منتدى الهجرة واللجوء => الهجرة و واللاجئين => الموضوع حرر بواسطة: cricket في 01:14 27/12/2009
العنوان: اسمك........ مشكله بامريكا
أرسل بواسطة: cricket في 01:14 27/12/2009
الاخوان الاعزاء والاخوات حبيت اليوم ان احاول افيدكم بموضوع اكثر الوافدين بامريكا موخرا ديعانون من هاي المشكله الا وهي الاسم ومثال على ذلك انه الاخوه بالمقابلات سواء بغداد او الدول الاخرى من يعطي اسمه ديطالبوه بالاسم كاملا مع اللقب وعلى هذا الاساس يتعنون الكيس مالته الي ديصير انه المنظمات الي هنا تعتمد على الاسم الي بالكيس واقصد ان يكتبون معاملته فلان الفلاني وعل هذا الاساس تطلع معاملته وهوياته وكل ما يتعلق بحياته راح يعتمدون هذا الاسم حتى الكرين كارت والجنسيه بعد ذلك وقد يتسال البعض وشنو المشكله اقول اولا للي يجي يوم ويحتاج اوراق معينه من العراق او تصديق شهايد او الكثير من المعاملات راح تندز اله باسم فلان ابن فلان ابن فلان لان هذا المعتمد في العراق راح ينصدم اهنا من يقدم هاي الاوراق لان اسمه مختلف وتنرفض واكو بعض ذوي الشهادات الي التقينا بيهم اهنا ديعانون من هاي المشكله معانات كبيره .. وشلون تتفادى هاي المشكله اولا اما ان تطلب منهم بالمقابله ان يعتمدون على جوازك وان يتسجل كما هو اسمك الاول والاوسط والاخير وثانيا للي مخلص مقابلات او على ابواب السفر يكدر من يوصل الى اول مطار بامريكا وليس مطار الولايه مالته لا انما اول مطار بامريكا يوصله يطلب من موظف ال اي او ام ان يعتمد عل الجواز في تسجيل الاسم على الكارت الابيض الي راح يطلعوه من الكيس مالتك لان اكثر الموظفين عجوزيه فيسجل الاسم مثل ما مكتوب عل الكيس وليس الجواز الكارت الابيض مهم لان من عنده يعتمدون عل الاسم اهنا داخل امريكا .... صدكوني اخوان الاسم اهنا ديسبب مشاكل كثيره فانتبهو عليه ... واطلب من الاخوه الي بامريكا ان يصححون اي معلومه اني كتبتها قد تكون خاطئه
سنه سعيده عل الجميع وامنياتي بسلامة العراق واهله وتحقيق الاماني
العنوان: رد: اسمك........ مشكله بامريكا
أرسل بواسطة: ابو عبد الله التكساسي في 01:22 27/12/2009
مضبوط ضبط العكال سلمت ايدك
العنوان: رد: اسمك........ مشكله بامريكا
أرسل بواسطة: haitham40 في 01:33 27/12/2009
صحيح كلامك اخي وخاصة في الاسبيلنك وهو كتابة الاسم في الاحرف الصحيحة وحاليآ انا عندي مشكلة من استخرجة جواز عراقي كتب الاسم في الجواز العراقية مختلف عن الجواز الامريكي واجازة السوق واتآخرة في المطار اكثر من ساعة بسب الاسم مختلف في الحروف ودي اليف وجيب اليف وبعدين كلولي روح من بعد ساعة تآخير
العنوان: رد: اسمك........ مشكله بامريكا
أرسل بواسطة: angie-dawood في 01:45 27/12/2009
اخوان كلها تعتمد على الجواز العراقي هما يمشون شون ما اسمكم مكتوب بالجواز العراقي حرف بحرف اني ابد ما صار عندي اي اشكال باي نوع من المعاملات حتى من سويت معاملات لاخواني مال لجوء مااعرف شنو هل المشاكل الي دتحجون عنها هو منو يطلب منك هوية مال عراق لو جنسية هو بس الجواز يطلبون غير شي اني كلشي ما طلبوا مني هاي 18 سنة هنا محد كلي وينها الهوية لو الجنسية بكل المعاملات الي سويتها بعد مااعرف نظام غير ولايات شنو ???
العنوان: رد: اسمك........ مشكله بامريكا
أرسل بواسطة: ريم عبد في 01:54 27/12/2009
شكرا اخ cricket فعلا هذا الموضوع مهم وصارت ويه جماعتنا وكلش تعبوا لما غيروا الاسم هناك وصارت معامله شطولها اضطروا ايغيرون البريد والبنك والدوائر الي يتعاملون وياها من وره موظف الي اي او ام عاشت ايدك على هذا الموضوع والتنبيه
العنوان: رد: اسمك........ مشكله بامريكا
أرسل بواسطة: cricket في 02:13 27/12/2009
بارك الله بالاخوه والاخوات عل الردود والمساهمه
الاخت الكريمه انجي
راح احاول ان اضرب مثال على الموضوع لكي تعرفين اختي الكريمه شنو نقصد لان الي افتهمته من جوابك انهو دا تحاولين تعرفين شنو المشكله بالضبط وراح احاول اختصر بالمثال لان الامور شويه اختلفت عن الوقت الي خرجتي انتي بيه
لنقل انو اني رحت للمقابله الاولى وسالني عن اسمي واللقب ولنفرض ان اسمي بغداد اربيل بصره (هذا الثلاثي )وخلي نكول انو لقبي العراقي شراح يسوي ابو المقابله راح يكتب الاسم الاول بغداد والاسم الاخير العراقي ويبقى هذا الاسم ويتسجل حتى من ادخل امريكا ب الكارت الابيض الي عليه تعتمد الموسسات اهنا بتسجيل اسمي وكل معاملاتي فصار اسمي بامريكا بغداد العراقي من اطلب مثلا من اهلي ان يصدقون شهادة التخرج مالتي ويدزوها الي لن محتاجها اهنا راح تجي باسم بغداد اربيل البصره وطبعا هذا مختلف عما مكتوب اسمي اهنا بامريكا ومن هذا المثال قيسي كل الامور الاخرى ومشاكلها
اسف طولت بالرد عليكي اختي بس هذا واجبنا خصوصا وان اعرف شنو انواع المساعدات ومواقفج التي لا تحصى بهذا المنتدى كاخت عزيزه على الجميع
العنوان: رد: اسمك........ مشكله بامريكا
أرسل بواسطة: angie-dawood في 02:32 27/12/2009
ميخالف اي اني وياك من هاي الناحية من تجي هنا راح يبقى بس اسمك واسم الجد بدون اسم الوالد بس هما يعرفون هذا الشي من اولا لحظة من طلبوا منكم معلومات باليوان او بالمقابلات مال هجرة كلها يعرفوها ويعرفون احنا شون تنكتب اسمائنا وهذا الشي مال اي علاقة انت كنت اني قديمة او لا هذا هو نظامهم بكتابة الاسماء اسفة اعذرني هذا الي اعرفه
العنوان: رد: اسمك........ مشكله بامريكا
أرسل بواسطة: cricket في 02:42 27/12/2009
الاخت الكريمه انجي طبعا اشكر ردك الكريم ومثل ما كلت بردي الاولي انهو احنا ملتزمين باي استفسار من حضرتك لانك دائما سباقه بفعل الخير ومواقفج لاتحصى
اختي العزيزه اهنا ماكو مشكله على طريقتهم مال الاسم المشكله اوضحها مثال اخر صديقي واسمه اهنا فارس الحديدي طلب من اهله تصديق احدى الوثائق الوزاره بغداد صدقتها باسمه الثلاثي من جتي اهنا رفضوها يردوها باسم فارس الحديدي وهذا النوع من المشاكل وانواع اخرى كان قصدنا
واشكر حسن متابعتك للمواضيع اختي الكريمه
العنوان: رد: اسمك........ مشكله بامريكا
أرسل بواسطة: angie-dawood في 02:44 27/12/2009
خلي اكلك شغلة جتي ابالي مرات هنا اكو قسم ما يريدون ينمحي اسم الاب عندك الحق بالشوسل نمبر يبقى اسم الاب مثلا يكولون عندك نشل نيم يعني اسم الاب يعني انت بكيفك من تدخل هنا بكيفك تريد يبقى اسم الاب او تريد بس اسمك واسم الجد يعنني name and last name هيجي انت بكيفك تريد يبقى او لا واذا تريدون تصدقون اي اوراق عدكم صدقوها هنا بالقنصلية الي بدترويت هما يعرفون شون يكتبوها ويعدلوها :-\
العنوان: رد: اسمك........ مشكله بامريكا
أرسل بواسطة: Revolver في 10:42 27/12/2009
ألف شُكر للأخ العزيز cricket وتسلمين عيوني انجي ..
ريفولفر
العنوان: رد: اسمك........ مشكله بامريكا
أرسل بواسطة: ام فائز في 17:40 27/12/2009
اخونا العزيز كريكت كلامك صحيح ميه بالميه واحنا صارت ويانا من رادت بنتي اتقدم على معادله الشهاده وطلع اسمها بالوثيقه العراقيه مو مثل اسمها بالجواز الجديد الجي الي حكومتنا الموقره اخترعت ان تترجم اسمنا الى الانكليزيه بالكومبيوتر وغيرتنا اسمائنا ابكيف الكومبيوتر واضطرينا بعد جهد جهيد ان اندز الى كليتها وهما كتبولها كتاب انو هاي الاسماء تعود الى نفس الشخص
تحياتنا لك
العنوان: رد: اسمك........ مشكله بامريكا
أرسل بواسطة: dark eyes في 18:02 27/12/2009
مشكوور اخوي على الموضووع المهم تسلم ايدك ;D
العنوان: رد: اسمك........ مشكله بامريكا
أرسل بواسطة: أبن خير في 18:36 27/12/2009
أخي الكريم كركت موضوعك يستحق التمعّن والتفحّص .. هذا ماسمعناه من أخواننا في امريكا شكرا لك وشكرا للغالية انجي التي كانت ردودها أيضا مقنعة .. لكن عذرا نريد الحقيقة من الأخوان في امريكا .. تقديري العالي
أبن خير
العنوان: رد: اسمك........ مشكله بامريكا
أرسل بواسطة: مهند هادي في 18:46 27/12/2009
الف الف الف شكر على المعلومات الحلوة
العنوان: رد: اسمك........ مشكله بامريكا
أرسل بواسطة: كمال الشاطيء في 18:53 27/12/2009
سلام عليكم اخي جزاك الله كل خير
ان شاء الله الاعضاء يستفادون واحسن شيء من يقدمون اسمهم يكوله للموضف من بدايه المقابلات انه يعتمد على الاسم المكتوب بالجواز حرفيا كما هو مكتوب افضل شيء مثل مااحنه سوينه ويتاكد من انه الاسم مكتوب مثل ماهو بالجواز ولكل افراد العائله
تحياتي اخوكم كمال
العنوان: رد: اسمك........ مشكله بامريكا
أرسل بواسطة: cricket في 19:10 27/12/2009
شكرا للاخوه والاخوات عل المرور الكريم الاخ ابن خير انشالله بقية الاخوان ما يقصرون بالردود وتكون عندك الاجوبه الكافيه وقد كتبت موضوعي من تجارب شخصيه الي ولبعض اصدقائي هنا في لاس فيغاس
الاخ كمال الشاطئ طبعا هذا واحد من الحلول الممتازه الي حضرتك تفضلت بيهوايضا مثل ما وضحت بالنسبه للاخوان الي خلصوا مقابلات يكدرون يداركون الموقف في المطار فور وصولهم بارك الله بيك
العنوان: رد: اسمك........ مشكله بامريكا
أرسل بواسطة: زيوس في 21:12 27/12/2009
اخي كريكت بارك الله بك على طرح هكذا موضوع ... نعم نحن بامس الحاجة الى مثل هكذا موضوعات ... و شكرا لكل من ساهم بالرد على هذا الموضوع ... ولكن ...
اني عندي مشكلة بالاسماء من هسه وما اعرف شاسوي لان اسمي بالمنظمة يختلف عن الي بشهادة التخرج يعني اقصد اختلاف بالاحرف ومع ذلك (ولو راح ادوخكم شوية) بس اني جوازي s يعني من اطلع A راح اخليهم يكتبون اسمي مثل الي بالشهادة المترجمة والمصدقة من الخارجية ... بس شلون بالمنظمة اخاف انطيهم علم والنوب تتاجل قضيتي فد شكم شهر؟؟؟
زين اني ضروري يكون عندي جواز A يعني اقصد اني وعائلتي حتى نسافر مو تمام لان امريكا ميقبلون بجواز S
اسف على الاطالة
زيوس
العنوان: رد: اسمك........ مشكله بامريكا
أرسل بواسطة: angie-dawood في 21:23 27/12/2009
اخي انت من تسافر لامريكا ما راح تسافر بالجواز العراقي انت راح تسافر بكل الاوراق الي ينطوها الكم بالدورة التثقفية الكيس مال اليوان الي ينطوه الكم وثانيا كل الاوراق والمعاملات كل راح تمشي حسب الاسم الي مكتوب بالجواز وحسب الاحرف الي كاتبين اسمائكم
العنوان: رد: اسمك........ مشكله بامريكا
أرسل بواسطة: cricket في 21:51 27/12/2009
الاخ الكريم زيوس
اولا مثا ما تفضلت الاخت انجي انته راح تسافر بالكيس وليس بالجواز بس اذا انته خلصت مقابلاتك او واصل مراحل متقدمه لا تثير موضوع الاسم من يمكم ماكو مشكله بس تكدر من توصل الى اول مطار امريكي قريبا انشالله تكدر ان تطلب من موظف ال اي او ام ان يسجل اسمك مثل ما مكتوب بالجواز يعني كله ان يقرلاه اسمك بالجواز ويملي الكارت الابيض الي يسمى هنا بامريكا ب اي نايتي فور لان هذا الكارت رح تعتمد عليه المظمه او المكاتب الفدراليه الي راح تطلعلك الهويات والباجات وكل امورك الاخرى طبعا هذا الكارت راح يطلعه موظف الاي او ام من الكيس مالتك الي راح يكون وياك ويملوه في اول مطار توصله باذن الله .... مثل ما كتلك لا تثير بهاي المرحله موضوع اسمك حتى تتجنب كل تاخير وماكو شي بامريكا تره ما يصير من راجعت الدوائر المعنيه علمود اصلح اسم احد اصدقائي رحت وياه علمود اترجمله عبالك اخويه مثل دوائرنا الشخص الي ما تمشي معاملته يهتمون بي اكثر من التمشي بحيث اجانا مدير القسم شخصيا وقدم اعتذاراته وضل يشرحلنا شلون الطريقه الي نصلح بيها اسم وزودونا بالخرائط الي تودينا عل المكاتب الي نحتاجها بتصحيح الاسم وارقام تلفوناتهم ومواقعهم عل الويب وهذا مو بس احنا اي شخص اكو مشكله بمعاملته يفهموه الخطا ويوجهوه عل الحلول يعني ماكو ( عيني شغلتك ما تصير لو واحد يكلك اني ادبرها بس بحبح ايدك شويه ) اتمنى ان اكون فدتك
العنوان: رد: اسمك........ مشكله بامريكا
أرسل بواسطة: زيوس في 22:17 27/12/2009
الاخوان الاعزاء انجي وكريكت
شكرا جزيلا على ردودكم والله يوفقكم ... وصلت الفكرة وشكرا على المعلومات القيمة وشكرا على تصحيح معلوماتي ...
يعني... اني اطلع جواز A حسب اسمي الصحيح الي موجود بالوثيقة مالتي وبعدين من نوصل بالسلامة ننطيه الهم .. ومثل متفضلت حضرتك مراح اجيب طاري لمسألة الاسم هسه ... ولو راح انحرف عن موضوعك شوية حبي
بس الحقيقة اني هسه عليش خابص نفسي لان حسب مفتهمت انه الشخص ميروح كبل ويكول يابة اني عندي بكلوريوس واريد ادرس ماجستير يكلوله يلة هلة بيك اتفضل مثل جماعتنا ... لازم امتحن ودوخة فاني كلت اروح ادرس حتى اذا سنة او سنتين وبعدين ادرس ماجستير بس ولو اكو فقرة بالموضوع واني دوختكم شوية ... شلون راح اكدر ادرس و اشتغل ؟؟ هاي عود اذا اني حصلت شغل ... خصم الحجي الوثيقة الي عندي ما اعتقد راح تفيدني بشي ولو اخاف وهذا احتمال ضئيل انه راح تكون معتمدة من قبل الامريكان.
اعتذر على اطالتي مرة ثانية وشكرا
العنوان: رد: اسمك........ مشكله بامريكا
أرسل بواسطة: cricket في 22:37 27/12/2009
الاخ العزيز زيوس ما افتهمت سوالك انته تسال شلون تشتغل وتدرس في امريكا نفس الوقت ( اذا كان هذا السوال فلا تدوخ بهاي السالفه لان الشغله مو كلش صعبه )
العنوان: رد: اسمك........ مشكله بامريكا
أرسل بواسطة: نهاد احمد في 22:42 27/12/2009
الف الف الف شكر على المعلومات المفيده وبارك الله بيكم جميعا والموفقيه للجميع
نهاد احمد
العنوان: رد: اسمك........ مشكله بامريكا
أرسل بواسطة: زيوس في 00:30 28/12/2009
حبي كريكت الوردة
اشكرك على متابعة حالتي واني ممنون منك اغاتي .... اعتذر لان اني فعلا ردي كان هوسه وكلشي متكدر تفتهم منه.. وعموما راح احاول الخص كلامي
حبي اني مو دايخ باسمي لان يختلف بالوثيقة عن ما موجود بالمنظمة .. اني راح من اوصل الى امريكا وعملا بنصيحتك انطيهم الاسم الي موجود عندي (اقصد الي اريده اني) او يجوز اطلع جواز A واكتب بيه اسمي الجديد المظبوط . (بالنسبة للوثيقة اعتقد جازما انه اني راح انقعها واشرب ميها)
بالنسبة للفقرة الثانية واعذرني على الخربطة بس اني اعتقد واذا الله سهل سفري راح يكون بالستة اشهر الاولى من السنة الجاية.. واشكر الله على ذلك بس تعرف شلون دوخة وهواي امور الواحد يفكر بيها والي من ضمنها ما كتبت بالرد السابق بالنسبة لكيفية الدراسة والعمل سويا ... لان اني كل همي انه اكمل دراستي العليا وبنفس الوقت ما اريد هذا الشي ياثر على المستوى المعاشي للعائلة علما ان لدي اطفال اثنين...
والله الموفق
زيوس
العنوان: رد: اسمك........ مشكله بامريكا
أرسل بواسطة: cricket في 01:16 28/12/2009
اخي العزيز زيوس
ان معاهد الدراسه او الجامعات او برامج معادلة الشهاده مختلفه ومتنوعه من حيث النظام يعني اقصد اوقاتها حتى ان البعض منها او الاكثريه تسطيع ان تدرس وانت بالبيت عل النت او ان تختار البرنامج الي يناسبك مثل ما احد اصدقائي انضم الى جامعه بالكورسات المسائيه حتى لا تعترض مع اوقات العمل مالته الخيارات كبيره جدا جدا فابد لا تدوخ مساله موازنة الوقت ما بين الدراسه او العمل للعلم اكثر الامركان الدارسين هم يعملون حتى يطلعون مصارف الدراسه طبعا هذا راي الشخصي من تجربه شخصيه اتمنى اذا كان للبعض من الاخوه او الاخوات خبره اكثر مني بهذا الموضوع ما اعتقد راح يقصرون وياك بالاجوبه ( عيني انته بس الكه شغل الي هيه اصعب شي كلشي باقي وراه سهل والله يسهلك انشالله )
العنوان: رد: اسمك........ مشكله بامريكا
أرسل بواسطة: ethan texas في 03:17 28/12/2009
السلام عليكم اخواني اشونكم شخباركم
اخواني الاعزاء اني واحد من هذولة الي ديعانون من هذة الشغلة لان اسمي مكتوب اسمي ورئسا اسم عشيرتي
وحتى من اروح اسحب الفلوس من البنك مال المساعدات ومرات اخذ جوازي مينطوني الة اخذ الايدي
اخوكم جوزيف
العنوان: رد: اسمك........ مشكله بامريكا
أرسل بواسطة: SARA CALIFORNIA في 06:19 28/12/2009
شكرا اخونه العزيز...شكرا على لفت الانتباه لهاذه الموضوع حتى الاخوة اللي بعدهم ممسافرين ينتبهون...موضوع الاسم سبب مشاكل لهواية ناس,,,و اني من ضمنهم...
العنوان: رد: اسمك........ مشكله بامريكا
أرسل بواسطة: راهب الحب في 15:41 28/12/2009
حبيبي الغالي كريكت ::: أشكرك على المعلومة القيمّة وإنته تعرف كل ملعوملة تكتبها أني أركض عليها لأنهُ تفيدني بالمستقبل يا إبن ولايتي ... عدنـا إخت بالكويت وهي anfal :: خابروها حتى تجهز للسفر وهي جاية يمّك بفيغاس ويا ريت تنصحها بكلشي تحتاجه وتسلم يا غالي ودُمت بألف الف خيــر ... †
أخــوكــُم / وسـام بهنـام داؤد الخابــوري
العنوان: رد: اسمك........ مشكله بامريكا
أرسل بواسطة: زيوس في 15:49 28/12/2009
شكرا جزيلا اخي العزيز كريكت وممنون منك حبي وبارك الله بيك
زيوس
العنوان: رد: اسمك........ مشكله بامريكا
أرسل بواسطة: freeman2 في 20:51 28/12/2009
عاشت ايدك اخي العزيز وفعلا موضوع مهم وفعلا ممكن تولد مشكلة بالمستقبل لا قدر الله
العنوان: رد: اسمك........ مشكله بامريكا
أرسل بواسطة: cricket في 01:48 29/12/2009
اشكر مرور وردود الاخوه والاخوات الكرام عل الموضوع
الاخ راهب الحب انته تدلل ابن ولايتي والموضوع الي كتلك راح اسئلك عليه يبشر بخير اكو مثل المعهد اهنا يستقبل اختصاصك يدخلك دوره 3 اشهر واكثر الاحيان يكون متعاقد مع الفنادق يعني علاقته بالفنادق اقوى من علاقة مكاتب التوضيف يعني فرص التوظيف عن طريقه لمثل حالتك افضل هوايه بس والله اخوي اهنا كاضيها خيك ركض ركض فانشالله اعرفلك اسمه وموقعه وين وازودك بالمعلومات وبالنسبه لاي استفسار لاخ حاضر ( اذا رشحت نفسي سنة اللخ عمده لاس فيغاس صوتلي مو تنسى )
العنوان: رد: اسمك........ مشكله بامريكا
أرسل بواسطة: عكعك التطوى في 01:55 29/12/2009
الف شكر اخي على المعلومات المفيده الله يبارك بيك ان شاء الله
تحياتي
العنوان: رد: اسمك........ مشكله بامريكا
أرسل بواسطة: راهب الحب في 15:28 29/12/2009
حبيبي الغالي كريكت :: ما عندي مانع أرشحك العمدة وتدّلل لكن أريد منك واسطة صغيرة ;D من أروح العب فليبرز بصالات باليجيو لو ألعّب بوكــَر بغير نوادي ليلية أريد همتك وياية حتى يفوزوني ( زغــُل) ;D مو إنته راح تصير العُمـّدة وكلمتك ماشية ;D (( ليش ما دريت ... أخوك صار محترف بوكــر بموقع myspace )) ; ...
تسلملي يا غالي على كلشـــي والله يقدّرني ويقّدرك على فعل الخير لكل الإخوة ودُمت بألف الف خيــر ... †