ankawa
منتدى الهجرة واللجوء => الهجرة و واللاجئين => الموضوع حرر بواسطة: angie-dawood في 02:16 09/01/2010
-
تحية وسلام لاغلى الاخوة والاخوات الكرام
احبتي واخوتي الغالين اليوم كنت اتكم مع الاخت الغالية نور68 في ولاية نيوك وهي تسلم عليكم كثير وتعتذر منكم عن سبب انقطاعها عن المنتدى بسبب مشكلة في النت ومشغال الحياة وتبلغكم السلام فردا فردا
اخوان الاعضاء الاخت نور بلغتني ان اوصل الكم هذة المعلومات والاحداث الي جرت لاحد الاخوة المهاجرين
كان اثنين اصدقاء قبلوا لجوئهم في ولاية نيوك واحد من هذول الاصدقاء اجه الى نيورك قبل شهر لو اكثر ما متاكدة ! من اجه ما كان عنده كفيل المنظمة هي تكفلت بكل شي من اجر الشقة سووله العقد باسمه وبعدين قبل فترة اجه الصديق الاخر وهم بدون كفيل بس جابوا وسكنه نفس الشقة مال الصديق الاول مرة الايام وصار خلاف بينهم الاول كال لصديقه شوفلك مكان واطلع من الشقة الثاني رفض كال وين اروح اني مااطلع راح اشتكى يم المنظمة كلشي ما سوو فد يوم الاصديق الثاني الي الاول طرده اجه يريد يدخل للشقة شاف انه المفتاح متغير وما يكدر يدخل كام اشسوا كسر الباب ودخل من اجه الاول الي العقد باسمه شاف انه صاحبة كاسر الباب وداخل للشقة اشسوا كام خابر الشرطة واجت الشرطة اخذوا الولد وهاي صار يومين هو مسجون لانه كسر الباب ودخل بغياب صاحب العقد كل الكلام الي نقلته لاجل تخلوها ببالكم من تسكنون مع اي شخص اولا يكون العقد باسمكم اثنينكم حتى لا يصير مثل هيجي موقف لا سامح اللة والسؤال موجه للعزاب ولاصحاب عوائل هم من يسكنون شقة اهم شي يحتفظون بالعقد وهاي هي الحياة تجارب وعبر ومنها نتعلم ونستفيد وربي يبعد الجميع من اي اذى
مراسلكم من مشكن انجي
-
بارك الله بيج اختنا الكريمه عل الموضوع
وفعلا صارت بعض المشاكل سمعت بيها اهنا من الاخوان حول نفس الموضوع ( اقصد لاس فيغاس )
اعتقد المنظمه الي دا تسوي هي دا تخلي العقد باسم اول ساكن وبعدين اذا يجي شريك اخر بالسكن مجرد اضافة اسمه عل العقد فقط
اسال الله العافيه للجميع
-
جزيل الشكر على نقل التجربة..
علمود من اكسر الباب ايكون العقد باسمي ;D
يعني صدك عجيب امور غريب قضية وتالي يعني منكعد راحة ولو اقل قدر مطلوب من الدبلوماسية في الغربة افضل من هالمشاكل..
تحياتي
-
والله معلومه قيمه وشكرا جزيلا
اكو مفوله عرافيه يا غريب كون اديب شبينه العراقيين ما تفهموني والله ضحكنه العالم علينه
-
الف شكر وردتنا انجي
هاي يمتة تعينتي مراسلة؟ ويكولون ماكو شغل بامريكا
قصة غريبة... والله يفك اسر الولد اللي تصرف بغباء شديد ;D
والف تحية لاختنا نور
الله محبة
-
السلام عليكم اختي اعزيزة بطبعا والله اجة موضوعج بالوقت الضائع لان اني رح اتحول لتكساس ويمكن ائجر شقة اني ولد
مشكورة وماقصرتي ودائما انتي مبدعة بكل مواضيعج
ربي ينطيج على نيتج وسلامي للا اخت نور والله ايوفقهة يارب
اخوج جوزيف
-
السلام عليكم
خوش معلومات ........ الله ايبارك بيج ياذهب
ابو ماجد
-
نشكرج على المعلومة يا وردة المنتدى
-
مشكوره اختي العزيزه على هذه المعلومه وانشاء الله يستفاد منه اخوانه الشباب والله ايوفقج
-
مشكورة اختي انجي وبارك الله بيج على النصيحة
-
الف شكر اخت انجي معلوماتج كله مفيده للمنتدى وياريت كل الاخوه دائما ميبخلون علينه بمعلومات احنه نجهله القادمين عل سفر وحتى نكون عله درايه بمثل هيجي امور الف شكر مره اخرى
اخوج ابو علي عمان بنتظار الامنيه
-
مشكوره اختي العزيزه انجي على هذه المعلومه وانشاء الله يستفاد منه اخوانه الشباب والله ايوفقج وبارك الله بيج
نهاد ابو علي
-
مشكورة اخت انجي وبارك الله بيك
وعاشت ايدك عالمعلومات الجيدة ويارب يوفق الجميع
اخوك صلاح
-
شكرا على على هذه المعلومه واكيد الحياه تجارب وعبر.
-
بارك الله بيج اخت انجي على هالمجهود والمعلومات المفيدة فعلا احنا وبقية الاخوان والاخوات بحاجة ماسة جدا لتجربة الاخوات والاخوة الاعضاء الهسه موجودين بامريكا علمود الواحد يستفاد من اخطاء الاخرين ويكون حذر بالوقوع بنفس الخطا
بارك الله بملاك المنتدى وببقية اخواتها واخوانها ممن يقصدون منفعة الاخرين
تقبلي تحياتي واحترامي
Echo 9
-
مشكورة وبارك الله بيج ياملاك المنتدى .