ankawa
منتدى الهجرة واللجوء => الهجرة و واللاجئين => الموضوع حرر بواسطة: Iraqibird في 14:57 14/01/2010
-
اخواني خواتي اني فرصتي كلش عالية بل اي او ام بس من درست الوضعية زين و شفت مساؤي امريكا اكثر من محاسنهه كمت اضرب اخماس باسداس، بالعراق راتبي 1200 دولار وموكلش مهدد وطفلي 3 سنوات عمرة ، اذا اعوف شغلي واني طبيب لمدة سنة علمود الكرين كارت اخسر كلشي ، ومعظم الاعظاء يشتكون من امريكا واكو جماعة يستحون يكولون مو زينه و ما ادري
-
مو كلش مهدد؟؟؟؟
أخي الكريم انت حاسبه يمك والقرار الاول والاخير لك وبالتوفيق سواء في العراق او امريكا
-
والله يا أخويه ايكول ابو المثل شجابرك ع المر غير الامر منه وانته اذا مو مهدد ولا شي ليش تفكر بامريكا وتبقه الشغله مال سفر قسمه كله بيد ربك
-
اخي الغالي اذا مثل ما تكول راتبك ولحمد اللة زين واذا انت مو مهدد ليش بعد هل بهدلة والبدء من الصفر خليك هسى الى ان انشاءللة تعدل الامور وامريكا موجودة ان كانت روحتك الها زيارة لو عقد عمل لو لجوء امريكا حاليا بصراحة مو مثل قبل الشغل كان متوفر حاليا الاشغال كلش قليلة والوضع الاقتصادي مو بس بامريكا وانما بكل دول العالم وين ما تروح والمساعدات الحكومية هي الي دتساعد الناس على العيش فاذا امورك زينة بالعراق خليك الى ان يستقر الوضع وهذا مو تدخل مني بحياتك وانما جواب على موضوعك وبالاول وبالاخير انت ادرى بمصلحتك ومصلحة عائلتك وربي يوفقك ويحميك انت وعائلتك وين ما تكون بالتوفيق
-
اخي رافد 99% من طالبي اللجوء يخترعون قصص تهديدهم كما رايتها في المنتدى واحد يعلم الثاني اشلون يالف قصة تهديد وي المحلفين خنصير واقعيين، بس دا اشوف بهذلة امريكا قاسية، هذا مو من جيبي الحجي ،امن المنتدى والله
-
اخت انجي كلامج ذهب مشكورة والله
-
اخي العزيز اولا الف مبروك الك وثانيا القرار الاول والاخير الك محد يكدر يرسم مستقبلك غيرك فادرس الموضوع بعنايه وافعل ماهو بصالحك والله الموفق على كل شي
-
اخي رافد 99% من طالبي اللجوء يخترعون قصص تهديدهم كما رايتها في المنتدى واحد يعلم الثاني اشلون يالف قصة تهديد وي المحلفين خنصير واقعيين، بس دا اشوف بهذلة امريكا قاسية، هذا مو من جيبي الحجي ،امن المنتدى والله
القرار الك وانت مقرر يعني حاسم الامر بس ترة اكو اشخاص بالمنتدى امهات فقدوا اولادهم وناس خسرت كل اللي عده وناس شافوا الموت كدامهم
يرجى حذف اجابتك احتراما لل 1% وهذا رجاء اخوي
-
حبي فكر بابنك اكثر منك
شوف احنه من جنه صغار اهلي جانو يسافرون هوايه بس مجانو يفكرون يحصلون النه جنسيه على الاقل لان جان العراق زين والوضع زين هسه احنه كبرنه نلومهم والله لان محصلو النه جنسيه جان على الاقل اذا شتغلنه راتبنه يصير احسن بالدول العربية لان اجنبي انت
انت فكر بابنك وفكر بنفسك
ابنك يصير اله مستقبل بعدين من عده جنسيه هسه اكو فرصه بعدين يجوز ماكو وهمين يلومك
فكر بنفسك تحصل جنسيه تروح تشتغل بدول الخليج راتبك قوي لان امريكي هسه تروح بجوازك العراقي
يطوك حالك حال الهندي والرزق بيد الله شنو الي يثبت الك انت اذا هسه بقيت بشغلك علمود 1200 دولار
ميجيك تهديد ويخليك تبطل ياسامح الله او مشكله بالشغل وتبطل
يعني بس حصلك اقامه على الاقل او جنسيه بعد احسن فرصه العمر
وبكيفك بعد انت اعرف بمصلحتك
-
شوف اخي انت متردد بالجيه لامريكا وانصحك اذا نيتك مو صافيه لا تفكر تجي لان صدك مو سهله الشغله ويرادلها حيل تعب
المهم انت مرتاح نسبيا بالعراق مدا اشوف داعي للبهذله وانت عدك اطفال
والله يوفقك وين ما تكون
-
اتفق مع الاخ رافد واذا كنت تقول انه نسبتهم 1% فأنا اقول لك لا...
النسبة اكبر من ذلك بكثير !!!
ارجو منك عدم التعميم لانك ظلمت الكثير بقولك انهم 99% وأنا اولهم ....
اخي انت تقرر ولك حساباتك التي تراها مناسبة اخوية انتة هاي الشغلة مثل هواي شغلات مثل الزواج وتقرير مصير دراستك فأنت اولا واخيرا ستتحمل النتائج سلبا او ايجابا ....
-
الخير فيما يختاره الله ونتمنى الك الخير اينما كنت وبالتوفيق انشاالله
ابو فهمي
-
اخى العزيز القرار صعب ولكن انت صاحبة وتعرف الشى اللى يفيدك الاخت انجى وردة وشمعة المنتدى اعطت الشى المفيد وانى اشكرها شكر جزيل لان مافى صغيرة او كبيرة الا وتكون مساهمة بلمشورة والنصيحة وابداء الراى الاخوى ربى يحميها
-
اخوية مادم انت تحس بالامان هذا اهم شيء والله ماكو مثل بلدنا بيه شغل والاستقرار ووجود الاهل والاصدقاء واخي( قاعدة هرم الحياة هي الامان ) انت مامن في مكان تعيش وتبدع الله يسهل عليك وين متستقر وتعيش بعونه تعالى ..........اختك ايات / مصر
-
السلام عليكم
هو احنا لاكين جواب لنفسنا حتى نطيك جواب ياخونا العزيز ... بس نصيحتنا الك ابقى بمكانك احسن وخاصتا انت دكتور يعني من حتروح الى اهناك متكدر تشتغل كل شغله وراح ايصير صراع عندك بينك وبين نفسك وشلك بهاي الشغله ... وهمين نرجع ونكول اذا اتريد مستقبل ابنك ومستعد اضحي علموده فهذا بحثا اخر ؟؟؟
والخير بما يختاره الله .... واني عن نفسي لوما اهنا انسدة بوجهي من كل الجهات لا والله مجان فكرت بالسفر وانت قيسها من يمك صارلي شهرين بلا شغل ولا عمل .... يعني نوبات واحدنا رب العالمين يرصخ اله موضوع بدون احساسه يعني ايقسمه اله وهاي الشغله بعد منكدر ندخل بيها ؟؟
والله ولي التوفيق
اخوكم
ابو ماجد
تحياتي
-
اخي رافد 99% من طالبي اللجوء يخترعون قصص تهديدهم كما رايتها في المنتدى واحد يعلم الثاني اشلون يالف قصة تهديد وي المحلفين خنصير واقعيين، بس دا اشوف بهذلة امريكا قاسية، هذا مو من جيبي الحجي ،امن المنتدى والله
اخوية ميلك هذا الحجي مال 99% مخترعين قصص . يمعود روح شوف الناس اللي بسوريا والاردن وبغير دول اغلبهم متهددين بالقتل ومكتول من عد كل عاثلة اذا مو اثنين واحد واذا طالعين كلهم بسلامة لو تلكة واحد من عدهم مصاب لو تلكاهم مهدديهم وماخذين بيتهم وممتلكاتهم . عمي روح شوف المئاسي .
وحمد ربك وشكرة على الخير اللي انتة بيه ولتكعد اتعمم .
واذا انتة ماخذ قرارك ومعاجبتك امريكا ليش امنزل موضوع وخابص روحك.
خليك بالعراق والله يحفظك انشاءالله من كل مكروه.
-
اخي رافد 99% من طالبي اللجوء يخترعون قصص تهديدهم كما رايتها في المنتدى واحد يعلم الثاني اشلون يالف قصة تهديد وي المحلفين خنصير واقعيين، بس دا اشوف بهذلة امريكا قاسية، هذا مو من جيبي الحجي ،امن المنتدى والله
اخوية ميلك هذا الحجي مال 99% مخترعين قصص . يمعود روح شوف الناس اللي بسوريا والاردن وبغير دول اغلبهم متهددين بالقتل ومكتول من عد كل عاثلة اذا مو اثنين واحد واذا طالعين كلهم بسلامة لو تلكة واحد من عدهم مصاب لو تلكاهم مهدديهم وماخذين بيتهم وممتلكاتهم . عمي روح شوف المئاسي .
وحمد ربك وشكرة على الخير اللي انتة بيه ولتكعد اتعمم .
واذا انتة ماخذ قرارك ومعاجبتك امريكا ليش امنزل موضوع وخابص روحك.
خليك بالعراق والله يحفظك انشاءالله من كل مكروه.
يول فالين أنته مو بالبحرين شعليك بجماعة سوريا وأردن
وشنو خابص روحك شويه لغة الحوار مالتك خليها أرقى شلون تريد تجي لأمريكا
بهاي لغة الحوار رجل طرح تسأؤل ومن حقه هو منتدى لو محجر المنتدى بأسمك
كافي يول بطل هاي سوالف هذا منبر حر كل شخص اله حرية بتساؤلأته
حبيببي لأدوخ نفسك بهاي نماذج مأكوا أي تهديد أبقى بمكانك وأحنا نتشرف بكل كفاءة
يقى بمكانه يخدم بلده ويحفظ أختصاصه تقبل تحياتي
أبو فاروق
شنو السالفة . شنو هاي كلمة يول وشنو هذا التهجم .
لا حول ولا قوة الا بالله العظيم
مشكور اخوية هذا يعبر عن اخلاقك
لاتعليق
-
رجاء ردودكم ردودكم اتنبهوا على ردودكم بليسسسسسسسسسسسسسس
-
اخي الغالي ابو فاروق رجاءءءءءءء اخوية احذف ردك ارجوك ارجوك بليسسسسسسسس
-
تدللي أختي العزيزة أنجي كلأمك سيف على راسي وتاج أنتي لكل طيب
ححذف ردودي لين ردودي كانت الها غايه رجل مجرد كان عنده تساؤل
لو ميعرف منين ردود هذا اخر شخص يكله ليش منزل موضوع وخابص روحك
هو منتدى لو شركة دعاية تروج لأمريكا أني اعرف منتدى حرية الراي
أبو فاروق
-
تسلم اخي الغالي ربي يبارك بيك
-
اخي الغالي فالين رجاء من اختك بليسسسسسسسسسسسسسسسسس احذف ردك رجاءءءءءءءءءءء
اترجاك واني اعرف انت ما ترفض طلبي والف شكر لكم اخوتي الغالين
-
ميخالف اخي الغالي انطوا ارائكم واكتبوا اي شي تردون بسسسسسسسسسسسسسسسسسسسسسسس بدون تجريح ولا تصنيف ولا استهزاء من صاحب الموضوع مهما كان سؤاله ارجوكم دائما خلي تكون ردودكم هي الي تمثل شخصيتكم رجاء الكل هنا ينتظر اي كلمة من عدنا تكون امل او نصيحة او استشارة رجاء وثم رجاء ردودكم هي تعبر عن شخصيتكم بليسسسسسسسسسسسسسسسسس
-
اخي العزيز
الخيرة فيما اختاره الله و القرار الاول و الاخير الك طبعا و اذا انتة مرتاح بالعراق و مأمن فترا ماكو احسن من بلدنا
تحياتي
-
السلام عليكم
اخواني اخواتي الاعزاء في عينكاوا الراقي
طبعا بالاونة الاخيرة برزت ظاهرة كلش مو حلوة و هي مهاجمة الناس و الاستهزاء بيهم >:(هذا الشي راح ايخلي الناس الي اتريد تسال تتردد و تحسبها الف مرة قبل ما تطرح مشكلتها او رايها
بعض الاخوة متعصبين و اذا واحد جاب طاري امريكا كانما اتجاوز عليه ??? اتصور ماكو داعي و الي ميعجبه موضوع لا ايرد علية و خلص
و اتصور انو المنتدى مو حكر على شخص او مجموعة و اتمنى من الي ايهاجم او يستاهزء او ايحاول ايكون خفيف الظل ان ايشوف ردود الاعضاء القدماء او النشطين الي ساعدو هواية ناس و يتعلم منهم او ايخلي ردودة دبلوماسية حتى ميزعل احد لو شتكولون
اسف على الاطالة بس السالفة صارت مملة و الناس بدت اتضوج من هاي العادة المو حلوة
تحياتي للجميع
-
السلام عليكم ورحمة الله وبركاته
الاخ العزيز كما تعرف القرار بالاول والاخير هو لك لانك انت من تقرر هذا
لذا انصحك ان تجمع مجموعة من تجارب الاخوة والاخوات الذي سبقوك بسفر الى امريكا وعاشو اجواء امريكا لكي يساعدوك بهذا وانا متاكد انه الاخوة والاخوات لم يقصرو بهذا لذا ارجو ان يكون طرح موضوعك على مجموعة تساؤلات لكي تصل الى مبتغاك والله ييسر لك امرك
اما بالنسبة الى الاخوان كما قال بعض الاخوة والاخوات السؤال هنا ليس عيب او جرم كلنا نحتاج لسؤال والاستفسار لذا اما ان يكون لدينا جواب او مساعد فيكون رد او اذا لم نملك اي ايجابة يجب ان يكون التعليق هادف وبناء لا لتهجم على صاحب الموضوع او على اي عضو وشكرا لكم
-
اختي العزيزة انجي انتي تعرفين اني ماأردلج اي طلب لان اعتبرج اختي الجبيرة .
بس اسمحيلي هالمرة وعذريني .
لان اريد الاعضاء والاداريين يشوفون رد الاخ ابو فاروق وتهجمة وطريقة الاسلوب اللي يتكلم بيهة.
وارجو من الاخت انجي ان تقبل اعتذاري مرة اخرى.
-
اخواني الاعزاء
الي بينا كافينا والضيم بكل واحد ان كان بداخل العراق او خارجه
فرجاء اخوي لخاطر الله لاتجعلون من المواضيع مواضيع مشادة المساله بسيطه سؤال وجواب وابوك الله يرحمه
اخي كاتب الموضوع تحيه الك اذا كنت انت مستقر وغير معرض للتهديد وهذا شي غريب لان التهديد يقصد بي من كل النواحي مثل المفخخات والعبوات والخخخخخخخخ
وتعتقد نفسك مرتاح فليش تتبهذل واذا انت تفكر بالاطفال ومستقبلهم فانت الوحيد الي يكدر يحدد هذا
كل الي اكدر اكوله الك هو استخارة الله والخير فيما اختارة الله
واتمنالك انت والعائله كل الموفقيه والامان في اي مكان
تقبل مروري
-
أخت أنجي أني حذفت ردودي لخاطرك وخلي هذذا فاليوم يبقى ردوده بما أنوا هو يحب المشرفين
يشوفون الردود هله بي وبالمشرفين لكون المشرفين أكيد حريصين على كون منتدى منبر حر
وميصير نبقى ساكتين مدى الدهر وي نماذج تتهجم على أناس حايره بزمانها
والله يكله لصاحب الموضوع ليش منزل موضوع وخابص روحك
هذا أسلوب تنفير والي يريد يصير بوق لأمريكا خلي يصير ما بيها شي
بس شويه يحسن أسلوبه
تقبلي تحياتي أخت أنجي وأني أحتراما لشخصك الكريم حذفت ردود
والله الموفق
أبو فاروق
-
الف شكر لك اخي الغالي ابو فاروق ومهما كان ويكون كلنا هنا اخوة
-
اخي العزيز والله لو اني مكانك لو هسة راتبي مليون مو 1200 دولار الا اعوف العراق لان البلد بصراحة انتهى واذا انت هسة امامن على روحك شوية فماعندك اي ضمان ان الغد راح يكون امن بالنسبة الك او لاطفالك
يا اخي اعتبر طلعتك من العراق تضحية لاجل اطفالك قضيها شلون من جان هالشكم سنة لحد ما تاخذ الجنسية بعدين ارجع للعراق اذا الامور اتحسنت باذن الله واذا لا فانت عندك خط رجعة لمكان ينعاش بيه وتكدر تامن بيه على مستقبل جهالك
والشغلة بالاول وبالاخر تعود الك يعني انت ادرى بظروفك مثل ما كالتلك اختنا الكريمة انجي وباقي الاخوة المحترمين
اخوك الوطواط