السلام عليكم
من بعد إذن أختي الكريمة .. أنفال ( مبروك مقدماً )
أغاتي الفاضلة .. ريــــم عبــد
تحياتي .. ثقي أدمعت العيون من شدة الضحك وأدخلت السرور للنفوس
على ردكِ وتعليقكِ اللطيف ..
((( عيوني انفال
هااااااااااي بعدددددددج كاعده دروحي للسوك كملي غراضج
ولتنسين غراض المطبخ اخذيها وياج
وهاي الناعم المحفاره والمقشتره والمبراشه والمعصاره تره تحتاجيها باول ايام
واتضلين حايره عوفي الهدوم واخذي غراض مطبخ
واذا ولايتج بارده لتنسين البطانيه
وياربي نسمع عن قريب موعد سفرج )))
أرى أختي ريــــم .. طباخة ماهرة لإنها تبحث عن أدق تفاصيل المطبخ
ولكن ..
ثقي .. لا يستوجب كل هذه النواعم من الأدوات لأنها متوفرة في كل مكان
أدخل الله السرور لذاتك وأسعدك ومنحك العافية وثبت أقدامكِ على درب النجاح والموفقية
اللهم يفرجها عنكم وعنا وعن كل أهلنا العراقيين المتعبين في بقاع القلق والرجاء
مع تقديري
أخوكم .. أبـــو دجــــلة
**
عمي الغالي ابو دجله
والله ياعمي ردت اتمازح وياها لان تعرف احنا بهيج ضروف نحتاج التخفيف بين فتره واخرى
واني حسيت بوضعها شلون من يقرب السفر واحد ايفكر بالتفصيلات الزغيره اكثر من الكبيره
بس والله عمي صح هاي الشغلات موجوده اكيد واحسن من اي مكان بس اول متوصل متنزل بساعتها للسوك وتتندم على غراضها الي عافتها بمطبخها
تذكر اختنا العزيزه الله يذكرها بالخير دكتوره ورقاء كالت احتاجيت صابونه ومرايه ملكيت بالبيت ولما انزل للسوك وهم الفلوس اتصير عزيزه وفعلا كالت بالمنتدى ضحكوا عليه من حجيت بس هيه فعلا حيره
ياعمي الله ايسعدك ويرزقك كل خير الدنيا والاخره والله تعليقك اسعدني
ياربي ليحرمنا من طلتكم بالمنتدى انتوا الخير والبركه