ankawa
منتدى الهجرة واللجوء => الهجرة و واللاجئين => الموضوع حرر بواسطة: b@rbie في 12:02 30/12/2009
-
شلونكم اعضاء كل عام وانتو بخير وميلاد مجيد انشاء الله تنفتح بوجه الكل
عدنه مقابله يوم5بالشهر بعد اسبوع تقريبا احنا عائله جبيره ف قسمونه وجبتين اني وماما واختي ساعه8الصبح وخواتي الثنين البقيه ساعه وحده الضهر علما انو امي ارمله ومره جبيره اني عمري 20سنه يعني معابره السن القانوني ف خلوني يا كيس امي بس اريد اعرف شلون راح تكون الاسأله والمقابله مالتنه راح يكون الحمل كله عليه اسرد القصه وكلشي بما انو امي جبيره بالعمر ياريت تساعدوني لان شايله هم
والمقدم الرئيسي كايلتلكم اختي وهي قبل شهر سوتها لهل مقابله تعتبر عائله وحدها لان متزوجه والرابط قوي ودتنتظر محلفين
اتمنى احد يساعدني ويكولي على طبيعة المقابله وراح يلحون علينه او شلون
وبالنسبه لخواتي البقيه عابرين ال21سنه ف همه شلون راح تكون مقابلاتها والضغط اكثر على منو يكون
وشكرا مقدما وسنه حلوه علينه وعليكم بالمفقيه للجميع
-
اولا اختي العزيزة الف مبروك تحديد مقابلات الكم، لكن ما عرفنا اول مقابلة هاي لو مقابلة المحلفين؟
بخصوص المقابلات اطمأني سهلة جدا حتكون مع موظف الاي او ام وهوة عربي الجنسية (اردني) واهم ما في الموضوع اختي واوصيج بيه هو الصدق لان (النجاة في الصدق) مع (قصة جيدة) وبعد المقابلة اكتبي كل ما ذكرت لانه تحتاجين انه تذكرين نفس الكلام في باقي المقابلات ولازم يكون الكلام (متطابق).
هذا الرابط بيه كل شي عن المقابلات للاخ العزيز عكعك التطوي جزاه الله خيرا افتحي الرابط وادعي لاخونا عكعك ان يتسهل سفرة ويسافر باسرع وقت ان شاء الله
http://www.ankawa.com/forum/index.php/topic,294296.0.html
واي شي تحتاجين احنة اخوتج هنا
يا رب يسهل امركم ومقابلاتكم ان شاء الله موفقين
اخوج
كريستوفر العراقي
-
ابنتنا العزيزه باربي
المقابله مراح اتكون كلش تختلف عن مقابله التوطين الي سويتوها بالمفوضيه الساميه للامم المتحده يعني نفس القصه لازم تسردوها
وطبعا يسالون عن المدارس من المتوسطه والكليات والشهادات والشغل للي مشتغل كبل واذا الوالده جبيره ما يهم تحجي ليش لا لان الضاهر هي مو كلش جبيره
ولازم انتو اتحضرون كل هاي التواريخ وتكعدون كلكم تتفقون او تسردون القصه الي بينتوها الهم بالمره الاولى يعني التهديد او الخطف او اي قصه انتو كلتوها وطبعا راح اتصير مقابله ثانيه هم بالاي او ام يجوز ابنفس اليوم او بعد اسبوع والمقابله الثانيه مو الكل يروحون بس صاحب الكيس
وطبعا الوثائق لازم اتكون وياكم كلها لان اتصور يريدوها مره لخ
تمنياتنا لكم بالموفقيه
ام فائز عمان
-
اولا اختنا الله يسهل امركم
ثانيا هي مقابلة شنو اولى محلفين
ثالثا قصدك 5\1\2010
-
مرحبا اختي
لازيادة على كلام اخونا كريستوفر وخصوصا معلومات الرابط الي وضحة الك
وحاولو تتفقون كلكم سوية على كلام واحد واهم شي كتبوه ما بعد المقابلات لان المحلف راح يعتمد بالسوال
من خلال المقابلات الي راح تسوهن وياه
وندعيلكم بالموفقية لكم ولجميع العائلة يارب
اخوكم صلاح
-
اختنا العزيزة المقابلة الاولى اتكون مقابلة جمع المعلومات وملئ استمارة طلب الهجرة
واحتمال ياخذون بصماتكم والطول والوزن ولون العينين ........الخ
والشغلة سهلة وقولي الحقيقة
-
ي اول مقابله النه بس مقابلة تجميع المعلومات والبصمات والوزن كلها اختي مسويتها من زمان لان هي المقدم الرئيسي ف وحدها راحت سوت هالاشياء يعني المفروض احنا انروح راسا لسرد القصه يعني مثل اختي مقابلتين بيوم وننتظر محلفين
وتاريخ المقابلتنه هو
5\1\2010
ومحد كلي بالنسبه لخواتي البقيه شلون راح تكون طبيعة مقابلتهم
اما امي مو كلش جبيره مواليد50بس لان مريضه ف ذاكرتها بالتواريخ مو قويه احتمال اني راح تكون مسؤليتي جبيره لان نفوت اني وهي سوه؟
-
والله اختي اني عالsiv مو iom بس ان شاء الله موفقين بس المهم كوني واثقة من نفسج وجاوبي بثقة وبابتسامة وتذكري التواريخ والحجي اللي انتو حاجيه بالاوراق اللي قدمتوها وتابعي مواضيع الاخ عكعك التطوي وان شاء الله تستفيدين والله يسهل اموركم اختنا واي شي تحتاجين احنا كلنا عندك
-
http://www.ankawa.com/forum/index.php/topic,294296.0.html
شوفي هذا الرابط
-
http://www.ankawa.com/forum/index.php/topic,310365.0.html
وبعد هذا
-
http://www.ankawa.com/forum/index.php/topic,268343.0.html
وهذا ايضا
-
يمكن سطرتكم
وهذا
http://www.ankawa.com/forum/index.php/topic,295814.0.html
-
http://www.ankawa.com/forum/index.php/topic,295814.0.html
كولوا يا الله ان شاء الله راح اكمل وضع الروابط
-
واخيرا
http://www.ankawa.com/forum/index.php/topic,321364.0.html
وتقبلوا تحياتي
-
حبيبتي
انتي من هسه اخذي رورقه وقلم وسجلي تواريخ من مواليد اهلج وتاريخ زواجهم وانتي نازله
العمام والخوال كلهم سجليهم وكتبي مواليدهم حتى متنساها امج بساعة لمقابله
بالنسبه لخواتج نفس الشي مقابلتهم
وانتي لازم اتذكريها لامج بكل الحجي والتواريخ لان انتي مادام دون ال21 مراح ايكون سرد القصه عليج
يعني حفضيها القصه ايجوز وحدها اتقابل
انتي اتساعديها بالتواريخ وبمراحل الدراسه
وياربي ايسهل امركم
-
شكرا يا اخواني على المساعده ماعرف شلون اجازيكم
ياربي تنفتح بوجهكم وربي كلكم توصلون المكان الي تريدو كلكم وانشاء الله اكللكم شسوينه
-
اختي العزيزة مقابلتين بيوم واحد واسهل منهن ماكو ونفس المقابلات الي قبلهه
لان اني هم مثلكم قابلت iomقبل 10 ايام وهسه بانتضار المحلفين وكانت المقابلتين عاديه جدا ومابيهه اي تعقيدات
عبدالوهاب الدوري - عمان
-
الاخت العزيزة باربي انشالله تكوني بخير يارب...ماريد ازيد عليج لان مشالله الاخوان مقصرو....لديرين بال ترا كلش سهلة المقابلة عبارة عن معلومات عامة وهي راح دكولج احجلي شوية من القصة وراح تكتبها مختصر يعني روحي ريكلس...نصحية ودي وياج دفتر صغير مال ملاحظات وانتي راجعة بل تكسي كتبي المعلومات الي كلتيها حتى لاتنسيها بمقابلة المحلفين...وانشالله موفقة...
H@ppy NEw YEar
اين ااانا
عمان
-
هااااااااي اعضاء شلونكم سويت المقابله اول امبارحه ولا اسهل منها مثل مكلتو
الاولى معلومات عامه كلها انطيتها فتنه اني وامي والثانيه كلولي طلعي انتظري بره وبقت امي حجتلهم القصه
اني مدخلت عالثانيه لان معابره ال21سنه وخواتي هم مطولو نص ساعه بالمقابلتين والموضفات كلش حبابات ملحو علينه واشكركم جزيل الشكر
وكالولنه فد3اسابيع انتظرو تلفون علمود المحلفين
-
ابنتنا باربي
الحمدلله كضيتم اول مرحله
بس هسه ومثل ما كلنالج انو راح اتعيدون نفس القصه تره ويا المحلفين ولان من يقابلوكم اتكون هاي القصه عدهم فلازم تتاكدون انو راح اتسولفون نفس السالوفه
موفقين
-
باربي انشاله اتكون مقابلة خير وانشاله سوة بلمحلفين
بس ردت اسال سوولكم بصمات ويه الطول والوزن لو مسوو لان اني جانت مقابلتي 20 12 مسوولي بصمات بس طول ووزن
بس انشاله خير
عبدالوهاب الدوري - عمان
-
شكرا ام فائز على النصائح وانشاء الله الكل موفقين
اخويا عبد الوهاب مسوولنه لا طبع اصابع ولا الوزن بس اخذولنه صور وره مخلصنه المقابلات
بس اختي سوت مقابله يعني سوه نفس المعانله بس هي غير تعتبر عائله وحدها وهي مقدمتنه الرئيسيه من راحت سوت مقابلتين بيوم وسووت كل الاجراءات اخت طبع اصابع والوزن واتصور احنا الي ماخذولنه ياخذولنه عالمحلفين
وانشاء الله عالمحلفين نكون سوه
-
الف مبروك اخت باربي على اجتياز المقابله
والحمد لله كضيتيها بسلام
وياربي ان شاء الله تجتازين مقابلة المحلفين واتكون بعد اسهل عليك
واتنقلينا اخر الاخبار
تحياتنا للوالده
-
شكرا اخت يارا وبالتوفيق الج وللاعضاء هم
وتحيات الوالده الج
-
جبيبتي باربي بالخير خلصتي
والحمد لله بشرتينا بهاي البشره ودبرتها الوالده للمقابله
وهسه بعد راح الخوف ومره ثانيه بعد انتي مسيطره اكثر لان الثانيه بعد اسهل من الاولى
وياربي ايوفقكم وهم سلمي على الوالده