ankawa
منتدى الهجرة واللجوء => الهجرة و واللاجئين => الموضوع حرر بواسطة: Iraqibird في 15:47 27/12/2009
-
اعزائي عندي صور وي المارينز من اشتغلت وياهم , هاي الصور هم اتفيد بالتقديم? وشكرا
-
مرحبا اخي الكريم ...
من وجهة نظري انه اي شي يدعم كلامك فهو مهم يعني اذا كانت قصتك تتضمن عملك مع المارينز فأكيد راح تفيد على الاقل تعطي اطمئنان للمحلف ونوع من التصديق حتى لو لم يترتب على ذلك شيء عملي .
اتمنى من اخواننا بالمنتدى ايفيدوك اكثر .
-
لا اخي مالها علاقه الصور
-
لا تعليق
-
والله حيره؟
-
اخي العزيز كل تأثير ماالها المهم هو الركيمنديشن وصورة من الباج .
-
اخونا العزيز ....صديقي عندا اكثر من صورة ويا ديفيد باترويس القائد السابق للقوات الامريكية في العراق وصارلة سنة ينتظر الموافقة الامنية ..؟؟؟؟؟؟؟
اين انا
عمان
-
نعم تفيد مع مقابلة المحلف مثل ماصار معي أراد ان يتأكد من موقع عملي من شاف الصور بموقع العمل مع الامريكان وقلت له انه هويتي فقدت في العراق فقالت لي لست بحاجة لها هذا يكفي فكلشي عندك قدميه
-
كل الشعب ايطكطك صور وياهم . اخي مالهه شغلة الصور
-
ما اتصور الها علاقة الصور
-
شكرا على المووضوع ???
-
اخويه العزيز من اترووح عالمقابله راح يكولك اريد الاوراق مالتك الرسميه كلها اذا انته مقدم على SIV لان هذا برنامج يعتمد على الوثائق مالتك القانونيه لان همه ميعرفون منو انته وميعرفون شكلك شنو الحد يووم المقابله الحد الحظه الي اتسوي بيه القسم انو كل المعلومات مالتك كلها حقيقيه
برائي بهذا البرنامج مراح تفيدك ولا صوره الصوور خليها ذكريات الك
بس بالنسبه على البرنامج الثاني IOM راح يفيدك هوايه وراح يدعم القضيه مالتك والاهم منها الاوراق الرسميه
وبالمناسبه نسيت اذكر شغله عندك بالبدايه من اتقدم اكو تجييك امني ما قبل منحك كوم ابروفك
واكو تجييك امني مابين الفورمات الي دزيتها على NVC الي من تخلص مرحله التجييك الامني راح ينطولك موعد مقابله
وتحياتي الك
تقبل مروري
-
اخويه العزيز
بالنسبه للصور مراح تفيدك بصوره رئيسيه لان عند التقديم على كلا البرنامجين (siv , iom) يتطلب
منك اثبات العمل وتزكيه من المسؤل عنك ولا تعتبر الصور دليل على عملك معهم او سبب لقبولك
في احد البرنامجين
-
مثل ماتفضلو الي قبلي
هوايه ناس اخذت صور وبه الجيش , التأثير الاكبر هو كتاب التوصية من المسؤول المباشر لان ايخلي رقم تلفونه والاميل الخاص اذا كان army او aol ويتأكدون منه
-
اهم شي انت غير توضحلنه شنو الوثائق اللي عندك وعلى شنو دتقدم؟؟؟
شنو موضوعك حزورة ؟؟
ومع ذلك كلام عكعك مضبوط كالعادة بس ضيفله هالسالفة
اذا اس اي في شيل الصور وياك (وخصوصا اذا مبين انت دتشتغل وياهم كأن تكون لابس مثلهم مو مواطن عادي) وحاول تلكه الفرصة المناسبة اثناء مقابلتك القصيرة وية القنصل حتى تشوفه صورك بتلقائية يعني مو بالكوة تكلله تعال اللا اشوفك فاعتقد تفيدك ولو فائدة طفيفة... وهاي المقابلة طبعا متوصلهه اللا اذا تكمل كلشي وكلاشي
اما من ناحية الاي او ام فكلله مقابلات وساعات طويلة وخصوصا المقابلة الاخيرة وية الاوفيسر اللي يسموه محلف لان تحلف كدامه هم شيلهه وياك واحتمال ينفتح موضوعهه اكثر من الاس اي في وتفيد ما تضر
اما بالتقديم المباشر عالاي او ام من دول الجوار فالصور اللي مبينه انه انت دتشتغل وياهم تعتبر عامل حاسم بقبول قضيتك
عدنا زميلة تزوجت امريكي والصور كلش فادتهه بالسفارة الامريكية بعمان حتى يقتنعون انه همه فعلا متزوجين من صدك مو مجرد ترتيب حتى تحصل فيزا (ولو هذا المثل الاخير احتمال شوية بعيد عنك بس يعني انه الصور الواضحة اللي تبين شي معين تؤثر)
-
[/color]
السلام عليكم .... اخي العزيز بالنسبة الى تجربيتي كلشي يفيد وقد يعزز قظيتك مثل ما حصل معي اثناء مقابلة المحلف حيث ان احدى الصور وتسجيل الفديو لي الذي بث على شبكة الاعلام العراقية اثناء الترجمة في احدى المقابلات مع قائد القوات الامريكية في محافظتي ..... و ..... هي احد حالات التي تهدد حياتي وعائلتي ايضا . على الرغم كان الاتفاق هو اظهار صوتي فقط .. فقد اثر تزويد المحلف بتسجيل فديو الى البث المباشر للعراقية وصور المقابله على المواقع بردة فعل المحلف وقال والعهده على القائل سوف يستعجل في امري او على الله .....
تحياتي
كراميش
-
اخي كولشي يفيد
-
اخوية عراقي بيرد
الصور اتفيد لان عندي احد اصدقائي حتة عندة صور وية كاظم الساهر دزهة بل معاملة ومشت شغلتة
-
اخوية عراقي بيرد
الصور اتفيد لان عندي احد اصدقائي حتة عندة صور وية كاظم الساهر دزهة بل معاملة ومشت شغلتة
;D
-
كاظم الساخر منو ؟؟؟؟؟؟؟
بس لا هذا الاسم الحركي مالة فد جنرال هههههههههههه
-
والله خوية شغلة الصور بالIOM اتفيد ماتضر يعني هية مثل مايكول المثل العراقي (سنارة وذبهة بالشط ان لكطت فحلو وان مالكطت انتة مخسران شي!!!) يعني على الاقل تكدر تستعملها كدليل(مساعد) لعملك مع المارينز .... الله ذكرتني بملابس المارينز الحلوة والله كانت ايام حلوة !!!!!!! الكرخي