ankawa

منتدى الهجرة واللجوء => الهجرة و واللاجئين => الموضوع حرر بواسطة: wislolo في 14:37 28/12/2009

العنوان: كيفيه عمل الابعاد من الاردن
أرسل بواسطة: wislolo في 14:37 28/12/2009

اخواني اللي عنده معلومات تخص طريقه عمل الابعاد من دائره الاقامه في تلاع العلي في عمان لاني بانتظار الموافقه الامنيه وافكر عند سفري ان شاء الله ان اعمل ابعاد وعدم دفع الغرامات لعده اسباب منها انه لدي عائله من اربع افراد و المبلغ سيكون كبير  وثانيا انه ليس لدي اي شي يجعلني ارجع الى الاردن خلال الخمسين سنه القادمه وحتى عندما افكر بالعوده للعراق فيوجد اكثر من بديل و لا حتى افكر اشوف اهلي في الاردن ( هذا في حاله اعطوهم فيزا لدخول الاردن ) بالاظافه للسبب الاهم وهو انه ما اريد افيدهم
علما اني تقديم مباشر على الاّي او ام ولست محول من الامم المتحده
فرجائي من الاخوه الذين سبق ان عملو ابعاد او يعرفو اشخاص عملو ابعاد ان يذكرو تفاصيل العمليه مع الشكر والامتنان

العنوان: رد: كيفيه عمل الابعاد من الاردن
أرسل بواسطة: اينشتاين العراقي في 15:21 28/12/2009

اذا تريد متدفع ويدكولك منع فالشغله جدا سهله
اصلا متسوي شي ومن تريد تروح للمطار يعني من تسافر لامريكا راح يكلولك تريد تدفع لو ندكلك منع 5 سنوات او طول العمر
فانت كلهم على كولت المصريين (اعلى ما بخيلك اركبو) هههههههههه
بس نصيحه اذا عندك امكانيه دفع الغرامات ادفعهه لان هاذي دنيه الواحد ميعرف شيصير ميصير بالمستقبل
مو صحيح
وعالعموم همين انت انشالله قبل لا تسافر راح تدخل دوره تثقيفيه واسألهم وتأكد مننهم
بس اني واثق من معلوماتي انشالله
وتقبل تحياتي اخوك اينشتاين

العنوان: رد: كيفيه عمل الابعاد من الاردن
أرسل بواسطة: الحياوي في 15:27 28/12/2009

اخي اكو قرار
رفع الغرامات عن العراقين تاكد منه لزيادة المعلومات

العنوان: رد: كيفيه عمل الابعاد من الاردن
أرسل بواسطة: wislolo في 15:31 28/12/2009

اخي اينشتاين اشكرك على الرد بس اني وضحت انه ما عندي اي نيه او مصلحه بالعوده للاردن بالمستقبل وبالنسبه للابعاد من المطار اعتقد انه مجازفه لانه ممكن الظابط الموجود يطلعلي الف سبب في سبيل ادفع الغرامه مثلا يكوللي الختم ما موجود او الشخص المسؤل عن الابعاد ما موجود وهكذا

اخي الحياوي هذا القرار يخص العراقيين اللي راجعين للعراق وليس المسافرين لغير دول   على كل ما قصرت عزيزي

العنوان: رد: كيفيه عمل الابعاد من الاردن
أرسل بواسطة: حمودي ابن زيونه في 15:36 28/12/2009

انت عن طريق IOM مباشر ... اذا اي فاوكي لتدفع ويصير ابعاد واذا UNHCR فماكو ابعاد.

العنوان: رد: كيفيه عمل الابعاد من الاردن
أرسل بواسطة: wislolo في 16:46 28/12/2009

اخواني حبايبي للمره الثانيه اني تقديمي مباشر على ال IOM  وناوي ما ادفع سؤالي ليس ادفع او ما ادفع انما سؤالي اجرائات عدم الدفع في دائره الاقامه في تلاع العلي !!!

مشكورين على المرور والردود

العنوان: رد: كيفيه عمل الابعاد من الاردن
أرسل بواسطة: toofy في 17:08 28/12/2009

اخي العزيز wislolo حسب ما اذكر قريت بموضوع سابق .....انه من يتحدد موعد سفرك ان شاء الله ولان انت تقديم مباشر فجوازك راح يكون يمك فقبلهه بيومين تراجع الدائره بتلاع العلي وراح يختمولك منع لكن لازم تغادر خلال 48 ساعه هذا تجنبا للاشكال اللي ممكن يصير بالمطار ....لكن ما لكيته للموضوع اللي كان بيه الرد

هذا الموضوع عن جماعة اليو ان
http://www.ankawa.com/forum/index.php/topic,367086.0.html (http://www.ankawa.com/forum/index.php/topic,367086.0.html)

تحياتي toofy

العنوان: رد: كيفيه عمل الابعاد من الاردن
أرسل بواسطة: wislolo في 19:17 28/12/2009

اخي الحبيب توفي
اللي اعرفه انه بعد ختم الجواز بالمنع تعطى مهله اسبوع لمغادره الاردن .. هذا اللي اعرفه فهل تغيرت القوانين هسه حسب علمك ؟؟
شاكر الك اهتمامك والله يفرجها علينا وعليك باقرب وقت ان شاء الله

العنوان: رد: كيفيه عمل الابعاد من الاردن
أرسل بواسطة: angie-dawood في 19:33 28/12/2009

مرحبا اخي خلي احجيلك سالفة صارت وي اخي بالاردن كان عنده غرامات مال اقامة كان بوقتها كلمن عنده غرامة اذا ما يدفها يرجعوا للعراق المهم لزموا هو وهواية شباب على اساس عدهم غرامة عليهم لو تندفع لو يسفروهم للعراق بصراحة اخوية ما يسمع ولا يحجي من الولادة خابرني الضابط مال مركز لانه اخوية انطاه الرقم كال اخوج عليه غرامة 1500 دولار لو تندفع لو نرجعه للعراق ونسوي ابعاد مدة خمس سنوات كتله اني حاليا ما عندي هذا المبلغ تكدر تنتظر شهر الجاي كال لا ما اكدر كتله زين ممكن تسوي ويايه معروف كال تفضلي كتله ارجوك لا ترجعه للعراق خلي هو يسافر الى سوريا بس انطيله فد اسبوع على ما يرتب اموره كال صار راح انطيله اسبوعين مو اسبوع كتله اي بس انطيه ورقة لعدم تعرضه من احد لغاية سفره كالت خوش كلام انطاله هاي المدة بعد ما وقع على الابعاد هذا كل الي صار حبيت انقله الك وانشاءللة السفر القريب والاستقرار

العنوان: رد: كيفيه عمل الابعاد من الاردن
أرسل بواسطة: salah-eng في 20:45 28/12/2009

السلام عليكم اخي العزيز
الامر جدا بسيط بس انك تراجع وزارة الداخلية بالاول وتقدم يمهم طلب معاملة وتفهمهم السالفة وهم راح يفهموك الطريقة
بس ثق راح يردون عليك ويقولولك اتسوي الابعاد عند نقطة خروجك من الاردن يعني بالمطار
ولا تنسى انت بما انك راح تكون عن طريق iom راح يكون هناك موضف  هو الي راح يخلص الاجرائات
وبحالة الشخص الي يريد يدفع يراجع ويحجي بوكتهة
ومن ناحية احتمال الختم ما موجود او الموضف طالع هاذي من سابع المستحيلات لا وعاشرها كلامك صحيح
يمكن اتصير سوالف تخبيث منهم بس انت اذكى منهم لان القانون وياك وما كو حاجة تتخوف ومثل ما قال اخونا انشتاين وخذ بكلامه لان الامور راح تكون ميسرة بالمطار
والامر يرجعلك مثل ما قلت الك اذا تحب وتروح على الداخلية وتقدم وهم يحولوك على الاقامة والحدود بس حاول تضبط امورك من ناحية موعد السفر الاكيد لان بيها فترة للمغادرة بعد اجراء المعاملة
ونسال الله التوفيق لك وتسهيل الامر



اخوك صلاح

العنوان: رد: كيفيه عمل الابعاد من الاردن
أرسل بواسطة: ام فائز في 22:26 28/12/2009

اخونا العزيز
كلام الاخ توفي مضبوط كلش
اخي انت من تستلم خط الرحله وقبل يومين من السفر اتروح الى تلاع العلي  واترويلهم خط الرحله والجواز وهما يسوولك ابعاد لان عدنا اصدقاء سافرو قبل فتره وهذه هي الاجرات الي عملوها  للابعاد
اكرر قبل يوم او يومين الى تلاع العلي مع الوثائق ولا تعتمد على المطار لان بيها اطلابه ومعامله هو مو بس ختم وهاي هي
تحياتي ام فائز من عمان

العنوان: رد: كيفيه عمل الابعاد من الاردن
أرسل بواسطة: اريد وطن في 08:22 29/12/2009

اخونا العزيز

اني اتفق مع اختنا ام فايزه بس يطوق خط الرحله والبطاقات قبل السفر بيومين بس تروح الى تلاع العلي دائره الاجانب والحدود وتراويهم الجواز وبطاقه السفر وكله اريد ابعاد معامله مطول اكثر من نصف ساعه يسون عليك تجيك امني على الجهاز من ناحيه ماكو عليك اي قضيه وبعدين يختم ويطيك اسبوع او اسبوعين
بس هو تروح قبل السفر بيوميين افضل متدري ممكن لاسامح الله تاجل السفر لاي سبب لكي لاتقع بحرج

اخويه نصيحه ديربالك تسويها بالمطار ممكن يسولك تاخير على الطياره ممكن يكون عدهم ضغط وعند اكمال اجراءت ممكن تتاخر حتى مو موضوع خباثه بس في المطار بيها اجراءلت مطوله وياخرك على الطياره وهاي مو مشكلته او اذا تريد تخاطر لازم تروح للمطار قبل وقت يعني قبل 4 ساعات بس مدفيدك لانه موضف iom يجي عادتا قبل دخولكم بوقت متاخر افضل شي سويها بالمطار

شخصيا لي ناس معرفه راحو لامريكا واني كنت من مودعيهم وراد يسوي ابعاد واتى ابو اي او ام ودخلو ويمن وزنو الجنط ودخل المسافرين وسلم الجنط بقى عند الجوازات لعمل ابعاد او دفع وبعد مرور ساعه تقريبا وابو اي او ام يحجي ويا الضابط ويكله الركاب دخلو والطياره حطير وتروح عليهم كله بهاي الكلمه هي مو مشكلتي خلي طير الطياره من واجب المسافر يرتب وضعه جان راح الى تلاع العلي افضل وبعد الحاح وتوسل من موظف ال iom وشويه انقهر عليه اخذ الضابط الجواز بيده وراح دخل جوه وصعد ونزل كلهم لازم نودي الجواز الى قسم تدقيق الامني وهاي تاخذ وقت اما الدفع او تتاخر لانه اكو قبله 5-8 جوازات وهذيج الجوازات مالت كروب سياحي وبالخير اضطر صاحبنه يدفع الغرامات تقريبا 2500 دينار وعلما راح صرف الدولار بالمطار حسبو فرق سعر اذكر 0.66 علما بعمان افضل سعر الصرف يعني دوخه ومخاطره وخساره وجماعه iom مو كلهم متعاونيين ممكن يتركك ويروح ويكلك هاي مو من صلاحياتي

يعني روح تلاع العلي احسن اللهم اشهد اني بلغت

اخوك اريد وطن - عمان عايش 18 سنه بعمان واعرف لعبان النفس مالتهم ( انتظار اتصال من سفاره الكنديه )

العنوان: رد: كيفيه عمل الابعاد من الاردن
أرسل بواسطة: wislolo في 08:31 29/12/2009

اختي انجي دائما مشاركاتك متميزه و رائعه شكرا على مرورك
اخي المهندس صلاح المحترم شاكر جدا لمداخلتك واعطاء نصيحتك بس اريد اوضح نقطتين الاولى انا عندما سألت السؤال لست متخوف مثل ما تفضلت ولكن حتى اتجنب البهذله والعلم نور مثل ما يقال و ثانيا اخي الحبيب هناك الكثير من الاخوه الذين تعرضوا للكثير من المضايقات والبهذله في المطار بسبب انه الموظف في المطار يخبرهم انه الختم موجود بالنهار فقط وهمه طائرتهم في الليل تخيل ماذا يعملون ؟؟ فالشغله صارت مو ما صارت  وبعدين انته وين عايش ؟؟ بالاردن  ... والباقي معروف
فليش اخلي نفسي وزوجتي واطفالي بهيج موقف اروح اسوي ابعاد واختم جوازي واروح المطار واني مسيطر مو صح ؟؟ و مشكور مره ثانيه على مرورك وردك على الموضوع ياطيب
اختي ام فائز ما اعرف شلون اشكرك على المعلومات اللي انطيتينياها لانه فعلا راح اسوي هذا الشي واني ممنون من حضرتج والله يسهل امرج ان شاء الله القدير

العنوان: رد: كيفيه عمل الابعاد من الاردن
أرسل بواسطة: wislolo في 09:26 29/12/2009

اخي اريد وطن
ممنون منك فعلا على مشاركتك ونصيحتك اللي اكيد راح امشي عليها وعلى التفاصيل اللي ذكرتها حضرتك وفعلا هوه هذا رأيي انه الواحد ليش يحط روحه بهيجي موقف مال المطار يسوييها من تلاع العلي ويروح راسه بارد
بس اخي انته صارلك هلكد بالاردن فعلا الله يساعدك المفروض تاخذ تقاعد منهم هسه  ;D

الله يفرجها عليك وان شاء الله تغير اسمك من اريد وطن الى وطني كندا
بالقريب العاجل ان شاء الله
احتراماتي

العنوان: رد: كيفيه عمل الابعاد من الاردن
أرسل بواسطة: salah-eng في 22:17 29/12/2009

ولايهمك اخي العزيز وصدقني اني مقدر موقفك واني حاليا بالاردن متواجد
وما الومك من الحذر من الامر وخصوصا وياك العائلة الكريمة واني وانته نعرف كلش زين اشلون تعاملهم ويانة
وكانا جاينهم من القمر وخصوصا لمن يشوفون الواحد مسافر لامريكا وكاننا ماخذين من كيس ابوهم
وما كان قصدي اخي الكريم انك خايف كان قصدي بيه الحذر من موقف انت بغنى عنه وخصوصا للعائلة
وصدقني لحظة خروجنا ون ناحيتي راح ارمي وراي خمسين حجارة بس اخلص من هنا
واكيد الي تشوفه اضمن الك من انك تمر بهيج موقف لزوم تسويه وانشالله يارب تسهل امورك على خير ويسر
ويسار وتوصل بالسلامة يارب بس لا تنسى انك تنظم وقتك قبل السفر وتحاول تحصل على وقت مناسب الك وما يتعارض وية موعد السفر من لحظة اخذك موافقة بالابعاد من غير دفع الغرامات


اخوك صلاح

العنوان: رد: كيفيه عمل الابعاد من الاردن
أرسل بواسطة: wislolo في 00:32 30/12/2009

اخي صلاح
مرورك على موضوعي هو تشريف الي لانه مبين حضرتك انسان ابن عائله و انسان كريم
ادعوا من الله عز وجل ان يسهل امرك وامورنا جميعا انه على كل شي قدير
تحياتي لك

العنوان: رد: كيفيه عمل الابعاد من الاردن
أرسل بواسطة: النسيم المهاجر في 00:37 30/12/2009

[hني حسب معرفتي انو الواحد بعد مايسوي ابعاد يكدر بعدها بخمس ايام يسافر وهذا صار ويه اصدقائي من طلعو بال2008 وواول ماطلعو الباسبوراتات بالدائرة  كالولهم نريد ابعداد كالو اوكي وراسأ انختمت الباسبورتات بالاختام وماطولت الشغله وراها ب5ايام سافرو .


                 النسيــــــــــــــــــــــــــــــــــــــــــــــــــــم
                                   الجاثــــــــــــــــــــــــــــــم
                بسٍـــــــــــــــــــــــــــبب
                الأمنيـــــــــــــــــــــــــــــــــــــــــــــــــــــــهhr]

العنوان: رد: كيفيه عمل الابعاد من الاردن
أرسل بواسطة: salah-eng في 13:47 30/12/2009

اخي wislolo

بالعكس الشرف النا ان نخدم مثل شخصك الكريم وهاذا من طيب اصلك ياطيب
وندعيلك بالموفقية انه نعم المولى ونعم الوكيل



اخوك صلاح