ankawa

منتدى الهجرة واللجوء => الهجرة و واللاجئين => مواضيع الحياة العامة في بلاد المهجر (امريكا) => الموضوع حرر بواسطة: سلاما للعراق في 06:53 26/12/2009

العنوان: بعشرة دولارات للفرد الكرين كارت
أرسل بواسطة: سلاما للعراق في 06:53 26/12/2009
امسية العافيه وعام ملؤه الامان

ادين بالفضل بهذا الموضوع اولا لابن بغداد الذي كتب موضوعا نقلا عن بعض معارفة حول التقديم للكرين كارت عبر البريد وكذلك للاخ العزيز     hussein5582

الذي ساعدني كثيرا في بعض التقاط في املاء الاستمارات
واكيد طبعا مداخلات الاخوه في نفس الموضوع
اليكم الطريقة في الحصول على الكرين كارت بدون محامي الكنيسه

اولا اجراء التلقيحات

وهذا الموضوع فيه اجتهاد لواته مع احترامي للاطباء المطلوب باختصار طبيب يحدد هل اخذت كل اللقاحات ام لا ويعمل لك ظرف مغلق بعد ان تكمل اللقاحات

اخوتي هذه كلاوات اطباء غير الرسميين اقولها عن تجربه

اللقاحات تذهب الى الفاملي هيلب سنتر وهي موجوده في كل الولايات ويتم تحويلك الى اماكن تابعه لهم وتلقح مجاني ثم تدفع عشرة دولارات قيمة فتح مظروف لك باكمال التلقيحات

يعني لا مية دولار للفرد او اقل على اساس امسوين فضل اذا وافقوا بالثلاثين دولار للشخص

القضية الثانيه في التقديم تملا استمارات تسحبها من الانترنيت مجانا ولكل شخص اربع استمارات تمليها ثم ترسلها مع الفحص الطبي  بدلا من محامي الكنيسه الذي ياخذ عن كل فرد 75 دولار واذا يعمل 125 دولار

طبعا من الطبيعي ان ياخذوا هكذا مبالغ على اعتبار ان من يقوم لك بملا الاستمارات محامي..ولكن الامر اسهل مما تتوقعون فانا قدمت عبر البريد وقد اكملت المعامله وبعد اسابيع احصل على الكرين كارت

الان بعد ان تاكدت من صحة اجراءاتي وعملت طبع الاصابع واخذو مني الصور اكملت المعامله ولحد الان ثلاثة عوائل سحبت لهم الاستمارات وقدموا...والغريب اننا حصلنا على موعد فحص الاصابع قبل غيرنا من الذين قدموا من خلال محامي الكنيسه...طبعا راح اكطع رزق المحامين في الكنيسه لاني بلغت الجميع اني حاضر لاعطائهم الاستمارات والمساعده في ملئها مجانا مقال الدعاء لاخونا ابن بغداد و    hussein5582

حصل لدي فقط خطا واحد انني ارسلت المعامله خطا فاعادوها لي واخبروني بالعنوان الصحيح

غدا ان شاء الله ساكتب لكم العنوان كاملا وفي نفس الوقت الموقع لسحب استمارات الكرين كارت

وكل عام وانتم مواطنيين وليس مهاجرين

ووووسلاما للعراق

عذرا من اخطاء الطباعه
العنوان: رد: بعشرة دولارات للفرد الكرين كارت
أرسل بواسطة: angie-dawood في 06:58 26/12/2009
كل يوم يتجدد ابداعك بالمواضيع سلمت يداك وبارك اللة بك دومك مبدع اخي الغالي سلاما
العنوان: رد: بعشرة دولارات للفرد الكرين كارت
أرسل بواسطة: عراقي وافتخر 4 في 07:02 26/12/2009
الف مبروك اخي العزيز ونشكر جهودك الطيبة وتحية لك يابطل والى الاخوان الابطال ابن بغداد وhussein5582 وكل عام وانتم بخير

اخوكم محمد
العنوان: رد: بعشرة دولارات للفرد الكرين كارت
أرسل بواسطة: ابو عبد الله التكساسي في 07:06 26/12/2009
الف شكر عمي سلاما والف تحيه وسلام

من محاسن الاس اي في اخوان
انه الكرين كارد يجيك بالبريد وحرام اذا اعرف اي شي عن التقديم

ودمت سالما

وسلاما للعراق اخي الغالي
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 07:11 26/12/2009
شكرا انجي

ودائما انت مبدعه

وووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 07:15 26/12/2009
الاخ عراقي وافتخر

لولا جهود اخوتي في المنتدى ما عرفت الطريقة

يعني اذا عائله من ستة اشخاص مثلا على طريقة المنظمه قد يكلف العائله بحدود الالف دولار بينما بجهود اخوتنا بالمنتدى لا تكلف اكثر من ستين دولار علما بعض الولايات اكثر وبعضها اقل بقليل

وووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 07:18 26/12/2009
ابو عبد الله الغالي

شكرا لك

بعض محاسن الاس اي في الكرين كارت ولكن لها مساويء في حساب زمن المساعدات

ان شاء الله لا تحتاجها وتبقى رفعة راس

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: ابو عبد الله التكساسي في 07:26 26/12/2009
عمي سلاما بفضل من الله العلي القدير ودعوات الاخوه والاخوات في عين كاوه
توقفت المساعدات من فتره وحاليا معتمدين على الله بالعيش بسبوبه رزق زغيرونه ومقبل ان شاء الله على عمل دائمي
اسال الله التوفيق والقبول بي لا راح ايكون بمثابه عملي الدائمي باذن الله

اخواني لا تنسونا بدعائكم

تحياتي مره اخرى
اخوكم ابو عبد الله
العنوان: رد: بعشرة دولارات للفرد الكرين كارت
أرسل بواسطة: اهلي ياعراقين في 07:27 26/12/2009
سلمت وسلم العراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 07:55 26/12/2009
ابو عبد الله الغالي

الرجل اخو اخيته يحتاج بس للوقت والتاقلم حتى يعيش بجد ذراعه

القضية قضية وقت مو اكثر

وبعدين المساعدات اتعيش الانسان بس ما تبني مستقبله

ما كو عيب بالمساعدات بس العيب من نعتمد عليهه وانعيش خدة وخدر

طبعا لاول مره اكتب باللهجة العاميه ولكن من حركة قلبي

دمت عاليا ابو عبد الله

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 07:57 26/12/2009
سلمت يا اهلي يا عراقيين

ب
ووووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 08:05 26/12/2009
في الكومبيوتر الثاني مخزونه كل المعلومات في كيفية سحب الاستمارات ونمبر الاستمارة وكيفيه ملئها غدا ان شاء الله ساعطيكم الرابط مع الشرح

وووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 08:19 26/12/2009
شكر ماجلان
شكرا يا غالي

والحمد لله ان كل عراقي له حائط او سند يساعده حتى يقف على رجليه

ولكن عمرالمساعدت لم تخلق انسانا

نحتاجها لوقت لكي نبني العمر

البركه بكم

وشكرا لتصحيح المعلومه والف مبروك وهذا مدعاة للعمل وليس للكسل

وانا اعرف سخافة النصيحة لانكم اكبر من المساعدات

سلمت لي

وووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 08:23 26/12/2009
اخوتي لا اوعدكم وعد اكيد ان كان لي الوقت ان شاء الله اي سؤال حول الاستماره ان كان لدي الوقت ساساعدكم بملئها

وووووووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: alwismy في 12:13 26/12/2009
ماقصرت وعساك عالخير دوم

تحياتي لك

Alwismy
العنوان: رد: بعشرة دولارات للفرد الكرين كارت
أرسل بواسطة: john simon في 14:57 26/12/2009
الاخ العراقي
عاشت الايادي او صدك لو كالو عراقي او امفتح باللبن.
عزيزي وياك الحق انه المحامي مايسويي شيي الا يضرب الالفلوس او اغلب الاشياء بدون اسسم المحامي على الرسالة تهمل, لكن اكو اهوايا اشيائ واحد يكدر يسويها احسن من المحامي او على كولت المثل اسأل مجرب ولا تسأل حكيم وتقبل تحياتي واستمر بمساعدة ابناء جلدتك والسلام
اخوك
جوسي البغدادي
العنوان: رد: بعشرة دولارات للفرد الكرين كارت
أرسل بواسطة: Revolver في 15:01 26/12/2009
دومك مُميز وربي ميحرمنة لا منك ولا من مواضيعك وردوك, اتمنالك كل الموفقية ...

ريفولفر
العنوان: رد: بعشرة دولارات للفرد الكرين كارت
أرسل بواسطة: good sniper في 17:03 26/12/2009
الاخ الفاضل سلاما للعراق

شكرا لك على المعلومات الرائعه والتي تخص كيفية تقديم على الجرين كارت وانشااله تحصل عليها باقرب وقت كما اتمنى ان تكون بوافر الصحة ولعافية



اخوك ابو فهمي




العنوان: رد: بعشرة دولارات للفرد الكرين كارت
أرسل بواسطة: ريم عبد في 17:38 26/12/2009
الله ايديمك عمنا الغالي
وكل يوم اتفاجئنا بموضوع مفيد ومعينك لاينضب
وفعلا كانت شغلة الكرين كارت مكلفه للعائله وايحسبولها حساب بسبب تكاليفها
وحصلت مع جماعتنا هم لفط منهم المحامي وضل ايجر منهم فلوس ومنيم الفايل يمه
الى ان اكتشفوا من راسلوا الدائره انه لاداز الفايل ولا ماشي بالمعامله
وسحبوا فايلهم من المحامي وقدموا همه عن طريق النت وطبعا راحت عليهم فلوس المحامي
عاااااااااشت ايدك على هذا التنبيه الي راح يستفادو من الكثيرين
وجعله الله في ميزان حسناتك
وياربي ايوفقك ويفتحها بوجهك
العنوان: رد: بعشرة دولارات للفرد الكرين كارت
أرسل بواسطة: MAGGIC في 19:15 26/12/2009


الاخ العزيز  سلاما للعراق


عاشت ايدك وبارك الله بيك وبجهودك وان شاء الله يوفقك على قدر مساعدتك لاخوانك

تمنياتي الك ولعائلتك الكريمه بالموفقيه والاستقرار


اخوك
maggic
العنوان: رد: بعشرة دولارات للفرد الكرين كارت
أرسل بواسطة: عكعك التطوى في 19:25 26/12/2009
اني دا انتظر الاستماير باحر من الجمر حتى امليهه من هسه  واقدمها ان شاء الله ب 2020 لان خاف انسى الكليشه منا لذاك الوقت  ;D


والله مندري شلون انجازيك على الي تقدمه النه بس ما عدنا غير ندعيلك بالخير والصحه والعافيه والتوفيق

بوركت اخي واستاذي الغالي على الموضوع المهم والمفيد

العنوان: رد: بعشرة دولارات للفرد الكرين كارت
أرسل بواسطة: سلاما للعراق في 05:18 27/12/2009
شكرا لكل الاحبه الاخوات والاخوه على تعليقاتهم ودعائهم ولهم كل امنيات القلب

هذا الرابط يقود مباشرة الى الاستمارات ارجو سحبها ومليء لكل شخص استماره مهما كان عمره



http://www.uscis.gov/files/form/i-485.pdf


وبعد مليء الاستمارات ترسل وافضل بالبريد المسجل مع ظروف اللقاحات الى العنوان التالي

nebraska service center
p.o. box 87245
lincoln, ne 68501-7245

وبعد اسبوع ان شاء الله سيرسلون لك اشعارا باستلام المعامله واسبوع اخر سيعلمونك بموعد اخذ طبعة الاصابع وتصوير صور لك وعادة في نفس دائره السوشل سيكيورتي وبعدها بشهر او اكثر تحصل على الكرين كارت

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: أبــو دجـــلة في 06:18 27/12/2009
السلام عليكم

أغاتي الجليل .. ســـلاماً للعراق

تحياتي .. تنتابني الحيرة حينما أطالع وأتمعن بما رصته أصابعكم من الحروف
وما تحتويه من الفوائد الغزيرة .. غزارة حبك لأهلك العراقيين الطيبين
يدخل الشك لذاتي المحتارة .. ولا أعرف بما أبوح به لشخصكم الكريم
أقول جهراً جهارا .. الشكر كل الشكر والإمتنان على كل حرف ذُيلَ بأسم

(( ســـلاماً للعراق ))

سلمك الله من عاتيات الدهر وحفظك من غدر البشر .. وأبعد عنكم كل شرر
مع تقديري

أخوكم .. أبـــو دجــــلة

**
العنوان: رد: بعشرة دولارات للفرد الكرين كارت
أرسل بواسطة: violin في 17:56 27/12/2009
الف شكر اخي الغالي  سلاما ياعراق  على هذه المعلومات الرائعة.
الله يوفقك وينطيك الصحة والعافية.
العنوان: رد: بعشرة دولارات للفرد الكرين كارت
أرسل بواسطة: أبن خير في 18:06 27/12/2009

مشكور عزيزنا سلاما وبوركت وسعدت إينما حللت
تحياتي لك وتمنياتي لك ولعائلتكم الكريمة الصحة والعافية
تقديري
العنوان: رد: بعشرة دولارات للفرد الكرين كارت
أرسل بواسطة: vincenzo في 20:26 27/12/2009
اكو مثل ثاني غير اللي ذكره اخوية العزيز جوسي واقرب للمقال وهو:
ميحك جلدك اللا اضفر اصبعك
 ;D ;D ;D ;D
والمعنى واضح اي انه لا تتوقع من شخص ثاني نفس الاهتمام بقضيتك بقدر اهتمامك انت بها
ولذلك اني تخليت عن مساعدة المحامية الامريكية اللي قدمتلي عالاي او ام قبل سنة اللا شوية وقدمت عالاس اي في من زمان
والنتيجة انه معاملاتي "مكيسة" بالصفحتين بس على الاقل الوم نفسي احسن مما اضل اضرب اخماس باسداس وما ادري المحامية شامخربطة
وبهالمناسبة هم ادعو كل اعزائي الزملاء اللي انكليزيتهم ضعيفة ان يقووهه حتى يتعاملون مباشرتا وية الجهات الرسمية ويستغنون عن المترجم اللي مو دائما مؤهل وينقل اللي صاحب الشأن يقصده
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 01:31 28/12/2009
شكرا لمداخلات الاحبه اخوتي واخواتي كبار القلب في بيتنا منتدانا

سلمتم للقلب 

وووووووووسلاما للعراق

العنوان: رد: بعشرة دولارات للفرد الكرين كارت
أرسل بواسطة: القرش في 01:39 28/12/2009
                                        السلام عليكم

اخي الغالي كل عام وانت بألف خير وادعو الله ان تكون السنه الجديده سنة خير وافراح وصحه وعافيه وعمر مديد . واتمنالك كل الخير ..وتسلم يداك على هذا الموضوع العظيم .


ابو انس
شيكاغو
العنوان: رد: بعشرة دولارات للفرد الكرين كارت
أرسل بواسطة: SARA CALIFORNIA في 07:13 28/12/2009
بارك الله بيك اخي العزيز...و اني هم قدمت بنفسي لا رحت محامي و لا منظمة و لا اي مكان و مثل ما كلت الفحوصات بس حطهه الطبيب بظرف و ختمه و لازم يبقى مختوم و منفتحه و دفعت عشر دولارات بس على الختم +صورتين مال جواز من وولكرينز 8 دولارات+نزلت الاستمارات و مليتهه من اللنك اللي حضرتك ذكرته بالاضافة الى نسخة جنسية و ترجمتها و اجتني رسالة وره اسبوع منهم مفادها انهم استلمو اوراقي و  بعدين وره اسبوعين اجتني رسالة ثانية مال بايومتركس(طبعات الاصابع)....و مثل ما كلت من نسويهه احنه بنفسنه نستلم الكرين كارد اسرع...تحياتي الك و دعائي للاخ شوقي و الجميع بالتوفيق و ايجاد عمل دائم ان شاء الله....
العنوان: رد: بعشرة دولارات للفرد الكرين كارت
أرسل بواسطة: ★AbN✰BaGhDaD★ في 08:42 28/12/2009
سلمت يداك ..وسلمت لنا اخا عزيزا  اخي  الغالي  ((سلاما للعراق ))..

ودومك مبدع بكل  مواضيعك  لما بها  من فائدة للجميع 

واني  اي  معلومة اقدمهة للمنتدى ماهي الا شي بسيط  لهذا المنتدى واهله الرائعين

تحياتي
ابن بغداد
فرجينيا
العنوان: رد: بعشرة دولارات للفرد الكرين كارت
أرسل بواسطة: ام منية في 08:17 29/12/2009
الف شكر والله صارلي فترة ادور بالمندى على اي موضوع يخص الكرين كارد
بس ان شاء الله راح امشي وسوي مثل مكلت
الف الف شكر مره ثاني ويارب دوم الموفقية والنجاح
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 03:58 01/01/2010
شكرا لكل الاحبة على مرورهم وكل كلمة طيبه خرجت من قلوبهم لهم الف مثلها

فقط احب ان اوضح

المعامله فقط الاستمارات زائدا ظرف اللقاحات يعني لا تحتاج لصور او ترجمه لوثائق مرفقة

واذا كانت العائله كبيره يفضل وضع ورقة بيضاء فارغة بين استمارة الشخص والذي يليه

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: مظلومه سوادي في 05:47 01/01/2010
عيني خويي سلاما للعراق
عاشت ايدك عالموضوع المفيد لاخوانك بالمنتدى

لكن خويي العزيز من العنوان جان صار عندي هارد اتاك
ازمه قلبيه  :'(

انه حسبالي ديوزعون كرين كارد بعشر دولارات وفرحت هينوب والا ان قريت الموضوع خابت امالي
شكرا اخي العزيز على الموضوع وعاشت ايدك
العنوان: رد: بعشرة دولارات للفرد الكرين كارت
أرسل بواسطة: الناسك في 06:51 01/01/2010
مشكور اخي
وبارك الله فيك على الموضوع الشيق والمعلومات الحلوة .
النــــــــــاسك  
العنوان: رد: بعشرة دولارات للفرد الكرين كارت
أرسل بواسطة: بروبري في 07:49 01/01/2010
مشكور اخي علة  الموضوع  بس  انة  في ولايتي  مشكن سالت وسمعت عن  الكرين  كارد  انو  فحوصات  التقديم بس وحدها تكلف 500 دولار شلون  10 دولارات هاي وين سويت  هيج  تحاليل باي  مركز ممكن  اعرفة لان احنة  اصلا من اجينة كلاجئيين ام  المنظمة  مالتنة غلست  عن  فحوصاتنة اللي  لازم نجريها  وكالو  بوكت  الكرين  كارد  لازم  ندفع  غرامة  هل  صحيح  ولا  لا ال10  دولارات  حتة  للي ممسوي فحوصات  اول  ما  اجة الرجاء  الرد مع  الشكر
العنوان: رد: بعشرة دولارات للفرد الكرين كارت
أرسل بواسطة: بروبري في 22:58 04/01/2010
السلام  عليكم  وين  الاخوان  وين  الرد محد  عندة  معلومات
العنوان: رد: بعشرة دولارات للفرد الكرين كارت
أرسل بواسطة: vincenzo في 01:09 05/01/2010
اخي انطيهه صبر شوية وبلكي هسه يجي استاذنا سلاما ويجاوبك لو واحد من جماعة مشيكان مثل انجي
العنوان: رد: بعشرة دولارات للفرد الكرين كارت
أرسل بواسطة: ام منية في 04:25 05/01/2010
الف شكر على موضوعك بس عندي طلب من حضرتك
اريد طريقة التقديم بالتسلسل وشوكت يعني شوكت نقدم ونسوي كل الي حضرتك تفضلت بيه

ودمت سالما
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 05:59 05/01/2010
اخي العزيز بروبري

اولا اعذرنه وعلى كيفك ويانه مو كل الوقت نكدر ندخل للموقع وانجاوب وكل انسان حسب ظروفه

اخي الغالي

والله  لا اعرف قضية كيف يمكن التغليس على اللقاحات بعد الوصول لانها اجباريه

باختصار اكيد عدكم طبيب عائله في الفاملي هليث سنتر هاي الطبيبه نفسهه مسؤوله عن لقاحاتكم وعليهه مسؤوليه اذا ما املقحين ومن خلاله تكمل اللقاحات كلها بشكل مجاني فقط يبقى الظرف الخاص اللي ايكول انو اكملتم اللقاحات وتدفع عليه عشر دولارات

تعذرني كتبت جوابي بالعاميه بس حتى يوصل ابشكل واضح لحظرتك

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: سلاما للعراق في 06:02 05/01/2010
فنسنت الوحش الطيب شكرا لتدخلك

اختي ام منيه

اول ما يصبح وجودك سنه في امريكا ارسلي المعامله

ووووسلاما للعراق
العنوان: رد: بعشرة دولارات للفرد الكرين كارت
أرسل بواسطة: روزماري في 07:05 05/01/2010
أشكرك أخي العزيز سلاماً للعراق على معلوماتك القيمة التي تفيد بيها أخوانك وأهلك وتنور بيها بصيرتهم

تحياتي
العنوان: رد: بعشرة دولارات للفرد الكرين كارت
أرسل بواسطة: مُغترب في 19:27 05/01/2010
حبيبي بدون زحمة عليك

ممكن لعنوان البريدي للمكتب الذي راسلته من اجل ايصال الاوراق الخاصة بالتلقيحات وغيرها

واكون ممنون منك والله

اشكرك جداا

تحياتي لك
العنوان: رد: بعشرة دولارات للفرد الكرين كارت
أرسل بواسطة: نهاد احمد في 20:57 05/01/2010
اخي العزيز سلاما للعراق

شكرا لك على المعلومات الرائعه والتي تخص كيفية تقديم على الجرين كارت وانشااله تحصل عليها باقرب وقت كما اتمنى ان تكون بوافر الصحة ولعافية
وبارك الله بيك
والموفقيه للجميع


نهاد احمد
العنوان: رد: بعشرة دولارات للفرد الكرين كارت
أرسل بواسطة: مُغترب في 23:44 05/01/2010
شكرا يا وردة جزاك الله خيرات الدنيا وتوفيقها

تحياتي لك

عذرا لم انتبه على العنوان البريدي في المرة السابقة

شكرا مرة ثانية
العنوان: رد: بعشرة دولارات للفرد الكرين كارت
أرسل بواسطة: بروبري في 04:40 10/01/2010
السلام  عليكم الى  اخ  سلاما  راح  اشرحلك  الامر اول شي احنة في  مشكن اناربر من اجينة لهنا  لامريكا   كانت مسؤلة عنة وحدة من  منظمة يهودية وحدة  الكل هنا يشكون  منها  لان مو احنة الوحيدين اللي سوت ويانة هشكل لان  المفروض كل لاجئ من يجي يروح  للفحوصات هاي صارت وية الناس كلها بس ويانة لان  ام المنظمة مالتنة فالحة بس تدز علينة  تورم راسنة بكلام فارغ حتة تاخذ براسنة فلوس  وورة 6 اشهر من وصولنة دزت علينة وكالت طلبو مني فحوصات الكم ومن رحنة علة  المركز اللي كالت النة علية اول شي دزتنة لمركز اصلا من زمان  تاركين  شغل الفحوصات يعني مايسوها والثاني انة من دخلنة كالولنة لازم تجون بمدة اقصاها 45 يوم من الوصول والثاني لازم يكون عدكم دكتور خاص من استلمتو كارد الصحة بس هوة احنة لاجئيين شمعرفنة بها القوانين غير هي  لازم تبلغنة بس هذة اللي صار وكالولنة انو كارد الصحة  انلغة ومايشتغل بعد  زين مثل حالتنة اتمنة احد يبلغني شنو اسوي هل صح علينة غرامة 500 دولار ولا اكو مركز ممكن اروحلة وهوة يسويلي ها اللقاحات واذا اكو مركز هنا شنو اسمة ووين للي هنا  بمشكن اناربر ووين  ممكن  نبصم  وعلة اي  عنوان ادزهن  لان يكولون  كل واحد وولايتة  يعني العنوان الحاطة  الاخ مايفيدني  الرجاء  الجواب  السريع  للي يعرف  لان لازم  اقدم  ها  الايام  ومو بس انة ناس كثير وياي  عدهم ها المشكلة  من اللي هناومع الشكر
اختكم بروبري
العنوان: رد: بعشرة دولارات للفرد الكرين كارت
أرسل بواسطة: ethan texas في 05:25 10/01/2010
 السلام عليك طبعا  دائما ابداعك يجدد  اخوية العزيز  يارب ايجازيك على كد نيتك يارب 

اخوك جوزيف
العنوان: رد: بعشرة دولارات للفرد الكرين كارت
أرسل بواسطة: الله...محبة في 05:47 10/01/2010
الف شكر على التعب والمجهود لخدمة اخوانك

الله يباركك ويبارك مستقبلك

الله محبة
العنوان: رد: بعشرة دولارات للفرد الكرين كارت
أرسل بواسطة: mayada2009 في 07:41 10/01/2010
بارك الله بيك يا وردة الورود على هاي المعلومات القيمه ربي يخليك النه يا مبدع عاشت الايادي
العنوان: رد: بعشرة دولارات للفرد الكرين كارت
أرسل بواسطة: سوسن كليانه في 10:16 10/01/2010
دومك مبدع اخونا الغالي سلاما للعراق ونشكر مجهودك الطيب ربي يوفقك ويخليك لاعائلتك الكريمه
العنوان: رد: بعشرة دولارات للفرد الكرين كارت
أرسل بواسطة: راميال في 20:28 10/01/2010
اتمنى لك الموفقية وشكرا على التوضيح
العنوان: رد: بعشرة دولارات للفرد الكرين كارت
أرسل بواسطة: ملكة بابل في 21:54 10/01/2010
بارك الله فيك وزيد الله من امثالك لمساعدة الناس
العنوان: رد: بعشرة دولارات للفرد الكرين كارت
أرسل بواسطة: المهندس1212 في 01:56 11/01/2010
اختي الكريمة بروبري ... السلام عليكم بعد اذن الاخ صاحب الموضوع اني ممكن اكدر اساعدج لان اني عايش  في ولاية ميشكن .ان اربر مقاطعة واشتنو
واني هماتين صار بية نفس الشي الي صار وياج بس كدرت احصل على التلقيحات وحصلت الكرين كارد بسهولة
اختي الكريمة تكدرين ترحين الى مركز الصحة الي خاص بمقاطعه واشتنو الي هوة بمنطقه ابسلانتي وتشرحيلهم امرج وتكليلهم انتي تريدين تاخذين لقاحات الكرين كارد وهمه راح يتكفلون الامر

واذا تردين اي معلومة اني بلخدمة
تحياتي
اخوكم
المهندس
العنوان: رد: بعشرة دولارات للفرد الكرين كارت
أرسل بواسطة: بروبري في 08:13 11/01/2010
تسلم اخ  المهندس  علة  الرد  بس  ولو  بيها  ازعاج  زين  هل غرموك  مثل مانسمع  علة انك  ماماخذ اللقاحات  واذا  غرموك  شكد المبلغ   وبالنسبة  للبصمة وين  ممكن ابصم وبالنسبة  للعنوان  اللي  راح  ادز علية المعاملة ممكن  تكتبة  اللي  بلا  زحمة  عليك لان  اعرف  الكل هنا مشغول  بامريكا  وشكرا  مرة  ثانية
العنوان: رد: بعشرة دولارات للفرد الكرين كارت
أرسل بواسطة: المهندس1212 في 01:41 12/01/2010
اختي الكريمة بروبري مع التحية
حبيت اكلج ماكو شي اسمه غرامة كل مابلموضوع اذا انتي ماعندج تامين صحي لازم تاخذين اللقاحات على حسابج الخاص وهذا الموضوع يكلف 500 دولارا بس اذا رحتي على المكان الي كتلج علية راح تسوين اللقاحات بدون ولاتدفعين اي فلس
اختي الكريمة ...اما بلنسبة لموضوع البصمة هذا لازم ترحين لديترويت

على كل حال اني راح اتركلج ايميلي الشخصي على الخاص واذا تحبين راح ادزلج رسالة بكل التفاصيل
لان اني موعلى طول متواجد بلمنتدى مثل ماتعرفين امريكا مابيها غير الشغل ...
تحياتي لك يااختي الكريمة
العنوان: رد: بعشرة دولارات للفرد الكرين كارت
أرسل بواسطة: بروبري في 07:15 12/01/2010
مشكور اخ  المهندس علة المساعدة لانك ما افدتني لوحدي فدت كل انسان مر بها  التجربة ولكل انسان بعدة مامر بيها حتة ياخذ حذرة من البداية ويلح علة  المنظمة يسولة التلقيحات اول مايجي حتة ميغلسون عنة  (وكمنة نشتغل بدلهم) شكرا للجميع علة المساعدة
العنوان: رد: بعشرة دولارات للفرد الكرين كارت
أرسل بواسطة: Baghdady73 في 03:10 13/01/2010
الاخ سلاما للعراق

تحية طيبة وبارك الله بيك لان المعلومات جدا مفيدة وعندي بعض الاستفسارات وما عندي فكرة اذا حضرتك اس اي في لو اي او ام وعموما ممكن اتفدينا برايك حول بعض النقاط الخاصةبالداخلين على برنامج اي او ام:

- هل حقل Address. c/o اختياري لو اجباري؟
- بالنسبة لل 94-I هناك حقل لتاريخ النفاذ مع انه غير مسجل بالكارد فهل يترك فارغ ام هناك تاريخ نفاذ معين وبديهي؟
- حقل Consulate were visa was issued هل يكتب مكان اصدار الفيزا المثبت على نسخة الفيزا التي تم تجهيزنا بها مسبقا مع تاريخ الاصدار ام هناك مصدر اخر؟

ممنونلك وتقبل تحياتي

بغدادي
العنوان: رد: بعشرة دولارات للفرد الكرين كارت
أرسل بواسطة: SARA CALIFORNIA في 00:01 17/01/2010
الاخ baghdady 73 نسيت شغلة ثانية اسفه....حقل ال co/address تكتب بيه same as above
و اي شي ثاني تحتاج اني بالخدمة لان اني قدمت بنفسي....
العنوان: رد: بعشرة دولارات للفرد الكرين كارت
أرسل بواسطة: SARA CALIFORNIA في 00:10 17/01/2010
تاريخ نفاذ ال I-94 هوه Indefinite غير محدود
العنوان: رد: بعشرة دولارات للفرد الكرين كارت
أرسل بواسطة: SARA CALIFORNIA في 00:16 17/01/2010
اني اسفة سويتهه عليك مسلسل مدبلج,,,لان دايخة و ممركزة....اخي بالنسبة لconsulate where visa was issued
Baghdad/Iraq هاذه اللي تكتبه....ارجو ان منسيت شي هالمرة ....
العنوان: رد: بعشرة دولارات للفرد الكرين كارت
أرسل بواسطة: نمارق في 18:43 27/01/2010
اشكركم اخوان على هذا الموضوع المهم لان كلش شاغلنة  اني كملت كل اللقحات مع افراد اسرتي ولما رحنة نقدمة للمنظمة المساولةعنا كالو يريدون من كل واحد50 دولار واحنة ثمانية هذا من غير الفلوس الي اخذوهة منعدنة مال اللقحات وال كانت20 دولار للشخص الواحد.بس عندي كم استفسار رجاءا وهو ان املاء الاستمارة حيكون بخط اليد لو يكون مطبوع وبعدين يراد من كل واحد صورتين وين احطهم بداخل الضرف لو اكبسهم كل واحد صورتة وي معاملتة ,وايضا بخصوص العنوان الي حبعث علي الظرف هل هو نفس العنوان الي حضرتكم تاركي مع الرابط يعني هذا العنوان يشمل كل الولا يات لو كل ولاية الهة عنوان خاص بيهة وهل يحتاج مل الاستمارة اي ختو من النظمة وسوال اخير يحتاج نسخة من الجواز او السيكورتي نبر . اني اسفة ان اكون لحيت هواي باسالتي بس شكد ما الموضوع شاغلنة وانت ريحتونة بتطرقكم الة
العنوان: رد: بعشرة دولارات للفرد الكرين كارت
أرسل بواسطة: Baghdady73 في 20:47 27/01/2010
جزيل الشكر اخت سارة هسة يلا شفت ردج
ما قصرتي وممنونلج

بغدادي
العنوان: رد: بعشرة دولارات للفرد الكرين كارت
أرسل بواسطة: SARA CALIFORNIA في 22:58 29/01/2010
اهلا و سهلا اخ بغدادي,,,تتدلل... :)
العنوان: رد: بعشرة دولارات للفرد الكرين كارت
أرسل بواسطة: ألمــــدرس في 20:55 05/04/2010
موضوع راقي ومهم جدا
بارك الله بيك اخي سلاما للعراق وانشالله حين امر بتجربه التقديم على الكرين كارد سأنقلها لكم للفائده العامة

أخوك غسان الاشقر
العنوان: رد: بعشرة دولارات للفرد الكرين كارت
أرسل بواسطة: seed wissam في 06:17 17/01/2014
UP