ankawa

منتدى الهجرة واللجوء => الهجرة و واللاجئين => مواضيع الحياة العامة في بلاد المهجر (امريكا) => الموضوع حرر بواسطة: drlexa في 02:24 11/01/2010

العنوان: بعد وصولي الى فيرجينيا
أرسل بواسطة: drlexa في 02:24 11/01/2010
مرحبا اخواني الاعزاء
اعذروني عن الغيبه الطويله....
حبيت اليوم احجيلكم عن سفرتي والحياة باول شهر هنا...مثل ما تعرفون اني سافرت يوم 17-12-2009
السفره كانت من عمان-باريس-نيوجيرسي الى فيرجنيا
السفره متعبه متعبه متعبه...فنصيحه لكل الي حيسافرون باذن الله....لبسو ملابس مريحه حاولو ماتشيلون هاند باكس ثقيله لانه تتعبون...
اول يومين وصلت صارت عاصفه شديده هنا ما شايفين مثلهه صار سنين بحيث انسدت الطرق وانحبسنه بلبيت....بعد يومين كان عندي موعد مع المنظمه الي هي اللوثريه...نطونه مثل محاضره سريعه عن الخدمات الي حيقدموهه....والي هي مو هوايه...وطبعا بنفسي رحت قدمت على الفوود ستامبس والمديكيد والسوشيل نمبر...بس اني لان شافوني احجي انكليزي وويايه اختي فماساعدو هوايه بس اكيد الي ماعنده احد همه رح يساعدوه بكل شي
المهم....السوشيل نمبر طلعلي الحمدلله وحصلت الفوود ستامبس الي هي 200 دولار بلشهر بس المديكيد بعد ماطلع....الفوود ستامبس المفروض تبقى لمدة 8 اشهر قابله للتجديد على ان لايزيد المدخول مالتي عن 1147 $ شهريا
والتامين الصحي (المديكيد) 8 اشهر غير قابله للتجديد باستثناء النساء الحوامل
المنظمه حطتني على برنامج اسمه match grant program الي هو مساعدات ماليه المفروض ينطوني 200 دولار كل شهر لمدة 3 اشهر وبوكت مني 375 دولار بس لحد الان كلشي ماكو بس نطوني صك ب 50$

هاي بلنسبه للمساعدات....اما بلنسبه للحياة بصوره عامه....فيعني حلو عبالك عايشه ابفلم اجنبي..البيوت الشوارع النظام البشر...يعني اخواني البلد يسوووووه الواحد يتعب علموده...وشكد ما راح احجي هم مراح تكدرون تتخيلون الى ان توصلون هنا وتشوفون بنفسكم

وبلنسبه للشغل هسه بديت اقدم على اشغال ودنشوف الله كريم

اعذروني عن التقصير واني مستعدة للاجابه عن اي استفسار بلي اكدر عليه

اختكم من فيرجينيا drlexa
العنوان: رد: بعد وصولي الى فيرجينيا
أرسل بواسطة: عكعك التطوى في 02:39 11/01/2010
الف حمدالله على السلامه اختي العزيزه وان شاء الله الامور تمام وتستمر نحو الافضل اتمنالك كل الخير والتوفيق والنجاح وشكرا على المعلومات

تحياتي وبالتوفييييييييييييييييييييييييييييييييييييييييييييييييييييق
العنوان: رد: بعد وصولي الى فيرجينيا
أرسل بواسطة: angie-dawood في 03:09 11/01/2010
الف حمداللة على سلامة الوصول بالسلامة انشاءللة تكون ولاية الخير عليكم ربي يوفقكم بيها وتشوفون كل الخير بالتوفيق
العنوان: رد: بعد وصولي الى فيرجينيا
أرسل بواسطة: *R*A*I*N* في 03:43 11/01/2010
هله بيج اختي و الف الحمدلله على السلاامة ..ان شالله تكونين مرتاحة  ...انتي جيتج صارت ويه الثلج هناااا ...وين انتي بفرجينيا ؟؟؟..حتى اذا قريبة نرحب بيج هناااا
و ان شالله تحصلين شغل و شايفة كل الخير ..
العنوان: رد: بعد وصولي الى فيرجينيا
أرسل بواسطة: الله...محبة في 04:39 11/01/2010
الف الحمد لله على السلامة خيتنا العزيزة
اتمنالج الاستقرار والله يسعدكم

بس ما ذكرتي شي عن الايجار (للفائدة العامة)
تحياتي

الله محبة
العنوان: رد: بعد وصولي الى فيرجينيا
أرسل بواسطة: ابو ياسين في 04:43 11/01/2010
الحمد الله على السلامه وان شاء الله تتوفقون في حياتكم الجديده يارب
العنوان: رد: بعد وصولي الى فيرجينيا
أرسل بواسطة: عراقي وافتخر 4 في 05:16 11/01/2010
الف حمداللة على سلامة الوصول بالسلامة انشاءللة تكون ولاية الخير عليكم ربي يوفقكم بيها وتشوفون كل الخير بالتوفيق
العنوان: رد: بعد وصولي الى فيرجينيا
أرسل بواسطة: القرش في 05:39 11/01/2010
                                   السلام عليكم

الف الف الحمد لله على السلامه وان شاء الله تشوفون كل الخير بحياتكم الجديده .

ابو انس
شيكاغو
العنوان: رد: بعد وصولي الى فيرجينيا
أرسل بواسطة: drlexa في 06:04 11/01/2010
الف شكر للجميع على مروركم وعلى امنياتكم الحلوه....

الاخ العزيز rain اني بمنطقه fairfax
الاخ المحترم الله محبه....بلنسبه للايجار...اني عايشه ويه اختي فاتصور ماراح ينطوني اي شي بس همينه اريد استفسر عن الموضوع لانه بوقتهه المسؤله كانت رايحه اب (فيكيشن) عل عيد ...بس راح استفسر عن الموضوع واذا صار شي راح اخبركم.

احب اضيف شغله اخوان....انه حاولو تقوون نفسكم بللغه حتى تختصرون الوقت احسن ما تجون هنا تاخذون دورات وخبصه.....يعني مثلا تتفرجون افلام اجنبيه او قراءه قصص انكليزيه او اي شي ممكن يساعدكم....يعني اني الانكليزيه مالتي قويه الحمدلله بس همينه اول كم يوم شويه مو سهل الموضوع كان لازم اركز يله افتهم شديكولون...

وحاضرة اني لاي استفسار اخر....

اختكم من فيرجينيا drlexa
العنوان: رد: بعد وصولي الى فيرجينيا
أرسل بواسطة: روزماري في 06:09 11/01/2010
ألف الحمدلله على سلامتك أخت drlexa وستيب باي ستيب كلشي يهون مع الوقت وبالتوفيق أنشالله بحياتك الجديدة

تحياتي .
العنوان: رد: بعد وصولي الى فيرجينيا
أرسل بواسطة: abomagid في 07:18 11/01/2010
السلام عليكم

الحمد لله على سلامة الوصول..... وانشاء الله تلكون عمل باقرب وقت ممكن

بس اذا ممكن تواريخ التقديم مالتج ؟؟؟؟؟

ابو ماجد
العنوان: رد: بعد وصولي الى فيرجينيا
أرسل بواسطة: ســـرى في 10:17 11/01/2010
اهلا بيج اختنا والحمد لله عالسلامة بلكي نصير جيران احنا راح نوصل يمكن بنهاية هذا الشهر واحنا عاجبتنا فيرفاكس وبلكي من ناخذ السوشيال سيكيوريتي نمبر نأجر بهاي المنطقة

بس ما كلتينا انتي SIV لو IOM؟

تقبلي مروري
العنوان: رد: بعد وصولي الى فيرجينيا
أرسل بواسطة: حمودي ابن زيونه في 11:18 11/01/2010
بالتوفيق
العنوان: رد: بعد وصولي الى فيرجينيا
أرسل بواسطة: ابو محمود في 11:47 11/01/2010
ابنتي العزيزة drlexa

الحمد لله على سلامة وصولكم وبأذن الله تشوفون كل الخير في هذه الولاية ....
تمنياتي لكم بالموفقية والاستقرار ....
العنوان: رد: بعد وصولي الى فيرجينيا
أرسل بواسطة: ريم عبد في 12:07 11/01/2010
حبيبتي drlexa
اول شي حمدلله على سلامتج وكلش مشتاقيلج ومشتاقين لمواضيعج والج وحشه
موضوعج كلش حلو وتقرير مفصل اواضح
ورفعتي من روحنا المعنويه
زين هاي مال المساعدات تتاخر المفروض واحد يتحضر وياخذ وياه فلوس اتمشي للفتره الاولى
لو هاي الحالات اتصير بس من واحد عنده كفيل
والمنظمه تعرف عنده احد ايساعده فمتهتم اذا اتاخرت مساعداته؟؟؟
حبيبتي تسلمين
وياربي ايوفقج بحياتج القادمه واتكملين دراستج ان شاء الله
وننتضر منج المزيد
وبالتوفيق يارب
العنوان: رد: بعد وصولي الى فيرجينيا
أرسل بواسطة: violin في 12:39 11/01/2010
الف الف الحمدلله على سلامة . وانشاءالله الاستقرار والموفقية.
العنوان: رد: بعد وصولي الى فيرجينيا
أرسل بواسطة: y.a.r.a في 14:01 11/01/2010
اختي العزيزه drlexa
حمدلله على وصولك بالسلامه وشكرا على كل الي قدمتي من رحلتك هاي
والمعلومات الحلوه
تسلميييييييين يا وردتنااااااااا
ولتغيبين عنا
وبالتوفيق يارب يوم ان شاء الله تفتحين احسن عيادة اسنان
حتى نجي انراجع يمج
العنوان: رد: بعد وصولي الى فيرجينيا
أرسل بواسطة: abo abo في 14:53 11/01/2010
الف مبروك انشالله راحه بال ورزق وتوفيق وتحقيق الاماني



اخوكم ابو علي عمان
العنوان: رد: بعد وصولي الى فيرجينيا
أرسل بواسطة: راهب الحب في 15:07 11/01/2010
إختنا العزيزة الف الحمدلله على سلامتج ويا رب تتوفقين بحياتك الجديدة ودُمتِ بألف الف خيــر ... †




                   أخــوكــُم / وسـام بهنـام داؤد الخابــوري
العنوان: رد: بعد وصولي الى فيرجينيا
أرسل بواسطة: جورجيا في 15:25 11/01/2010
الف حمد الله على سلامه الوصول موفقه انشاء الله

تقبلي مروري
اختك جورجيا
العنوان: رد: بعد وصولي الى فيرجينيا
أرسل بواسطة: الخالدي الاصيل في 15:34 11/01/2010
الف الحمد لله على السلامه وان شاء الله بالتوفيق وبس لا الكيس منجر مالكم اسمه ايرون لان هذا شيبنا وتعبنا . الله يسهل امركم واي شي تحتاجي بفيرجينيا اني بالخدمه
دعائي للجميع بالموفقيه
اخوكم ابو عادل الخالدي
العنوان: رد: بعد وصولي الى فيرجينيا
أرسل بواسطة: نهاد احمد في 15:43 11/01/2010
الف حمد الله على سلامه الوصول والموفقه انشاء الله


نهاد ابو علي
العنوان: رد: بعد وصولي الى فيرجينيا
أرسل بواسطة: drlexa في 16:33 11/01/2010
الف الف شكر اخواني الاحباء على مروركم ومشاركاتكم و دعواتكم التخبل مثلكم

الاخ العزيز ابو ماجد....اني جنت من جماعة المخضرمين...وهاي التواريخ مال تقديمي وتدلل
اول تسجيل بليو ان 1-2007
اول مقابلة توطين 7-2008
محلفين 10-2008
اعادة محفلين 10-2009
السفر كان يوم 17-12-2009
واني قدمت عن طريق ال يو ان-عمان

szsz العزيز ...توصلون بلسلامه ميت اهلا وسهلا وتشرفون الولايه والمنطقه....واي شي تحتاجون اني برسم الخدمه

حبيبتي الغااليه ريم....اتصور اني لان شافوني عندي احد كلك خلي نذبهه عل شحن...واني هم بصراحه مدا الح عليهم بعدنه العراقيين نستحي ....واكيد لازم الواحد يجيب ويه فد مبلغ ولو بسيط يمشي اموره بيه في حال تاخرت المساعدات بس بلنسبه للفوود ستامبس فيطلع بسرعه بخلال اسبوعين اني ماخذته ومتسوكه بيه

حياتي يارا تسلمين يا ورده والله البلد حلو حلو ...اتمناكم ويايه.....ان شاء الله ربي ما تطول عليكم


الاخ العزيز الاصيل....اييييييي هو هذا الكيس منجر مالتي ايرون.....هو شكله كلش مطفي ولا ابالي الله يستر وتسلم يا ورده ما تقصر


الف شكر مره ثانيه على مروركم وربي يفتحهه بوجه الواصلين هنا و يفرجهه علي دينتظرون

اي استفسار اني حاضره

اختكم من فيرجينيا drlexa
العنوان: رد: بعد وصولي الى فيرجينيا
أرسل بواسطة: drlexa في 16:37 11/01/2010
اخواني احب اضيف شغله بلنسبه للفلوس عند السفر
محدددددددددددددددددد سالني باي مطار من المطارات شكد شايله فلوس ويايه ابد ابد
بس بعدين لمن سوولي مقابله علمود الفوود ستامب سالوني شكد جبتي فلوس وياج كتلهم 300$ وصرفتهه كلهه  ;D :'( ولا احد دقق ولا احد سأل
بس هاي احتمال صدفة صارت وما سألو بلمطار فلا تاخذوهه قاعده بس حبيت احجيلكم الي صار ويايه
العنوان: رد: بعد وصولي الى فيرجينيا
أرسل بواسطة: عراقي1995 في 18:50 11/01/2010
الف الحمدلله على السلامة
وعندي سؤال اختdrlexa
شنو التأمين الصحي(المديكيد) غير قابل للتجديد؟
يعني اذا خلص الواحد شلون راح يتعالج؟ على حسابه الشخصي؟
طيب ممكن هو وره ال8اشهر ما لاكي شغل؟
شلون هاي؟
ممكن توضيح
تحياتي لك
العنوان: رد: بعد وصولي الى فيرجينيا
أرسل بواسطة: eng.a7med في 19:57 11/01/2010
حمدا لله على السلامة و بالتوفيق

تحياتي
العنوان: رد: بعد وصولي الى فيرجينيا
أرسل بواسطة: drlexa في 00:47 12/01/2010
شكرا جزيلا على مروركم اخواني الاعزاء

وبلنسبه لسؤالك اخي العزيز (عراقي) الي كالتلي ياه المسؤله الي كانت تسوي مقابله ويايه قالت لي انه التامين 8 اشهر غير قابله للتجديد الا للنساء الحوامل...فلهذا ينصحون الواحد يلكي شغل يوفر تامين صحي لانه العلاج غالي كثير عدهم...والي ما ملكي شغل اله الله.
بس كول يا الله وان شاء الله ب 8 اشهر تكون لاكي احسن شغله.

اختكم من فيرجينيا drlexa
العنوان: رد: بعد وصولي الى فيرجينيا
أرسل بواسطة: هنوة في 01:10 12/01/2010
الحمد لله على السلامة مع تمنياتي لك بالموفقية والاستقرار وراحة البال
تحياتي
العنوان: رد: بعد وصولي الى فيرجينيا
أرسل بواسطة: ســـرى في 12:27 12/01/2010
اختي ليكسا اني اختج szsz ومكتوب بالجعبية (اختكم سرى) شلون بية يمكن راح افتح حساب جديد واكتب بيه female member وبعدين اكتب الاسم!!!!!
العنوان: رد: بعد وصولي الى فيرجينيا
أرسل بواسطة: drlexa في 16:46 12/01/2010
كلش صغيره مكتوبه ما شفتهه....حوبة العمر و العتب عل نظر بعد عمتج.....

اتشاقه وياج حبيبتي وتعذريني ما انتبهت عليهه

تسلمين هنوه يا ورده عل امنيات الحلوه...


العنوان: رد: بعد وصولي الى فيرجينيا
أرسل بواسطة: بغداد بقلبي في 17:42 12/01/2010
مرحبا drlexa مليون مبروك بالموفقيه الله يحميكي  ويحفظك ديري بالك على نفسك والله العظيم ما تصورين اشكد فرحت الك تذكرين لمن طلبوا منك اعاده محلفين عبالك البارحه عندي الف الف مبروك وتستاهلين  كل الخير يارب اخوكي بغداد بقلبي
العنوان: رد: بعد وصولي الى فيرجينيا
أرسل بواسطة: eboo في 17:45 12/01/2010
ربي يوفقك ان شاء الله يكون خير عليج هذا البلد
العنوان: رد: بعد وصولي الى فيرجينيا
أرسل بواسطة: مريمانه في 18:00 12/01/2010
الف مبروك حبيبتي وشايفه كل الخير والحمدلله على سلامتجي وبالتوفيق نشالله ياربي..واني هم وصلت 11\12 لويست فرجينيا..واخذنا الفودستام والكاش موني وهسه دزولنا مال التامين الصحي بس مو كارد ..هيج مثل الورقه نراجع بيها لحين ميوصل الكارد..



مريمانه ..ويست فرجينيا
العنوان: رد: بعد وصولي الى فيرجينيا
أرسل بواسطة: drlexa في 22:17 12/01/2010
ألاخ العزيز (بغداد بقلبي) الف شكرا على كلامك الحلو ومشاعرك الصادقه....ماضاقت الا فرجت....الله يفرجهه عل جميع يا رب

تسلم اخي العزيز ايبو ربي يوفقك ويفتحهه بوجهك

مريامنه حبيبتي الف حمدلله على سلامتكم....زين احنه جوارين لعد...اني لحد الان ماكو كاش وداخابر عليهه الست هانم المسؤله واعوفلهه مسجات وماكو ... شكلي راح اتعارك قريبا  >:(
العنوان: رد: بعد وصولي الى فيرجينيا
أرسل بواسطة: h.a.m.o في 07:36 31/07/2010
حمد لله على السلامه  drlexa  والموفقيه للجميع  تحياتي  اي شي تحتاجون اني حاضر
لكل الي عايشين بفرجينيا