوا المُتميزين, شريد اكول عليج وانتي مالية مُنتدانا بمواضيعج المُميزة , اني جداً ممنون منج وربي يبارك بيج ويوفقج ان شاء الله ويحميج ويحرسج, فكل الحُب والتقدير الحضرتج . واتمنالج كل الخير والسعادة والفرح بحياتج انتي والاهل اجمعين ... اشكرج اختي ريم ربي يبارك بيج ..

نهاد احمد

حبيبي انت نهاد, جزيل الشكر اشكرك اني ياطيب واني جداً ممنون منك ياغالي, ربي يوفقك ان شاء الله دنية واخرة وتسافر وتوصل بلسلامة ياربي ونفرح بيك دوووم بأذن الله, مشتاقيلك اخونا العزيز وان شاء الله موفق ..

عراقي وافتخر 4

الله يبارك بيك اخونة وحبيبنة وعزيزنة عراقي, واشكرك واشكرك كلماتك الطيبة الغالية بهذا الرد الجميل, ربي ينطيك على كد نياتك ياطيب, واتمنالك كل الموفقية ان شاء الله ونفرح بيك اخونة العزيز ويحفظلك الاهل اجمعين  ويحرسهُم ويعافيهُم ان شاء الله

szsz


اختي الغالية والعزيزة اشكرج جزيل الشكر واتمنالج كل الموفقية ان شاء الله وربي يسهل اموركم واشكرج على كل المواضيع المتميزة الي دتفيدينة بيها وجزيل الشكر والاحترام على كل التعب الي دتعبي وربي يوفقج ان شاء الله وميحرمنة منج, ومانسى كل موضوع نزلتي وكل رد شاركتي بي ان شاء الله وربي يوفقنة حتى انرُد هذا الجميل الج ان شاء الله .

جورجيا


اشكرج عيوني اختنة العزيزة جورجيا, واتمنالج كل الخير والصحة والعافية ياربي, وان شاء الله تتسهل امورج وترتاحين طول العُمر, وربي يحفظج انتي والاهل ان شاء الله ونسمع منكم الاخبار الحلوة بأذن الله, امين ياربي .

Monster

مشكور اخوية العزيز واتمنالك الموفقية ان شاء الله والف مبروك وصول الاهل يمكم وان شاء الله تنجمعون سوة ابيت واحد ونفرح بيكم.... الف شُكر على ردك ومرورك .

راهب الحب


راهب الحب عزيزي انت ربي يوفقك ان شاء الله واشكرك ردك ومرورك الكريم, الله ليحرمنة منك عزيزي واتمنى من رب العالمين اني يوفقك ويحميك انت والعائلة ان شاء الله من كل شر . ربي يوفقك ..

القرش


اشكرك عزيزي واخوية الجبير على مرورك وردك الكريم, واني بدوري اتمنالك من رب العزة والجلالة ان يحفظك ويحفظ الاهل ان شاء الله , وتشوف كل الخير والعافية بحياتك, وربي يسهل امورك ومتشوف اي تعب بأذن الله, واني اشكرك مرة لخ اخوية العزيز على على روحك الطيبة واتمنالك الموفقية من قلبي ..

دنفش


واني اشكرك حبيبي انت, واماكو وردة غيرك واشكرك واشكر هاي الاخلاق الحلوة , ربي ميحرمنة منها ان شاء الله, جزيل الشكر الك والاحترام اخوية الجبير ربي يوفقك ..

اخر شي احب اكولة . اشكركم ياطيبين ياغالين ابتداءاً من المُشرفين الغالين علينة والسهرانين على راحتنة دوماً والله يبارك بيكم اجمعين, وانتهاءاً بيكم اعضاء منتدانا العزيز, اشكركم موت والله موت على هل مساهماتكم القيمة والغالية واشكر عيونكم السهرانة حتى اتساعدنة بمحنتنة هاية, وربي يوفقكم دنية واخرة, ومنسمع منكم غير كل الخير والفرح.. ربي يحرسكم ان شاء الله واني جداً ممنون منكم ...


اخوكم الصغير

ريفولفر

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ROCK في 20:23 26/12/2009

كل الحب والاحترام للأخ ابو عبد الله .. شوقي ... خوب هالمرة مال الك حجة عليه تكول غلطت بأسمك ..خخخخخ

حبيبي يا ربي يوفقك ويحفظلك عبودي التكساسي ويفتح عليك ابواب الرزق
بالفعل انته شخص دؤوب وسباق بمساعدة الناس

والي يرزع الخير يحصده

حياك الله .. اخوك رووووك

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: ROCK في 20:41 26/12/2009

 الاخ ريفولفر ..
مبروك على اللقب الجديد وبصراحة تستاهله ..
يا ربي يوفقك لعمل الخير

تقبل مروري اخوك رووووك

العنوان: رد: بطل الابطال ( لقب جديد اضيف للاخ ريفولفر )
أرسل بواسطة: echo 9 في 21:11 26/12/2009

شكرا جزيلا للاخوات ( انجي - ملاك المنتدى , الامبراطورة , اختنا الغالية يارا ربي يخليها , اختنا العزيزة ام فائز , اختنا درة المنتدى szsz ,اختي الحنينة ام القلب الابيض ريم عبد , ولا انسى تحياتي وحبي للام العراقية عمود البيت بهذا المنتدى ) والشكر موصول للاخوة ( ابو الحسن , المهندس صلاح , الله محبة , MONSTER , دنفش , القرش , وسام راهب الحب , السومري , العامري2  , نهاد احمد , عراقي وافتخر 4 , ROCK ) ولا انسى الشكر الجزيل لاخي ابو عبدالله التكساسي صاحب الفكرة وهو الشخص الذي اطلق هذا اللقب على اخونا ريفولفر وكان دوري فقط نقل الموضوع للاخ ريفو ولكم جميعا ويستاهل حبيبنا ريفو
شكرا اخي ريفولفر على سؤالك عني وعن عائلتي واطمنك انه نحن بخير .
شكرا جزيلا للجميع وان شاء الله ما تنقطع هاي الالقاب
اخوكم
Echo 9