ankawa
منتدى الهجرة واللجوء => الهجرة و واللاجئين => الموضوع حرر بواسطة: أ.ج.ت في 13:55 13/01/2010
-
تحية لكل الاعضاء.
سؤالي بخصوص المنظمات بناشفل اساميها ونوع الخدمات الي يقدموها وكيف هي ومعاملتم للاجئ؟
-
اخي العزيز
المنظمه الموجوده بناشفيل هي الوورد ريليف
وهي لاباس بيها بس تنطي المعلوم وتفلت يعني مو كلش اتابع ويه الاجي
البرامج نفسها الي اباقي الولايات ال هي الماجكرانت
وهيه المنظمه اذا اتساعدك بشغل ادزك على معمل تايسن مال تعليب الدجاج
هاي اخر الدواء الكي
بس ان شاء الله تكدر تلكي شغل بالمولات
و الحمد لله عندك اخوان مميزين بناشفيل
وتقريبا اكثر العراقيين بمجمعات متقاربين والمساعده بيناتهم حلوه
ومتحس الا كانك بالعراق وبين اهلك
وياربي ايوفقك وايسهل امرك
-
اخي العزيز مثل ماجاوبتك الاخت ريم ومايصير ارد وراهه لان هيه كفت وفت واكو منظمه ثانيه الي هيه كاثوليك جارتي هم زينه والباقي على الله
وتوصل بالسلامه
-
السلام عليكم
طبعا مثل متفضلو الاخوان المنظمتين الموجوده world relief و Catholic Charities
طبعا المنظمتينعدهم نوعين من البرامج الاول هو ال Match Grant Program والي هو يفيدك اذا عندك عائله حسب رايي لان بواسطته المنظمه تتكفل بالايجار لمده تصل الى سته اشهر ومرات اكثر اذا كان عندك اطفال
بالاضافه الى اعطاء صكوك لكل شخص بالغ فوك ال18 سنه بمبلغ 200 دولار يعني انتى 200 وزوجتك 200 واذا عندك اطفال تحت ال18 كل طفل 40 دولار الصكوك فقط لمده 3 اشهر على ما اعتقد
اما البرنامج الثاني هو ال RCA h, RCL ممتاكد من الاسم هذا البرنامج يخصص لكل فرد من العائله مبلغ 435 تبقى عند المنظمه تدفعها الكم على شكل اثاث الشقه ومستلزمات اخرى وحسب ميكولون لان اني ممجربها المفروض يعطوكم المتبقي من المبلغ بعد انتهاء مده المساعده بالاضاقه للمبلغ هذا يندفعلكم مبلغ 335 دولار للبالغين بالمناسبه هذا البرنامج يفيد الشخص اذا كان وحده حيث نو ياجر شقه مع شخص اخر ويدفعون الايجار سوه طبعا الصكوك هاذي تستمر لمده 8 اشهر بس المنظمه متدفع يجار الشقه
هذا موقع منظمه Catholic Charities
http://cctenn.org/index.htm
وهذا موقع منظمه world relief
http://www.wrnashville.org/index.html
وتقبل تحياتي
-
اخويه الغالي ابو ياسين انتوا اهل الولايه والراي والشور الكم
اني بس انطيته حبايه تصبيره لما انتوا ادخلون وانتوا الخير والبركه
اخونا العزيز فير مان طلعت انت هم ابن ولايتنا وممسجل اسمك
هسه راح انزل اسمك بالجدول واللهم زيد وبارك بهاي الجمعه الحلوه
-
اخي راح اشرحلك مفصل عن البرنامجين Match Grant Program وهذا مثل ماكالوا الاخوان ينطون لكل شخص بالغ 200 دولار ولكل طفل 40 دولار وهمه يدفعون الايجار لمدة اربعة اشهر واكو مبلغ اول مايوصل اللاجي الي هوه لكل شخص 425 دولار والفود ستامب والتامين الصحي هذا ماتعطيكياه المنظمه همه يشترون بيه الاثاث ويدفعون منه ايجار الشقه والمتبقي بعد انتهاء البرنامج يعطوكياه اما البرنامج الثاني الي هوه انا عليه rca يعطوك مبلغ مقطوع كل شهر 825 والفود ستامب والتامين الصحي وانته تدفع الايجار والكهرياء ولمدة ثمانية اشهر ونفس الشي بالنسبه لمبلغ 425 لكل شخص اشترولي الاغراض والاثاث ودفعولي منه ثلاثة اشهر ايجار وخلص المبلغ لكن الشيك لكل شهر تاخذه الي هوه 825 يعني انا استلمت ثلاثة اشهر الي همه دفعوا بيهه الايجار وانا بدات ادفع من الشهر الرابع يعني تستفاد من مبلغ الثلاثة اشهر بس تحديد البرنامج مو اختياري همه يحددوه واعتقد العوائل الكبيره يخلوهم على هذا البرنامج واما السنكل فيعطوهم شيك كل شهر 350 والفود ستامب 200 وهوه يدفع الايجار طبعا كل ثلاثة اشخاص يخلوهم في شقة وارجو ان اكون ماطلت عليكم وتوصلون يالسلامه
-
اختي ريم ممنون على التصبيرة ياوردة.
ابو ياسين وفريمان الف شكر على الشرح المفصل هواية ممنون الكم .
-
الاخ العزيز الجماعة ما قصروا بس راح ابين لك المساعدات لثلاثة اشخاص وانت قيس علئ ذلك علئ برنامج 8 أشهر.انا طلبت علئ هذا البرنامج يعطوك كل شخص 425 دولار هاي من الولاية اذا تريد اخذها والمنطمة لا تشتري لك اي شي والفود ستامب 474$ شهريا والكاش علمود الايجار ولمدة 8 اشهر هو 570$ شهريا وانت لازم تاجر وهذا يعتمد علئ كفيلك ولبس علئ المنظمة والصراحة المنظمة تهتم للسوداني والارتيري والبورمي اكثر من العراقي لان عدهم نظرة علئ العراقيين بان امورهم زينة باختصار تعتمد علئ الله اولا وعلئ كفيلك ثانيا وعلئ المنظمة ثالثا وعلئ شطارتك وعلئ اخوانك العراقيين والله يسهل امرك والسلام