ankawa
منتدى الهجرة واللجوء => الهجرة و واللاجئين => الموضوع حرر بواسطة: حمودي ابن زيونه في 17:02 31/12/2009
-
السلام عليكم
اني بعدني معلك صار سنتين على الموافقة الامنية ... اذا اسافر واعوف كل شي شنو اللي يصير؟ يعني مو ارجع للعراق بس غير مكان بس مرايد اكول للمنظمة لان صار سنين طايح حظنا ومحد دايرلنا بال يعني اريد اعوفه هيج واسافر.
تحياتي
-
اخونا العزيز الله ايساعدك وياربي ايصبرك وايسهل امرك
بس انت صبرت كل هالمده ان شاء الله الفرج قريب
ومااتصور اكو ضير من سفرك بس خلي تلفونك شغال وياهم
وان شاء الله ياربي على السنه الجديده نسمع اخبار اتفرحك واتفرحنا
-
السلام عليكم اخويه سنه سعيده وانشالله تفرج عليك بدايه السنه الجديده اصبر لاتهد كل الصبر الصبرته هوايه سمعنه اخبار انشالله تبشر بخير عله السنه الجديده اكو تسهيلات بس اخويه انت من تخابر وتسال عل امنيه مالتك شيجاوبوك شنو سبب التاخير لازم اكو سبب لان سنتين عله الموافقه الامنيه كلش هوايه وانت باي بلد واخي وين متروح وتغير البلد النته بي تره صدكني كله نفس البهذله وترجع من جده وجديد تبني ووبله نتيجه اصبر والله كريم هيه تفرج الله يفرجه عليك وعلينه وعل الجميع بدايه السنه الجديده كول امين
-
الصراحة بعد ممهتم يعني الشغله نسيتها واجاني عقد شغل كلت كافي اضيع من عمري ... التلفون شغال وياهم وصاروا عرف وكل الكلاوات خلصتها وياهم حتى السفارة الامريكية اتصلت عليهم وسبيتهم بس المشكلة مو ابيد احد الشغله ... الشغله يم المخابرات الامريكية يعني اسكت وانتظر حظك العاوي!
اني بالاردن الشقيقه!
-
اخي الغالي والعزيز حمودية ابن زيونة انت انتظرت انتظرت انتظر لبعد السنة الجديدة بلكن ربك يفرجها يااخي وين تروح وتبهدل انت وعائلتك اعرف الانتظار صعب وكلهم مثلك ابسط شي اخواني هاي صار خمس سنوات بسوريا وهسى يلى دينتظرون مقابلة المحلفين فيا اخي العزيز وين ما تروح نفس الانتظار راح يكون وهم راح تبدي من جديد ماكو غير حل غير الانتظار وبعون الرب بلكن السنة الجديد كلشي يتغير ويسرعون المعاملات
ويارب انشاءللة وبحق هذا اليوم الي هو نهاية العام يكون عام الجديد خير عليك وعلى كل الاخوة انتظر يااخي متعرف بين ساعة وساعة شنو يصير وادعيلك من كل قلبي دعاء اخت لاخوها ان تكون هاي السنة سنة الخير والبركة عليك وعلى اهل بيتك يارب انتظر لسنة الجديد وربك هو الي يوفقك ربي معك
-
انجي الناس تتقدم واحنا حشاج مثل الحمير ننتظر ... على شنو! المهم يعني هي يم الله بكل الاحوال بس شنو الاجراءات اذا عفت كل شي يعني اسافر واعوفها بلكي تبقى لو شنو؟
-
اخي العزيز كول يالله اني نفس حالتك بطلت استئناف بس اخواني بالمنتدى وعلى واهسهم استأنفت كلشي بلعصبية ماتنراد الله يفرج كربك ان شاء الله
-
حمودي بس اكلك شغله
ارجوك لا تتخذ قرار وانت عصبي لان احتمال يطلع القرار خطا
والي اعرفه انهانت ابو البيت فمعناها قرار اهلك ومصيرهم بايدك
والاردن تنساها بس توصل
شويه تحمل وتوجه للرحمن وتعوذ من الشيطان
-
اخي العزيز حمودي اعرف ان اصعب شي الانتظار والمشكله انتظار بغير موعد محدد يعني انتظار للمجهول لكن ماباليد حيله اخي العزيز انا همين مثلك داانتظر تعرف اني مقدم عل يو ان من سنه 2006 وقابلت في 16-2 وانرفضت واستانفت وقابلت مره ثانيه يوم 19-8 وانقبلت الحمد لله وفحصت والى هسه انتظر تحديد الولايه والامنيه علما اني عندي كفيل فيااخي انت انتظرت انتظرت انتظر كم يوم بهذه السنه الجديده وانشاء الله يصير خير وتسمع من الاخبار مايسرك ويفرحك وتسافر باذن الله وتنسى كل هذا الانتظار والمعاناة وكلها تصير سوالف اسال الله لك التوفيق والسعاده والسفر والاستقرار واتمنالك حياة سعيده هانئه يارب وادعوا من الله ان تكون السنه الجديده سنه خير وامان واستقرار وراحه وسعاده لكل العراقيين وللعالم اجمع وانشاء الله الكل يسافرون ويستقرون وينسعدون بهذه السنه تقبل تحياتي اسف طولت عليك ابو حارث
-
اخي العزيز
اني عفت عقد بدبي ب 25000 درهم شهريا باحلى منطقة بدبي وهي جميرة
اضافة الى انه دفعت 4000 دولار فلوس فيزا دبي ومارحت وتدري هذا الحجي بيا مرحلة بس خابروني اليو ان وكالولي طلعلك توطين يعني بعدني كلشي ما ضامن
نصيحتي كالاتي اذا كلش ضجت ولعبت نفسك حاول تضمن دخولك للاردن اذا اتصلو بيك سواء تطلع اقامة او تكون ضامن تطلعلك اقامة بالبلد اللي طلعلك بيه عقد واليو ان ما عليها واني اعرف ولد هم شغلته متاخرة اكثر منك وديشتغل بليبيا ويروح ويجي لعمان عادي
الملخص اضمن دخولك لعمان مرة اخرى وسوي اللي تريده
اخوك عبسي
-
الله يساعدك عمي حمودي
كلام عبسي كلش راقي وكلش منطقي وضمان الرجعة لعمان ترة مو صعب لان همه يعبدون الدينار
يبقة انت مقابل المحلفين قبل الحرب العالمية فما اعتقد بعد احد يسأل عليك ويدور وراك لان مثل ما تعرف الامنية هي تجييك الماضي واحتمال قوي صار وياك تشابه اسماء
الله يسهلهه للجميع
-
شكرا اخواني والله كلامكم على الراس.
اي كلام عبسي صح يعني اني ناوي ادفع الغرامات وححصل اقامة واطلع واعوف الشغله معلقه بس اذا خابروني وكالوا طلع موعد سفرك شلون! هي هنا الحيرة ولعبان النفس ... المهم ترى محد ديقدر انه احنا عمرنا ضاع بالانتظار لهذا اني مناوي اخبرهم باي شي.
الله كريم
-
و الله يا أخي الغالي فعلاً موقف مزعج
الله يكون بعونك و الله يفرج هذا الكرب عنك و عن الجميع
كلام عبسي منطقي جداً
بس أنت هم إنتظر شوية بلكي على بداية السنة الجديدة يصير تغيير أو أخبار جديدة
الله ييسر أمرك و إن شاء الله تسافر و تستقر و تصير هاي الأمور سوالف
-
اخي العزيز حمودي الله يصبرك ويفرج همك ويسر امرك والله يعينك على الانتظار انشاء الله السنه الجديده خير عليك وعلى العراقيين يعني بأذن الله هانت اللهم امين
اخوك
79 النرجس
-
اخويه العزيز حمودي ابن زيونه
اولا : كل عام وانته بالف خير واتمنى ان تكون سنه خير عليك وعلى كل العراقيين وانشاء الله تفرج عليك وتتحقق كل احلامك وامنياتك
اخي العزيز انته انتظرت كل هاي المدى وتريد ترجع لا اخويه كول يا الله وانشاء الله ابهاي السنه الجديده تفرج عليك انشاء الله
-
اني ماراجع اخوان لان برجوعي حروح للقبر ... اني رايح غير دولة.
بس لحد الان محد جاوب سؤالي؟
-
حمودي مو كتلك كلشي ما يصير هسة فرضا انتة رايح سفرة سياحية لسوريا من الاردن اكو ناس يبلغون اليو ان وبس يكوللوهم خلي رقم نتصل بيه واكو ناس ما يكولولهم ماطول السفر مو للعراق واصلا اكو ناس عايشة مثلا بالامارات وتجي تقدم وتجي بس على ايام المقابلات
الملخص هم بكيفك همة كلشي ما يسوولك اذا كلتلهم او لا بس خلي رقم اردني يتصلون بيه عليك من يحتاجوك
عبسي
-
حمودي مو كتلك كلشي ما يصير هسة فرضا انتة رايح سفرة سياحية لسوريا من الاردن اكو ناس يبلغون اليو ان وبس يكوللوهم خلي رقم نتصل بيه واكو ناس ما يكولولهم ماطول السفر مو للعراق واصلا اكو ناس عايشة مثلا بالامارات وتجي تقدم وتجي بس على ايام المقابلات
الملخص هم بكيفك همة كلشي ما يسوولك اذا كلتلهم او لا بس خلي رقم اردني يتصلون بيه عليك من يحتاجوك
عبسي
زين اذا كتلهم ما اكدر ارجع او اسافر لامريكا هسا ... شنو يسوون؟
-
حمودي ما افتهمت سوالك بس راح اجاوب حسب ما افتهمتة
اذا كتلهم ما اكدر ارجع للعراق همة اصلا يعرفون هذا الشي ولذلك قبلوك توطين واذا تقصد اذا كتلهم ما اكدر ارجع للاردن فهمة اكيد مالهم علاقة انه يسهلون دخلوك للاردن يبقة احتمال وحيد تكدر تناقشة وياهم الا وهو نقل ملفك الى الدولة اللي راح تروحلهة اذا اكو امكانية
بالنسبة لشغلة ماتكدر تروح لاميركا حاليا فهاي الشغلة مثل ما تعرف قتلت بحثا بالمنتدى وتوصل الخبراء الا انه ياجلوك فترة زمنية معينة ويلحون عليك وراها ويهددوك باغلاق الملف اذا ما تسافر لكن اخي انتة منتظرهم كل هاي السنوات ومن يجون يكولولك يلة اوكي تعال سافر ليش تكولهم ما اكدر المهم هية كلمن اعلم بظروفة وبعدين ترة اي عقد باي دولة من الدول العربية قابل للنقاش والفسخ قبل انتهاء مدته اللي هية سنة غالبا
بس انتة هم خلي ابالك ما تكدر تلزم كل التفاح بايد وحدة
عبسي
-
أخوية حمودي أبن زيونة سبحان الله من داقرأ مالتك الأنتظار جنت أتمنى تصير ويايه طبعا على ظروفي لأن تفيدني وأني كتلهم من انطوني موعد سفر أجلوني سنة فهي سبحان الله كله قسمة والله شكاتبه راح تشوف أعرف اتعس شي الأنتظار بس الله يفرجها عليك حبيبي راح اكولك الي صار كدامي من أنطونه ظرف موافقة المحلف وموعد السفر طبعا كالولنه وره منوزعلكم اياها راح نجاوب على اسئلتكم هاي الاسئلة وأجوبتها الي تهمك والباقي عندك والقرار الأخير الك والله يوفقك
نكدر نسافر للعراق عدنه بيت نريد نبيعه أو عدنه معاملة تقاعد؟ج/تكدر بس يمكن تأثر على ملفك وتنرفض حتى لو ماخذ موعد سفر وأكثر شي ترفض وينسد ملفك
نكدر نسافر لغير دولة تركيا مصر سوريا؟ج/تكدر تسافر بس لازم ترجع قبل موعد السفر وتحط تليفونك أو وسيلة أتصال بيك مفتوحه بس لأطول بالمدة لأن يجوز تأثر على موافقتك أو موعد سفرك ولازم تضمن دخولك للأردن يعني عندك أقامة
يأثر عليه السفر أو الطلعة خارج البلدألي أخذت منه التوطين؟ج/مرات يأثر عليك وحسب وضعيتك ونوع سفرتك والدولة الي رايح الها ويجوز تحتاج موافقة أمنية ثانية أو يتوقف موعد سفرك ويتأجل أو يلغي توطينك
ان شاء الله أكون جاوبت على سؤالك وسلامي
-
سلامات يمعود
راح الهوايه ومبقى الا القليل
تعوذ الشيطان وانتظر رحمة الله الواسعه انشاءالله
واني اقدم منك
امنياتي للجميع بالتوفيق
-
[اني من داسمع السنه الجديدة راح تفرج مداصدك لانه كل مرة يكولون راح يعجلون المعاملات يعجلون على الي يجون جدد يعني الي باقي من زمان منطاح حظه ماعرف شنو السبب شو كل مرة نسمع راح يعجلون يطلع الي جايين بالجديد والباقي باقي ابقي ماعرف شنو هالقهر يعني شون يطبقون التعجيل يمشون الفايلات الجديدة والي باقي بالاخير محد يعبره .
بس انته هم انتضر السنه الجديدة وشوف بعد لي شوكت نظل بالوعود ؟
النسيــــــــــــــــــــــــــــــــــــــــــم الجاثم بسبب الامنيه hr]
-
الله يعينك ويصبرك
-
اخي العزيز ابن زيونة اني بس اسولفلك شغلة وحده وماكلك ابقة او عوف ولكن قبل 3 اشهر وعند وصولي الى العراق اتصل بيه شخص صديقي كان مثل شغلتك وهوة في مصر ومنتضر الموافقة الامنية منذ سنتين وكان هناك تشابه اسماء وحتة موافقة زوجته واطفاله طالعه وباقي بس هوة المهم اتصل عليه الى العراق وكان يريد ان يرجع ويترك كلشي الى العراق وقال لي ان اخوته واهله بالعراق يقولون له ان الوضع بالعراق جيد وتعال وارجع وكافي غربة وهوة كان تقريبا مقتنع فسالني ونصحته بعدم الرجوع لانه اذا رجع الى العراق راح يضيع الخيط والعصفور والحمدالى الله سمع نصيحتي وبقة في مصر والله يااخي والله ورة شهر بالضبط من كلامي معه طلعت موافقته الامنية وهوة الان وصل الى امريكا وبدا حياة جديدة هوة واهله ونشالله الله يسهل عليك وتوصلك الموافقة الامنية
-
حموكي الله يساعد شلونك يمعود لا تخلي ولد زيونه يشمتون بينه زين الحاتات المن تعوفهن
والله دا احس بمعانتك بس ما باليد حيله
اخويه حموكي اصبر شويه لان سمعت خبر من مصر ومن شخص بامريكا موثوق ان جميع القضايا
القديمه سيتم حسمها في الشهر الاول والثاني من السنه الجديده وان شاء الله يطلع الكلام صحيح
باذن الله واذا مكدرت تصبر وكان بامكانك ضمان دخول عمان مره اخرى فبلغ المنظمه بسفرك وزودهم
بارقام تلفونك حتى يكدرون يتصلون بيك في حال استجد شي
ملاحظه نقل الملف يتم بين بثلاث دول (مصر عمان بغداد)
-
والله اني انقهر من اشوف اسماء قديمة مثل عكعك وحمودي وشو بعدهم
بس ترة هية شغلة حظ ونصيب
يعني العام هيجي وكت كانوا اللي طالعين ينعدون على الاصابع وهسة ما شاء الله فلذلك الواحد يضوج
الله كريم وان شاءالله الفرج قريب
-
اي عبسي اني جان قصدي اذا كتلهم اني ما اريد اروح لامريكا هسا او ممستعد ... يعني مثل مكلت يجوز ينطوني تاخير موعد سفر او يغلقون الملف نهائياُ.
ابن زيونة ... اي طالع لدولة قريبه بس ما اضمن ارجع للاردن لان اشو صايرين كلش متشديين اهنا يعني الطلعة بلا رجعة.
والله اخواني اني ماشي بالشغله الجديدة واذا صارت يعني ربك رايدها تصير ورزقي اهناك مو بامريكا يعني يجوز انرفض او ينسد اللجوء فالفرصة اللي بيدي احسن من فرصة امريكا والله اعلم.
هي هاي القرارات اللي تغير الحياة وصعبه بس اذا نعوفها للظروف يجوز تاخذنا لمكان ميعجبنا.
شكرا للجميع
-
يابا حمودي والله كابتني معقولة!!!! صارلك سنتين من قابلت المحلفين ودتنتظر الامنية؟؟؟ لعد اني اللي قيد الدراسة وصارلي ست اشهر بهد حتى اوكي مال محلفين ماكو ؟ والله اخويا نصيحتي اذا ماخذ الاوكي مال محلفين حاول تنتظر لان لازم بالاخير ينطوك جواب وشبه اكيد تسافر واشكرك لكتابة الموضوع لان بصراحة لان شوية فتحتلي عيني احسن من كل يوم وية ونجو نحجي ونكول راح نطلع وخلي ننتظر وهسة ويلا وخلصت لان كلمن عنده مشكلة امنية ويطول هل مدة نهاااائيا لايتوقع الزين وينسى احسنله
بس اني المقهور منه هسه حتى السفر لاميركا او دول ثانية نحرمنا منه لان حتى اذا الواحد يريد يروحله فد سنة سنتين فيزا يكمل دراسات ويرجع حنى يكدر يشتغل بالخليج مثل الاوادم فحتى هاي انتهت
-
لا تضوج حمودي
الله كريم ومثل ما كالوا الاحبة قبلي يمكن ترجع لو تتركها ويتصلون بيك
اصبر احسن حبيبي لا تضيعها وتتندم بعدين وتدري الندم مايفيد
صلي ركعتين قضاء حاجة واستغفر كل يوم 100 مرة وهيه تفرج وداعتك
واذا ماتكدر اني اسويها بمكانك بعد شتريد ؟
كول يا الله حبيبي
تحياتي الك وان شاء الله الفرج عن قريب بحق الحبيب المصطفى
-
حبيبي كلبي اذا حياتك مو بخطر اشعندك امجازف والله وداعتك قابل امريكا راح اتزود عمرك ثانية عن اللي قاسمة الله؟ بعد ماادري احسبهه مع نفسك وفكر 100000 مرة والمقسوم الك ميروح الغيرك حبيبي وتقبل مروري