ankawa
منتدى الهجرة واللجوء => الهجرة و واللاجئين => الموضوع حرر بواسطة: مريمانه في 01:43 29/12/2009
-
اخواني واخواتي ..
السلام عليكم ...عسى الجميع يكون بالف خير ...
كل عام وانتو بالف خير ..وياربي السنه القادمه تكون سنه خير على الجميع ....والفرج يكون من نصيب الجميع
طبعا وصل كارد الفود ستام عن طريق صندوق البريد الي بباب البيت
وكان الفود ستام مالنا عالي والحمدلله ..يعني مخصصيلنا 668 دولار بالشهر وعلما انه احنه 3 أشخاص
ومخصصيلنا تقريب نص شهر ال12 نستلم 311 دولار
والمشكله لازم واحد يخلص المبلغ المقرر للشهر ..قبل قدوم الشهر الي بعده ..لان اذا الواحد مصرفه كله ..يكولون هذا ممحتاج هلكد مبلغ للفودستام ...فيقللوه عليه بالشهر البعده في بعض الاحيان...المهم رحنه تسوكنه كوووووووووووووومه ومسوه غير 245 دولار يعني حتى ال250 معديناها......هههههههه
لكن الكاش موني..حددولنا 300 دولار وكسر سنتات بالشهر ل3 أشخاص..اما التامين الصحي بعده مو صلنه دننتظر..وهذا طبعا كلش مهم لان هنا العلاج كما معروف كلش غالي
يعني لا سامح الله اذا شخص احتاج اسعاف يدفع 800 دولار
وعدنا ابو مريم شويه معدته تخربطت وراح مستشفى اخذنالهم الورق الي تم تقديمه مال المساعدات
دخلوه على قسم الطوارئ ..داخو بي من الصبح لليل احنه بالمستشفى ..مخلو ..تحاليل واشعات ومغذي وطبعا كلمن واختصاصه ..ماكو هيج فد رعايه واهتمام ..يمكن شايفيها بس بالافلام.....هههههههه
بس نجي على الدوه من بره صيدليه سوة الدوه 120 دولار...مو على التامين لان بعده منازل عدهم بالحاسبه..كالو على حسابكم....
والله يكفينه ويكفيكم شر المرض ياربي..
مريمانه ...ويست فرجينيا
-
حبيبتي مريمانه
الف حمدلله على وصولج
وكل عام وانتي بالف خيييييييير
والحمد لله بدت بشاير الفود ستامب وان شاء الله يوم المديكيت
الف سلامه على ابو مريم وماعنده غير العافيه
وياربي نسمع اخباركم الطيبه ولتكطعين
-
حمدالله على سلامه ابو مريم وما عنده غير العافيه ان شاء الله
وشكرا على المعلومات بارك الله بك
تحياتي وتمنياتي لكم بالصحه والعافيه والتوفيق
-
الاخت مريامة الف الحمدلله على سلامتكم ومبروك وصولكم بالسلامة
وشكرا على التفاصيل ..
ياريت ما تاكلون هواية حتى لا تروحون للمستشفى ديروا بالكم من صحتكم
-
الاخت الكريمه
حمد الله على سلامه ابو مريم
واذا تريدين نصيحه من اخوج فبلغي الكيس وركر مالتكم بموضوع الدواء الي اشتريتيه لان الي افتهمته من كلام جنابكم انكم جدد اولا يكون عدها علم ثانيا احتمال تتخذ اجراء لصالحكم
تمنياتي لكم وللعائله الكريمه بعام سعيد
-
حمداللة على سلامتكم والف مبروك لصرف المساعدات الغذائية حبيبتي بالنسبة للفود ستام مو شرط تخلصين كل الكارت حتى لو بقى فلوس بيه راح ينضاف للشهر الي بعده ماكو من يكول يكطعوها عليكم مستحيل احنا كم مرة يبقى المبلغ الى الشهر الي بعده كل الناس الي هنا نفس الحالة وبنسبة لصرف الدواء اذا ما كان نازل على الحاسبة ودفعتي المبلغ من جيبك اخذي الرصيد وانطيه للي مسؤولة عن الكيس وركر مالتكم وهما راح يرجعون المبلغ الي دفعتوا اي فلس ينصرف هما يدفعوه بس لازم يكون عندك رصيد وانشاءللة ربي يوفقكم
-
الف مبروك استلام كارت الفودستامب وانشأالله يوم الكرين كارد والجنسية يارب ويسهل امركم انشاالله .. اختي احنه بولاية مين الفود ستامب اذا ما نصرف بالشهر يتحول على الشهر الثاني وما كو اي مشكلة مع ذالك تستطيعين الاتصال على دائرة الولفير وتسآليهم عن ذالك
-
اختي الحمد لله على سلامة ابو مريم
والله ينطيكم الصحة والعافية والاستقرار النفسي والمادي
الله محبة
-
مبروك اختنا مريمانه
وان شاء الله يوم المديكيت الطاك ابو الكلشي
;D ;D ;D ;D ;D ;D ;D ;D ;D ;D ;D ;D
-
اختي العزيزه ام مريم الف سلامه لاخي ابو مريم وان شاء الله متشوفون اي مكروه ودوم بالصحه والعافيه وبالنسبه للفود ستامب فماكو داعي تخلصوا بنفس الشهر لان مراح يأثر ابد ويضيفولكم عليه مبلغ الشهر القادم لان هنا كله ماشي بالسستم يعني ماكو واحد يكدر يقطع او يقلل من عدكم الفود ستامب اذا متصرفوا كله وهذا الشي متأكد اني منه ميه بالميه لان حصل ويانه شهرين مو شهر واحد وعادي جدا
سلامي ودعائي لكم وللجميع بالموفقيه
اخوكم ابو عادل الخالدي
-
اول شي الف سلامة لابو مريم وثاني شئ مبروك عليكم الفود ستامب وان شاء الله يوم الجنسية مثل ما كالوا الاخوان وثالث شي شكرا على المعلومات المفيدة اني قريت مواضيعج وفعلا استفاديت منها خلفالله عليج وربي يوفقكم ويرزقكم ويعافيكم
-
السلام عليكم اختي الف الحمدلله عله سلامه ابو مريم والف مبروك عل فود ستام وانشالله يجيكم التامين الصحي باقرب وقت والله يسر اموكم وتفرج عليكم
اخوج ابو علي عمان
-
انشاء الله ماتشوفون شر والحمدلله على سلامة ابو مريم والف مبروك على الفود ستامب وانشاء الله الراحة والاستقرار
ابو رامي
-
الف مبروك استلام كارت الفودستامب وانشأالله يوم الكرين كارد والجنسية يارب ويسهل امركم انشاالله
والحمد لله على سلامه ابو مريم والف شكر على المعلومات
والموفقيه للجميع
نهاد احمد
من مصر
-
الف مبروك عالفود ستامب . وحمدلله على سلامة ابو مريم.
انشاءالله الموفقية بحياتكم الجديدة.
-
عزيزتي الأخت مريـّمانــة :::
شكراً لمعلوماتج القيمـّة بس حبيت أستفسر منج على صحة الاخ أبو مريم تقصدين بي هو نفسه starxb لو لا وإللي أعرفه هو بولاية تينسي ؟؟؟
نفسه هذا صاحبنا الغالي لو تقصدين أبــو مريــم ثانـي ؟؟؟؟
على العموم الف الحمدلله على سلامته ودُمتِ بألف الف خيــر .... †
أخــوكــُم / وسـام بهنـام داؤد الخابـــوري
-
مبروك اخت مريمانة ,,, وبالنسبة للتامين الصحي ,, ميصير انتوا تراجعون عليه حتى تستلموه بسرعة ؟
لو الا هو يجي من كيفه بالبريد ؟
وعندي سؤال اخر بدون زحمة
من خلال ميلغ الفوود ستامب والكاش موني اللي ذكرتيه
هل يعني انه حصة الفرد بالشهر 300 دولار فقط؟
مو قليلة ؟
لو اكو شيء بعد ما حاسبينه ؟
تحياتي لك والف سلامة لابو مريم
-
الف الف الف مبروك وان شاء الله الاستقرار
-
مبروك اخت مريمانة ,,, وبالنسبة للتامين الصحي ,, ميصير انتوا تراجعون عليه حتى تستلموه بسرعة ؟
لو الا هو يجي من كيفه بالبريد ؟
وعندي سؤال اخر بدون زحمة
من خلال ميلغ الفوود ستامب والكاش موني اللي ذكرتيه
هل يعني انه حصة الفرد بالشهر 300 دولار فقط؟
مو قليلة ؟
لو اكو شيء بعد ما حاسبينه ؟
تحياتي لك والف سلامة لابو مريم
اسفة اخت مريمانه عن الرد عنك
اخي العزيز لا ميصير هما يستلموه التامين لازم يجي بالبريد
وبنسبة للسؤال الاخر عن الفود ستام
اخي هما يمشون حسب عدد العائلة
مثلا عائلة ثلاث اشخاص 470 دولار بس هم حسب الولاية مو شرط كل الولايات نفس الشي
اكو شي مهم يمكن الاخت ما تعرف بيه هو من تقدم على الفو د ستام بالبداية راح يكون هواية بيه لانه يحسبون من تاريخ التقديم يضيفون زيادة
لكن الشهر الي بعده يكون اقل حسب ما يكون عدد افراد العائلة مثلا مرات ينقطع الفود ستام عن العائلة لسبب من يطلبون اي معلومات وانت ما ترسلها الهم يكومون يقطعون عنك الفود ستام او التامين الصحي من تراجع مرة اخرى وينفتح الكيس مالتك يرجعون كل الفلوس الي كانت بالفترة الي كان منقطع عنك الفود ستام مرات توصل الى الف او اكثر هم حسب افراد العائلة وحسب الولاية واي شي تريد تسال عليه تدلل اخي احنا بالخدمة تحياتي
-
الف حمد الله على سلامه ابو مريم وانشاء الله بعد ماتشوفون اي مكروه .
موفقين انشاء الله
جورجيا
-
الف مبرووك وانشالله يارب سلامة ابو مريم..
سؤالي للاخت مريانه او انجي او اي من الاصدقااء ...تقريبا كم تصل معدل المساعدات الماليه للفرد الواحد يعني لامزوج ولاشي وكم شهر تستمر هاااي المساعدااات ...وشكرا ::) ::) ::)
-
190 دولار وحسب الولاية مثلا مشكن 190 وتستمر 8 اشهر ويمكن اكثر حسب اذا شفت شغل يقطعوها عليك بعد ال 8 اشهر واذا لا تستمر الى ان تشوف شغل بس الفود ستام والتامين الكاش ينقطع عنك بعد انتهاء المدة وارجع واكول كل ولاية شكل نظامها وكل الهلا بيك اخي
-
الف مبروك و ان شاء الله يوم التامين الطاك مال عمنة اوباما و شكرا على معلوماتك و تحياتنة لابو مريم و ما عندة غير العافية
-
ريم عبد ....حبيبتي الله يسلمج ويبارك بيج ويعافيج نشالله ...يوم الاستقرار نشالله
اخويه العزيز عكعك..تسلملي واله يبارك بيك ويعافيك ....وياربي ..ياربي يوم الي تفرج عليك نشالله ..والله ندعيلكم من كل قلوبنا..
-
freeman2 ...اشكرك اخويه العزيز والله يبارك بيك...والله مدناكل هوايه..والله العظيم ياخويه محد ديشتهي ياكل زين..مو مثل مجنه بمصر ...
cricket......اشكرك اخويه والله يسلمك...عيني هو منو شايف اهل المنظمه هنا منو شايف الكيس وركر ..والله العظيم شفناهم مره وحده بس وره موصلنه بيومين او تلاثه وهاي هيه بعد...محد شافهم .
✿AnGie✿...حبيبتي انجي تسلميلي حبي...والله سمعنه انه ممكن يقللوه اذا مصرفتي المخصص الج بالشهر باعتبار انتي ممحتاجه كل هذا...واشكرج على اهتمامج بالموضوع وتوضيحج ..وربي يبارك بيج...
-
haitham40 ....تسلملي اخويه العزيز واشك اهتمامك..واحاول اروح للمنظمه مره ثانيه وافتهم
الله...محبة ..تسلملي اخويه العزيز ..وربي يبارك بيك ويعطيك كل ماتتمنى نشالله
shawqi shumran ...تسلملي اخويه العزيز ...وربي يوفقك نشالله..ودننتظر نشالله يجينه المديكيت ابو الكلشي ...الله يسمع منك
الخالدي الاصيل ....اخويه العزيز الغالي ..الطيب او عادل ...شلونك اخويه العزيز والله بالنا يمك ..واعذرني لان مقصرين بسؤالنا عليك ..بس اكيد انت مقدر الوضع ونشالله نجييك باقرب فرصه...ربي يبارك بيك ويعافيك ويحفظك لكل محبيك..سلامي لاختي العزيزه ام عادل
: ماجلان ..اخويه العزيز..تسلملي اشكر دعاءك النا باستلام الميديكيت والكرين كارد والجنسيه هم...نشالله للجميع ياربي..همه كالو هذا الكارد بي مال شهر الواحد ومن يم الي جينه الى نهايه ال12 خلي نكول تقريب نص ال12....فاكيد بعد شهر الواحد راح يقل .حينزل مال شهر بشهره ..او شوف شلون هسه تبين ..هههه
تسلملي على التوضيح
-
كل عام وانتي بالف خير وسلامات ل ابو مريم وان شاء الله يكوم بالسلامه ومبروك الحصول على الفود ستامب ويوم نفرح وياكم بالحصول على الجنسيه .
-
رحنه تسوكنه كوووووووووووووومه ومسوه غير 245 دولار يعني حتى ال250 معديناها......هههههههه
والله ضحكتيني مريمانة
مبروك عليكم ويارب القادم افضل واكثر ان شاء الله
اوووف شوكت اني هم اجي واستلم واصررررررررررررف وماخلي ولا سنت : )
لا اتشاقه اني اقتصادي حييييييييييييييل
حاليا
بس قبل
جنت تلااااااف
ههههههههههه
تحياتي
-
اخواني واخواتي..السلام عليكم ..نشالله ياربي كلكم تكونون بخير...
اني كلششششششششش اسفه لان مكملت ردي على بقيه الاخوه لانشغالي....واعترف اني كلش مقصره بحقكم ..بس اتمنى تعذروني وهذا عشمي بيكم...اسفه مره ثانيه..
-
الف مبروك على استلام المساعدات والفود ستامب ويارب يفتحهه عليكم من كل ابوبه
الفود ستامب ماينقطع والمبلغ الزائد يضاف عليه مثل ماتفضلوا الاخوان الاعزاء والف سلامه لابو مريم
ابو ياسين
-
الوطواط...اشكرك اخويه العزيز...والله يبارك بيك...وبالعكس اني احس مقصره ..بس اني بعدني جديده هنا واحاول اذكر الي يصير ويايه شخصيا..ونشالله اللله يكدرني واكدر اقدملكم شي تستفادون منه
abo abo...الف شكر اخويه العزيز..ونشالله يوم للجميع
ابو رامي...اشكرك اخويه العزيز..ونشالله ياربي يكون الاستقرار والراحه من نصيب الكل
نهاد احمد....اشكرك اخويه واشكر دعائك وياربي يوفقك نشالله
violin...اشكرك واخويه العزيز والله يبارك بيك
راهب الحب...اشكرك اخويه العزيز..وتدللون..وابو مريمنا غير اخونا العضو ..ستاربكس..واشكرك تمنياتك له بالسلامه
عراقي1995 ....اشكرك اخويه العزيز ...بالنسبه لكارد التامين الصحي سالنه وكالو انتظرو يجيكم بالبريد ..بعده موصل..بس دزولنا هيجي مثل الورقه نراجع بيها مؤقتا في حال احتاجينه المستشفى وبعده الكارت مواصل
وبالنسبه للكاش موني استلمنا اول البارحه للعائله كلها 340 دولار يعني مو للفرد الواحد..علما احنه 3 أشخاص
ولاي سؤال اني حاضره..
-
✿AnGie✿....ماكو داعي حبيبتي..للاسف انتي اختي وعزيزه عليه وماكو فرق ..المهم تعم الفائده على الكل...وبالنسبه للفودستام ادري بي ينطون من فتره وصول الشخص ..وبعدها تثبت مال شهر بشهره..ونشالله الكل تفرج عليهم ويجون ويستلمون كل المساعدات ويستفادون منها
جورجيا ..تسلمين حبيبتي ..والله يوفقج نشالله
رجل بلا قلب..اشكرك اخويه العزيز..وبالنسبه لسؤالك اختي العزيز انجي شفتها راده عليك وهي اكيد اعرف مني ومشكوره هي على الرد لاني والله بعدني جديده ماعرف بخصوص الفرد الواحد مسامعه ولان احنه عائله وطبعا اكو اختلاف من ولايه لولايه
عاشق تراب العراق...تسلملي اخويه العزيز واشكرك ونشالله يوم ال الكم تحصلون كلشي طااااااااااااااااااك ياربي
-
: hopeforall ....اشكرك اخويه العزيز على دعائك هذا..ونشالله يوم ال الك ياربي
HsUz9076...اشكرك اخويه العزيز ..ونشالله دوم تضحك ومتشوف الهم..ونشالله تجي وتصرف براحتك ومتخلي ولا سنت...وحلوة هاي مال اقصادي حيييييييييييييل ...مو بالحيف بينا عراقي اقصادي والله زين نشالله تضل اقصادي ومترجع تصير تلالالالالالالالالالالالاف هههههههه
ابو ياسين ..اشكرك اخويه العزيز ..وياربي تنفتح بوجهك وبوجه الجميع..والله يوفقك نشالله
-
مبروك على الفود ستامب وياربي الكرين كارد وحصولكم على الجنسية والعمل الجيد والحياة السعيدة والامنة
-
الف مبروك حمد اللة على سلامة ابو مريم اختى العزيزة حبيت اعرف عن فرجينيا الجو اسعار ايجار الشقق وهل تنصحينى اختار فرجينيا وشكرا