ankawa
منتدى الهجرة واللجوء => الهجرة و واللاجئين => الموضوع حرر بواسطة: دع شيبك يسفر في 11:44 12/01/2010
-
من فتره طويله وانا اعتبر نفسي اخوكم اشارككم همومكم وافرح لافراحكم
ومن يومين احتاجيت ولاول مره للمساعده من عنكاوه وهي طلب عنوان داخل امريكا لانه طلبوه مني وانا ما عندي
على العموم
البارحه قابلت وانرفضت بمقابله ال SIV وحتى بصمات ما اخذوا لا مني ولا من عائلتي والسبب الوحيد هو العنوان
شكرا لكل من طلبت منه عنوان وخلاني علشحن
-
أخي الكريم ولو صدقني مااعرف بقضيتك واني بعدني بالاردن
بس بصراحة اني ماسامع مثل هذا الشئ يعني الرفض ماأصير بسبب العنوان !!!
لان اللاف راحوا وبدون كفيل يعني همه اودوك على أي ولاية وانت SIV يعني حتى لو ماعندك احد مو هذا سبب الرفض
اخوك رافد
-
يعني انا اعني كل حرف قلته
كالولي جيب عنوان وتعال بصم واخذ الفبزه بيومهه
قالوا لي حرفيا النظام لا يقبل منك البصمه بدون ما يكون عندك عنوان
-
اخي العزيز
اسف على هذه الاخبار بس مسلة غريبة انه ما يخذون بصماتك او اي معلومات اخرى منك وابلغوك بالرفض بشكل مباشر او شنوا ممكن تفهمنه بس علمود العنوان لانه لو صحيح بعض الاخوان ايضا ف مقابلات اخرى طلبوا منهم يرسلون العنوان الهم عن طريق الايميل وكملوا كل اجراءات المقابلة وبشكل جدا طبيعي هذا الي اعرفه
ابو رامي
-
السلام عليكم
اخي العزيز نأسف على الوضع اللي مريت بيه.
ولو اني بعدني بسوريا بالاضافة الى انه ما اعرف شي عن طلبك لكن, ارجو منك توضيح الامر اللي صار بالمقابلة بشكل اكثر تفصيل.
هل تقصد الرفض بالرفض النهائي؟ لان المعروف ان ينطوك فورم يكلون بيها انك لن تمنح الفيزا خلال هذه المقابلة وعليك استكمال المتطلبات اللي همه طلبوها منك.
هذا الشي يحدث لهوايه ناس قابلت وانا من ضمنهم ودا انتظر مراجعة ادارية ثانية صارلي خمس اشهر.
ما اتوقع احد من الجماعة يبخل عليك بعنوان لان اكو ناس طلبت كفيل والاخوان اللي بمنتدى وافقوا ان يكونون كفلاء الهم.
تقبل ردي
عيني بغداد
-
اخونا العزيز ليش ما اتصلت بالاخوان اللي بأمريكا وطلبت منهم عناوينهم؟ وترة الاخوان كلهم مايقصرون وياك واني من الناس كدامي بالمقابلة جانوا جماعة عدهم نقص بالاوراق الرسمية وكالولهم يدزوها للسفارة بالDHL واعتقد الاوراق الرسمية اهم من العنوان لأن العنوان بس علمود الكرين كارد حتى الاخ ابو رامي لمن قابل كان ما جايب عدم المحكومية وكالوله يدزها بعدين بس ما اكول غير الله يعينك ويصبرك
-
الله يعينك ويصبرك وان شاء الله تنحل وبأسرع وقت اخوك اني بعدني بتركيا والله لو كنت مسافر كان خليت عنواني هنا بالنتدى وكل من يريد يجي انا اخليه بعيني بس ما انكول غير انا لله وانا اليه لراجعون ربي يسهل علينه وعليك وعلى الجميع
تقبل تحياتي
-
اخويه العزيز شلون طلبت عنوان ومحد نطاك
اني اول مره اشوف هذا الموضوع واسمع انت رايد عنوان
الي ديطلب كفاله الكل تكفله عاد قحط عناوين بامريكا
ومع ذلك مسامعين واحد ينرفض علمود ماعنده عنوان خصوصا ال اس اي في
اخويه احتمال شغلت الرفض على غير موضوع
ولتعتب على احد اذا احنا طول الوقت كاعدين خفاره وتسليم يد
من واحد لواحد بس حتى انشوف اذا احد محتاج شي انساعده
ومشفنا انت طالب عنوان
ان شاء الله تفرج عليك وتدارك الموضوع والله ايسهل امرك واتحصل الموافقه
-
اني هم اول مرة اشوف هذا الموضوع وابد ما سامعه انو انت طلبت عنوان واحنا قصرنا وياك لو وي اي واحد هنا والكل يشهد بذالك ومثل ما كالوا الاخوة ترى العنوان مو هو السبب الي ينرفض الواحد اغلب الي سافروا ما كان عدهم كفيل يااخي وانشاءللة ما يكون هذا السبب حتى الواحد لا يشعر بالذنب انه ما كدر يساعدك او اصلا ما كنا نعرف انه انت طلبت كفيل واحنا قصرنا وياك صح لو لا
-
السلام عليكم
واني دا اكلب بصفحات المنتدى لكيت موضوع كاتبه الاخ "دع شيبك يسفر " يستفسر بيه من الاخوان عن كتابة العنوان اللي يرسلون عليه الكرين كارد بأميركا ولم يوجه طلب واضح لاي من الاعضاء حول امكانية تزويده بعنوان داخل أميركا ومع ذلك كان جواب الاخت انجي بأن موضوع العنوان مو مشكلة وبالامكان المساعدة به.
رابط الموضوع
http://www.ankawa.com/forum/index.php/topic,377540.0.html
وجب التوضيح
عيني بغداد
-
الله كريم تروح هاي تجي غيرها
-
السلام عليكم
ناسف لسماع هذا الخبر بس سؤال بلا زحمه
اني الي اعرفه اخويه انه انت بالسويد يعني انت قابلت بالسويد ومناك مقدم و رفضوك لو انت بعدك بدوله عربيه مع فائق الاحترام
اختك سونمز
-
اسلام علليكم اخوية العزيز
اني قريت موضوعك بس مكان من حرتك طلب انو اتريد عنوان فقد مجرد سئوال وكثير من الاعضاء كالولك اطلب العنوان وشوف موضوع ( اعرف جيرانك ) حتى اتراسلهم على الخاص والعنوان مو فد اشكال ولا فد شي مهم عادي ينطوك يعني الناس كفلت مئات وساعدتهم بقت على مجرد عنوان اخوية العزيز
واتمنى ميكون هذا السبب للرفض يارب ويارب تمشي امورك
اخوك جوزيف