ankawa
منتدى الهجرة واللجوء => الهجرة و واللاجئين => الموضوع حرر بواسطة: baidaa11 في 18:27 06/01/2010
-
اخواني عندي سؤال الله يخليكم
الي عنده مولود جديد خارج العراق ويسووله جنسيه بالعراق شيكتبون محل الولاده؟
اني عندي طفله عمرها 8 اشهر سويلنالها جنسيه بالعراق وكتبو محل الولاده بغداد بس الجواز الاسسويته هنا بصنعاء وكتبو ولادتها صنعاء زين هل ياثر على الجواز الجديد كون الجواز شكل والجنسيه ولادتها شكل اخر
الله يخليكم الي عنده معلومات يفيدني تره صدك دخت بالموضوع ???
-
اختي baidaa11
الولادات في الخارج كلها تسجل في بغداد بعد نقل بيان الولاده واصدار هويه احوال مدنيه من بغداد
وبعدها ايودون الهويه للسفاره العراقيه في بلد الولاده ويصدروله جواز بموجب الهويه
والهويه ادكول ولادة بغداد
يعني المفروض بالجواز هم ايكتبون بغداد
-
شكرا اختي ريم على الرد والله طمنتيني
الجواز سوولهيا قبل مااسويلها جنسيه بس طلبو جواز ابوها وجوازي والجناسي مالتنا وعلى بيان الولاد مال صنعاء صدرولها جواز مكتوب ولادة صنعاء
-
اخويه احجيلك على حالات حصلت في مصر ومن ضمنهم اخويه المولود الي يولد وتريد تصدر له جواز من السفاره يجب ان تستخرج هويه احوال او جنسيه من العراق وبما ان بيان الولاده يقره ولاده مصر فمراح
يكدر يستخرج هويه او جنسيه من العراق فبهاي الحاله شسوي للسهوله تسويله بيان ولاده من العراق
بفلوس وتزوير لان متصير بغير جاره ومن تستخرج جنسيه وشهاده جنسيه توديها للسفاره حتى يطلعولك جواز والتعليمات عدهم دكول ميجوز يسجل الطفل بالجواز بولاده دوله غير العراق وبصراحه استغربت من سمعت انك مسجل بولاده اليمن وطبعا هسه تغير الاجراء من يولد الطفل وتطلعله بيان ولاده تروح تصدقه من الصحه ومن الخارجيه وتودي للسفاره العراقيه وهمه يستخرجون الاحوال المدنيه والجنسيه ولكن هم من تستخرج جواز يكتبون بي ولاده العراق ايضا
اخويه اذا تكدر تغير الجواز افضل لان احتمال مياثر بالفتره الحاليه بس اكيد يجي يوم تصادفك حاله قد توقعك بمشكله لا سامح الله
تحياتي
-
اخويه العزيز عكعك
ليش ميصير تصدر من العراق على بيان الولاده الي صادر من مصر؟؟
خلي احجيلك اني سويتها مالت عمان
بيان الولاده يندز من السفاره لصحة بغداد همه ايدزوا
واني عندي البيان النسخه الثانيه الحمره
رحت على صحة بغداد بساحة عدن همه النسخه جايتهم فصدرولي من يمهم بيان ولاده كانما صادر من العراق
وديته للنفوس طلعولي الهويه
ودزيتها لعمان صدروا جواز على الهويه
-
السلام عليكم
بعد أن رزقني الله بولد يوم 2 من شهر 11 المنصرم 2009 أصدرت له شهادة ميلاد أردنية وصدقتها من وزارة الخارجية - عمان ثم ذهبت للسفارة العراقية وأصدرت بيان ولادة عراقي أستنادآ الى شهادة الميلاد الأردنية وقدمت بنفس اليوم على جواز أس S بعد أن سالت ال iom وقالو لامانع من S واستلمت الجواز بعد يومين وبعته أيميل للنظمة وأعطوني موعد مقابلة وسجلوا الطفل يوم 13 من شهر 12 وأنا الآن انتظر المحلفين ليروا الطفل
أما بخصوص الجنسية وشهادة الجنسية
أتصلت بزميلي يعمل في دائرةجنسية الكرخ وقلت له أريد جنسية وشهادة جنسية رسمي وأعطيك أكرامية بكد فلوس الرشوة الي تاخذوهة مال التزوير
قال لي سوي وكالة رسمية بالسفارة بأسم أي قريب لك بالعائلة وخلي يصدقهة من الخارجية العراقية ويجيبلياها
أصدرت الوكالة وبعثتها وصدقوها وبعثوها للرجل ولكن لم أبعث نسخة بيان الولادة الأصلي لأنني أحتاجه عند مقابلة المحلفين سوف يطلبوه مني لذا فزميلي ينتظر شهادة الميلاد الأردنية لغرض أصدار جنسية وشهادة جنسية عراقية مكتوب بها محل الولادةعماااااااااااااان وبعد لحصول عليهما سأقدم له على جواز جي بواسطة ايضآ ويبعثوه لي باليد ان شاء الله ... الجواز الجي لن أقدمه لحين وصولي أمريكا هاي أذا وصلت لأن بديت أمل من روتين ال IOM
أي سؤال بهذا الخصوص انا حاظر
Baguncero
-
اخي العزيز احكيلك تجربتي الخاصه واللي اخالف بيها الأخ عكعك وهو انه من ينولد المولود خارج العراق وبعد اصدار بيان الولاده من الأحوال المدنيه في بلد الولاده تصدق هذا البيان من الخارجيه والسفاره العراقيه وتستخرج بيان ولاده عراقي من السفاره على ان لاتتعدى الفتره شهر من تاريخ الولاده وبعدها لو بيوم تتغرم9 دولار بعدها تعمل وكاله خاصه من السفاره لأحد اقربائك في العراق لأصدار هوية الأحوال المدنيه للمولود علما ان الوكاله تحتاج الى صورتين للموكل ونسخه من جنسيته وشهادة الجنسيه او نسخه من جواز سفره ساري المفعول وبعدها ترسل الوكاله مع بيان الولاده العراقي وصور للطفل وصوره عن جنسية الأب والأم وشهادة الجنسيه للأب وبعد ماتوصلها للموكل بالعراق راح يراجع مكتب ولادات الخارج بالصحه ويشوف اذا نسخة بيان الولاده واصل من السفاره لو لا بالنسبه اللي صار 3شهور مواصل واكو قرار كل ولادات الخارج تلحق بمسقط راس الأب وبعد وصول نسخة السفاره يكدر الوكيل يصدر الجنسيه بيوم واحد وتجيك الجنسيه واتطلعله جواز وهذا الصحيح ولاترد على اللي يكول بالتزوير وسوك مريدي لأن طول مانمشي بالتزوير ماتصيرالنه جاره.
-
اني سويتها مثل مكال الاخ سامسونغ
لكن هي صح متوصلهم ب3 اشهر بس عدهم قوائم مكتوبه بيها المواليد اذا موصل البيان وانت عندك نسخه من البيان يعتمدون على تطابق البيان ويه القائمه الي عدهم وايمشوها حتى لو مواصلهم
لان اني هم من رحت مجان واصلهم فاعتمدوا على الاسم الي بالقائمه والنسخه الي عندي وزودوني بالبيان العراقي وطلعت الهويه وكانما ولادة العراق
-
شكرا لكم جمعيا عكعك ,Baguncero ,سامسونغ,على الردود الي صار ويايه بالضبط هو سويتلها بيان ولاده من صنعاء وصدقناها بوزاره الخارجيه والسفاره العراقيه وبعدها سويت بيان ولاده عراقي من السفاره وكتلهم اريد جواز وسوولي جواز للطفله على بيان الولاده ومسمتسكاتنا اني وابوها وبعدها عمها بالعراق كناله نريد جنسيه وسوالنا الجنسيه بمسقط راس ابوها وسجلوها على نفس مسقط راس ابوها بس اني كنت متصوره انه لازم يكتب ولادتها صنعاء المكان الي انولدت بي لان جوازها الحالي الي هو اس مكتوب ولادتها صنعاء وجنسيتها مكتوب ولادتها بغداد
فتخيلت انه اذا رحت قدمت بالسفاره على الجواز الجديد راح تصير مشكله لان ولادتها مختلفه بين الجواز والجنسيه علما ان الجواز همه الي كتبو صنعاء يعني اذا اكو غلط فيعني منهم مو منا
-
اختي العزيزه ريم عبد انتي قراتي الجزء الاول واهملتي الجزء الثاني من الرد وهو
وطبعا هسه تغير الاجراء من يولد الطفل وتطلعله بيان ولاده تروح تصدقه من الصحه ومن الخارجيه وتودي للسفاره العراقيه وهمه يستخرجون الاحوال المدنيه والجنسيه ولكن هم من تستخرج جواز يكتبون بي ولاده العراق ايضا
واحنا في حينها مجان اكو هجي اجراء وجانت عمليه معقده فكان من الاسهل استخراج بيان ولاده من احد المستشفيات العراقيه واستخراج هويه احوال
اخي العزيز سامسونغ اين الاختلاف فيما قلت بل بالعكس انت اكدت ما قلت وهذا نص من ردي السابق
(وطبعا هسه تغير الاجراء من يولد الطفل وتطلعله بيان ولاده تروح تصدقه من الصحه ومن الخارجيه وتودي للسفاره العراقيه وهمه يستخرجون الاحوال المدنيه والجنسيه ولكن هم من تستخرج جواز يكتبون بي ولاده العراق ايضا )
اضافه الى ذلك لم اتطرق الى الى تزوير اوراق او سوق مريدي بكلامي ولكن الذي قصدته انك تستخرج بيان من المستشفى الموجود بالعراق انه ولاده العراق وهو ولاده غير دوله فهذا يعتبر تزوير وعلما الدوله تعرف انه مولود بغير دوله ومع ذلك تكتب ولاده العراق في الجواز
واسف لصاحب الموضوع لان خرجنا عن جوهر سؤاله لان كما تعرفون انه الرجل مستخرج جنسيه وجواز وسؤاله كان محدد بانه هل لهذا الاختلاف تاثير على قضيته ام لا
تحياتي
-
اي اخويه عكعك افتهمت يعني لان اجراءات معقده خصمتوها منا وفضيتوها
-
اخي الفاضل baidaa11
هناك ملاحظه في جواز ال h او ال s ممكن ينكتب عليه الولاده لغير دوله ولكن التعليمات لجواز ال g لازم يكتبون الولاده العراق وهذا الكلام من السفاره
تحياتي
-
اشكرك اخويه عكعك على هذه المعلومه هسه صدك طمنتني الله يوفقك ان شالله
-
معلومات مهمة
اتحذت الحكومة العراقية (وزارة الصحة - وزارة الداخلية) خطوة جديدة في اصدار بيان الولادة واصدار الجنسية للمواليد الجدد ومنذ منتصف سنة 2009 . وهو كالآتي
عند ولادة الطفل يعطى ولي امر الطفل بيان الولادة الوردي فقط و البيان الابيض تحتفظ به المستشفى ويتم ارساله بالبريد الى مديرية الجنسية وحسب مديرية وسجل الاب يعني دائرة جنسية الرصافة او الكرخ وبعدين الدوائر الفرعية والتوابع . وذلك لتلافي حالات التزوير او التعديل على المحتوى . ويستغرق ذلك من شهر ونصف الى شهران لكي يصل الى الجنسية ( ولا يوجد اي واسطة لأنه لا يتم ارسال دفتر البيانات للمواليد الجديد من قبل المستشفى الا بعد ان تكمل كافة صفحاته يعني يخلص وينجرد وبعدين ينرسل بكتاب مثبت بيه عدد الصفحات .ويتطلب منكم ذلك التجييك كل فترة مع الجنسية والسؤال عن وصول البيان (يعني بهذلة) وهذا ما يعانيه الناس اصحاب المواليد الجديدة ونصيحة اذا اصدرت لكم او لأبنائكم جناسي جديدة 2009 او 2010 اطلبوا معها من نفس الدائرة وبنفس الوقت كتاب الى من يهمة الامر ( صحة صدور ) لأن كل الدوائر التموينية وغيرها والجوازات الخ راح يرجعوكم على هالكتاب ...
تقبلوا تحياتي ... النـــــــــــاسك